Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Сурах үүрэг хариуцлагаа ухамсарлах: Шалтаг хэлэхээс зайлсхийж, сурч боловсрохын төлөө үйлдэх нь

“Сурах үүрэг хариуцлагаа ухамсарлах: Шалтаг хэлэхээс зайлсхийж, сурч боловсрохын төлөө үйлдэх нь,” Хуучин Гэрээний семинарын багшийн гарын авлага (2026)

“Сурах үүрэг хариуцлагаа ухамсарлах: Шалтаг хэлэхээс зайлсхийж, сурч боловсрохын төлөө үйлдэх нь,” Хуучин Гэрээний семинарын багшийн гарын авлага

Сургуульд амжилттай сурах: 193-р хичээл

Сурах үүрэг хариуцлагаа ухамсарлах

Шалтаг хэлэхээс зайлсхийж, сурч боловсрохын төлөө үйлдэх нь

Хичээл хэцүү болох үед бид заримдаа шалтаг гаргаж, үйлдэхээс зайлсхийдэг. Бид Аврагчийн үлгэр жишээг дагаж, сурах үүрэг хариуцлагыг хүлээн авснаар Түүн шиг мэргэн ухаанаар өсөх болно (Лук 2:52-ыг үзнэ үү). Энэ хичээл нь суралцагчдад сурах үүрэг хариуцлагаа ухамсарлахад туслах үйлдлүүдийг тодорхойлоход тусална.

Суралцагчийн бэлтгэл: Суралцагчдад дараах асуултуудыг ашиглан сурч боловсроход гаргаж буй хүчин чармайлтаа бодохыг санал болго.

Сайн хийдэг ямар зүйлс маань сургууль дээр надад тус болдог вэ?
Би суралцахад саад болж болзошгүй шалтгийг хэр олон удаа гаргадаг вэ?

Боломжит суралцах үйл ажиллагаа

Бидний сурах үүрэг хариуцлага

Суралцагчдаар өсвөр насны хүүхдийн тухай мөн тэдний хичээлтэй холбоотой буруу шийдвэрийн тухай жишээ зохиолгуул. Жишээ нь: Өсвөр насны хүүхэд шалгалтдаа бэлдээгүй, хичээлдээ хоцорч ирсэн, чухал даалгавраа хийгээгүй, зохион бичлэг бичээгүй гэх мэт. Та нэг суралцагчаар самбар дээр хүний дүрс зуруул мөн тухайн өсвөр насны хүүхдэд нэр өгч, гаргасан буруу шийдвэрийг нь зургийн доор бичиж болно.

Дараа нь зурсан хүний дүрсний дээд талд Шалтаг гэж бичиж болно. Самбар дээрх хүний дүрсний эргэн тойронд дараах асуултуудад суралцагчдаар хариулж бичүүлүүлэхийг бод.

Өсвөр насны хүүхэд ийм буруу шийдвэр гаргахдаа ямар шалтгуудыг тоочдог байж болох вэ?
Яагаад бид заримдаа иймэрхүү сонголтууд хийхдээ шалтаг тоочдог гэж та нар бодож байна?

Ерөнхийлөгч Рассэлл М.Нэлсон, Арван хоёр төлөөлөгчийн чуулгын ахлагч Д.Тодд Кристоффэрсон нар сургууль дээрээ буруу сонголт хийхээр уруу татагдах үедээ чухал үнэнийг санаж байх хэрэгтэй гэж заасан.

