Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Կրթություն ողջ հոգու համար. Առաջնահերթություն տալ մտքի և ոգու կրթությանը

«Կրթություն ողջ հոգու համար. Առաջնահերթություն տալ մտքի և ոգու կրթությանը», Հին Կտակարան․ Սեմինարիայի ուսուցչի ձեռնարկ (2026)

«Կրթություն ողջ հոգու համար. Առաջնահերթություն տալ մտքի և ոգու կրթությանը», Հին Կտակարան․ Սեմինարիայի ուսուցչի ձեռնարկ

Պատրաստվել ապագա կրթությանը և աշխատանքին. Դաս 189

Կրթություն ողջ հոգու համար

Առաջնահերթություն տալ մտքի և ոգու կրթությանը

Տերը խրախուսում է մեզ առաջնահերթություն դարձնել մեր կյանքում թե՛ աշխարհիկ, թե՛ կրոնական կրթությունը (տես Վարդապետություն և Ուխտեր 88.77–80): Աշխարհիկ և կրոնական կրթությունը կարող է մեծացնել Աստծուն և ուրիշներին ծառայելու և ինքնապահով լինելու մեր կարողությունը։ Այս դասը կօգնի ուսանողներին ստեղծել ծրագիր՝ շարունակելու իրենց հետդպրոցական աշխարհիկ և կրոնական կրթությունը:

Ուսանողի նախապատրաստում․ ուսանողներին առաջարկեք պատրաստված գալ՝ կիսվելու ավագ դպրոցից հետո իրենց անելիքների վերաբերյալ առնվազն երկու հնարավոր տարբերակով:

Հնարավոր ուսումնական վարժություններ

Առաջնահերթություն տալ կրթությանը

Ռեջին չի ցանկանում է միջնակարգ դպրոցից հետո շարունակել ուսումը։ Նա ցանկանում է ավելի շատ աշխատել իր ներկայիս աշխատատեղում: Վերջնական որոշում կայացնելուց առաջ նա որոշում է հաշվի առնել ուսումը շարունակելու առավելություններն ու թերությունները։

Ի՞նչ առավելություններ կարող է թվել Ռեջին՝ իր կրթությունը շարունակելու համար:
Ի՞նչ թերություններ նա կարող է գտնել։

Ուսանողները կարող են գրել ցանկը զուգընկերոջ հետ կամ փոքր խմբով: Կարող եք գրատախտակին գրել առավելություններ և թերություններ բառերը և առաջարկել ուսանողներին դրանց տակ գրել իրենց պատասխանները: Եթե վերջերս եք ուսուցանել Դաս 188․«Կրթության կարևորությունը»-ը, կարող եք ուսանողներին հիշեցնել, թե ինչ են իրենք քննարկել ձագարով առարկայական դասի ընթացքում: Ուսանողները կարող են իրենց պատասխաններն ավելացնել այդ ցանկին ամբողջ դասի ընթացքում:

Աշխարհիկ և կրոնական կրթություն

Եկեղեցու ղեկավարներն ընդգծել են կրթության կարևորությունն Աստծո բոլոր զավակների համար: Կրթությունը, որն ընդգծում են Եկեղեցու ղեկավարները, ներառում է` ինչպես աշխարհիկ, այնպես էլ կրոնական կրթություն:

Հետևյալ անավարտ նախադասությունը գրեք գրատախտակին՝ առավելություններ բառի տակ և առաջարկեք ուսանողներին գրել այն իրենց օրագրերում:

Ե՛վ աշխարհիկ, և՛ կրոնական կրթությունը մեզ օգնում է …

Կարդացեք հետևյալ խոսքերը՝ փնտրելով նախադասությունն ավարտելու տարբեր եղանակներ:

Յոթանասունից երեց Քլարկ Գ․ Գիլբերտն ուսուցանել է․

Գիտե՞ք, թե ինչու է Եկեղեցին այդքան շատ միջոցներ ներդնում կրթության մեջ: Դա ձեր հանդեպ Տիրոջ սիրո պատճառով է: Նա ցանկանում է, որ դուք ավելի մտերմանաք Իր հետ և գտնեք էմոցիոնալ, մտավոր և հոգևոր ուժ: Եկեղեցու ղեկավարները նույն բանն են ուզում: Մենք աղոթում ենք ձեզ և ձեր հաջողության համար: Մենք նվիրված ենք ձեզ և օգնում ենք ձեզ հասնել ձեր աստվածային ներուժին: («Church Education: There Is a Place for Everyone», Երիտասարդներին զորացնելու համար, հոկտ․ 2023, 18)

Ուսանողներին առաջարկեք կիսվել իրենց գտածով և գրատախտակին գրել իրենց պատասխանները: Ուսանողների պատասխանները կարող են ներառել.

