Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Ажил үүрэг болон эн тэргүүнд тавих зүйлсийг зохицуулах: Аврагчийн жишээ бидэнд амьдралаа дэг журамтай болгоход тусалж чадна

“Ажил үүрэг болон эн тэргүүнд тавих зүйлсийг зохицуулах: Аврагчийн жишээ бидэнд амьдралаа дэг журамтай болгоход тусалж чадна,” Хуучин Гэрээний семинарын багшийн гарын авлага (2026)

Сургуульд амжилттай сурах: 194-р хичээл

Ажил үүрэг болон эн тэргүүнд тавих зүйлсийг зохицуулах

Аврагчийн жишээ бидэнд амьдралаа дэг журамтай болгоход тусалж чадна

Family Life in Brooklyn: Reading Scriptures

Та өдөр бүр хийх ёстой ажил үүргүүдээ хэр сайн зохицуулж, эрэмбэлдэг вэ? Тэнгэрлэг Эцэг, Есүс Христ хоёр бидэнд амьдралаа дэг журамтай болгож, цаг хугацаа, нөөц боломжоо илүү үр дүнтэй ашиглахад тусалж чадна. Тэнгэрлэг Эцэг, Есүс Христ хоёрыг нэгдүгээрт тавихыг хичээснээр суралцагчид хичээлээ ганцаараа хийх гэж оролдож байснаас илүү сайн хийж чадна. Энэ хичээл нь Аврагчийн жишээ суралцагчдад хичээлээ дэг журамтай болгоход туслах арга замуудаас суралцахад тусална.

Суралцагчийн бэлтгэл: Суралцагчдад энэ долоо хоногт хийх ёстой хичээлийнхээ жагсаалтыг гаргахыг санал болго. Үүнд гэрийн даалгавар, сорилго, төсөл эсвэл унших даалгавар багтаж болно (семинарыг оролцуулан).

Боломжит суралцах үйл ажиллагаа

Man's hand holding corner piece of blue jigsaw puzzle. (horiz)

Эмх замбараагүй байдлыг дэг журамтай болгох

Хичээлээ эхлүүлэхдээ, дуусгахад олон алхам шаарддаг ямар нэг зүйлийг үзүүлээрэй (жор, эвлүүлдэг зураг, эсвэл өөрөө бүтээл хийх төсөл гэх мэт). Суралцагчдаар энэ даалгаврыг ямар арга замуудаар хэрхэн гүйцэтгэж болох тухай хуваалцуул. Жишээ нь: Эвлүүлдэг зургийг эвлүүлэхийн тулд хэн нэгэн бүх хэсгийг нэг дор асгаж, эхлээд ирмэг хэсгүүдийг нь салгаж эсвэл хэсгүүдийг өнгөөр нь ангилж болно.

Гүйцэтгэх олон алхамтай төслийг зохицуулж, эрэмбэлэхэд яагаад хэцүү байдаг вэ?
Энэ нь хичээлийг зохицуулж, эрэмбэлэхтэй юугаараа төстэй вэ?

Ажил үүрэг болон эн тэргүүнд тавих зүйлсийг зохицуулж, эрэмбэлснээр ирдэг адислалууд

Тэнгэрлэг Эцэг, Есүс Христ хоёр бидний амьдрал завгүй бөгөөд маш их цаг хугацаа, анхаарал шаарддагийг мэддэг гэдгийг суралцагчдад батлан хэлэх нь тустай байж болно. Тэд бошиглогчдоороо дамжуулан, бидэнд тулгардаг олон шаардлагыг хэрхэн шийдвэрлэх талаар зөвлөгөө өгсөн.

Дараах судрын хэсгүүдийг уншаад, амьдралдаа дэг журамтай байхыг хичээхийн ач холбогдлыг олж мэдээрэй.

Дуулал 37:23–24

1 Коринт 14:40

Сургаал ба Гэрээнүүд 28:13; 132:8

Эдгээр хэсэг дэг журмын тухай бидэнд юу заадаг вэ?

