Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Их Эзэнийг суралцахуйдаа оролцуулах: Их Эзэн таны хичээл зүтгэлийг нэмэгдүүлж, хүчирхэгжүүлнэ

“Их Эзэнийг суралцахуйдаа оролцуулах: Их Эзэн таны хичээл зүтгэлийг нэмэгдүүлж, хүчирхэгжүүлнэ,” Хуучин Гэрээний семинарын багшийн гарын авлага (2026)

“Их Эзэнийг суралцахуйдаа оролцуулах: Их Эзэн таны хичээл зүтгэлийг нэмэгдүүлж, хүчирхэгжүүлнэ,” Хуучин Гэрээний семинарын багшийн гарын авлага

Сургуульд амжилттай сурах: 192-р хичээл

Их Эзэнийг суралцахуйдаа оролцуулах

Их Эзэн таны хичээл зүтгэлийг нэмэгдүүлж, хүчирхэгжүүлнэ

Бид сургуульд сурч байхдаа үнэний тухай мэдлэг, ойлголтоо нэмэгдүүлэхээр ажиллах явцад саад бэрхшээлтэй тулгарах болно. Эдгээр бэрхшээлийг бид ганцаараа даван туулах шаардлагагүй. Тэнгэрлэг Эцэг, Есүс Христ хоёр бидний төлөө мөн бидний өсөлт хөгжлийн төлөө санаа тавьдаг бөгөөд сургууль дээр гаргаж буй хичээл зүтгэлд маань туслахыг хүсдэг. Энэ хичээл нь суралцахуйдаа Их Эзэнийг оролцуулахад суралцагчдад тусална.

Суралцагчийн бэлтгэл: Суралцагчдад Их Эзэн тэдэнд эсвэл тэдний таньдаг хэн нэгэнд сургууль дээрээ хэрхэн тусалж байсныг харсан талаараа тунгаан бодохыг санал болго. Тэд энэ туршлагаа ангийнхантай хуваалцахаар бэлдэж болно.

Боломжит суралцах үйл ажиллагаа

Сургууль дээрх сорилт бэрхшээл

Самбарын өмнө гарч ирж бусдын тусламж шаардлагатай даалгаврыг гүйцэтгэхэд нэг суралцагчийг урьснаар хичээлийг эхлүүлээрэй. Жишээ нь: Тухайн суралцагчийн нүдийг боогоод, чихэр эсвэл шүрнүүдийг өнгөөр ялгуул. Хэрэв эхлээд суралцагч чадахгүй байвал та “Ангид байгаа хүмүүс танд хэрхэн туслах боломжтой вэ?” гэж асуугаарай.

Энэ хичээл сургууль дээрээ гаргадаг бидний хичээл зүтгэлтэй хэрхэн холбогдож болох вэ?
Өсвөр насныхны хувьд сургууль дээрх эсвэл суралцахтай холбоотой ямар нөхцөл байдлууд хэцүү байдаг вэ?

Суралцагчид сургууль дээрээ тодорхой нэг хичээлээ ойлгохгүй байх, суралцахад бэрхшээлтэй байх, цагаа зохицуулахад хэцүү байх зэрэг хариултуудыг өгч болно. Та эдгээр хариултыг самбар дээр жагсаан бичиж болох юм. Суралцагчдыг суралцахад тулгарч байгаа бэрхшээлүүдийг бичихэд урамшуул. Энэ жагсаалтыг хичээлийн туршид дурдах нь тустай байх болно.

Их Эзэн бидний зөв шударга хичээл зүтгэлийг адисалдаг

Далын ахлагч Кларк Г.Гилбертийн хэлсэн дараах мэдэгдлийг уншиж, сургууль дээрээ хичээл зүтгэл гарган суралцахад саад бэрхшээл тулгарсан үед бид хаанаас тусламж хүсэж болохыг олж мэдээрэй.

Боловсрол эзэмших хэцүү бөгөөд золиос шаарддаг гэдгийг би мэднэ. Би та нарыг хэчнээн их шаргуу ажиллаж байгааг мөн даалгавраа хийж дуусгах, шинэ зүйл сурч мэдэх, амьдралдаа шаардлагатай бусад үүрэг даалгавраа биелүүлэхийн тулд хүнд хэцүү олон өдөртэй золгож байгааг мэднэ. Хичээсээр байгтун. Үргэлжлүүлэн тэвчээртэй бай. Мөн тэвчээрээс ач ивээлд хандахад бэлэн бай. Их Эзэнийг оролцуул. Түүнээс тусламж хүсэн залбир. Тэрээр хичээл зүтгэлийг тань ерөөх болно. Бид та нарт хэчнээн их хайртайг мэдэж ав. Хамгийн чухал нь Их Эзэн танд хэчнээн их хайртай гэдгийг, мөн суралцах, өсөж хөгжих, Түүнтэй илүү адил болох зөв шударга хичээл зүтгэлийг тань Тэрээр хүчирхэгжүүлэх болно гэдгийг мэдэж ав. (“From Grit to Grace” [BYU-Pathway дэлхий даяарх онцгой цугларалт, 2018 оны 9-р сарын 25], 2, byupathway.edu)