… ավելի մոտենալ Տիրոջը:

… զորություն ստանալ Աստծուց:

… հասնել մեր աստվածային ներուժին:

Տիրոջ կողմից այս օրհնությունները ստանալու համար ինչո՞ւ է անհրաժեշտ ունենալ և՛ աշխարհիկ, և՛ կրոնական կրթություն:

Աշխարհիկ կրթություն

Կարող եք գրատախտակին ստորև ներկայացվածի նման երկու գիրք նկարել: Առաջին գիրքն անվանեք «աշխարհիկ», իսկ երկրորդը՝ «կրոնական»։ Ուսանողներին առաջարկեք գրքերի նկարը նկարել իրենց ուսումնասիրության օրագրերում։

Ուսանողներին առաջարկեք «աշխարհիկ» վերնագրով գրքի նկարի տակ գրել հետևյալ հարցի իրենց պատասխանները: Առաջարկեք նրանց աշխատել զույգերով կամ փոքր խմբերով:

Միջնակարգ դպրոցն ավարտելուց հետո աշխարհիկ կրթություն ստանալու ի՞նչ տարբերակներ են հասանելի ձեզ:

Կարող եք կիսվել այն տարբերակներով, որոնք ուսանողները չեն նշել, օրինակ՝ առցանց դպրոցը, համայնքային քոլեջը, առևտրային դպրոցները, ուսումնառության հնարավորությունները, ուսուցումն աշխատավայրում և այլն:
Ի՞նչ տարբերակներ են հասանելի Եկեղեցու կրթական համակարգի (ԵԿՀ) միջոցով:

Կրոնական կրթություն

Կրոնական կրթության ո՞ր տարբերակն է հասանելի թվարկված աշխարհիկ կրթության յուրաքանչյուր տարբերակի դեպքում:

Աշխարհիկ կրթություն բաժնում նշված յուրաքանչյուր տարբերակի համար ուսանողներին հանձնարարեք գրել կրոնական կրթության այն տարբերակը, որը կարող է ուղեկցել դրան: Համոզվեք, որ ուսանողները հասկանում են, որ ԵԿՀ-ի դպրոցներից յուրաքանչյուրում կրոնական կրթությունը պահանջվող ուսումնական ծրագրի մաս է կազմում: Ուսանողները կարող են ԵԿՀ-ի ցանկացած դպրոցի անվան կողքին գրել կրոնական դասեր արտահայտությունը։

Եթե ուսանողները չնշեն դա, առաջարկեք նրանց գրել ինստիտուտ բառը թվարկված աշխարհիկ կրթության ցանկացած այլ տարբերակի կողքին: Անհրաժեշտության դեպքում բացատրեք, որ նրանց համար, ովքեր չեն հաճախում ԵԿՀ-ի դպրոց, ինստիտուտը մի միջավայր է, որտեղ ցանկացած երիտասարդ (18–35 տարեկան), աշխարհի ցանկացած կետում կարող է անվճար մասնակցել կրոնական կրթության դասերին:

Մտածեք, թե ինչպես կարող եք օգնել սեմինարիայի ուսանողներին հասկանալ, թե ինստիտուտ հաճախելն ինչպես կարող է օգնել իրենց ապագայում: Դա անելու եղանակներից մեկը՝ այս սցենարի և հետևյալ հարցերից մի քանիսի քննարկումն է:

Ենթադրենք, որ Ռեջին որոշել է ավագ դպրոցից հետո կրթություն ստանալ առևտրային դպրոցում և մտածում է՝ արդյոք ինքը նույնպես պետք է հաճախի ինստիտուտ։

