Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Mandray andraikitra amin’ny fianaranao: Misoroka ireo fanamarinan-tena ary miasa ho an’ny fianaranao

“Mandray andraikitra amin’ny fianaranao: Misoroka ireo fanamarinan-tena ary miasa ho an’ny fianaranao,” Testamenta Taloha: Boky torolalana ho an’ny mpampianatra seminera (2026)

“Mandray andraikitra amin’ny fianaranao: Misoroka ireo fanamarinan-tena ary miasa ho an’ny fianaranao,” Testamenta Taloha: Boky torolalana ho an’ny mpampianatra seminera

Mahomby any an-tsekoly: Lesona 193

Mandray andraikitra amin’ny fianaranao

Misoroka ireo fanamarinan-tena ary miasa ho an’ny fianaranao

Rehefa lasa sarotra ny fianarana dia manamarin-tena isika indraindray ary mialangalana amin’ny fanaovana asa. Rehefa manaraka ny ohatra nasehon’ny Mpamonjy isika sy mandray andraikitra amin’ny fianarantsika dia hitombo fahendrena tahaka Azy (jereo ny Lioka 2:52). Ity lesona ity dia afaka manampy ny mpianatra hamantatra ireo zavatra atao izay afaka manampy azy ireo handray andraikitra amin’ny fianarany.

Fanomanana ny mpianatra: Asao ny mpianatra hieritreritra ny ezaka ataon’izy ireo amin’ny fianarana amin’ireto fanontaniana manaraka ireto:

Inona avy ireo zavatra tsara azoko atao izay manampy ahy any an-tsekoly?
Matetika toy ny ahoana aho no manao fanamarinan-tena izay mety hanelingelina ny fianarako?

Sahanasa fianarana azo atao

Andraikitra amin’ny fianarantsika

Asao ny mpianatra hamorona rafi-tantara iray momba ny zatovo iray sy ny fanapahan-kevitra ratsy iray izay raisiny mikasika ny fianarany. Ohatra, tsy nandalina mba hiomanana amin’ny fitsapam-pahaizana iray ilay zatovo, na tonga tara ao an-dakilasy, na tsy nahavita asa nampanaovina manan-danja iray, na tsy namerina famakafakana iray. Azonao atao ny mangataka mpianatra iray hanao sarina tapa-kazo eny amin’ny solaitrabe, hanome anarana an’ilay zatovo, ary hanoratra ny fanapahan-kevitra ratsy noraisina eo ambanin’ilay sarina tapa-kazo.

Azonao atao avy eo ny manoratra hoe Fanamarinan-tena eo ambonin’ilay sarina tapa-kazo. Manasà mpianatra hanoratra ny valin-tenin’izy ireo amin’ireto fanontaniana manaraka ireto eny amin’ny solaitrabe.

Inona avy ireo fanamarinan-tena sasantsasany mety ataon’ny zatovo iray noho io fanapahan-kevitra ratsy io?
Nahoana araka ny eritreritrareo no manamarin-tena isika indraindray amin’ireo karazana safidy toy izany?

Ny Filoha Russell M. Nelson sy ny Loholona D. Todd Christofferson ao amin’ny Kôlejin’ny Apôstôly Roambinifolo dia nampianatra fahamarinana manan-danja izay tsara hotadidiana rehefa mety ho alaim-panahy hanamarin-tena noho ireo safidy ratsy any an-tsekoly isika.