Суралцагчдад хариулах боломж олгосны дараа Есүс Христ Өөрийн ажлыг зохион байгуулалттай, дэг журамтай байлгадаг гэдгийг онцолж хэлэх нь тустай байж болно. Тэрээр судруудаар дамжуулан биднийг мөн адил үйлдэхэд урьдаг (1 Коринт 14:40; Мозая 4:27).

Амьдралдаа дэг журамтай байх нь бидэнд Есүс Христийн жишээг дагахад тусалдаг гэдгийг эдгээр шүлгээс ойлгоход нь суралцагчдад туслаарай.

Та судалж байх үедээ хувийн илчлэлт эрэлхийлэхэд нь суралцагчдад туслахын тулд дараах урилгыг өгч болно.

Та сургуулийнхаа үүрэг, даалгаврыг аль хэр дэг журамтай, зохион байгуулалттай хийдэг талаараа залбирч байгаад бодож үз. Ариун Сүнсийг урьж, амьдралаа илүү дэг журамтай байлгах боломжтойгоор зохицуулах, эрэмбэлэх арга барилуудыг олж мэдэхийн тулд туслалцаа аваарай.

Бүтээлт: Дэг журмын загвар

Тэнгэр болон манай дэлхийн зургийг үзүүл. Тэнгэрлэг Эцэгийн удирдлаган доор Аврагчийн дэлхийг бүтээсэн түүх нь ажил үүрэг, эн тэргүүнд анхаарах зүйлсийг илүү сайн зохицуулах арга барилуудыг бидэнд заадаг.

Иехова (Есүс Христ) дэлхийг бүтээсний нэгэн адилаар зохицуулалт, дэг журам яагаад чухал вэ?

Дараа нь суралцагчдад зориулан дараах зааварчилгаануудыг үзүүлээрэй. Энэ үйл ажиллагаанд зориулан суралцагчдыг жижиг бүлгүүдэд хуваа.

Абрахам 4:1–25; 5:2–3-ыг унш. Судлах явцдаа дараах асуултуудыг тунгаан бод.

Ажил үүрэг, эн тэргүүнд тавих зүйлсийг зохицуулахад тустай байж болох ямар нарийн ширийн зүйлийг та нар олж мэдсэн бэ?
Бүтээлтийн үйл явцыг дэг журамтай болгохын тулд Тэнгэрлэг Эцэг, Есүс Христ хоёр юу хийсэн бэ? (Жишээ нь: Тэд эхлээд юу хийсэн бэ? Тэд томоохон ажил үүрэгт хэрхэн хандсан бэ?)
Тэдний хувьд Өөрсдийн ажлыг “сайн” байсныг мэдэрч, эргэцүүлэн бодох цаг гаргах нь яагаад чухал байсан гэж та нар бодож байна вэ? (Абрахам 4:21-ийг үзнэ үү.)

Бүтээлтийг өөрсдийн амьдралтай адилтгах

Бүтээлтийн тухай түүх хэн нэгэнд хичээлийн асуудлаа зохицуулахад нь тусалж болох арга замуудыг судлах тэмдэглэлдээ жагсааж бич.

Бид судруудыг өөрсөдтэйгөө адилтгаж байхдаа тухайн түүхийг судалж, чухал санагдсан хэсгүүдийг тодорхойлж, нөхцөл байдалтайгаа харьцуулан, үнэ цэнтэй сургамж олж авч, амьдралдаа хэрэгжүүлдэг. Суралцагчид ажил үүрэг, эн тэргүүнд тавих зүйлсийг зохицуулахад ашиглаж болох Абрахам 4–5-р бүлгүүдээс дараах дэлгэрэнгүйг үзэж болно. Хэрэв суралцагчдад нэмэлт удирдамж хэрэгтэй бол та дараах шүлэг, хэллэгүүдийг онцолж болно.

“Гэрэл бий болог” (Aбрахам 4:1–4-ийг үзнэ үү). Суралцагчид Христийн гэрлийг амьдралдаа байлгах нь чухал гэдгийг ухамсарлаж магадгүй.