Ի՞նչ պատճառներ կարող է բերել Ռեջին՝ ինստիտուտ չհաճախելու համար:
Ինչպե՞ս է սեմինարիան օգնել ձեզ դպրոց գնալու ընթացքում:
Ինչպե՞ս կարող է Երկնային Հոր և Հիսուս Քրիստոսի մասին հետագա ուսումնասիրությունն օգտակար լինել Ռեջիին՝ առևտրային դպրոց հաճախելիս:

Ցուցադրեք «Ինստիտուտ հաճախելու անհատական հրավեր» (2:44) տեսանյութը, որը հասանելի է ChurchofJesusChrist.org կայքում։ Ուսանողներին առաջարկեք փնտրել ինստիտուտ հաճախելու համար խոստացված օրհնությունները: Կարող եք նաև ուսանողներին առաջարկել ինստիտուտի մասին կարդալ աշխատաթերթում:

2:51

Կարող եք գրատախտակին գրված առավելություններ վերնագրի տակ ավելի շատ գաղափարներ ավելացնել, որոնցով ուսանողները կիսվել են այս քննարկման ընթացքում:
Ինստիտուտ հաճախելու համար նախագահ Նելսոնի խոստացած ո՞ր օրհնություններն են ձեզ համար առավել կարևոր:
Ըստ ձեզ, ձեր քննարկածից ի՞նչը կարող է Ռեջիին մոտիվացնել հաճախել ինստիտուտ:

Ուսանողներին օգնեք հասկանալ, թե ինչպես գտնել ինստիտուտ, որտեղ էլ որ իրենք ապրեն ավագ դպրոցն ավարտելուց հետո՝ այցելելով myinstitute.ChurchofJesusChrist.org/findInstitute կայք։ Կարող եք ընտրել առաջին գրքի տակ գրված վերը նշված կրթության տարբերակներից մի քանիսը: Նշեք այդ տարբերակների գտնվելու վայրը և կայքում մուտքագրեք քաղաքը՝ իմանալու, թե ինչպես գտնել ինստիտուտը և գրանցվել այնտեղ: Նույն հղումով կարող եք նաև ցույց տալ, թե ինչպես առցանց ինստիտուտ գտնել:

Ծրագիր կազմեք

Կիսվեք ուսանողների հետ, որ անկախ նրանից՝ իրենք այս տարի ավարտում են ավագ դպրոցը, թե ոչ, օգտակար կլինի կազմել իրենց աշխարհիկ և կրոնական կրթության ծրագիրը: Որպեսզի օգնեք ուսանողներին ծրագիր կազմել, ցուցադրեք հետևյալ հրահանգներն ու հարցերը: Առաջարկեք նրանց պատասխանել հարցերին իրենց ուսումնասիրության օրագրերում:

Օգտագործեք ստորև ներկայացված հարցերը, որոնք կառաջնորդեն ձեզ կազմել ձեր ապագա աշխարհիկ և կրոնական կրթության ծրագիրը: Առաջնորդություն խնդրեք Երկնային Հորից Սուրբ Հոգու միջոցով՝ ձեր պատասխանները գրելիս և դրանց շուրջ խորհելիս:

Ապագայի վերաբերյալ ի՞նչ նպատակներ ունեք:
Կրթության վերաբերյալ ո՞ր որոշումները կօգնեն ձեզ իրականացնել այդ նպատակները:
Ի՞նչ ծրագրեր կարող եք կազմել հաջորդ տարվա կամ հետագա տարիների ձեր կրոնական կրթության համար:

Հաճախ ուսանողների համար օգտակար է լսել այլ ուսանողների գաղափարները: Պատրաստակամ ուսանողներից մի քանիսին առաջարկեք կիսվել իրենց ծրագրերով:

Կարող եք կիսվել ողջ կյանքի ընթացքում աշխարհիկ և կրոնական կրթության կարևորության մասին ձեր վկայությամբ:

Oժանդակ նյութեր

Ինչպե՞ս կարող է ինձ օրհնել կրոնական կրթություն ստանալու առաջնահերթությունը:

Տասներկու Առաքյալների Քվորումի նախագահ Մ. Ռասսել Բալլարդն (1928–2023) ուսուցանել է.