Боловсрол бол таны олж эзэмших зүйл юм. Хэн ч таны өмнөөс үүнийг эзэмшиж чадахгүй. Та нар хаана ч байлаа гэсэн суралцах маш их хүсэлтэй бай. Хожмын үеийн гэгээнтэн бидний хувьд боловсрол олж авах нь зөвхөн онцгой эрх биш юм. Энэ бол шашны үүрэг хариуцлага. (“Will You Choose to Increase in Learning?,” New Era, 2014 оны 9-р сар, 2)

Материаллаг, сүнслэг асуудлуудын аль алиных нь хувьд өөрсдийнхөө төлөө хариуцлагатай байх боломж нь Бурханы бидэнд өгсөн бэлэг бөгөөд үүнгүйгээр бид Бурханы охид, хөвгүүдийн хувьд өөрсдийнхөө бүрэн чадавхад хүрч чадахгүй юм. (“Үүрд чөлөөт байж, өөрсдийнхөө төлөө үйлд,” 2014 оны 10-р сарын Ерөнхий чуулган, 17–20)

Эдгээр мэдэгдлээс юу нь та нарт онцгой санагдаж байна вэ?
Суралцах явцдаа хувийн үүрэг хариуцлага хүлээх нь яагаад чухал вэ?

Дараах үнэнийг самбар дээрх зургийн хажууд бичиж, суралцагчдад ойлгоход нь туслаарай. Суралцах явцдаа хувийн үүрэг хариуцлага хүлээх нь бидэнд Бурханы охид, хөвгүүдийн хувьд өөрсдийн бүрэн чадавхыг ойлгоход тусалдаг.
Өсвөр насны хүүхдийн суралцахад хариуцлагатай байхын тулд хийж болох тодорхой зүйлс юу вэ?
Суралцахдаа хувийн үүрэг хариуцлага хүлээх нь Аврагчтай илүү адил болоход бидэнд хэрхэн туслах вэ?

Суралцагчдыг дээрх асуултуудад хариулах зуур та Есүс Христийн тохинуулал болон номлолдоо үүрэг хариуцлага хүлээх үедээ харуулсан зан чанаруудыг (хичээл зүтгэл, даруу байдал, хайр гэх мэт) тэднээр хуваалцуулж болох юм.

Христийн зан чанаруудыг хөгжүүлэх нь шалтаг тоочихгүй байж, суралцахад хариуцлагатай хандахад тань хэрхэн тусалж болох талаар бодоход цаг гарга. Өөртөө хөгжүүлж болох зан чанаруудыг эсвэл хичээлдээ хариуцлагатай хандахын тулд хийж болох үйлдлүүдийг тодорхойлоход туслах Ариун Сүнсний өдөөлтүүдийг олж сонсоорой.

Үүрэг хариуцлага хэрхэн хүлээх талаарх судрын жишээ

Суралцах үүрэг хариуцлагаа ухамсарлахын тулд шалтаг тоочихгүй байх

Суралцагчдад амьдралынхаа талаар бодож, шалтаг тоочихгүй байхад бэлтгэхэд нь туслахын тулд дараах үйл ажиллагааг ангиараа гүйцэтгэх нь тустай байж болно.

Хичээлийн эхний хэсэгт гарсан өсвөр насны хүүхдийн тухай бод. Суралцах үйл явцаа ухамсарлах тухай судрууд болон хувийн туршлагаасаа сурсан зүйлээ эргэцүүлэн бод. Самбар дээрх шалтгуудыг авч үзэн, суралцах үүрэг хариуцлагыг хүлээн авахад бэлэн байгаагаа харуулсан Христийнхтэй адил зан чанар, үйлдлүүдийг санал болгох замаар энэхүү өсвөр насны хүүхдэд туслаарай.

Эхлэхийнх нь өмнө суралцагчдад нэг жишээ өгөх нь тустай байж мэднэ. Хоцорч ирэх нэг шалтаг нь “ээж намайг цагтаа сэрээсэнгүй” гэх шалтаг байж магад. Суралцагчид “Би Аврагчтай адил үүрэг хариуцлага хүлээж, хичээлдээ цагтаа очихын тулд сэрүүлэг тавина” гэсэн санал гаргаж болох юм. Та шалтаг бүрийн хажууд суралцагчдын санал зөвлөмжийг бичиж болно.

Сурах үүрэг хариуцлагаа ухамсарлахаар хичээл зүтгэл гаргахад Аврагч бидэнд хэрхэн тусалж чадах вэ?