“мөн энэ нь үүнчлэн, бүр тэдний тушааснаар байв” (Aбрахам 4:7). Бид ажлынхаа алхам бүрээр хамгийн чухал үүрэг даалгавруудыг тодорхойлж, өөр зүйл рүү шилжихээсээ өмнө тэдгээрийг дуусгахаар эрэмбэлж чадна.

“Газрыг өвс ургуулахад бэлтгэцгээе” (Aбрахам 4:11). Газрыг тариалалтад бэлтгэх нь илүү том ажлуудыг зохицуулж болохуйц жижиг шатуудад хуваахтай адил юм.

Тэнгэрлэг Эцэг, Есүс Христ хоёр “өөрсдийнх нь төлөвлөгөө сайн байсныг” (Aбрахам 4:21) ажигласан. Үүнтэй адил бид амьдралдаа “сайн” зүйлсийг (таны хийсэн зүйлс) анзаарч, мөн ололт амжилтаа тэмдэглэж болно.

“Бид амрах болно” (Aбрахам 5:2). Бид Хүндэтгэлийн өдрийг хөдөлмөрөөсөө амрах өдөр болгон ариулан адисалж болно.

Хичээлээ зохицуулахаар хичээх үедээ Аврагчийн жишээг илүү сайн дагахад нь таны олж мэдсэн нарийн ширийн зүйлс хэрхэн туслах вэ?

Хичээлээ зохицуулахын давуу болон сул талуудаа үнэлэхэд нь суралцагчдад туслахын тулд та дараах зааварчилгааг үзүүлж болно. Зарим суралцагч энэхүү өөрийгөө үнэлэх үнэлгээг дуусгаад, урам хугарч магадгүй. Бурханы хүүхдүүдийн хувьд Тэр биднийг хайрладаг, бидний өсөлт хөгжилд тэвчээртэй хандаж, биднийг сайжрахад туслахыг хүсдэг гэдгийг тэдэнд батлаарай.

Мэдэгдэл бүр таны одоогийн ажил үүрэг болон эн тэргүүнд тавих зүйлсийг хэр нарийн тодорхойлж байгааг залбирч дүгнэхэд цаг гарга (маш үнэн, зарим талаараа үнэн, үнэн бус).

Би хичээлийн өдрийн турш судраас тогтмол судлах, ганцаараа залбирах зэргээр Тэнгэрлэг Эцэг, Есүс Христ хоёрыг амьдралдаа эн тэргүүнд тавьдаг.
Би сургуулийнхаа даалгаврыг сайн тэмдэглэн авч, цаг тухайд нь гүйцэтгэж хураалгадаг.
Би шалгалт, том төслүүдэд урьдчилан бэлддэг.
Миний хичээлийн тэмдэглэл, үүргэвч, ном, гэрийн даалгавар нямбай, эмх цэгцтэй байдаг.
Би томоохон даалгаврууд дээр тууштай ажиллаж, аливаа зүйлийг эцсийн мөч хүртэл хойшлуулахгүй байж чадна гэж боддог.
Надад асуух зүйл байвал эсвэл нэмэлт тусламж хэрэгтэй үед би багштайгаа чөлөөтэй ярилцдаг.

Та дараагийн үйл ажиллагаандаа төвлөрөхөд бэрхшээлтэй гэж үзсэн нэг хэсгийг сонгож болно.

Ажил үүрэг, эн тэргүүнд тавих зүйлсийг зохицуулах дадлага хийх

Хичээлээ илүү эмх цэгцтэй болгож эрэмбэлэхийн тулд туршиж үзэхийг хүсэж буй нэг зүйлээ судлах тэмдэглэлдээ бичээрэй.

Та илүү их хичээл зүтгэл гаргахын тулд Тэнгэрлэг Эцэг, Есүс Христ хоёрыг хэрхэн урьж болох вэ?