15:45

Նրանց, ովքեր ավագ դպրոցում են և պատրաստվում են միսիայի, ես խրախուսում եմ մասնակցել և ավարտել սեմինարիան: Դուք՝ երիտասարդ ամուրիներդ, պետք է անդամագրվեք կրոնի ինստիտուտին: Եթե դուք հաճախում եք Եկեղեցու դպրոցներից որևէ մեկը, յուրաքանչյուր կիսամյակ հետևողականորեն ներառեք կրոնական կրթության մեկ դասընթաց: Այս կարևոր ժամանակահատվածում, երբ պատրաստվում եք միսիայի, հավերժական ամուսնության և չափահաս կյանքին, դուք պետք է շարունակեք եղանակներ փնտրել՝ սովորելու, աճելու և ոգեշնչում ու առաջնորդություն ստանալու Սուրբ Հոգու միջոցով: Սեմինարիայում, ինստիտուտում կամ կրոնական կրթության դասերի ընթացքում ավետարանի ջանասիրաբար և աղոթքով ուսումնասիրությունը կարող է օգնել ձեզ իրականացնել այդ նպատակը:

Անկախ նրանից՝ հաճախում եք Եկեղեցու դպրոց, թե ոչ, հաճախում եք քոլեջ, թե ոչ, մի մտածեք, որ չափազանց զբաղված եք՝ ավետարանն ուսումնասիրելու համար: Ձեր կյանքում հավասարակշռված համատեղելով սեմինարիայի, ինստիտուտի կամ կրոնական դասերը՝ դուք գիտելիք կավելացնեք ձեր աշխարհիկ կրթությանը՝ ևս մեկ հնարավորություն ստանալով ուսումնասիրել սուրբ գրությունները և մարգարեների ու առաքյալների ուսմունքները: («Երիտասարդ ամուրիների ամենահոյակապ սերունդը», Լիահոնա, մայիս 2015, 69)

Առաջին Նախագահությունից նախագահ Հենրի Բ. Այրինգն ուսուցանել է.

Մենք նախապատվությունը պետք է տանք հոգևոր կրթությանը: …

Պարզ է, որ հոգևոր կրթությունն առաջին տեղում դիտարկելը չի ազատում մեզ աշխարհիկ բաներ սովորելուց: Հակառակը, այն նպատակ է հաղորդում մեր աշխարհիկ կրթությանը և մղում է մեզ ավելի ջանասիրաբար աշխատել դրա վրա:

Եթե մենք իր տեղում պահպանենք հոգևոր կրթությունը, ստիպված կլինենք մեր ժամանակը ճիշտ օգտագործելու հետ կապված որոշ դժվար ընտրություններ կատարել: Սակայն, որպես օրինաչափություն մեր կյանքում, հոգևոր կրթությունը երկրորդական դարձնելու գիտակցված ընտրություն երբեք չի կարող լինել: («Կրթություն ողջ հոգու համար», Ensign, հոկ․ 2002, 17, 18)

Նախագահ Գորդոն Բ. Հինքլին (1910–2008) կիսվել է.

Ձեր ողջ կրթությամբ հանդերձ, սովորեք Նրանից: Ձեր բոլոր ուսումնասիրություններով հանդերձ, գիտելիք փնտրեք Վարդապետից: Այդ գիտելիքը հիանալի կերպով կլրացնի ձեր ստացած աշխարհիկ կրթությունը և ձեր կյանքին ու բնավորությանը կհաղորդի մի ամբողջություն, որին հնարավոր չէ հասնել այլ կերպ: (Համաժողովի հաշվետվություն, հոկտ․. 1964, 118)

Ի՞նչ անել, եթե իմ ապագայի վերաբերյալ որոշումները ճնշող են թվում:

Առաջին Նախագահությունից նախագահ Դալլին Հ. Օուքսը և Քրիստեն Մ. Օուքսն ուսուցանել են.