Суралцах явцдаа хувийн үүрэг хариуцлага хүлээхийн тулд амьдралдаа хийсэн зүйлээ сайн дураараа хуваалцахыг хүссэн суралцагчдыг хуваалцахад уриарай. Тэднийг хуваалцаж байх зуур хичээл зүтгэл гаргасных нь төлөө магтан сайшаа.

Суралцах үүрэг хариуцлага

Суралцагчдаар тараах материалын сүүлийн хэсгийг гүйцээж бичүүл. Сурах үүрэг хариуцлагаа ухамсарлахдаа Их Эзэний тусламжийг эрэлхийлэх үед нь та тэдэнтэй дараах зүйлийг хуваалцаж болно.

Таныг хэрхэн сайжрах талаараа Тэнгэрлэг Эцэгээс илчлэлт эрэлхийлэх үед Ариун Сүнс танд шаардлагатай өөрчлөлтүүдийг сануулж өгнө. Бид энэ бүхнийг ганцаараа хийх шаардлагагүй ба Аврагчийн тусламжийг эрэлхийлэх боломжтой (Исаиа 41:10-ыг үзнэ үү).

Юу хийхээр өдөөгдсөн болохоо сайн дураараа хуваалцах хүсэлтэй суралцагчдыг урьж хуваалцуул. Та амьдралдаа сурах үүрэг хариуцлагаа ухамсарласан нэг жишээгээ хуваалцаж болох юм. Суралцагчдад өнөөдөр хийх ёстой гэж мэдэрсэн зүйлээ эргэн санахад нь туслахын тулд тараах материалыг гэртээ авч харихад урамшуул.

Нэмэлт эх сурвалж

Яагаад хувийн үүрэг хариуцлага хүлээх нь чухал вэ?

Арван хоёр төлөөлөгчийн чуулгын ахлагч Дэвид А.Бэднар ийн заасан.

Сурах ёстой зүйлдээ суралцан, амьдрах ёстойгоороо амьдарч, Багшийнхаа хүссэн тийм хүмүүс болох нь бидний хувийн үүрэг хариуцлага юм. (“Хэрэгтэй юм болгоныг олж авахад бэлтгэгдсэн байх нь,” 2019 оны 4-р сарын Ерөнхий чуулган, 123–127)

Тэргүүн зөвлөлийн ерөнхийлөгч Жэймс Э.Фауст (1920–2007) ийн заасан.

Өнөөдөр манай нийгэмд бүтэлгүйтэлдээ бусдыг буруутгадаг маш олон хүн байгааг би харж байна. Өөрийн хийсэн үйлдэлд хүлээх хувийн хариуцлагаа хүлээн зөвшөөрдөг хүмүүс өөрсдийн алдаа дутагдалд болон амжилт ололт дутмаг байгаад өөр хэн нэгнийг буруутгадаг хүмүүсээс илүү амжилттай байдаг гэдгийг би ажигласан. (“Your Light—a Standard to All Nations,” Liahona, 2006 оны 5-р сар, 112–113)

Далын ахлагч Линн Г.Роббинс ийн заажээ.

100 хувь хариуцлагатай байх гэдэг нь амьдралаа хяналтдаа байлгаж чадаж байгаа хүн гэж өөрийгөө хүлээн зөвшөөрнө гэсэн үг. Хэрэв бусад хүн буруутай, цаашид ахиц дэвшил гаргахаас өмнө өөрчлөгдөх шаардлагатай бол та тэдний эрхшээлд байгаа төдийгүй тэд таны амьдрал дахь эерэг үр дүнг эсвэл хүссэн үр дүнг хянаж байна гэсэн үг. Эрх, үүрэг хариуцлага хоёр хоорондоо салшгүй холбоотой. Та эрхээ багасгахгүйгээр хариуцлагаас зайлсхийх боломжгүй. (“speeches.byu.edu Be 100 Percent Responsible” [Бригам Янгийн Их Сургуулийн онцгой цугларалт, 2017 оны 8-р сарын 22], 11, )