Хичээлээ зохицуулж, эрэмбэлэхийг эрмэлзэж буй суралцагчдад дахин давтан оролдох хэрэгтэй байдгийг батлан хэл. Та Тэнгэрлэг Эцэг, Есүс Христ хоёр тэднийг хайрладаг, илүү сайнаар хийхэд нь тэдний хичээл зүтгэлийг нэмэгдүүлэх болно гэсэн гэрчлэлээ хуваалцаж болно.

Нэмэлт эх сурвалж

Тэнгэрлэг Эцэг, Есүс Христ хоёрыг нэгдүгээрт тавих нь яагаад чухал вэ?

Ерөнхийлөгч Рассэлл М.Нэлсон ийн хэлсэн.

Бидний хянаж чадах олон зүйл байдаг. Бид эн тэргүүнд тавих зүйлсээ тогтоож; эрч хүч, цаг зав, арга ухаанаа хэрхэн зарцуулахаа тодорхойлдог …

Ах, эгч нар аа, Их Эзэнд зориулан цаг гаргахыг би та нараас гуйж байна! Та нар Ариун Сүнстэй үргэлж хамт байлгах зүйлсийг хийснээр сүнслэг сууриа цаг хугацааны шалгуурт бат бөх байхаар тавь …

Их Эзэн та нарыг мэддэг бас хайрладаг. Тэр бол та бүхний Аврагч бөгөөд Гэтэлгэгч. Тэр Сүмээ удирдан чиглүүлдэг. Хэрэв та нар амьдралдаа өдөр бүр Түүнд зориулан цаг гаргавал Тэр та нарыг хувийн амьдралд тань удирдан чиглүүлэх болно. (“Их Эзэнд зориулан цаг гарга,” Лиахона, 2021 оны 11-р сар, 120–121)

Өөрийгөө хөгжүүлэх чадвараа сайжруулах үр дүнтэй арга юу вэ?

Тэргүүн зөвлөлийн ерөнхийлөгч Даллин Х.Өүкс ийн тайлбарлажээ.

80:11

Нэг оюутан надад тархины мэс засалчийн мэргэжлээр суралцаж байна гэж хэлсэн шиг бид маш урт хугацааны зорилго тавьснаараа алдаа гаргадаг. Би түүнд “Сайн байна. Гэхдээ чиний хамгийн эн тэргүүний зорилго биологийн хичээлийн шалгалтаа давах биш гэж үү?” гэж хэлсэн. Тэгэхээр, та алсын хараатай байж болно. Гэхдээ таныг алсын хараа руу чиглүүлэх хамгийн үр дүнтэй зорилгууд бол зорьсон газраа хүрэхэд тань туслах богино хугацааны зорилгууд гэдгийг санаарай. (“Face to Face with President and Sister Oaks [Strive to Be],” дэлхий даяарх шууд нэвтрүүлэг, 2020 оны 2-р сарын 23, Gospel Library) (цагийн код 8:46-аас 9:27 хүртэл)

Нэмэлт суралцах үйл ажиллагаа

Ажил үүрэг, даалгавраа эрэмбэлэх

Суралцагчдыг хичээл дээрх тодруулсан үнэнийг олж тогтоосны дараа, өдөр бүр хийх ёстой бүх зүйлээ хэрхэн дэс дараатай, тэнцвэртэй байлгах талаарх ойлголтыг нь нэмэгдүүлэх нь тустай байж болно. Үүний тулд жонглёрч тавгууд эргүүлж байгаа зургийг үзүүлээрэй. Жонглёрч аль тавагт анхаарлаа төвлөрүүлэхээ хэрхэн мэдэж буй талаар хуваалцахад суралцагчдыг урь. Та тэднээс бүх тавгийг нэгэн зэрэг ижил хурдаар эргүүлэх боломжтой эсэхийг асууж болно. (Ингэх боломжгүй.) Дараах ярилцлага суралцагчдад тустай байж мэднэ.

Энэхүү үзүүлэнт хичээл нь таны өдөр бүрийн хичээлд тавигддаг шаардлагатай юугаараа адилхан байж болох вэ?
Ариун Сүнс бидэнд аль тавагт анхаарлаа төвлөрүүлэхийг шийдэхэд хэрхэн тусалж чадах вэ?

