Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

O Le Taua o Aoaoga: Faamanuiaga o Aoaoga Faaletino ma Faaleagaga

“O Le Taua o Aoaoga: Faamanuiaga o Aoaoga Faaletino ma Faaleagaga,” Tusi Lesona a le Faia’oga Seminare o le Feagaiga Tuai (2026)

“O Le Taua o Aoaoga: Faamanuiaga o Aoaoga Faaletino ma Faaleagaga,” Tusi Lesona a le Faia’oga Seminare o le Feagaiga Tuai

Sauniuni mo Aoaoga ma Galuega i le Lumanai: Lesona 188

O Le Taua o Aoaoga

Faamanuiaga o Aoaoga Faaletino ma Faaleagaga

E ui o le mauaina o se aoaoga e mafai ona faigata tele, ae e aoga lava le ositaulaga ma taumafaiga.E le gata e mafai e se aoaoga ona faamanuiaina o tatou olaga ma i latou e siomia i tatou, ae e saunia ai foi i tatou e avea ma mea faigaluega sili i le ausiaina o le galuega a le Ali’i.O lenei lesona e mafai ona fesoasoani i tagata a’oga ia malamalama i le taua o aoaoga uma e lua faaletino ma faaleagaga.

Sauniuniga a le tagata a’oga: Valaaulia tagata a’oga e mafaufau loloto i se mea latou te fiafia e aoao ma pe na faapefea ona latou atia’eina lena fiafia.E mafai ona latou mafaufau loloto pe faapefea ona taua le aoaoina o lenei mea fiafia ia i latou.

Gaoioiga e Ono Mafai Ona Aoaoina Ai

Saolotoga po o tapulaa

Mafaufau e tusi ni faatumu [funnels] se lua i luga o le laupapa, e pei ona faaalia i lalo.E mafai e tagata a’oga ona tusi nei ata i a latou api talaaga o suesuega.E te ono aumai foi se faatumu i le vasega po o le faia o se faatumu faigofie mai se pepa.

Valaaulia tagata a’oga e faasino atu le pito o le faatumu e foliga sili atu ona va itiiti (ma taotaomia) ma le pito e foliga sili atu ona matala pe saoloto.Ona tusi lea Mauaina o se Aoaoga i luga o le ata muamua.

Vaai faalemafaufau i le tama’i avanoa i lenei faatumu, e avea ma faataitaiga o le mauaina o se aoaoga.

O a auala e ono foliga taotaomia ai pe faatapulaa i nisi tagata le mauaina o se aoaoga?
O le a se mea e ono faatusa iai le avanoa tele atu i le pito i lalo?Aisea?

E ono faamatala mai e tagata a’oga e ui o le mauaina o se aoaoga e manaomia ai le tele o taumafaiga, pulea o le loto, ma le ositaulaga, e mafai ona taitai atu ai i faamanuiaga mai le Ali’i lea e aofia ai le faateleina o le saolotoga, avanoa, ma le tuputupu a’e.

Tusi le Filifili ia Le Maua se Aoaoga i luga o le ata lona lua.

Ia vaai faalemafaufau nei o le pito o iai le avanoa tele o lenei faatumu e faatusa i le filifili ia le maua se aoaoga.

Faamata o le a le mea ua faatusa i ai le avanoa laitiiti i le pito i lalo?Aisea?

E ono faamalamalama mai e tagata a’oga, o le filifili e le faia se taumafaiga ina ia maua se aoaoga, atonu e foliga mai e saoloto i le taimi muamua, ae e mafai ona taitai atu ai i le faatapulaaina po o le taotaomia o le saolotoga, avanoa, ma le tuputupu a’e.

Mafaufau loloto i fesili nei:

O le a le taua o aoaoga ia te oe?Aisea?
E faapefea e lau filifiliga ia maua po o le le mauaina o se aoaoga ona aafia ai oe ma i latou o siomia oe?

E mafai ona fesoasoani le Agaga Paia ia te oe ia e iloa feau mo oe lava.A o e aoao e uiga i aoaoga, uai atu i musumusuga e ono fesoasoani ia te oe i ou sini faaleaoaoga ma le olaga.

Ia aoao pea i taimi uma

Faaali atu saunoaga nei.E mafai ona e tufa atu le taiala Mo le Malosi o le Autalavou i tagata a’oga ta’ito’atasi, po o le valaaulia o i latou uma e saili i le polokalama o lo o i le Gospel Library.

E te ono valaaulia tagata a’oga e suesue taitoatasi i faamatalaga ona talanoaina lea o fesili o lo o mulimuli mai i vaega to’alaiti.

Faitau faamatalaga nei, vaavaai mo mea e te iloa e uiga i le aoaoina ma aoaoga.

Na aoao mai Peresitene Russell M. Nelson:

Ua faamoemoe lo tatou Foafoa i Lana fanau i soo se mea ia maua se aoaoga o se taumafaiga patino.(“Education—A Religious Responsibility” [Brigham Young University–Idaho devotional, Jan. 26, 2010], byui.edu)

O loo faamatala i leMo Le Malosi o le Autalavou: O Se Taiala mo le Faia o Filifiliga :

E finagalo le Tama Faalelagi i Ona afafine ma atalii ia aoao i taimi uma. Ua ia te oe mafuaaga faaletino ma faaleagaga e saili ai ma fiafia i le aoaoina.O aoaoga ua le na o le mauaina o tupe.O se vaega o lau sini e faavavau ia avea atili e faapei o le Tamā Faalelagi. …

Ia aoao pea i taimi uma. Vaavaai mo avanoa e faalautele ai lou mafaufau ma ou tomai.O nei avanoa e mafai ona aofia ai aoaoga aloaia i le aoga po o aoaoga faalematata faapea foi ma aoaoga faalealoa’ia mai punavai e te faatuatuaina.Faaaofia le Alii i au taumafaiga, ma o le a Ia taialaina oe.A o e aoao e uiga i le lalolagi o siomia ai oe, aoao foi e uiga i le Faaola, o lē na foafoaina le lalolagi.Suesue i Lona soifuaga ma aoaoga.Ia avea le seminare, inisitituti, ma suesuega patino o le talalelei o se vaega o lou aoaoina i le olaga atoa. …

O aoaoga e faateleina ai lou tomai e auauna atu ai i le Alii. E faamamanaina ai oe e faamanuia isi, aemaise lava lou aiga.O le tele o lou aoaoina, o le tele foi lena o lou fesoasoani e fausia le malo o le Atua ma aafia ai le lalolagi mo le lelei.(Mo Le Malosi o le Autalavou: O Se Taiala mo le Faia o Filifiliga [2022], 31–32)

O le fea o fasifuaitau mai nei faamatalaga e sili ona anoa ia te oe?Aisea?
O a ni upumoni e faavavau e mafai ona tatou aoao mai i nei faamatalaga?
Tusifaamaumau upumoni e faasoa mai e tagata a’oga i autafa o le faatumu muamua i luga o le laupapa.E mafai ona faia e tagata a’oga le mea lava lea e tasi i a latou ata.Atonu latou te faasoa mai upumoni e pei o nei:
- O aoaoga o se vaega o la tatou sini e faavavau ina ia avea e faapei atili o le Tamā Faalelagi.”
- E finagalo le Tama Faalelagi i Ona afafine ma atalii ia aoao pea i taimi uma.
- O aoaoga e mafai ona faateleina ai lo tatou tomai e auauna ai i le Ali’i ma faamanuiaina ai isi.
Aisea ua avea ai le aoaoina ma aoaoga o se vaega taua o le fuafuaga a le Tamā Faalelagi?
E ono faapefea ona fesoasoani nei upumoni i se isi e iai se vaaiga taotaomia po o le faatapulaaina i aoaoga?

O le taua o aoaoga

O le aoaoina ma aoaoga na avea pea o ni vaega taua tele o le alualu i luma mo fanau a le Tamā Faalelagi.Mo se faataitaiga, na aoao e Atamu ma Eva a la fanau i mea uma faaleagaga ma faalelalolagi (tagai i le Mose 5:10–12; 6:5–6), ma fesoasoani ai ia i latou ia avea atili e faapei o le Tamā Faalelagi.

2026 Old Testament Seminary Teacher Materials

O a faamanuiaga mai le Ali’i ua e vaaia i lou olaga po o le olaga o isi ona o le aoaoina ma aoaoga?
O a aafiaga na oo ia te oe ua fesoasoani ia te oe e iloa ai le popole o le Tamā Faalelagi i lau a’oga?

Faaiuga

Vaai faalemafaufau e iai sau uo e ita i le a’oga ma ua ia mafaufau i filifiliga e le manaomia ai ni aoaoga faaopoopo pe a uma le a’oga maualuga.Tusi mea e te ono faasoa i lau uo e faaaoga ai mea ua e aoaoina i le asō.O nisi nei o faataitaiga o mea e te ono manao e faaaofia:

Faamanuiaga faaletino ma faaleagaga e mafai ona faamanuiaina ai i tatou e le Tamā Faalelagi ma Iesu Keriso mai le mauaina o se aoaoga.
O tusitusiga paia, upusii, manatu patino po o aafiaga e anoa ia te oe.

Valaaulia ni nai tagata a’oga e faasoa mai i le vasega.Mafaufau e molimau atu i le faamanuiaga sili e mafai ona iai i aoaoga i o tatou olaga—aemaise lava i le fesoasoani ia i tatou ia avea atili e faapei o le Tamā Faalelagi ma Iesu Keriso.