Ямар зүйл өсвөр насны хүүхдүүдийг суралцахад урамшуулж, найдвар төрүүлдгийг та олж мэдсэн бэ?

Суралцагчдыг хуваалцаж байх хооронд, бид Их Эзэнийг суралцахуйдаа оролцуулснаар Тэр хичээл зүтгэлийг маань нэмэгдүүлж, хүчирхэгжүүлнэ гэсэн зарчмыг тодорхойлоход тэдэнд тусал.
Их Эзэнийг суралцахуйдаа оролцуулах үед Тэр бидний хичээл зүтгэлийг хэрхэн адисалж, нэмэгдүүлж эсвэл хүчирхэгжүүлж болох вэ?

Суралцагчид Их Эзэн тэдэнд суралцсан зүйлсээ эргэж санах, багш нарт болон ангийнхандаа тэвчээртэй хандах эсвэл шалгалтын үеэр тайван байхад хэрхэн тусалж болох талаар дурдаж болно. Та Их Эзэн биднийг амар амгалангаар дүүргэж, үнэнийг мэдэхэд тусалж, оюун санааг маань гэгээрүүлдэг Ариун Сүнсээр дамжуулан суралцахад байнга тусалдаг гэдгийг тайлбарлаарай (Ром 15:13; Moронай 10:5; Сургаал ба Гэрээнүүд 6:15-ыг үзнэ үү).

Их Эзэнийг суралцахуйдаа хэрхэн оролцуулах

Суралцагчдыг тараах материал дээр ажиллаж дууссаны дараа тэднээс ярилцсан зүйлээ хуваалцах хэн нэгнийг бүлэг дотроос нь сонгож хуваалцуул.

Сурч мэдсэн зүйлдээ үндэслэн бид суралцахуйдаа Их Эзэнийг оролцуулахын тулд ямар тодорхой зүйлс хийж болох вэ?

Хэрэв суралцагчдад нэмэлт удирдамж хэрэгтэй бол та суралцахуйдаа Их Эзэнийг оролцуулах арга замууд болгож дараах зүйлсийн заримыг эсвэл бүгдийг хуваалцаж болно.

Бага багаар эсвэл байнга сайжирч буйгаа ажиглаж, талархалтай бай (2 Нифай 28:30).
Залбирч байхдаа, Тэнгэрлэг Эцэгээс гараа өргөх, юм асуух, нэмэлт тусламж авах зэрэг тодорхой адислалуудыг гуй (Ифер 2:18–23).
Сул дорой байдлаа хүлээн зөвшөөрч, Их Эзэнийг эдгээр зүйлд тань тусална гэдэгт итгэх итгэлээ хэрэгжүүл (Moсе 6:31–34; Мосе 7:13).
Өдөр бүр хичээлийнхээ тэмдэглэлийг судалж, чухал шалгалт өгөх эсвэл даалгавар гүйцэтгэхийн өмнө санваарын адислал авахыг хүс (Сургаал ба Гэрээнүүд 88:118).

Их Эзэнийг суралцахуйдаа оролцуулснаар Тэр тэднийг эсвэл тэдний таньдаг хэн нэгнийг хэрхэн өсгөж, хүчирхэгжүүлсэн туршлагаас нь суралцагчдыг хуваалцуул.

Их Эзэнийг суралцахуйдаа оролцуулах

Суралцагчдад суралцахуйдаа Их Эзэнийг оролцуулах төлөвлөгөө гаргах цаг гаргаж өг. Та дараах зааварчилгааг харуулж болох бөгөөд суралцагчдыг судлах тэмдэглэлдээ өөрсдийн төлөвлөгөөг бичихэд урамшуул.

Яг одоо суралцахад тулгарч буй сорилт бэрхшээлүүдээ бод. Судлах тэмдэглэлдээ дараахыг хийж дуусга.

Та Тэнгэрлэг Эцэг, Есүс Христ хоёрыг хичээлийнхээ юунд оролцуулахыг хүсэж байна вэ? Юу хийхээ тодорхой хэл.

