Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Գտնել ուսուցիչ. Տերը դրական օրինակներ է տալիս մեր ճանապարհին

«Գտնել ուսուցիչ. Տերը դրական օրինակներ է տալիս մեր ճանապարհին», Հին Կտակարան․ Սեմինարիայի ուսուցչի ձեռնարկ (2026)

«Գտնել ուսուցիչ. Տերը դրական օրինակներ է տալիս մեր ճանապարհին», Հին Կտակարան․ Սեմինարիայի ուսուցչի ձեռնարկ

Պատրաստվել ապագա կրթությանը և աշխատանքին. Դաս 191

Գտնել ուսուցիչ

Տերը դրական օրինակներ է տալիս մեր ճանապարհին

A series of images showing mentors talking to individuals, groups of people talking together, training on the computer, working on a forklift in the warehouse, working in D.I., working on a computer and answering phones and graduating from college.

Երբ մտածում եք ձեր կյանքի մասին, ըստ ձեզ, ինչպե՞ս են ձեզ օգնել վստահելի ուսուցիչները: Սուրբգրային պատմությունները՝ Մովսեսից և Հեսուից մինչև Հեղի և Սամուել, ցույց են տալիս ուսուցողական, խրատական հարաբերությունների կարևորությունը: Այս պատմություններն ուղղորդում են մեզ դեպի մեր կատարյալ ուսուցիչները՝ Երկնային Հայրը և Հիսուս Քրիստոսը: Այս դասը կօգնի ուսանողներին ծրագիր կազմել՝ բացահայտելու և կապվելու կրթության և կարիերայի պոտենցիալ ուսուցիչների հետ:

Ուսանողի նախապատրաստում․ ուսանողներին առաջարկեք մտածել ներկայիս և ապագա կրթության և կարիերայի նպատակների մասին: Ուսանողներին խնդրեք գրել մի քանի վստահելի մեծահասակների անուններ, որոնք կարող են ծառայել որպես օրինակ կամ ուսուցիչ՝ օգնելու իրենց իրականացնել այդ նպատակները և իրենց գրածը բերել դասարան:

Հնարավոր ուսումնական վարժություններ

Ո՞ւմ կցանկանայիք հետևել

A young man walking with a walking stick on a trail.

Կարող եք սկսել դասը՝ առաջարկելով ուսանողներին պատկերացնել, որ իրենք ընկերների խմբի անդամներ են, որոնք պատրաստվում են ճամփորդել թավուտ ջունգլիներով: Խմբին ասացին, որ ճամփորդությունը դժվար է լինելու, բայց նպատակակետն ապշեցուցիչ է լինելու և արժե ջանքեր գործադրել: Խմբին առաջարկեցին ընտրել մեկին, ով կառաջնորդի իրենց:

Ինչպիսի՞ հատկանիշներ կցանկանայիք տեսնել ձեր առաջնորդի մեջ: Ինչո՞ւ։
Ինչպե՞ս կարձագանքեիք, եթե խմբի անդամներից մեկն ասեր, որ դուք առաջնորդի կարիք չունեք:

Ուսանողներին առաջարկեք մտածել այն մասին, թե ինչպես կարող են այդ սցենարը կիրառել՝ իրենց կրթության և կարիերայի վերաբերյալ ծրագրեր կազմելիս: Կարող եք նշել, որ այս դասը կենտրոնանալու է ուսուցիչների բացահայտման և նրանց հետ կապվելու վրա:

Նշում․ կարող եք ունենալ ուսանողներ, որոնք չեն տեսնում ուսուցչի անհրաժեշտությունը: Կարող եք հնարավորություններ փնտրել՝ օգնելու նրանց հասկանալ ուսուցիչների և այն ոլորտների կարևորությունը, որտեղից կարող են օգնություն ստանալ այսօր: Օգնեք ուսանողներին հասկանալ, որ առաջնորդի նման, ուսուցիչը կարող է փորձառություն և գաղափարներ տալ, որոնք կարող են օգնել մեզ կողմնորոշվել կրթության և կարիերայի վերաբերյալ որոշումներում:

Ուսումնասիրեք այս խոսքերը՝ պարզելով, թե ինչպես կարող է Տերը առաջնորդել ձեզ ուսուցիչների խորհրդի միջոցով:

Նախկինում Կիրակնօրյա դպրոցի գերագույն նախագահության առաջին խորհրդական եղբայր Միլթոն Կամարգոն ասել է.

Ինչ-որ պահի ձեր կրթության [ճանապարհին] … դուք կարող եք ճնշված զգալ, որ պետք է շատ բաներ անեք: Խնդրում եմ, հիշեք, որ դուք միայնակ չեք ձեր դժվարությունների ժամանակ: Տերը ձեզ շատ մարդկանց է տվել, որոնք կարող են աջակցել ձեզ՝ ընտանիքի անդամներ, Եկեղեցու ղեկավարներ, ընկերներ, ինչպես նաև ձեր հրահանգիչներին, ուսուցիչներ կամ դաստիարակներ: Եվ, իհարկե, Տերը Ինքը միշտ պատրաստ է մխիթարել և զորացնել ձեզ: («Persevere with the Lord’s Help» [BYU–Pathway Worldwide devotional, մարտի 1, 2022], 2, byupathway.edu)

Տասներկու Առաքյալների Քվորումից երեց Ռոնալդ Ա․ Ռասբանդն ուսուցանել է.

[Ուսուցիչները] անցել են այդ ճանապարհը մեզանից առաջ, և նրանք գիտեն ճանապարհը: … Ավելի փորձառու, վստահելի մարդը ծառայում է ավելի քիչ փորձառու մարդու համար որպես արդյունավետ առաջնորդ և խորհրդատու՝ օգնելով ձևավորել այդ մարդու հասկացողությունը և ուսուցանելով սկզբունքները, որոնք նրան կդարձնեն ավելի արդյունավետ, ավելի ուժեղ, իմաստուն և ավելի կարևոր՝ որպես Աստծո ծառա» («Thy Friends Do Stand by Thee» [Բրիգամ Յանգ Համալսարանի հոգևոր հավաք, մարտի 7, 2010], 3, speeches.byu.edu)։

Ի՞նչը տպավորեց ձեզ այդ խորհրդում:

Ուսանողների պատասխանից հետո հետևյալ ճշմարտությունը գրեք գրատախտակին. Տերը կարող է առաջնորդել մեզ վստահելի ուսուցիչների միջոցով:

Ուսանողներին առաջարկեք խորհել հետևյալ հարցերի շուրջ.
Ե՞րբ եք դուք կամ ձեր ծանոթն օգնություն ստացել ուսուցչից։
Ձեր կրթությունը կամ կարիերան ծրագրելու ո՞ր ոլորտներում օգտակար կլինի ստանալ Տիրոջ առաջնորդությունն ուսուցչի խորհրդի միջոցով:

Կարող եք կիսվել այն մարդու օրինակով, որը ծառայել է ձեզ որպես ուսուցիչ: Կարող եք կիսվել այդ մարդու հետ աշխատելու ձեր փորձառությամբ, նաև՝ ինչպես է նա օգնել ձեզ տեսնել Փրկչի առաջնորդությունը ձեր կյանքում:

Այսօրվա ուսումնասիրության ընթացքում հրավիրեք Սուրբ Հոգուն՝ օգնելու ձեզ բացահայտել վստահելի ուսուցիչներին ձեր կյանքում, որոնք կարող են օգնել ձեզ փնտրել Տիրոջ առաջնորդությունը՝ կրթությունը և կարիերան ծրագրելու վերաբերյալ որոշումներ կայացնելիս:

Սուրբգրային խրատական օրինակներ

Օգտակար կլինի կիսվել, որ Երկնային Հորը տրված տիտղոսներից մեկը «Խորհրդի մարդ» տիտղոսն է (տես Մովսես 7.35): Ուսանողներին առաջարկեք կարդալ Հովհաննես 5.19–20 և Հովհաննես 8.26–28 հատվածները՝ պարզելով, թե Երկնային Հայրը ինչպես խրատեց Իր Որդուն՝ Հիսուս Քրիստոսին: Կարող եք տալ նմանատիպ հարց․

Ինչպե՞ս կարող է դա օգնել մեզ հասկանալ Փրկչի կարիքի մասին՝ որպես ուսուցչի:

Ուսանողները կարող են նշել, որ Հիսուսը սովորել է Իր Հոր օրինակից և փնտրել է Իր Հոր խորհուրդն ու առաջնորդությունը:

Կիսվելուց հետո կարող եք ուսանողներին տրամադրել սուրբգրային հետևյալ օրինակները, որով Տերը առաջնորդում է Իր ժողովրդին ոգեշնչված ուսուցիչների միջոցով: Ուսանողները կարող են աշխատել զուգընկերոջ հետ և ընտրել մեկ պատմություն՝ ուսումնասիրելու և հաջորդող հարցերին պատասխանելու համար:

Մովսես և Հեսու. Բ Օրենք 3.21–22 (Մովսեսն առաջնորդում է Հեսուին), 28 (Տիրոջ հրահանգները Մովսեսին)

Դեբորա մարգարեուհին և Բարակը, նրա ռազմական ղեկավարը. Դատավորներ 4.4–10, 14, Դատավորներ 5․1–3 (տոնում է Իսրայելի հաղթանակը)

Հեղի քահանայապետը և երիտասարդ մարգարեն՝ Սամուելը. Ա Թագավորների 3.1–10

Ինչպե՞ս է Տերը Իր առաջնորդությունը տրամադրել այդ ուսուցչի միջոցով:
Ինչպե՞ս կարող է այդ պատմությունն օգնել մի մարդու, որը երկմտում է՝ ուսուցչից օգնություն խնդրել, թե ոչ:

Տերը կառաջնորդի մեզ վստահելի ուսուցիչների միջոցով

Բավարար ժամանակ հատկացնելուց հետո մի քանի ուսանողի առաջարկեք կիսվել, թե ինչ քննարկեցին իրենց խմբում։ Պատրաստակամ ուսանողներին առաջարկեք դասարանի հետ կիսվել իրենց ծրագրով:

Օգտակար կլինի բացատրել ուսանողներին, որ ծնողները, ուսուցիչները, դպրոցի խորհրդատուները և ուրիշները կարող են օգնել իրենց համապատասխան ուսուցիչ գտնել: Որոշ ճյուղեր, ծխեր և ցցեր կարող են նույնիսկ ունենալ կրթության և կարիերայի ոլորտի մասնագետներ: Վստահեցրեք ուսանողներին, որ Տերը մեր ճանապարհին դնում է շատ վստահելի մարդկանց, որոնք կարող են ծառայել որպես ուսուցիչներ: Որոշ մարդիկ կարճաժամկետ ուսուցիչներ են և բավարարում են մեր հատուկ կարիքները: Մյուս ուսուցիչները կարող են ավելի երկար աշխատել մեզ հետ:

Ուսանողներին առաջարկեք խնդրել Երկնային Հոր օգնությունը՝ գտնելու նրանց, ովքեր կարող են օգնել իրենց և կապվելու նրանց հետ: Վկայեք, որ Նա կտրամադրի նրանց իրենց անհրաժեշտ օգնությունը:

Օժանդակ նյութեր

Ի՞նչ հատկություններ պետք է փնտրեմ ուսուցչի մեջ:

Խորհելով այն մարդու մասին, որը ծառայել է որպես իր ուսուցիչ՝ նախագահ Հենրի Բ. Այրինգը նշել է.

Ես կցանկանայի ամփոփել, թե ինչի վրա է անհրաժեշտ ուշադրություն դարձնել՝ մեծ պոտենցիալով ուսուցիչ բացահայտելու համար …

Նախ, և, անշուշտ, ամենակարևորը, նա հասկանում էր այն աշխարհը, որտեղ ես փորձում էի կողմնորոշվել: … Նա ոչ միայն փաստեր գիտեր դրա մասին, նա ուներ քարտեզ և լավ քարտեզ: Եվ հիմա ես գիտեմ, թե որ քարտեզն է ամենակարևորը՝ դա այն քարտեզն է, որը ցույց կտա ձեզ, թե ապագայում որտեղ են դրված լինելու արժեքները։ Նա ոչ միայն գիտեր որոշումներ կայացնելու և կազմակերպչական տեսությունը, նա գիտակցում էր, թե ուր է տանում այդ համադրությունը, և ինչը կարող է ամենակարևորը լինել այն մարդկանց համար, որոնք աշխատում էին այդ համադրության վրա, մինչ մենք ճանապարհին էինք: Նա կարող էր ասել. «Այս ներդրումը կամ այն ներդրումը շատ բան կփոխի»: («To Choose and Keep a Mentor», [BYU University Conference, օգոստ․. 26, 1993], 3, speeches.byu.edu):

Տասներկու Առաքյալների Քվորումից երեց Ռոբերտ Դ. Հեյլսը (1932–2017) ասել է.

Իմ չափահաս երիտասարդ տարիներին ես խորհուրդ էի փնտրում իմ ծնողներից և հավատարիմ, վստահելի խորհրդատուներից: Մեկը քահանայության առաջնորդ էր, մյուսն իմ ուսուցիչն էր, որը հավատում էր ինձ: Աղոթքով ընտրեք ուսուցիչներին, որոնք սրտի խորքում ունեն հոգևոր բարեկեցություն: («Հանդիպելով այսօրվա աշխարհի մարտահրավերներին», Լիահոնա, նոյ. 2015, 46)

Ի՞նչ օգուտ կարող եմ քաղել ուսուցիչ գտնելուց:

Քույր Սյուզան Լ․ Գոնգն ուսուցանել է․

5:29

Նախագահ Նելսոնն ուսուցանում է․ «Կրթությունը՝ մարդկանց օգնելու ցանկության և նրանց օգնելու կարողության միջև տարբերությունն է»։

Այն լավ և օգտակար գիտելիքը, որը դուք այժմ ստանում եք, կձևավորի և կօրհնի ձեր ամբողջ կյանքը:

Սա իմաստուն և արդար դաստիարակներին՝ ծնողներին, տատիկ և պապիկներին, ուսուցիչներին, ընկերներին, Եկեղեցու ղեկավարներին և, որ ամենակարևորն է՝ Հիսուս Քրիստոսին փնտրելու ժամանակաշրջան է, որոնք կօգնեն մեզ կառուցել բովանդակալից կյանք: Իմաստալի հարաբերություններ ստեղծեք նրանց հետ, ովքեր կարող են օգնել, որ դուք սովորեք և աճեք: («Պատճառներ հուսալու համար» [S&I համաշխարհային հոգևոր հավաք չափահաս երիտասարդների համար, հունվ. 10, 2021], Gospel Library հավելված)

Լրացուցիչ ուսումնական վարժություններ

Խորհուրդ խնդրեք նրանցից, ովքեր իմաստուն են և փորձառու

Երբ ուսանողները նայում են սուրբ գրությունների խրատական օրինակներին, նրանց համար օգտակար կլինի տեսնել ավելի մեծ փորձառություն ունեցողների խորհրդին չհետևելու հետևանքները: Դա անելու համար կարող եք կիսվել Հերոբովամ թագավորի պատմությամբ, որը դարձավ իր հոր՝ Սողոմոն թագավորի հետնորդը՝ որպես Իսրայելի առաջնորդ:

Ուսանողներին առաջարկեք կարդալ Գ Թագավորների 12.1–4 հատվածները՝ փնտրելով այն խնդիրը, որը Հերոբովամը հայտնեց իսրայելացիներին Եփրեմի տնից:

Ապա ուսանողները կարող են կարդալ Գ Թագավորների 12.6–11 հատվածները: Ուսանողներին բաժանեք զույգերի: Զուգընկերներից մեկը կարող է փնտրել Հերոբովամ թագավորին տված «ծերերի» խորհուրդը, որոնք ծառայել էին Սողոմոն թագավորին։ Մյուս զուգընկերը կարող է փնտրել, թե ինչ էին ասել Հերոբովամի երիտասարդ ընկերները, որ նա անի։ Քննարկման համար կարող եք ուսանողներին տալ նմանատիպ հարց․

Ինչո՞ւ է գայթակղություն առաջանում հետևել անփորձ հասակակիցների խորհրդին:

Ուսանողները կարող են կարդալ Գ Թագավորների 12.12–16 հատվածները՝ փնտրելով Հերոբովամի՝ իր ընկերների խորհրդին հետևելու հետևանքները (տասը ցեղ ապստամբեցին Հերոբովամի դեմ և դարձան Իսրայելի Հյուսիսային թագավորություն):

Օգնեք ուսանողներին հասկանալ լավ ուսուցիչների իմաստության միջոցով Տիրոջ առաջնորդությունը ճանաչելու կարևորությունը: Նրանց փորձառությունը կարող է օգնել մեզ ավելի լավ որոշումներ կայացնել և հետևել Տիրոջը:

Գտեք ուսուցիչ և հանդիպեք նրա հետ

Աշխատաթերթի վարժությունը կատարելուց հետո կարող եք ուսանողներին բաժանել զույգերի: Խնդրեք նրանց իրար հետ զրույց վարել, որտեղ զուգընկերներից մեկը կխաղա պոտենցիալ ուսուցչի դերը: Ուսանողները կարող են գործնականում կիրառել այն, թե ինչպես առաջարկեն այդ մարդուն դառնալ իրենց ուսուցիչը՝ օգտագործելով իրենց գրած երեք կամ ավելի հարցերը: Ուսուցչի դերում հանդես եկող ուսանողը կարող է հայտնել իր կարծիքը (ինչը լավ անցավ, ինչը կփոխեր, առաջարկներ): Ապա ուսանողները կարող են փոխվել դերերով և վարժվելու հնարավորություն տալ մյուս զուգընկերոջը:

Երբ զուգընկերներից յուրաքանչյուրը վարժվելու և կարծիք հայտնելու հնարավորություն կունենա, կարող եք հարցնել, թե ուսանողների փորձառությունից ինչը կարող էր դժվար կամ անհարմար դարձնել պոտենցիալ ուսուցչին փնտրելը և նրա հետ կապվելը, և առաջարկել նրանց, որպեսզի միմյանց այդ դժվարությունները հաղթահարելու տարբերակներ առաջարկեն:

Եթե ուսանողների համար օգտակար կլինի ուսուցչի հետ հանդիպելու ծրագիր կազմելու վերաբերյալ լրացուցիչ ուղեցույց ստանալ, կարող եք տրամադրել հետևյալ աղբյուրը. «Meet with Your Mentor»։ Ուսանողները կարող են լրացնել թվային ուղեցույցը, ապա կիսվել գաղափարներով իրենց դասընկերների հետ:

Ուսանողների համար օգտակար կլինի տեսնել, թե ԲՅՀ-ի ուսանողներն իրենց կրթության ընթացքում ինչպես են օգուտ քաղում ուսուցչի հետ հարաբերություններից: Կարող եք ցուցադրել «BYU First Year Mentoring | Experiences of Growth» տեսանյութը (2:48):