O Puna’oa Faaopoopo

Aisea e taua ai le mauaina o se aoaoga?

Na aoao mai Peresitene Gordon B. Hinckley (1910–2008):

E tatau ona e mauaina aoaoga uma e te ono mafai ona maua.Ua matua oo ina faigata ma faatautava le olaga.E le mafai ona na ona e manatu e i ai mea e te agavaa ona e mauaina.O le a faamoemoeina e te faia se taumafaiga tele, ma faaaoga au taleni aupito sili ina ia e oo atu ai i le lumanai e sili ona matagofie, lea e tatau ona e maua.Faataulaga se taavale; faataulaga soo se mea e tatau ona faataulagaina ina ia agavaa ai outou lava e fai le galuega a le lalolagi.O lena lalolagi o le a totogi tele atu ia te oe le mea ua manatu o lou taua lena, ma o le a faateleina lou taua pe a e mauaina le aoaoga ma le tomai i lau matata filifilia.(“Words of the Prophet: Seek Learning,” New Era, Sep. 2007, 3–4)

Na faamatala e Peresitene Dallin H. Oaks ma Tuafafine Kristen M. Oaks:

O le tele lava o le malamalama tatou te maua i tulafono faalelagi ma mea faalelalolagi, o le tele foi lea o le aafiaga e mafai ona tatou faia mo le lelei o i latou o lo o siomia i tatou, ma o le tatou saogalemu foi lea mai aafiaga [faatufanua] taufaaleaga ma le amio leaga e ono faasese ma faatamaia ai i tatou.(“Aoaoina ma le Au Paia o Aso e Gata Ai,” Liahona, Ape. 2009, 22–23)

Ae faapefea pe a le avanoa aoaoga aloaia mo a’u?

Sa saunoa mai Peresitene Dieter F. Uchtdorf, a o iai i le Au Peresitene Sili:

18:45

Afai e le maua a’oga aloaia, aua nei e faatagaina lena mea e taofia oe mai le mauaina o le poto uma e mafai ona e maua.I na tulaga faapena, o tusi aupito sili, i se isi itu, e mafai ona avea ma au “iunivesite”—o se potuaoga e matala i taimi uma ma talia ai i latou uma e talosaga atu i ai.Taumafai e faateleina lou iloa i mea uma e “mama, matagofie, logoleleia ma tauleleia.”Saili le poto “e ala i le suesue ma le faatuatua.”(“Two Principles for Any Economy,” Liahona, Nov. 2009, 58) (mai le taimi 15:28 i le 16:05)

Gaoioiga Faaopoopo e Aoao Ai

Se isi amataga

Mafaufau e amata le vasega e ala i le faaali atu o se ata o se faitotoa matala.

Ona faaali atu lea o le upusii lenei, ae faaavanoa le upu muamua.Valaaulia ia tagata a’oga e mate mai le upu o lo o misi.A o latou faasoa mai tali, e mafai ona latou faamatala mai pe aisea ua latou filifilia ai lena upu.

Na aoao mai e Peresitene Gordon B. Hinckley (1910–2008) le tulaga lenei:

o le ki lea o le a tatalaina ai le faitotoa o avanoa mo oe.E taua le ositaulaga ai. (“Inspirational Thoughts,” Ensign, June 1999, 4)

A uma se taimi talafeagai, tusi le Aoaoga i le avanoa.Valaaulia tagata a’oga e faasoa mai pe faapefea ona moni lena faamatalaga.Afai latou te le ta’ua [le upu], mafaufau e faamatala atu o se tasi o auala e tatalaina ai e aoaoga faitotoa o avanoa mo i tatou, ona e fesoasoani lea ia i tatou ia aoaoina ma tuputupu a’e, ma avea atili ai faapei o le Tamā Faalelagi ma Iesu Keriso (tagai i le Mataupu Faavae ma Feagaiga 93:36).

Ona faaali atu lea o se ata o faitotoa o lo o tapuni.

Valaaulia tagata a’oga e faasoa mai mafuaaga e ono filifili ai nisi tagata e le sailia le aoaoina ma aoaoga.E mafai ona e valaaulia tagata a’oga e mafaufau loloto i o latou talitonuga patino [e uiga] i aoaoga.

O le a’otauina o le ki lea i avanoa

Mo se isi filifiliga o gaoioiga i lenei vaega “Taua o aoaoga,” mafaufau e faaali atu le vitiō “Education Is the Key to Opportunity” (1:38).I lenei vitiō, o lo o talanoa mai ai Thomas S. Monson ma Gordon B. Hinckley e uiga i le taua o aoaoga.E mafai ona e valaaulia tagata a’oga e tagai i le faatumu i luga o le laupapa, ma vaavaai mo auala e tatala ai e aoaoga le faitotoa mo nisi avanoa ma faamanuiaga.

1:38