Та хуваалцахыг хүссэн суралцагчдаас юу хийхээр сүнслэгээр нөлөөлөгдсөнийг нь асууж болох юм. Та Тэнгэрлэг Эцэг, Есүс Христ хоёрын талаарх гэрчлэлээ болон Тэднийг суралцахуйдаа оролцуулахад Тэд биднийг хэрхэн адислах талаар хуваалц.

Нэмэлт эх сурвалж

Хэрэв надад суралцахад бэрхшээл тулгарвал яах вэ?

Тэргүүн зөвлөлийн ерөнхийлөгч асан Дийтр Ф.Угдорф ийн заасан.

19:13

Хэдийгээр бидэнд сул талууд байдаг ч бид тэдгээрийг даван туулж чадна. Хэрэв бид өөрсдийгөө даруусган, итгэлтэй байж чадвал Бурханы ач ивээлээр сул дорой талууд маань үнэхээр хүчирхэгжих юм.

Амьдралын маань туршид Бурханы ач ивээл бидний чадварыг өсгөж, амьдралыг маань баяжуулах материаллаг, сүнслэг бэлгүүдийг өгдөг. Түүний ач ивээл биднийг цэвэршүүлдэг. Түүний ач ивээл бидэнд хамгийн сайнаараа байхад тусалдаг. (“Ач ивээлийн бэлэг,” 2015 оны 4-р сарын Ерөнхий чуулган, 96)

Ерөнхийлөгч Хэнри Б.Айринг ийн заасан.

Их Эзэн та нарын хийх ёстой зүйлийг төдийгүй уг зүйлийг хийхийн тулд та нарын юу мэдэх хэрэгтэйг мэднэ. Тэрээр нигүүлсэнгүй бөгөөд бүхнийг мэддэг. Иймээс номлолд үйлчлэхэд бэлтгэн суралцах боломжуудыг тань Тэр бэлдэж өгсөн гэдгийг та итгэлтэйгээр хүсэн хүлээж болно. Эдгээр боломжийг та миний мэдэж чадаагүй төгс байдлаар танин мэдэх аргагүй. Гэвч та сүнсний зүйлүүдийг амьдралдаа нэгдүгээрт тавих юм бол тодорхой эрдэм мэдлэг рүү чиглүүлэгдэж буйгаа мэдрэх адислалыг хүлээн авч, улам шаргуу ажиллах хүсэл эрмэлзэлтэй болно. Та дараа нь бусдад үйлчлэх хүч тань нэмэгдсэнийг ойлгож, талархах болно. (“Education for Real Life,” Ensign, 2002 оны 10-р сар, 18–19)

Яагаад би суралцахуйдаа Бурханаас тусламж авахаар хандах ёстой вэ?

Арван хоёр төлөөлөгчийн чуулгын ахлагч Роналд А.Расбанд ийн хэлсэн.

Бидний хүн нэг бүр Их Эзэнд эрхэм нандин бөгөөд Тэр бид бүгдийг хайрладаг. Тэр бид бүгдийг өөрсдөд маань л тохирох онцгой аргаар халамжилж, бидэнд шивнэж, биднийг харж ханддаг. Тэр мөнх бус эмэгтэй, эрэгтэйчүүдээс хавьгүй илүү ухаантай, илүү хүч чадалтай. Тэр бидэнд тулгарсан бэрхшээл, бидний ялалт болон зүрх сэтгэлийн маань чин хүслийг мэддэг. (“Тэнгэрлэг төлөвлөгөөний дагуу,” 2017 оны 10-р сарын Ерөнхий чуулган, 48)

Ерөнхийлөгч Рассэлл М.Нэлсон ийн заасан.

Хайрт ах, эгч нар аа, Бурхан бүх үнэний эх сурвалж мөн. Шинжлэх ухааны лабораторид судалсан байна уу, Бурханаас шууд илчлэлтээр хүлээн авсан байна уу, Түүний хүүхдүүддээ илэрхийлдэг бүх үнэнийг Есүс Христийн Хожмын Үеийн Гэгээнтнүүдийн Сүм хүлээн зөвшөөрдөг. (“Юу үнэн бэ?” Лиахона, 2022 оны 11-р сар, 29–30)

Нэмэлт суралцах үйл ажиллагаа

Эхлүүлэх өөр хувилбар

Та хичээлийн эхэнд нэг суралцагчийг даалгавар гүйцэтгүүлэхээр урихын оронд цөл болон цэцэрлэгийн зураг гэх мэт дараах хоёр зургийг үзүүлж болно. Та суралцагчдаас цөлийг цэцэрлэгтэй харьцуулахад юу санаанд орж ирдэг талаар хуваалцахыг хүсэж болох юм.