Anjaranareo ny manovo fianarana. Tsy misy olon-kafa afaka manovo izany eo amin’ny toeranareo. Na aiza na aiza misy anareo dia miezaha hanana faniriana lalina ny hianatra. Ho antsika Olomasin’ny Andro Farany, ny fandrantoana fianarana dia tsy tombontsoa lehibe fotsiny ihany fa andraikitra ara-pivavahana. (“Will You Choose to Increase in Learning?,” New Era, Sep. 2014, 2)

Na eo amin’ny resaka ara-batana na ara-panahy, ny maha-tompon’andraikitra amin’ny tenantsika dia fanomezana avy amin’ Andriamanitra izay raha tsy nisy dia tsy ho afaka isika hahatratra ny fahafenoan’ny hery anatintsika amin’ny maha-zanakavavy sy zanakalahin’ Andriamanitra antsika. D. Todd Christofferson, “Afaka mandrakizay hihetsika ho azy,” Liahona, nôv. 2014, 18)

Inona avy ireo zavatra nisarika ny sainao avy tao amin’ireo teny nambara ireo?
Nahoana no zava-dehibe ny mandray andraikitra manokana amin’ny fianarantsika?

Hevero ny hanampy ny mpianatra hamantatra ity fahamarinana manaraka ity amin’ny alalan’ny fanoratana izany eo akaikin’ilay sary eny amin’ny solaitrabe: Ny fandraisana andraikitra manokana amin’ny fianarantsika dia manampy antsika hahatsapa ny hery anaty feno ananantsika amin’ny maha-zanakavavy sy zanakalahin’ Andriamanitra antsika.
Inona avy ireo zavatra manokana azon’ny zatovo iray atao mba handraisana andraikitra amin’ny fianaran’izy ireo?
Ahoana no ahafahan’ny fandraisana ny andraikitra manokana amin’ny fianarantsika manampy antsika hitovy kokoa amin’ny Mpamonjy?

Rehefa mamaly ireo fanontaniana etsy ambony ny mpianatra dia azonao atao ny manasa azy ireo hizara ireo toetra nasehon’i Jesoa Kristy rehefa nandray andraikitra tamin’ny asa fanompoany sy ny asa nanirahana Azy Izy (toy ny fahazotoana, fanetrentena, ary fitiavana).

Makà fotoana hieritreretana ny fomba ahafahan’ny fikolokoloana ireo toetra tahaka ny an’i Kristy manampy anao handresy ireo fanamarinan-tena sy handray andraikitra amin’ny fianaranao. Henoy ireo bitsika avy amin’ny Fanahy Masina izay afaka manampy anao hamantatra ireo toetra azonao kolokoloina na asa azonao atao mba ho tompon’andraikitra amin’ny fianaranao ianao.

Ohatra ao amin’ny soratra masina amin’ny fandraisana andraikitra

Mandresy ireo fanamarinan-tena mba handraisana andraikitra amin’ny fianarana

Mba hanampiana ny mpianatra hiomana handinika ny fiainan’izy ireo manokana sy handresy ireo fanamarinan-tena mety ataon’izy ireo dia mety hanampy ny fanaovan’ny iray kilasy ity sahanasa manaraka ity.

Saintsaino ilay zatovo tany am-piandohan’ny fotoam-pianarana. Eritrereto ny zavatra nianaranao avy amin’ny soratra masina sy ny zavatra niainanao manokana momba ny fandraisana andraikitra amin’ny fianaranao. Ampio io zatovo io amin’ny alalan’ny fanoroana ireo toetra sy asa tahaka ny an’i Kristy izay mampiseho fahavononana handray andraikitra amin’ny fianarana ka mahavaly ireo fanamarinan-tena eny amin’ny solaitrabe.

Alohan’ny hanombohan’izy ireo dia mety hanampy ny manome ohatra ho an’ny mpianatra. Ny fanamarinan-tena ho an’ny fahatongavana tara dia mety hoe “tsy namoha ahy ara-potoana ny mamako.” Mety hilaza ny mpianatra hoe: “Ho tompon’andraikitra tahaka ny Mpamonjy aho ka hametraka fanairana mba hakana antoka fa ho tonga ara-potoana any an-tsekoly aho.” Azonao soratana eo akaikin’ny fanamarinan-tena tsirairay ny sosokevitra omen’ny mpianatra.

Ahoana no ahafahan’ny Mpamonjy manampy antsika amin’ny ezaka ataontsika mba handray andraikitra amin’ny fianarantsika?