Түүнчлэн та “‘Таваг’ үзүүлэнт хичээл” (2:45) видеог үзүүлж болно. Ахлагч Бэднар эн тэргүүнд тавих зүйлсээ тодорхойлоход бидэнд туслахын тулд тавгуудын жишээг ашиглажээ.

Ажил үүрэг, даалгавраа эрэмбэлэх

Суралцагчид ажил үүрэг, даалгавраа тодорхойлохдоо эдгээр ажил үүргээ хэрхэн эрэмбэлэхээ мэдэхгүй байж болно. Гэрийн даалгаврын аль нь хамгийн чухал бөгөөд эн тэргүүнд анхаарах шаардлагатайг тодорхойлох арга замуудыг суралцагчдаар жагсааж бичүүлэхийг бод. Дараах хүснэгтийг ажил үүргийн эрэмбийг тодорхойлоход суралцагчдад туслахад ашиглаж болно.

Сургуулийн даалгаврууд

Яаралтай (эцсийн хугацааг тогтоосон)

Яаралтай биш (дуусгах ёстой тогтсон хугацаа байхгүй)

Сургуулийн даалгаврууд

Чухал

Яаралтай (эцсийн хугацааг тогтоосон)

Дараа нь хураалгах ёстой даалгаврууд

Дуусгах эцсийн хугацаа бүхий томоохон төслүүд

Яаралтай биш (дуусгах ёстой тогтсон хугацаа байхгүй)

Хувийн төслүүд

Сургуулийн даалгаврууд

Тийм ч чухал биш

Яаралтай (эцсийн хугацааг тогтоосон)

Мессеж, э-мэйл, утсаар ярих, хурал цуглаан

Хичээлээс гадуурх төлөвлөсөн үйл ажиллагаанууд

Яаралтай биш (дуусгах ёстой тогтсон хугацаа байхгүй)

Сошиал медиа

Видео тоглоом

Их Эзэнийг нэгдүгээрт тавих

Суралцагчдыг Тэнгэрлэг Эцэг, Есүс Христ хоёрыг амьдралдаа нэгдүгээрт тавих арга замуудын талаар ярилцаж байх зуур та “The Soul’s Sincere Desire” (3:28) видеог үзүүлж болно. Та видеог цагийн код 2:03 дээр түр зогсоож, энэ залуу эмэгтэйн мэдэрсэнтэй адил зүйлийг мэдэрч байсан эсэхийг нь суралцагчдаас асууж болно. Дараа нь суралцагчид Тэнгэрлэг Эцэг, Есүс Христ хоёрыг эн тэргүүнд тавихын тулд юу хийхээ хуваалцаж болно.

Дараа нь та видеог дуусгаад, энэ залуу эмэгтэй Тэнгэрлэг Эцэг, Есүс Христ хоёрыг эн тэргүүнд тавихын тулд юу хийж байгааг, энэ нь түүний амьдралд хэрхэн нөлөөлж байгааг олж мэдэхэд суралцагчдыг урь. Суралцагчид Тэнгэрлэг Эцэг, Есүс Христ хоёрыг эн тэргүүнд тавих хичээл зүтгэлийнхээ үр дүнд юуг олж авч болох талаараа тунгаан бодож болно.

3:29

Их Эзэний өргөө бол дэг журмын өргөө

Бүтээлтийн дэг журам, зохицуулалтын загварыг дагах хэрэгтэй талаар ярилцсаныхаа дараа та “Wisdom and Order” (3:19) видеог үзүүлж болно. Суралцагчид хичээлээ зохицуулах талаар суралцах нь тэднийг одоо болон ирээдүйд хэрхэн адислах талаар тунгаан бодож болно. “Time Management Tips for BYU Students” (3:30) видеонд заасан, сургууль дээрх зохион байгуулалтын ур чадварууд суралцагчдад тустай байж магадгүй.

3:18