Нэмэлт суралцах үйл ажиллагаа

Саул, Нехемиа хоёр

Судраас суралцахад суралцагчдад туслах нэг арга зам бол судрын хоёр түүхийг харьцуулах юм. Суралцагчдыг тараах материал дээрх судруудыг судлахаас өмнө хичээл дээр дараах үйл ажиллагааг ашиглаж болно. Та суралцагчдыг жижиг бүлгүүдэд хуваагаад, хамтрагч тус бүрд дараах судрын эшлэлүүдээс нэг нэгийг оноож өг. Үүнд:

1 Самуел 15:1–3, 9, 13–14, 20–21

Нехемиа 6:1–4, 15–16

Судрын шүлгүүдийг судлан, тухайн хүн хэрхэн хувьдаа үүрэг хариуцлага хүлээснийг (Нехемиа) эсвэл өөрийн үйлдлийг хэрхэн зөвтгөж (Саул) шалтаг хайж байсныг олж мэдэхэд суралцагчдыг урь. Суралцагчдын бодол санаагаа цэгцлэх нэг арга зам бол дараах тараах материалыг ашиглах юм.

Суралцагчид зүүн тойрогт Саул, баруун тойрогт Нехемиа гэсэн нэр хаяг өгч болно. Тэд тойрог тус бүр дэх ялгааг болон ижил төстэй зүйлсийг жагсаан бичиж болно.

Сурах үүрэг хариуцлага

Сурах үүрэг хариуцлагаа ухамсарлахад туслах үйлдэл, хандлагын талаар эргэцүүлэн бодоход нь суралцагчдад туслахын тулд дараах хүснэгтийн заримыг эсвэл бүгдийг нь үзүүлж болно.

Шалтаг тоочих	Үүрэг хариуцлага хүлээх
Би яаж хийхийг нь ойлгохгүй байгаа учраас даалгавраа хураалгаагүй.	Би яаж хийх талаар мэддэг бүхнээ хийсэн. Би ойлгохгүй байгаа зүйлс дээрээ тусламж хүснэ.
Би найзуудтайгаа цагийг өнгөрөөж байсан учраас шалгалтад бэлдээгүй.	Би найзуудтайгаа цагийг өнгөрөөхөөс өмнө суралцахыг сонгоно.
Ээж намайг сэрээхээ мартсан тул би хичээлээсээ хоцорсон.	Би хичээлдээ цагтаа очихын тулд сэрүүлэг тавьж болно.

Та хүснэгтэд нэмэлт жишээ бичихийг мөн үүрэг хариуцлага хүлээх замаар эдгээр шалтгийг хэрхэн залруулж болох талаар хоорондоо ярилцахыг суралцагчдад санал болгож болно. Суралцагчид тэдэнд илүү хариуцлагатай байх төлөвлөгөө гаргахад нь туслах дараах өдөөлтүүдийг судлах тэмдэглэлдээ гүйцээж бичиж болно.

Хичээл хийх үүрэг хариуцлагаасаа зайлсхийхийн тулд миний ашигладаг нэг шалтаг бол .

Миний хийхээр оролдож болох илүү хариуцлагатай үйлдэл бол .

100 хувь хариуцлагатай байх

Суралцагчдыг боловсролтой холбоотой жишээнүүд, өсвөр насныхны гаргаж болох шалтаг эсвэл үйлдлүүдийн талаар бодохоос өмнө та “Богинохон сүнслэг нөлөө: 100 хувь хариуцлагатай байх” (3:22) видеог үзүүлж болно. Энэ видеон дээр Далын ахлагч Линн Г.Роббинс агуулахын хоёр ажилчин хэрхэн шалтаг тоочихгүй байж, ажилдаа хариуцлагатай ханддаг болсон тухай түүхийг хуваалцсан. Суралцагчид видеог үзсэнийхээ дараа, шалтаг гаргахад хялбар байж болох боловсролтой холбоотой нөхцөл байдлуудыг тодорхойлж болно. Дараа нь тэд эдгээр шалтгийг ялан дийлж болох үйлдлүүдийг тодорхойлж болно.