Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Aoaoga mo le Agaga Atoa: Faamuamuaina o Aoaoga o le Mafaufau ma le Agaga

“Aoaoga mo le Agaga Atoa: Faamuamuaina o Aoaoga o le Mafaufau ma le Agaga,” Tusi Lesona a le Faia’oga Seminare o le Feagaiga Tuai (2026)

“Aoaoga mo le Agaga Atoa: Faamuamuaina o Aoaoga o le Mafaufau ma le Agaga,” Tusi Lesona a le Faia’oga Seminare o le Feagaiga Tuai

Sauniuni mo Aoaoga ma Galuega i le Lumanai: Lesona 189

Aoaoga mo le Agaga Atoa

Faamuamuaina o Aoaoga o le Mafaufau ma le Agaga

Ua uunaia i tatou e le Ali’i e ave le faamuamua i aoaoga o le poto salalau ma aoaoga faalelotu i o tatou olaga (tagai i le Mataupu Faavae ma Feagaiga 88:77–80).O aoaoga o le poto salalau ma faalelotu, e mafai ona faateleina ai lo tatou tomai e auauna atu i le Atua ma isi ma ia ola faalagolago le tagata ia te ia lava.O lenei lesona e mafai ona fesoasoani i tagata a’oga e fai se fuafuaga ina ia faaauau ai a latou aoaoga maualuluga o le poto salalau ma faalelotu.

Sauniuniga a le tagata a’oga: Mafaufau e valaaulia tagata a’oga e o mai saunia i le vasega e faasoa mai ia le itiiti ifo ma le lua filifiliga talafeagai o lo o latou mafaufau e faia pe a uma le a’oga maualuga.

Gaoioiga e Ono Mafai Ona Aoaoina Ai

Faamuamuaina o aoaoga

E manao Reggie e faaauau le ola ai i le olaga pe a uma le a’oga maualuga e ala i le le faaauauina o lana a’oga.E manao e faigaluega mo ni itula e tele atu i lana galuega o iai i le taimi nei.Ae le’i faia lana faaiuga, ua ia fuafua e mafaufau i tulaga lelei ma tulaga faale-lelei o le faaauauina o ana aoaoga.

O a nisi o tulaga lelei e ono lisi e Reggie mo le faaauauina o ana aoaoga?
Ae o a nisi o tulaga faale-lelei?

E mafai ona amata faia e tagata a’oga se lisi ma se paga po o i ni vaega to’alaiti.E te ono tusi Tulaga Lelei ma Tulaga Faale-lelei i luga o le laupapa ma valaaulia tagata a’oga e tusi a latou tali i luga o le laupapa.Afai na e aoao atu le Lesona 188 talu ai nei, “O Le Taua o Aoaoga,” e mafai ona e faamanatu atu i tagata a’oga mea na latou talanoaina i le lesona mea faitino o le faatumu [funnel].E mafai ona faaauau pea e tagata aoga ona faaopoopo atu i lenei lisi i le gasologa o le lesona.

Aoaoga faale-poto salalau ma faalelotu

Ua faamamafa mai e taitai o le Ekalesia le taua o aoaoga mo fanau uma a le Atua.O aoaoga ua faamamafa mai e taitai o le Ekalesia e aofia uma ai aoaoga faale-poto salalau ma faalelotu.

Tusi le fuaiupu leuma lenei i luga o le laupapa i lalo o Tulaga Lelei ma valaaulia tagata a’oga e tusi i a latou api talaaga mo suesuega.

O le suesueina o aoaoga faale-poto salalau ma faalelotu e fesoasoani [tele] ia i tatou …

Faitau le faamatalaga lenei ma vaavaai mo auala eseese e te ono faauma ai le fuaiupu.

Na aoao mai Elder Clark G. Gilbert o le Fitugafulu:

E tou te iloa le mafuaaga ua faaalu ai e le Ekalesia le tele o punaoa i aoaoga?Ona o le alofa o le Alii mo outou.E finagalo o Ia ia outou latalata atili atu ia te Ia ma maua le malosi faalelagona, faaleatamai, ma faaleagaga.E mananao taitai o le Ekalesia i le mea lava lea e tasi!Matou te tatalo mo outou ma mo lo outou manuia.Ua matou faaagaaga mea uma mo outou ma i le fesoasoani atu ai ia te outou ia ausia o outou gafatiaga paia.(“Aoga a le Ekalesia: E I Ai Se Nofoaga mo Tagata Uma,” Mo le Malosi o le Autalavou, Oketopa 2023, 18)

Valaaulia tagata a’oga e faasoa mai mea sa latou maua ma tusi a latou tali i luga o le laupapa.O tali a tagata a’oga e mafai ona aofia ai:

… ola faalatalata atu i le Ali’i.

… maua le malosi mai le Ali’i.

… ausia lo’u gafatiaga paia.

Aisea e ono talafeagai ai aoaoga faale-poto salalau ma faalelotu i le toina mai ai o nei faamanuiaga mai le Ali’i?

Aoaoga faale-poto salalau

Mafaufau e tusi ata o ni tusi se lua i luga o laupapa e pei lea:Faaigoa le tusi muamua i le “Faale-poto salalau” ma le lona lua i le “Faalelotu.”Valaaulia tagata a’oga e tusi se ata o ni tusi talitutusa i a latou api talaaga mo suesuega.

I lalo o le tusi ua faaigoaina “Faale-poto salalau,” valaaulia tagata a’oga e lisi mai a latou tali i le fesili lenei.E mafai ona e valaaulia i latou e galulue i ni paga po o ni vaega to’alaiti.

O a nisi o filifiliga ua avanoa mo oe i aoaoga faale-poto salalau pe a mae’a le a’oga maualuga?

E mafai ona e faasoa ni filifiliga faaopoopo e le’i ta’ua e tagata a’oga e pei o aoaoga i luga o upega tafailagi, kolisi faale-alalafaga, a’oga matata eseese, avanoa i galuega faataitai, aoaoga e faia i le galuega ma isi.
O a filifiliga o lo o maua i le Ofisa o A’oga a le Ekalesia (OAE)?

Aoaoga faalelotu

O le a le filifiliga o aoaoga faalelotu o loo avanoa mo filifiliga o aoaoga faale-poto salalau ta’itasi ua ta’ua?

Mo mea ta’itasi o loo lisiina i lalo o aoaoga faale-poto salalau, tuu atu i tagata a’oga e lisi mai se filifiliga o aoaoga faalelotu e mafai ona o faatasi.Ia mautinoa ua malamalama tagata aoga e faapea o a’oga taitasi a le OAE e iai aoaoga faalelotu o se vaega o a latou mataupu e tatau ona aoaoina.E mafai ona tusi e tagata a’oga le mataupu faalelotu i tafatafa o le laina o soo se a’oga OAE.

Afai e le’i ta’ua e tagata aoga, valaaulia i latou e tusi le inisitituti faatasi ma soo se isi aoaoga faale-poto salalau o lo o lisiina.Afai e manaomia, ia faamatala atu mo i latou e le auai i a’oga OAE, o le inisitituti o se nofoaga mo soo se talavou matua e (18–35 tausaga le matua), soo se mea i le lalolagi, e mafai ona maua ai vasega o aoaoga faalelotu e aunoa ma se totogi.

Mafaufau i ni auala e mafai ai ona fesoasoani i tagata a’oga seminare ia iloa le auala e fesoasoani ai le auai atu i inisitituti ia i latou i le lumanai.O le talanoaina o lenei ata faataitai ma nisi o fesili nei, o se tasi lea o auala e faia ai lenei mea.

Seʻi faapea na filifili Reggie e maua ni aoaoga faaopoopo ina ua uma lana a’oga maualuga i se a’oga matata eseese ma sa mafaufau pe tatau foi ona auai i se inisitituti.

O a mafuaaga e ono ta’ua e Reggie mo le le auai ai i le inisitituti?
Ua faapefea ona aoga le seminare ia te oe a o e alu ai i le a’oga?
E faapefea le faaauau ai ona aoao e uiga i le Tamā Faalelagi ma Iesu Keriso ona fesoasoani ia Reggie a o alu i se a’oga matata eseese?

Faaali le vitiō “Personal Invitation to Attend Institute” (2:44), e maua i le ChurchofJesusChrist.org.Valaaulia tagata a’oga e vaavaai mo faamanuiaga ua folafolaina mai mo le auai i inisitituti.E te ono valaaulia foi tagata a’oga e faitau e uiga i inisitituti o lo o i le pepa e tufa atu.

2:51

E mafai ona e faaopoopo ni manatu atili i le lisi o lo o i luga o le laupapa i lalo o Tulaga Lelei ia e faasoa mai e tagata a’oga o se vaega o lenei talanoaga.
O a faamanuiaga e tulaga ese ia te oe mai faamanuiaga na folafola mai e Peresitene Nelson mo le auai ai i inisitituti?
Mai mea ua e talanoaina, o le a se mea e te manatu o le a faaosofia ai Reggie e auai i le inisitituti?

Fesoasoani i tagata a’oga ia iloa pe faapeafea ona sue se inisitituti po o fea lava latou te ono nonofo ai pe a uma le a’oga maualuga, e ala i le alu i le myinstitute.ChurchofJesusChrist.org/findInstitute.Mafaufau e filifili ni nai filifiliga o aoaoga na ta’ua muamua i lalo o le tusi muamua.Faailoa le nofoaga mo na filifiliga ma tuu i totonu le aai i le uepisaite ina ia faaalia ai pe faapefea ona su’e ma lesitala mo le inisitituti.E mafai foi ona e faaali atu pe faapefea le sueina o se inisitituti i le upega tafailagi e faaaoga ai le sootaga lava lea e tasi.

Fai se fuafuaga

Faasoa ma tagata a’oga e faapea, tusa lava pe o le a latou faauu mai se a’oga maualuga i lenei tausaga pe leai, e mafai ona aoga mo i latou le faia o se fuafuaga mo o latou aoaoga faale-poto salalau ma faalelotu.Ina ia fesoasoani i tagata a’oga e faia se fuafuaga, faaali atu faatonuga ma fesili nei. Valaaulia i latou e tali fesili nei i a latou api talaaga mo suesuega.

I le faaaogaina ai o fesili o loo i lalo e taitaia oe, fai se fuafuaga mo le lumanai o au aoaoga faale-poto salalau ma faalelotu.Saili le taitaiga mai le Tamā Faalelagi e ala mai i le Agaga Paia, a o e manatunatu ma tusi au tali.

O a ni au sini o le lumanai?
O a ni filifiliga faaleaoaoga o le a fesoasoani ia te oe e ausia ai na sini?
O a fuafuaga e mafai ona e faia i au aoaoga faalelotu i le tausaga a sau? ma tausaga i ona tala atu?

E masani ona aoga mo tagata a’oga le faalogo i manatu mai isi tagata a’oga.Mafaufau e valaaulia ni nai volenitia e faasoa mai a latou fuafuaga.

Mafaufau e faasoa atu lau molimau i le taua o le faamuamua o aoaoga faale-poto salalau ma faalelotu i le gasologa o le olaga.

O Puna’oa Faaopoopo

E mafai faapefea e le faamuamua o aoaoga faalelotu ona faamanuiaina ai a’u?

Na aoao mai Peresitene M. Russell Ballard (1928–2023) o le Korama a Aposetolo e To’asefululua:

15:46

O outou o loo i a’oga maualuga o lo o sauniuni mo misiona, ou te fautuaina outou ia auai i le seminare ma ia faauu mai ai.O outou talavou matutua ua tatau ona lesitala i se inisitituti o mataupu faalelotu.Afai o e auai i se aoga a le Ekalesia, ia e faaaofia e le aunoa se vasega o aoaoga faalelotu i semesa taitasi.I le taimi o lenei vaitau taua o sauniuniga mo se misiona, faaipoipoga e faavavau, ma le olaga o se tagata matua, e tatau ona e sailia pea lava pea auala e aoao ai ma tuputupu ae ai ma mauaina musumusuga ma le taiala e ala i le Agaga Paia.E mafai ona fesoasoani ia te oe mo lena sini se suesuega toto’a ma le agaga tatalo i le talalelei e ala i le seminare, inisitituti, po o vasega faalelotu i aoga.

Pe o e aoga i aoga a le Ekalesia pe leai, pe o e alu i le iunivesite pe leai, aua lava nei e manatu ua e pisi tele e le mafai ai ona suesue i le talalelei.O vasega o le seminare, inisitituti, po o mataupu faalelotu, o le a maua ai le paleni o lou olaga ma faaopoopo atu ai i le aotauina o oe i le aoaoga faale-poto salalau, e ala i le tuuina atu ia te oe o se isi avanoa e faaalu ai se taimi e suesue ai tusitusiga paia ma aoaoga a perofeta ma aposetolo.(“O Le Tupulaga Silisili o Talavou Matutua,” Liahona, Me 2015, 69)

Sa aoao mai e Peresitene Henry B. Eyring o le Au Peresitene Sili:

O lo tatou uluai faamuamua lava e tuuina atu i le aoaoina faaleagaga. …

Ua manino lava e faapea o le faamuamua o le aoaoina faaleagaga e le faapea o le a faamatuu ese ai i tatou mai le aoaoina o mea tau le poto salalau.I se isi itu, e tuuina atu ai i lo tatou aoaoina o le poto salalau le faamoemoe ma uunaia i tatou e galulue malosi atu iai.

Afai tatou te tuuina le aoaoina faaleagaga i lona tulaga talafeagai, o le a manaomia ona tatou faia ni filifiliga faigata i le auala tatou te faaaogaina ai o tatou taimi.Ae e le tatau lava ona iai se filifiliga e faia ma le iloa e tuu ai le faaleagaga e avea ma vaega tulaga lua o o tatou olaga.(“Education for Real Life,” Ensign, Oct. 2002, 17, 18)

Na faasoa mai e Peresitene Gordon B. Hinckley (1910–2008):

Faatasi ai ma au aoaoga uma, aoao e uiga ia te ia.Faatasi ai ma au suesuega uma lava, saili le malamalama o le Matai.O lena malamalama o le a faaatoatoaina i se auala matagofie o aoaoga faale-poto salalau e te mauaina, ma tuuina atu se atoaga i lou olaga ma uiga tauleleia lea e le mafai ona oo mai i se isi lava ala. (i le Conference Report, Oct. 1964, 118)

Ae faapefea pe afai e lagona le lofituina i filifiliga mo lo’u lumanai?

Sa aoao mai foi Peresitene Dallin H. Oaks o le Au Peresitene Sili ma Kristen M. Oaks:

Ua tatou iloa e leai se mea e sili ona nunumi nai lo le leiloaina o le mea e fai i lou lumanai, ae e leai se mea e sili ona tauia patino nai lo le iloaina o ou lava tomai.Faitau lou faamanuiaga faapeteriaka, mafaufau i ou tomai faalenatura ma taleni, ma ia agai i luma.Laa le laasaga muamua, ma o le a faapea ona matala mai ai faitotoa.(“Learning and Latter-day Saints,” Ensign, Apr. 2009, 25)

Na aoao mai Elder Neal A. Maxwell (1926–2004) o le Korama a Aposetolo e To’asefululua:

E to’atele talavou e tau manatu pe tatau ona latou o i se iunivesete, se kolisi, po o se a’oga matātā eseese.O oe lava e faia le filifiliga.O le filifiliga e faia e masani o se mataupu tau i mea e fiafia iai, peitai, e le o se tau mataupu faavae.O lea la, muamua ao lei faia se filifiliga, faatulaga ma le poto i au lava mea e te fiafia iai, ma ou tulaga.Galue e ala i ou lava lagona ma mea e te fiafia iai.Ona faaauau lea i le mauaina o le ituaiga o aoaoga ma toleniga e talafeagai lelei ma mea e te fiafia iai ma ou gafatiaga.Manatua, soo se galuega lava e tausaafia e mamalu.(“Seek Learning, Even by Study and Also by Faith,” 1994 videocassette).

Gaoioiga Faaopoopo e Aoao Ai

O a aso faagata mo talosaga i a’oga a le Ekalesia?

Ina ia fesoasoani i tagata a’oga ia iloa le taimi latou te talosaga ai i a’oga a le Ekalesia, faaaoga sootaga nei mo le mauaina o faamatalaga lata mai.

BYU Pathway: https://www.byupathway.edu/academic-calendar

BYU: https://enrollment.byu.edu/admissions/when-should-i-apply

BYU–Hawaii: https://ai1.ivy-cdn.com/storage/assets/Ve6D4xkngR0YrMOv2zPW8wdbZEKB2QOo.png

BYU–Idaho: https://www.byui.edu/admissions/application-deadlines

Ensign College: https://www.ensign.edu/admissions-dates-deadlines

O le inisitituti e mo tagata uma

Afai e mafai ona manuia tagata a’oga mai nisi faamatalaga e uiga i le inisitituti, mafaufau e faaali atu se tasi pe sili atu o vitiō mai le itulau faasalalau “Ou te Fiafia I Inisitituti” .I nei vitiō, o lo o molimau mai ai le autalavou matutua mai soo se itu o le lalolagi, i le taua o le inisitituti.

O se isi auala e amata ai le vasega

E mafai ona e amata le vasega e ala i le faasoa atu o le faamatalaga lenei: E tusa ai ma le Faalapotopotaga a le Soifua Maloloina a le Lalolagi, o le fua masani lava o le averesi o le soifuaga i le lalolagi atoa e tusa ma le 73 tausaga.(upega tafailagi a le Faalapotopotoga o le Soifua Maloloina a le Lalolagi).

E mafai ona e faasoa ma tagata a’oga, afai ua 16 tausaga o se tasi ma ola e tau le matua i le 73 tausaga, pe tusa ma le 78 pasene o lo latou ola o lo o totoe.

Aisea e te manatu ai e taua le iloa i le a’oga maualuga, o lo o totoe se vaega sili ona tele o le olaga?

Fesoasoani i tagata a’oga ia malamalama o a latou saofaga faaleoleo i aoaoga pe a mavae le aoga maualuluga, e mafai ona aafia ai le tele o tausaga o latou olaga a sau.Afai ua uma ona aoao atu le Lesona 188, “O Le Taua o Aoaoga,” valaaulia tagata a’oga e faasoa mai mea latou te manatua e uiga i le mafuaaga e taua ai aoaoga.