Hevero ny hanasa mpianatra izay vonona hizara ny zavatra nataony teo amin’ny fiainany mba handraisana andraikitra manokana amin’ny fianarany. Rehefa mizara izany izy ireo dia dokafy ny mpianatra noho ny ezaka ataon’izy ireo.

Andraikitra amin’ny fianarako

Asao ireo mpianatra hamita ny fizarana farany ao amin’ilay taratasy zaraina. Azonao atao ny mizara ity manaraka ity amin’izy ireo rehefa mikatsaka ny fanampian’ny Tompo izy ireo mba handray andraikitra amin’ny fianaran’izy ireo.

Rehefa mikatsaka fanambarana avy amin’ny Ray any An-danitra momba ny fomba hivoarana ianao dia afaka mitaona anao amin’ireo fanovana ilaina ny Fanahy Masina. Afaka mahatsiaro ihany koa isika fa tsy voatery hanao izany irery isika. Afaka mikatsaka ny fanampian’ny Mpamonjy isika (jereo ny Isaia 41:10).

Hevero ny hanasa mpianatra vonona hizara ny zavatra tsapany fa tokony hataony. Azonao atao ny mizara ohatra iray avy amin’ny fiainanao amin’ny fandraisana andraikitra amin’ny fianaranao. Amporisiho ny mpianatra hitondra ny taratasy nozaraina hody mba hanampiana azy ireo hahatsiaro ny zavatra tsapany fa tokony hataony anio.

Loharanom-pitaovana fanampiny

Nahoana no zava-dehibe ny mandray andraikitra manokana?

Nampianatra ny Loholona David A. Bednar ao amin’ny Kôlejin’ny Apôstôly Roambinifolo hoe:

Andraikitsika manokana ny mianatra ny zavatra tokony hianarantsika, sy ny miaina araka izay fantatsika fa tokony hiainantsika, ary ny ho lasa ilay tian’ilay Mpampianatra hahatongavantsika. (“Vonona hahazo ny zavatra rehetra ilaina,” Liahona, mey 2019, 102)

Nampianatra ny Filoha James E. Faust (1920–2007) tao amin’ny Fiadidiana Voalohany hoe:

Mahita olona marobe izay manome tsiny ny hafa noho ny tsy fahombiazan’izy ireo aho ao amin’ny fiarahamonina misy antsika ankehitriny. Tsikaritro fa ireo izay manaiky ny andraikiny manokana amin’ny zavatra ataony dia mahomby kokoa noho ireo izay manome tsiny ny tsy fahatanterahan’izy ireo sy ny tsy fahatanterahan’ny zava-bitany amin’ny olon-kafa. (“Your Light—a Standard to All Nations,” Liahona, May 2006, 112–113)

Ny Loholona Lynn G. Robbins ao amin’ny Fitopololahy dia nampianatra fa:

Ny hoe tompon’andraikitra 100 isan-jato dia manaiky ny tenanao ho ilay olona mifehy ny fiainanao. Raha diso ny hafa ka mila miova alohan’ny hisian’ny fivoarana bebe kokoa, dia hoentin’izy ireo amin’ny sanga ianao ary mifehy ny vokatra tsara na ny vokatra irina eo amin’ny fiainanao izy ireo. Mifamatotra tsy azo sarahina ny fahafahana misafidy sy ny andraikitra. Tsy afaka mitsoaka ny andraikitra ianao no sady tsy mampihena ihany koa ny fahafahana misafidy. (“Be 100 Percent Responsible” [Brigham Young University devotional, Aug. 22, 2017], 11, speeches.byu.edu)

Sahanasa fianarana fanampiny

I Saoly sy i Nehemia

Fomba iray hanampiana ny mpianatra hianatra avy amin’ny soratra masina ny mampitaha tantara roa ao amin’ny soratra masina. Ity sahanasa manaraka ity dia azo ampiasaina ao amin’ny lesona alohan’ny handalinan’ny mpianatra ny soratra masina ao amin’ilay taratasy zaraina. Azonao zaraina ho vondrona kely vitsivitsy ny mpianatra ary ampiandraiketo ny iray amin’ireto toko sy andinin-tsoratra masina manaraka ireto ny vondrona tsirairay.