Дуулал 63:1, Исаиа 58:11-ийг уншаад, эдгээр шүлэг Их Эзэний тухай юу зааж байгааг олж мэд.

Эдгээр зураг таны Их Эзэний талаар олж мэдсэн зүйлтэй хэрхэн холбогдож байна вэ?
Ус яагаад Их Эзэнтэй холбоотой хүчирхэг зүйрлэл болдог вэ?

Их Эзэн бидний бодгалийг хэрхэн сүнслэгээр тэжээж, өсөж хөгжих боломжийг олгодог талаар олж мэдэхэд суралцагчдад тусал. Та суралцагчдад Их Эзэн суралцах хичээл зүтгэлийг нь хэрхэн сүнслэгээр тэжээн тэтгэдэг талаар бодож үзэхийг санал болго. Та дараа нь ахлагч Кларк Г.Гилбертийн боловсролын тухай хэлсэн үг рүү шилжиж болно.

Их Эзэнийг оролцуулах талаарх судрын жишээ

Хэн нэгэн Их Эзэнийг оролцуулсан байж болох судрын жишээг судлах нь суралцагчдад ашиг тустай байж мэднэ. Ахлагч Кларкийн хэлсэн үнэний талаарх суралцагчдын ойлголтыг гүнзгийрүүлэхийн тулд дараах үйл ажиллагааг ашиглахыг бод.

Та Вавилоны хаан Небухаднезар сэтгэлийг нь түгшээсэн зүүд зүүдэлснийг суралцагчдад тайлбарлаж болно. Тэр хаант улсынхаа мэргэд, түүний дотор Даниелд зүүднийхээ утгыг тайлахыг тушаав. Хэрэв тэд чадахгүй бол тэднийг хөнөөх болно гэж хаан хэлжээ. Даниел хаанаас жаахан илүү хугацаа гуйж, зүүдийг нь тайлж өгнө гэж амласан (Даниел 2:1–16-г үзнэ үү).

Суралцагчдаас Даниел 2:17–23-ыг уншихыг хүсээд, Их Эзэн хэрхэн бидний суралцах, боловсрол эзэмших үйл явцын нэг хэсэг болж чадахыг ойлгоход туслах юуг Даниелаас сурч болохыг олж мэдэхэд тэднийг урь. Та дараах асуултуудаас нэг эсвэл хэд хэдийг нь тавьж болно.

Даниел энэ туршлагаас Бурханы талаар юуг олж мэдсэн гэж та бодож байна вэ?
Даниэлын үлгэр жишээ хичээлээ хийхдээ бэрхшээлтэй тулгардаг өсвөр насны хүүхдэд хэрхэн урам зориг эсвэл найдвар өгч чадна гэж та бодож байна вэ?
Даниелд тохиолдсон явдал ахлагч Гилбертийн заасан үнэнийг хэрхэн тусган харуулдаг вэ?

Хожмын үеийн бошиглогчоос авсан Их Эзэнийг оролцуулсан жишээ

Ахлагч Гилбертийн заасан үнэний орчин үеийн жишээг олж харахад нь суралцагчдад туслахын тулд ерөнхийлөгч Рассэлл М.Нэлсоны амьдралаас дараах жишээг үзүүлж болно (цагийн код 4:15-аас 8:38 хүртэл) (Рассэлл М.Нэлсон, “Sweet Power of Prayer,” Liahona, 2003 оны 5-р сар, 7–8).

16:47

Та дараа нь дараахтай адил асуултуудыг тавьж болно.

Ерөнхийлөгч Нэлсон урьд өмнө байгаагүй энэ журмыг хэрэгжүүлэхийн тулд Их Эзэнийг суралцах хүчин чармайлтдаа хэрхэн оролцуулсан бэ?
Их Эзэн ерөнхийлөгч Нэлсоны хичээл зүтгэлийг хэрхэн нэмэгдүүлж, хүчирхэгжүүлсэн бэ?

Бидний нөхцөл байдал ерөнхийлөгч Нэлсоныхоос өөр ч Их Эзэн бидний сургууль, ажил, гэр орондоо суралцахад санаа тавьдаг гэдгийг та батлан хэлээрэй. Хэдийгээр Их Эзэн бидний оюун ухаанд ямар нэг хариулт өгөхгүй байж болох ч Түүнийг суралцахуйдаа оролцуулах үед Тэр бидний хичээл зүтгэлийг өөр олон арга замаар нэмэгдүүлж, хүчирхэгжүүлнэ.