Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Sailiga o se Faufautua: Ua Tuuina e le Ali’i ia Tagata e Avea ma Faaaoao i o Tatou Ala

“Sailiga o se Faufautua: Ua Tuuina e le Ali’i ia Tagata e Avea ma Faaaoao i o Tatou Ala,” Tusi Lesona a le Faia’oga Seminare o le Feagaiga Tuai (2026)

“Sailiga o se Faufautua: Ua Tuuina e le Ali’i ia Tagata e Avea ma Faaaoao i o Tatou Ala,” Tusi Lesona a le Faia’oga Seminare o le Feagaiga Tuai

Sauniuni mo Aoaoga ma Galuega i le Lumanai: Lesona 191

Sailiga o se Faufautua

Ua Tuuina e le Ali’i ia Tagata e Avea ma Faaaoao i o Tatou Ala

A series of images showing mentors talking to individuals, groups of people talking together, training on the computer, working on a forklift in the warehouse, working in D.I., working on a computer and answering phones and graduating from college.

Pe a e tomanatu i lou olaga, na faapefea ona fesoasoani faufautua faatuatuaina ia te oe?Mai ia Mose ma Iosua ma Samuelu, o tala mai tusitusiga paia, ua faapupula mai ai le taua o sootaga faale-faufautua.O nei tala ua faasino ai i tatou i o tatou faufautua atoatoa, o le Tamā Faalelagi ma Iesu Keriso.O lenei lesona e mafai ona fesoasoani i tagata a’oga e faia se fuafuaga e faailoa ma fesootai ai i faufautua faaolioli tau le aoaoga ma galuega.

Sauniuniga a le tagata a’oga: Valaaulia tagata a’oga e mafaufau i aoaoga i le taimi nei ma le lumanai, ma sini tau galuega.Fai atu i tagata a’oga e fai se lisi o nai tagata matutua faatuatuaina e mafai ona avea ma faataitaiga po o faufautua, ina ia fesoasoani ia i latou e ausia nei sini ma aumai a latou lisi i le vasega.

Gaoioiga e Ono Mafai Ona Aoaoina Ai

O ai e te fia mulimuli iai?

A young man walking with a walking stick on a trail.

Mafaufau e amata le lesona e ala i le valaauliaina o tagata a’oga e vaai faalemafaufau o i latou o se vaega o uo o e o le a amata se malaga i se vaomatua tele.Na logoina le vaega e faapea, o le a faigata le faiga malaga, ae o le taunuuga o le a matagofie ma talafeagai lelei ma taumafaiga.Na valaaulia le vaega e filifili se tasi e taitaia i latou.

O a nisi o agavaa e te ono manao e iai i le tou taitai.Aisea?
O le a faapefea ona e tali atu pe a fautua mai se tasi o le vaega faapea e le manaomia se taitai?

Valaaulia tagata a’oga e mafaufau pe faapefea e lenei ata faataitai ona faatatau i a latou aoaoga ma fuafuaga tau galuega.E mafai ona e ta’ua e faapea, o lenei lesona o le a taulai atu i le faailoaina ma le faafesootaiina o faufautua.

Manatua: E ono iai ni au tagata a’oga e manatu e le manaomia se faufautua.E mafai ona e vaavaai mo avanoa e fesoasoani ai ia i latou ia malamalama i le taua o faufautua ma tulaga latou te ono maua ai le fesoasoani i aso nei.Fesoasoani i tagata a’oga ia iloa e faapea, faapei o se taitai, e mafai e se faufautua ona aumaia se poto masani ma malamalamaaga lea e mafai ona fesoasoani ia i tatou e faatautaia ai filifiliga tau le aoaoga ma tau galuega.

Suesue faamatalaga nei ma vaavaai pe faapefea ona taitaia oe e le Ali’i e ala i fautuaga a le au faufautua.

Na saunoa mai Brother Milton Camargo, ao avea ma Fesoasoani Muamua i le Au Peresitene Aoao o le Aoga Sa:

E iai lava se taimi i lau faigamalaga [i] aoaoga … e te ono lagona ai le lofituina i le tele o mea e fai.Faamolemole ia manatua e le o tuua na’o oe i le taimi o ou luitau.Ua tuuina mai e le Ali’i le to’atele o tagata e mafai ona fesoasoani ia te oe—tagata o le aiga, taitai o le Ekalesia; uo; faapea ma au faiaoga, faufautua, ma ’au faatonutonu.Ma, ioe, o le Ali’i lava Ia e saunia pea i taimi uma e faamafanafana ma faamalosia oe.(“Persevere with the Lord’s Help” [BYU–Pathway Worldwide devotional, Mar. 1, 2022], 2, byupathway.edu)

Na a’oa’o mai Elder Ronald A. Rasband o le Korama a Aposetolo e To’asefululua:

O [faufautua] na muamua atu ia i tatou, ma latou te iloa le ala. …O se tagata e sili atu le poto masani [ma] faatuatuaina e auauna o se taitai ma faufautua i se tagata e itiiti le poto masani, e fesoasoani ai e fau le malamalama o lena tagata ma le aoaoina o mataupu faavae, o le a faia ai o ia e avea ma sē e sili atu ona mataalia, malosi, atamai, ma taua atili o se auauna a le Atua” (“O Au Uo e Tutu mo Oe” [Faigalotu a le Brigham Young University, Mat. 7, 2010], 3, speeches.byu.edu).

O le a se mea na tumatila ia te oe mai lenei fautuaga?

A uma ona tali mai tagata a’oga, tusi le upumoni lenei i luga o le laupapa: E mafai ona taitaia i tatou e le Ali’i e ala mai i faufautua faatuatuaina.

Valaaulia tagata a’oga e tomanatu i tulaga nei:
O anafea na e mauaina ai po o se isi e te iloaina se fesoasoani mai se tagata faufautua?
O a nisi o vaega o lau fuafuaga tau le aoaoga po o galuega e mafai ona aoga ai le taitaiga a le Ali’i e ala i se fautuaga mai se tagata faufautua?

E mafai ona e faasoa atu se faataitaiga o se tasi na auauna o se faufautua mo oe.Mafaufau e faasoa atu ou aafiaga i le galulue ai ma lena tagata ma pe na faapefea ona fesoasoani ia te oe ia vaaia ai le taitaiga a le Faa’ola i lou olaga.

A o suesue i le asō, valaaulia le Agaga Paia e fesoasoani ia te oe ia iloa faufautua faatuatuaina i lou olaga o e e mafai ona fesoasoani ia te oe e saili le taitaiga a le Ali’i a o e faia faaiuga e uiga i au fuafuaga tau le aoaoga ma galuega.

O faataitaiga o fautuaga faatusi paia

E ono fesoasoani le faasoa atu e faapea, o se tasi o faalagiga o le Tamā Faalelagi o le “Tagata Fautua,” (tagai i le Mose 7:35).E mafai ona e valaaulia tagata a’oga e faitau le Ioane 5:19–20 ma le Ioane 8:26–28, vaavaai pe na faapefea ona fautuaina e le Tamā Faalelagi Lona alo, o Iesu Keriso.E mafai ona e fai atu se fesili e pei o le:

O le a se mea e mafai ona faamalamalama mai e lenei tulaga ia i tatou e uiga i le manaomia e le Faaola o se faufautua?

E ono ta’ua e tagata a’oga e faapea, sa aoao Iesu mai le faataitaiga a Lona Tamā ma saili mo le fautuaga ma le taiala a Lona Tamā.

A uma ona faasoa mai tagata a’oga, e mafai ona e tuu atu faataitaiga faatusitusiga paia nei o le taitaiina ai e le Ali’i o Ona tagata e ala i tagata faufautua musuia.E mafai ona galulue tagata a’oga ma se paga ma filifili se tasi o tala e suesue ma tali fesili o mulimuli mai.

Mose ma Iosua: Teuteronome 3:21–22 (O Mose o loo taitaia Iosua), 28 (faatonuga a le Ali’i ia Mose)

O Tepora le perofeta fafine ma Parako, o lona taitaiau: Faamasino 4:4–10, 14; Faamasino 5:1–3 (faamanatuina o le manumalo o Isaraelu)

O le faitaulaga sili o Eli ma le perofeta talavou, o Samuelu: 1 Samuelu 3:1–10

Sa faapefea ona tuuina atu e le Ali’i Lana taitaiga e ala i lenei faufautua?
E faapefea e lenei tala ona fesoasoani i se isi o musuā e saili le fesoasoani mai se faufautua?

2026 Old Testament Seminary Teacher Materials

O le a taiala i tatou e le Ali’i e ala i faufautua faatuatuaina.

A uma se taimi talafeagai, valaaulia ni nai tagata aoga e faasoa mai mea sa latou talanoaina i a latou vaega.E mafai ona e valaaulia tagata a’oga naunautai e faasoa mai a latou fuafuaga i le vasega.

E ono fesoasoani le faamatala atu e faapea o matua, faia’oga, faufautua a le a’oga, ma isi e mafai ona fesoasoani i tagata a’oga e faailoa se faufautua talafeagai.O nisi paranesi, uarota, ma siteki e ono iai tagata e iai tomai faapitoa mo [mataupu tau le] aoaoga ma galuega.Mafaufau e faamautinoa atu i tagata a’oga e faapea, ua tuuina e le Ali’i le tele o tagata i o tatou ala, o e mafai ona auauna o ni faufautua.O nisi tagata o ni faufautua mo se taimi pu’upu’u ma e mafai ona fesoasoani i le ausiaina o ni o tatou manaoga patino o iai.O isi faufautua e mafai ona tatou galulue faatasi mo se taimi umi.

Valaaulia tagata a’oga e saili le fesoasoani a le Tamā Faalelagi e saili ma fesootai ma faufautua o e mafai ona fesoasoani ia i latou.Ia molimau atu o le a Ia tuuina mai ia i latou le fesoasoani latou te manaomia.

O Puna’oa Faaopoopo

O a uiga e tatau ona ou sailia i se faufautua?

I le manatunatu i se ali’i sa avea ma ana faufautua, sa saunoa ai Peresitene Henry B. Eyring:

O le a ou taulai ifo i mea ou te faamoemoe iai i le faailoaina ai o se faufautua faaolioli sili ona lelei …

Muamua, ma e mautinoa e sili ona taua, o loo iai sona malamalamaaga e uiga i le lalolagi o loo o’u taumafai e folau ai. …E le na’o lona iloa o mea moni e faatatau i ai; o loo iai sana faafanua, ma [o se faafanua] e lelei tele.Ma ua ou iloa le ituaiga faafanua e sili ona taua—o se faafanua e faaali atu ia oe le mea o le a taoto ai le tāua i le lumanai.Sa le na o lona iloa o le teori o filifiliga ma faafoefoega fai; sa ia te ia se lagona o le mea e aga’i iai le tuufaatasiga ma le mea e sili ona aoga i tagata o lo o galulue i lena tuufaatasiga i lona faagasologa.Na ia te ia le gafatia e fai mai ai, “O lenei saofaga po o lena saofaga o le a maua ai se eseesega tele.”(“To Choose and Keep a Mentor,” [BYU University Conference, Aug. 26, 1993], 3, speeches.byu.edu).

Na saunoa mai Elder Robert D. Hales (1932–2017) o le Korama a Aposetolo e To’asefululua:

I o’u tausaga o se talavou matua, sa ou sailia fautuaga mai o’u matua ma mai faufautua faamaoni, ma faatuatuaina.O se tasi o i latou o se taitai perisitua; o le isi o se faia’oga na talitonuina a’u. …Ia saili ma le agaga tatalo ni faufautua o e faatauaina lou manuia faaleagaga.(“Fetaiai ma Luitau o le Lalolagi i Lenei Vaitaimi,” Liahona, Nov. 2015, 46)

E mafai faapefea ona ou manuia mai le mauaina o se faufautua?

Na aoao mai e Sister Susan L. Gong e faapea:

5:29

Ua aoao mai Peresitene Nelson, “O le aoaoga o le eseesega lea i le va o le moomoo maimau pe ana mafai ona e fesoasoani atu i isi tagata, ma le mafai ona fesoasoani atu ia i latou.”

O mea lelei ma aoga e te aoaoina i le taimi nei, o le a mamanuina ma faamanuiaina ai lou olaga atoa.

O le vaitau lenei e sailia ai faufautua atamamai ma amiotonu—matua po o matua matutua, faiaoga, uo, taitai o le Ekalesia, ma, e aupito sili le taua, o Iesu Keriso—e fesoasoani ia i tatou e fausia ni olaga anoa.Fatu ni sootaga anoa ma i latou o ē mafai ona fesoasoani ia te oe e aoao ma tuputupu a’e.(“Mafuaaga e Faamoemoe ai,” [faigalotu a le S&I i le lalolagi aoao mo talavou matutua, Ian. 10, 2021], Gospel Library)

Gaoioiga Faaopoopo e Aoao Ai

Saili le fautuaga a i latou o e atamamai ma iai le poto masani

A o vaavaai tagata a’oga i faataitaiga o fautuaga i tusitusiga paia, e ono aoga mo i latou le vaavaai i taunuuga o le lē mulimuli ai i fautuaga a i latou e sili atu le poto masani.Ina ia faia lenei mea, e mafai ona e faasoa atu le tala i le Tupu o Reopoamo, o lē na sosoo ma lona tamā, le Tupu o Solomona, i le avea ai ma taitai o Isaraelu.

Valaaulia tagata a’oga e faitau le 1 Tupu 12:1–4, vaavaai mo le faafitauli na faaalia e Ierepoamo, mai le aiga o Efaraima, mo le fanauga a Isaraelu.

Ona faitau lea e tagata a’oga o le 1 Tupu 12:6–11.Faatulaga tagata a’oga i ni paga.E mafai ona vaavaai le isi paga mo fautuaga na tuuina atu e “toeaiina” o e na auauna atu i le Tupu o Solomona, i le Tupu o Reopoamo.O le isi paga e vaavaai mo mea na fai atu uo talavou a Reopoamo ia te ia e fai.E mafai ona e fai atu se fesili mo se faatalanoaga faapenei:

Aisea e ono faatosina ai le mulimuli i fautuaga mai tupulaga e leai se poto masani?

E mafai ona faitau e tagata a’oga le 1 Tupu 12:12–16, vaavaai mo taunuuga na oo ia Reopoamo mai le mulimuli ai i fautuaga a ana uo (o ituaiga e sefulu na fouvale ia Reopoamo ma avea ma Malo i Matu o Isaraelu).

Fesoasoani i tagata a’oga ia malamalama i le taua o le iloaina o le taitaiga a le Ali’i e ala mai i faufautua atamamai ma lelei.O lo latou poto masani e mafai ona fesoasoani ia i tatou e faia filifiliga lelei sili atu ma mulimuli i le Ali’i.

Sailia ma feiloai ai ma se faufautua

A uma le gaoioiga o le pepa e tufa atu, e mafai ona e faatulaga tagata a’oga i ni paga.Tuu atu ia i latou e faataitai le talanoaga i le va o i latou lava ma a latou paga, o lē o le a faia le matafaioi o le faufautua faaolioli.E mafai ona faataitai e tagata a’oga le auala o le a latou valaaulia ai lenei tagata e avea ma a latou faufautua, e faaaogaina ai fesili e tolu pe sili atu na latou tusia i lalo.O le tagata aoga o lo o faia le matafaioi a le faufautua e mafai ona ia avatu ni manatu faaalia (o mea na sologa lelei, o le a se mea latou te suia, ma soo se fautuaga).Ona ono mafai lea e tagata a’oga ona fesuiai matafaioi ae faataitai le isi paga.

A uma ona maua le avanoa e paga taitasi e faataitai ma maua manatu faaalia, e te ono fesili atu po o a ni mea na oo i tagata aoga lea e ono faafaigata ma faaletonu ai ona faailoaina ma fesootaiina atu ma se faufautua, ma ofo atu e le tasi i le isi fautuaga i le auala e foia ai nei luitau.

Afai e aoga i tagata a’oga taitaiga faaopoopo e fesoasoani ia i latou e fuafua e feiloai ma se faufautua, e mafai ona e tuu atu le puna’oa lenei: “Feiloai ma Lau Faufautua.”E mafai ona faatumu e tagata a’oga le pepa o galuega i le initoneti ma faasoa manatu ma tagata o le vasega.

E ono aoga mo tagata a’oga le vaavaai i le auala o loo aoga ai i tagata a’oga i le BYU ia sootaga ma tagata faufautua i a latou aoaoga.E mafai ona e faaali atu le vitiō “BYU First Year Mentoring | Experiences of Growth” (2:48).