1 Samoela 15:1–3, 9, 13–14, 20–21

Nehemia 6:1–4, 15–16

Asao ny mpianatra handalina ny andinin-tsoratra masin’izy ireo ka hitady ny fomba nandraisan’ilay olona andraikitra manokana (Nehemia) na nanamarinany tena tamin’ny zavatra nataony (Saoly). Fomba iray ahafahan’ny mpianatra mandamina ny eritreriny ny fampiasana ity taratasy zaraina manaraka ity:

Azon’ny mpianatra atao ny manisy anarana hoe Saoly ho an’ny faribolana ankavia ary Nehemia ho an’ny faribolana ankavanana. Azon’izy ireo atao ny mitanisa ireo fahasamihafana eo amin’ny faribolana tsirairay ary mitanisa ireo fitoviana eo amin’ny toerana izay hifanindrin’ireo faribolana.

Andraikitra amin’ny fianarako

Mba hanampiana ny mpianatra hisaintsaina ireo asa sy toetra izay afaka manampy azy ireo handray andraikitra amin’ny fianarany manokana dia azonao atao ny manome ny sasany na ny rehetra amin’ity tabilao manaraka ity:

Fanamarinan-tena	Fandraisana andraikitra
Tsy namerina ny asa nampanaovina ahy aho satria tsy haiko ny fomba hanaovana izany.	Nanao zavatra betsaka araka izay fantatro aho. Hangataka fanampiana amin’ireo zavatra tsy takatro aho.
Tsy nanao fanandalina hiomanana amin’ny fanadinana aho satria nandany fotoana niaraka tamin’ireo namako.	Hisafidy ny handalina aho alohan’ny handaniana fotoana miaraka amin’ireo namako.
Adinon’ny mamako ny namoha ahy ka tara aho tany an-tsekoly.	Afaka mametraka fanairana ho an’ny tenako aho mba hahatongavako ara-potoana any an-tsekoly.

Azonao atao ny manasa ny mpianatra hanampy rafi-tantara fanampiny ao amin’ilay tabilao ary hifanakalo hevitra momba ny fomba ahafahana manitsy ireo fanamarinan-tena ireo amin’ny alalan’ny fandraisana andraikitra. Azon’ny mpianatra fenoina ao amin’ny diary fandalinany ireto fehezan-teny manaraka ireto mba hanampiana azy ireo hanao drafitra mba ho tompon’andraikitra kokoa.

Fanamarinan-tena izay nampiasaiko mba handosirana andraikitra amin’ny fianarako dia ny .

Asa iray maneho ny maha-tompon’andraikitra kokoa izay azoko andramana dia ny .

Tompon’andraikitra 100 isan-jato

Alohan’ny hieritreretan’ny mpianatra ireo rafi-tantara manan-danja eo amin’ny fianarana sy ireo fanamarinan-tena na asa mety ho ataon’ny zatovo dia azonao atao ny mampiseho ny “Inspiring Short: 100 Percent Responsible (Horonantsary fohy: Tompon’andraikitra 100 isan-jato” (3:22). Tao amin’io horonan-tsary io ny Loholona Lynn G. Robbins ao amin’ny Fitopololahy dia nizara tantara iray mikasika ny fomba nandresen’ny mpiasa roa tao amin’ny trano fanobiana iray ireo fanamarinan-tenan’izy ireo ary ny nandraisan’izy ireo andraikitra tamin’ny asan’izy ireo. Rehefa avy nijery ilay horonan-tsary ny mpianatra dia afaka mamantatra ireo toe-javatra amin’ny fianarany izay mety hahamora ny fanaovana fanamarinan-tena. Avy eo dia azon’izy ireo atao ny mamantatra ireo asa izay afaka mandresy ireo fanamarinan-tena ireo.