Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Faatoilaloina o Faalavefau i le Faaauauina o Aoaoga: Faaaogaina o Puna’oa Uma o lo o Maua

“Faatoilaloina o Faalavefau i le Faaauauina o Aoaoga: Faaaogaina o Puna’oa Uma o lo o Maua,” Tusi Lesona a le Faia’oga Seminare o le Feagaiga Tuai (2026)

“Faatoilaloina o Faalavefau i le Faaauauina o Aoaoga: Faaaogaina o Puna’oa Uma o lo o Maua,” Tusi Lesona a le Faia’oga Seminare o le Feagaiga Tuai

Sauniuni mo Aoaoga ma Galuega i le Lumanai: Lesona 190

Faatoilaloina o Faalavefau i le Faaauauina o Aoaoga

Faaaogaina o Puna’oa Uma o lo o Maua

Na aoao mai le Ali’i e faapea “o le mamalu o le Atua o le atamai lea” (Mataupu Faavae ma Feagaiga 93:366).E le gata i lea, ua aoao soo mai e taitai o le Ekalesia, le taua o aoaoga.Ae ui i lea, o nisi taimi o faalavefau ua faigata ai le faaauauina o a tatou aoaoga.O lenei lesona e mafai ona fesoasoani i tagata a’oga e faailoa ai puna’oa o lo o maua e faatoilalo ai mea faalavefau i le faaauauina o a latou aoaoga.

Gaoioiga e Ono Mafai Ona Aoaoina Ai

Faailoaina o faalavefau

Manatua: O faalavefau i le faaauauina o aoaoga e eseese i le lalolagi atoa.E ono manaomia ona e fetuunaia ata faataitai po o mea e ono faalavefau e fua agai i lou lotoifale ma manaoga o au tagata a’oga.

Mafaufau e amataina le vasega e ala i le tusiina po o le faaali atu o se ata o se talavou o lo o tilotilo atu i le isi itu o se vaitafe e avea ma faataitaiga o aoaoga i le lumanai e pei o le ata o loo i lalo.Ona faasoa atu lea o le ata faataitai lenei.

I se lesona seminare lata mai nei, na faasoa mai e le faia’oga a Liam nisi o faamatalaga mai taitai a le Ekalesia e uiga i le taua o aoaoga pe a mae’a le a’oga maualuga.Sa talitonu Liam i lenei fautuaga ma manao e mulimuli ai.Ae a o mafaufau o ia e uiga i le lumanai, na faatumulia lona mafaufau i mea faalavefau uma e ono taofia o ia mai le ausiaina o lana sini.

A mae’a ona faasoaina mai e Liam ona aafiaga, e mafai ona e valaaulia tagata a’oga e lisi mea e ono faalavefau i luga pe lata ane i le ata o le vaitafe, ia e ono taofia Liam ma isi talavou mai le faaauauina o a latou aoaoga.Afai na faatino e tagata a’oga le sauniuniga a le tagata a’oga, e mafai ona e valaaulia i latou e faasoa mai ni faalavefau mai a latou lisi.

Uunaia tagata a’oga e mafaufau i faalavefau i fafo ma totonu.O faalavefau mai fafo e ono aofia ai faafitauli tau tupe, maulalo o togi , po o le le lava o avanoa.O faalavefau mai totonu e mafai ona aofia ai le maualalo o le mautinoa po o le le lava o le faamoemoe po o le filiga.

Ina ia fesoasoani i tagata a’oga e mafaufau e uiga i faalavefau e ono iai i le faaauauina o aoaoga, e mafai ona e valaaulia i latou e faia le vaega lenei.

I totonu o lau api talaaga o suesuega, tali ai fesili nei:

O le fea o faalavefau (mai le laupapa pe mai isi) e te popole ona e ono aafia ai le faaauauina o au aoaoga?
O le a le mautinoa o ia te oe e mafai ona e faatoilaloina nei faalavefau?
E mafai faapefea e le Faaola ona fesoasoani ia te oe e faatoilalo nei faalavefau?

I le lesona i le asō, saili musumusuga mai le Agaga e fesoasoani ia te oe e faailoa ai auala faapitoa e faatoilalo ai au faalavefau i aoaoga.

Sopoiana o le Vaitafe o Ioritana

Ina ia fesoasoani i tagata a’oga e faaaoga tusitusiga paia e aoao ai le auala e faatoilalo ai faalavefau i a latou aoaoga, mafaufau e talanoaina le tala ia Iosua ma le fanauga a Isaraelu i le sopoia ai o le Vaitafe o Ioritana (tagai i le Lesona 62: “Iosua 2–4” mo nisi auiliiliga).E mafai ona e faitauina pe aotele le parakalafa lenei pe a manaomia.

Ina ua taunuu Iosua ma le fanauga a Isaraelu i Kanana, na folafola atu e le Ali’i [mo i latou] le eleele uma o loo i le isi itu o le Vaitafe o Ioritana (tagai i le Iosua 1:1–7).Ae peitai, sa latou feagai ma le faafitauli o le sopoia o le vaitafe ua pa ina ia ausia la latou sini (tagai i le Iosua 3:15).

E mafai ona e faatulaga tagata a’oga i ni paga ma talanoaina fuaiupu nei.E ono fesoasoani le faamatala atu e faapea o le fasi fuaiupu “e tu foi le vai e pei o se mea maupu‘epu‘e” (fuaiupu 13) ma le “tupu a’e e pei se mea maupu’epu’e” (fuaiupu 16) e faasino atu i le taofia o le tafe o le Vaitafe o Ioritana.

Faitau le Iosua 3:6–8, 13–17, vaavaai mo mea nei:

O faatinoga faamaoni na faia e faitaulaga ina ia mafai ai e le fanauga a Isaraelu ona sopoia le Vaitafe o Ioritana
Le fesoasoani a le Atua ina ia mafai e le fanauga a Isaraelu ona sopoia le Vaitafe o Ioritana

E mafai ona faasoa mai e tagata a’oga ma a latou paga mea ua latou maua.E mafai ona latou talanoaina pe faapefea e faatinoga faamaoni a le au faitaulaga ma le fesoasoani a le Alii ona mafai ai e le fanauga a Isaraelu ona faatoilalo le faalavefau.

Ona e fai atu lea o fesili nei i le vasega:
E faapefea e lenei tala ona fesoasoani i se talavou o lo o feagai ma faalavefau i le faaauauina o a latou aoaoga?

I totonu o lau api talaaga mo suesuega, tusi se faamatalaga o se upumoni e faavae i mea ua e aoaoina e mafai ona faatatau i le faatoilaloina o faalavefau i le faaauauina o au aoaoga.

E mafai e tagata a’oga ona faaaoga a latou lava upu e faasoa ai se upu moni e pei o le: A o tatou agai i luma ma le faatuatua ia Iesu Keriso, o le a Ia fesoasoani ia i tatou e faatoilalo faalavefau tatou te feagai.

Aisea e ono tatau ai le agai i luma ma le faatuatua ia Iesu Keriso (faia mea uma lava i lo tatou malosi) e faatoilalo ai faalavefau i aoaoga?
Aisea e ono tatau ai le saili mo le fesoasoani a le Atua e faatoilalo ai faalavefau i aoaoga?

E te ono faamanatu i tagata a’oga o le agai i luma ma le faatuatua ia Iesu Keriso, e aofia ai soo se taumafaiga latou te ono faia.Mo se faataitaiga, o le talanoa atu i se faufautua, mauaina o tupe, ma le totogiina ma le faamaoni o sefulua’i, o auala uma e agai ai i luma ma le faatuatua ia Iesu Keriso, e faatoilalo ai faalavefau i aoaoga.

Faataitai le ata faataitai

O le gaoioiga lenei e fesoasoani i tagata a’oga e faataitai ai le fetala’i o mafaufauga.E te ono faailoa atu i tagata a’oga e faapea, o le fetala’i o mafaufauga o se tomai e mafai ona fesoasoani ia i tatou i le faia o filifiliga lelei.E aofia ai le (1) maitau ma le aoina o faamatalaga e uiga i le filifiliga, (2) faia o fesili e uiga i mea ua e maitauina, (3) talanoaina o au maitauga ma isi, ma (4) foia o faafitauli e faavae i mea ua e aoaoina.E mafai ona faatumu e tagata a’oga laasaga ta’itasi nei o se vaega o lenei gaoioiga.

Valaaulia tagata a’oga e fatu i luga o se fasi pepa se ata faataitai faatasi ma se faalavefau e talafeagai ma se talavou.Afai latou te manaomia le fesoasoani, e mafai ona latou faatumu avanoa i le fuaiupu lenei.

(igoa o se talavou) e iloaina o aoaoga pe a mae’a le a’oga maualuga o se mea taua.Ae o se faalavefau i le faaauauina o aoaoga o le (faamatala se faalavefau).

2026 Old Testament Seminary Teacher Materials

O a fesili e ono fai mai e lenei tagata a o latou mafaufau i puna’oa o lo o avanoa?O ai e mafai ona latou talanoaina faatasi nisi o a latou fesili?
O a faatinoga e mafai ona faia e lenei tagata ina ia agai ai i luma ma le faatuatua ia Iesu Keriso i le faatoilaloina o la latou faalavefau?
E ono faapefea ona fesoasoani le Atua i lenei tagata e faatoilalo a latou faalavefau?

Faaiuga

E mafai ona e valaaulia tagata a’oga e iloilo le lisi o faalavefau patino na latou faailoa mai le amataga o le vasega.Uunaia i latou e saili le taitaiga mai le Agaga a o latou tali le fesili lenei i totonu o a latou api talaaga mo suesuega.

O a puna’oa e mafai ona e faaaoga mai le talanoaga i le asō e fesoasoani ia te oe e faatoilalo ai faalavefau ma sauniuni ai mo aoaoga i le lumanai?
O a faatinoga faamaoni e mafai ona e faia ina ia mafai ai ona fesoasoani le Tamā Faalelagi ma Iesu Keriso ia te oe e faatoilalo ou faalavefau?

E mafai ona e faaiu e ala i le molimau atu, a o tatou faia mea uma lava ma le fiafia i lo tatou malosi, o le a fesoasoani le Tamā Faalelagi ma Iesu Keriso ia i tatou e faatoilalo a tatou faalavefau i le faaauauina o aoaoga.

O Puna’oa Faaopoopo

E mafai faapefea e le faatuatua ia Iesu Keriso ona faalauteleina a’u taumafaiga e faaauau ai la’u aoga?

Na aoao mai Elder Clark G. Gilbert o le Fitugafulu:

Ina ia faia mea uma ua faamoemoeina mai ia te oe o se … tagata aoga, e tatau ona e galue malosi ma faaalia le tinoū.Ae o le alu i le mea e manaomia ona e alu iai, o le a sili atu se mea e manaomia.O le a manaomia ona e saili atu mo le mana faamalosiau a le Togiola a Iesu Keriso.

Ou te iloa o le tulitulimatagauina o lau aoaoga e mafai ona avea ma luitau ma e manaomia ai le ositaulaga.Ou te iloa le malosi o lou galue ma e tele po faigata a o e ala umi e faamae’a ia au meaaoga, aoao ni manatu faavae fou, ma faafoefoe isi tautinoga faigata i lou olaga.Ae ia tumau pea iina.Ia faaauau pea ona faaalia le tinoū moni.I le ma lenei, ia saunia foi e agai atu mai le tinoū i le tauagafau.Faaaofia le Alii.Tatalo mo Lana fesoasoani, ma o le a Ia faalauteleina au taumafaiga.(“From Grit to Grace” [BYU-Pathway Worldwide devotional, Sep. 25, 2018], 1, 2, byupathway.edu)

Na faasoa mai Elder Carl B. Cook o le Fitugafulu:

O le a fesoasoani le Atua o le lagi ma le lalolagi ia i tatou e faatoilalo le lotovaivai ma soo se mea faalavefau tatou te fetaia’i pe a tatou taulai atu ia te Ia, mulimuli i uunaiga a le Agaga Paia, ma tau lava ina agai pea i luma—ma le faatuatua.

O le mea e faafetai ai, pe a tatou vaivai pe le gafatia, e mafai e le Ali’i ona faamalosia lo tatou faatuatua.E mafai ona Ia faateleina lo tatou gafatia e sili atu nai lo o lo tatou lava malosi.(“Na’o le Faaauau Pea—ma le Faatuatua,” Liahona, Me 2023, 14)

O le a la’u tiutetauave e faatatau i aoaoga?

Sa fautua mai Peresitene Dieter F. Uchtdorf, a o iai i le Au Peresitene Sili:

18:45

Mo tagata o le Ekalesia, o aoaoga ua le na o se manatu lelei—o se poloaiga.E ao ona tatou aoao “i mea o i le lagi ma o i le lalolagi, ma o i lalo o le lalolagi; o mea sa iai, o mea o iai, o mea ua vave ona oo mai; o mea o lo o i le aiga; o mea o i isi atunuu [Mataupu Faavae ma Feagaiga 88:79–80].”

… Ua ia te outou se tiute e aoao ai le tele o mea e te mafaia.Faamolemole ia uunaia o outou aiga, o tagata o a outou korama, tagata uma lava e aoao ma faaleleia atili o outou tulaga faaleaoaoga.Afai e le maua a’oga aloaia, aua nei e faatagaina lena mea e taofia ai oe mai le mauaina o le poto uma e mafai ona e maua.I le iai i na tulaga faapena, o tusi aupito sili, i se isi itu, e mafai ona avea ma au “iunivesite”—o se potuaoga e matala i taimi uma ma talia ai i latou uma e talosaga atu i ai.Taumafai e faateleina lou iloa i mea uma e “mama, matagofie, logoleleia, ma tauleleia [Mataupu Faavae o le Faatuatua 1:13].”Saili le poto “e ala lava lea i le suesue ma le faatuatua foi [Mataupu Faavae ma Feagaiga 109:7].”Saili faatasi ai ma le loto maualalo ma le loto salamo [Mataupu Faavae ma Feagaiga 136:33].”(“O Mataupu Faavae e Lua mo Soo Se Tamaoaiga,” Liahona, Nov. 2009, 58)

Gaoioiga Faaopoopo e Aoao Ai

Suesueina o puna’oa faalotoifale

Mo faalavefau tau aoaoga faapitoa i lou lotoifale, e te ono manao e saunia se lisi o puna’oa faalotoifale mo au tagata a’oga.O nisi o nei puna’oa e ono aofia ai auiliiliga e uiga i:

Faia’oga a tupulaga i tupulaga
Faaaoaoga lelei
Puna’oa i le initoneti
Lagolago faalenuu
Sikolasipi ma fesoasoani tautupe
Polokalama atina’e mo tomai

E mafai ona e faaalu sina taimi o se vasega e sailiili ai puna’oa faalotoifale e faatoilalo ai faalavefau masani faaleaoaoga.Ma lenei foi, e mafai ona e valaaulia se taitai o le Ekalesia po o se faufautua e sau i le vasega ma faamatala filifiliga o puna’oa.

Vitiō o lo o faamamafa mai ai le taua o aoaoga faaauau

Ua talanoaina e Elder Joseph W. Sitati le auala na ia manumalo ai i faafitauli ina ia maua se a’oa’oga lelei i Kenya.O le tulituliloaina o se aoaoga na ia maua ai se avā, o se galuega, ma talia le talalelei a Iesu Keriso.

4:56

A uma na faasoa atu le vitiō, e mafai ona e valaaulia tagata a’oga e avatu se feau tusitusia po o se imeli i o latou aiga po o uo na faaauau a latou aoaoga ina ua uma a’oga maualuluga.Valaaulia tagata a’oga e fesili atu po o a faalavefau na latou faatoilaloina ina ia maua la latou aoaoga.

Agai i luma ma le faatuatua ia Iesu Keriso

Ina ia faamamafa upumoni taua i le lesona, e mafai ona faitau e tagata a’oga le Mataupu Faavae ma Feagaiga 123:17 ma le faamatalaga mai ia Elder Gerrit W. Gong o le Korama a Aposetolo e To’asefululua, ma vaavaai mo mea ua aoao mai e nei punavai e uiga i le faatoilaloina o faalavefau.

I totonu o le Mataupu Faavae ma Feagaiga, vaega 123, fuaiupu 17, ua aoao mai e le Ali’i se mataupu faavae taua ma ofo mai se folafolaga ofoofogia.

O le mataupu faavae taua ua aoao mai e le Ali’i o le: “Ia faia ma le fiafia mea uma ua iai i lo tatou malosi.”O se mataupu faavae o le faatuatua ma galuega. …O le faia o mea uma lava ua iai lo tatou malosi, e fesoasoani ia i tatou e maua le fesoasoaniga ma le musumusuga a le Atua.O a tatou taumafaiga sili ma le fesoasoani a le Atua e o faatasi.(“Ia Faia ma le Fiafia Mea Uma Ua Iai i lo Tatou Malosi” [Faigalotu a le Lalolagi Aoao a le BYU–Pathway, Tes. 5, 2023], 1, byupathway.edu)

O le a se mea ua aoao mai e Elder Gong e mafai ona fesoasoani i se tagata e agai ai i luma ma le faatuatua ia Iesu Keriso.