Մենք գիտենք, որ ոչինչ այնքան շփոթեցնող չէ, որքան ապագայի հետ կապված անորոշությունը, սակայն ոչինչ այնքան անհատապես հատուցող չէ, որքան անձնական ունակությունները հայտնաբերելը: Կարդացեք ձեր հայրապետական օրհնությունը, քննեք ձեր բնական ընդունակություններն ու տաղանդները և առաջ գնացեք: Կատարեք առաջին քայլը և դռները կբացվեն: («Կրթությունը և Վերջին Օրերի Սրբերը», Լիահոնա, ապրիլ 2009, 25)

Տասներկու Առաքյալների Քվորումից երեց Նիլ Ա. Մաքսվելը (1926–2004) կիսվել է.

Երիտասարդներից շատերը մտածում են, թե որտեղ շարունակեն կրթությունը՝ համալսարանում, քոլեջում, թե արհեստագործական ուսումնարանում: Ընտրությունը ձերն է: Ընտրությունը, որը պետք է կատարել, սովորաբար նախապատվության հարց է, սակայն, ոչ սկզբունքային: Հետևաբար, նախքան ընտրություն կատարելը, խելամտորեն գնահատեք ձեր անձնական հետաքրքրությունները, հմտությունները և հանգամանքները: Աշխատեք ձեր անձնական զգացմունքների և նախասիրությունների վրա: Ապա շարունակեք և հետևողականորեն ձգտեք ստանալ այնպիսի կրթություն և ուսուցում, որը լավագույնս կարտացոլի ձեր հետաքրքրություններն ու կարողությունները: Հիշեք, ցանկացած աշխատանք, որը պատվաբեր է, պատվաբեր է: («Ուսում փնտրեք, այսինքն՝ ուսումնասիրելով և նաև հավատքով», 1994 տեսաերիզ):

Լրացուցիչ ուսումնական վարժություններ

Ե՞րբ են Եկեղեցու դպրոցներ դիմելու վերջնաժամկետները:

Որպեսզի օգնեք ուսանողներին իմանալ, թե երբ կարող են դիմել Եկեղեցու դպրոցներ, օգտագործեք հետևյալ հղումները՝ թարմացված տեղեկություն ստանալու համար:

ԲՅՀ–Pathway․ https://www.byupathway.edu/academic-calendar

ԲՅՀ․ https://enrollment.byu.edu/admissions/when-should-i-apply

ԲՅՀ–Hawaii․ https://ai1.ivy-cdn.com/storage/assets/Ve6D4xkngR0YrMOv2zPW8wdbZEKB2QOo.png

ԲՅՀ–Idaho․ https://www.byui.edu/admissions/application-deadlines

Ensign քոլեջ․ https://www.ensign.edu/admissions-dates-deadlines

Ինստիտուտը բոլորի համար է

Եթե ուսանողների համար օգտակար կլինի ինստիտուտի մասին ավելի շատ տեղեկություն իմանալ, կարող եք ցուցադրել «I Love Institute» սոցիալական ցանցի էջում գտնվող տեսանյութերից մեկը կամ մի քանիսը։ Այս տեսանյութերում չափահաս երիտասարդներն ամբողջ աշխարհից վկայում են ինստիտուտի կարևորության մասին:

Դասը սկսելու այլընտրանքային եղանակ

Կարող եք սկսել դասը՝ կիսվելով հետևյալ տեղեկությամբ. Առողջապահության համաշխարհային կազմակերպության տվյալներով՝ կյանքի միջին տևողությունը ողջ աշխարհում մոտավորապես 73 տարի է: (Առողջապահության համաշխարհային կազմակերպության կայք)։

Կարող եք կիսվել ուսանողների հետ, որ եթե որևէ մեկը լիներ 16 տարեկան և ապրեր մինչև 73 տարեկան, նրան կմնար ապրելու իր կյանքի մոտ 78 տոկոսը:

Ըստ ձեզ, ինչո՞ւ է կարևոր ավագ դպրոցում հասկանալ, որ կյանքի այդքան մեծ մասը դեռևս առջևում է:

Օգնեք ուսանողներին հասկանալ, որ հետդպրոցական կրթության մեջ իրենց ներդրումները կարող են ազդել իրենց կյանքի շատ տարիների վրա: Եթե դուք արդեն ուսուցանել եք Դաս 188․ «Կրթության կարևորությունը»-ը, առաջարկեք ուսանողներին կիսվել, թե ինչ են հիշում այն մասին, թե ինչու է կրթությունը կարևոր: