Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Matalinong Pamamahala ng Pinansyal na Resources: Paggamit ng mga Alituntunin ng Panginoon sa Paggawa ng mga Desisyon sa Pananalapi

“Matalinong Pamamahala ng Pinansyal na Resources: Paggamit ng mga Alituntunin ng Panginoon sa Paggawa ng mga Desisyon sa Pananalapi,” Manwal ng Titser ng Seminary para sa Lumang Tipan (2026)

“Matalinong Pamamahala ng Pinansyal na Resources: Paggamit ng mga Alituntunin ng Panginoon sa Paggawa ng mga Desisyon sa Pananalapi,” Manwal ng Titser ng Seminary para sa Lumang Tipan

Pagkakaroon ng Pag-asa sa Sariling Kakayahan o Self-Reliance: Lesson 179

Matalinong Pamamahala ng Pinansyal na Resources

Paggamit ng mga Alituntunin ng Panginoon sa Paggawa ng mga Desisyon sa Pananalapi

Itinuro ni Elder Ronald A. Rasband ng Korum ng Labindalawang Apostol, “Ang Panginoon ay nakatuon sa maliliit na detalye ng ating buhay” (“Sa Banal na Plano,” Liahona, Nob. 2017, 56). Kabilang dito ang ating mga desisyon sa pananalapi. Ang pag-alam kung paano isali ang Panginoon sa ating mga desisyon tungkol sa pera ay makatutulong sa atin na mas maging self-reliant. Makatutulong ang lesson na ito sa mga estudyante na gamitin ang mga inspiradong alituntunin para pamahalaan ang mga desisyon sa pananalapi sa paraan ng Panginoon.

Paghahanda ng estudyante: Bago ituro ang lesson na ito, maaari mong ipakita sa pisara ang “Mapa para sa Matagumpay na Pamamahala sa Pananalapi” at anyayahan ang mga estudyante na kunan ito ng larawan gamit ang kanilang mga telepono. Maaari mo ring ipamahagi ang mga papel na kopya nito sa mga estudyante.

Mga Posibleng Aktibidad sa Pag-aaral

Mga desisyon sa pananalapi

(Tandaan: Maaaring ituro ang lesson na ito kasabay ng Lesson 158: “Malakias 3,” na naglalaman ng mga aktibidad sa pag-aaral upang matulungan ang mga estudyante na maunawaan ang batas ng ikapu ng Panginoon.)

Bago magsimula ang klase, maaari mong idrowing o ipakita ang sumusunod na chart sa pisara.

Mahahalagang Desisyon sa Pananalapi	Mga Alalahanin sa Paggawa ng mga Desisyong Ito

Anyayahan ang mga estudyante na pumunta sa pisara at punan ang chart habang isinasaalang-alang nila ang mga desisyon sa pananalapi na gagawin nila sa susunod na 5 hanggang 10 taon. Habang ginagawa ito ng mga estudyante, maaari kang maglakad-lakad sa klase at hikayatin silang magbahagi sa iyo ng kanilang mga ideya o isulat ito sa pisara.

Kabilang sa mga desisyong maaaring ilista ng mga estudyante ang pagbabayad para sa edukasyon at misyon, paglalaan para sa pamilya, o pagbili o pag-upa ng tirahan. Maaaring kabilang sa mga alalahanin ang kakulangan ng pera, hindi alam kung paano magbadyet, pag-alis sa trabaho para magmisyon, o pag-alam kung sino ang pagkakatiwalaan kapag gumagawa ng mga desisyon sa pananalapi.

Isipin ang ilan sa mahahalagang desisyon sa pananalapi na kinakaharap ninyo o kakaharapin ninyo sa lalong madaling panahon habang pinag-iisipan ninyo ang mga sumusunod na tanong:

Ano ang mga tanong ninyo tungkol sa kung paano matatanggap ang tulong ng Panginoon sa mga desisyong ito?
Ano na ang nasubukan ninyo noon na nakatulong? Ano ang hindi nakatulong?

Kapag madali nating nadarama ang impresyon mula sa Espiritu Santo, maipapakita sa atin ng Ama sa Langit kung paano gumawa ng matatalinong desisyon sa pananalapi sa buong buhay natin. Maging bukas sa mga impresyon na ito habang nag-aaral kayo ngayon.

Paggawa ng mga desisyon sa pananalapi sa paraan ng Panginoon

Nais ng Ama sa Langit at ni Jesucristo na gabayan tayo sa lahat ng aspekto ng ating buhay. Kabilang dito ang ating mga desisyon sa pananalapi. Binigyan Nila tayo ng tagubilin sa mga banal na kasulatan na makatutulong sa atin na gumawa ng matatalinong desisyon sa pananalapi.

Isulat ang sumusunod sa itaas ng isang pahina ng inyong study journal: Makagagawa ako ng mga desisyon sa pananalapi sa paraan ng Panginoon sa pamamagitan ng …

Basahin ang tatlo sa mga sumusunod na scripture reference. Kumpletuhin ang katotohanan sa inyong study journal gamit ang natutuhan ninyo mula sa mga banal na kasulatan.

Genesis 41:46–49, 53–57 (Inatasan ng Faraon si Jose na pangasiwaan ang produksyon ng butil sa Ehipto sa mga taon ng kasaganaan upang maghanda para sa ipinropesiyang mga taon ng taggutom.)
Deuteronomio 15:7–8
Mga Awit 24:1
Malakias 3:8–11
Jacob 2:18–19
Doktrina at mga Tipan 104:78

Paano makatutulong sa inyo ang natutuhan ninyo mula sa mga banal na kasulatan na gumawa ng mga desisyon sa pananalapi sa paraan ng Panginoon?

Pag-una sa ating mga gastusin

Si Elizabeth, na isang babae sa inyong branch, ay nagsimulang magtrabaho sa isang entry-level na posisyon sa isang restaurant noong siya ay 16 na taong gulang. Sa paglipas ng mga taon, nagsumikap siya at naging manager siya ng restaurant. Habang papalapit siya sa pagreretiro, nakabili at nakapagpatakbo siya ng sarili niyang restaurant.

Lagyan ng numero ang “mga posibleng gastusin” ayon sa pagkakasunud-sunod na irerekomenda mo na dapat unahin ni Elizabeth.
Sa tabi ng dalawang magkaibang gastusin, magsulat ng scripture reference na inyong pinag-aralan na nakatulong sa paggabay sa inyo kung paano ninyo inuna ang mga gastusin.
Maghandang ipaliwanag kung paano nakatulong sa inyo ang mga katotohanang natutuhan ninyo sa mga banal na kasulatan para gumawa ng mga desisyon sa kung paano ninyo inuna ang mga gastusin.

Isali ang Panginoon sa aking mga desisyon sa pananalapi

Bigyan ng oras ang mga estudyante para pag-isipan ang mga paraan kung paano nila maisasali ang Panginoon sa paggawa ng mga desisyon sa pananalapi. Ang isang paraan upang matulungan silang gawin ito ay ipakita ang sumusunod na pahayag bago sagutin ng mga estudyante ang mga kalakip na tanong.

Ibinahagi ni Bishop L. Todd Budge ng Presiding Bishopric:

Ang natuklasan ko sa sarili kong buhay ay na maaari ko ring ipagdasal ang aking mga temporal na gawain. Maaari kong ipagdasal ang aking pananalapi. Maaari kong ipagdasal kung bibilhin ko ba ang bahay na ito o ang bahay na iyon o kung mamumuhunan ba ako sa bagay na ito o sa bagay na iyon. Dapat nating isali ang Panginoon hindi lamang sa espirituwal na bahagi ng ating buhay kundi maging sa mga temporal na bagay sa ating buhay. (“4 na Alituntuning Maaari Nating Matutuhan mula sa Paraan ng Pagkilos ng Presiding Bishopric,” Liahona, Peb. 2024, 14)

Pag-isipan ang mga desisyon sa pananalapi na kailangan ninyong gawin ngayon o sa malapit na hinaharap. Anyayahan ang Espiritu Santo na tulungan kayong sagutin ang mga sumusunod na tanong sa inyong study journal:

Anong mga alituntunin ang makatutulong sa inyo na gawin ang mga desisyon sa pananalapi na ito sa paraan ng Panginoon?
Paano kayo inihahanda ng pagsasabuhay ng mga alituntuning ito sa pananalapi upang mapaglingkuran ang Diyos at ang ibang tao?

Maaari kang magbahagi ng maikling halimbawa mula sa iyong buhay kung paano mo ginamit ang natutuhan ng mga estudyante ngayon para gumawa ng desisyon sa pananalapi. Maaari mo ring ibahagi ang itinuro sa iyo ng karanasang iyon tungkol sa Ama sa Langit at kay Jesucristo.

Karagdagang mga Resource

Paano natin dapat gastusin ang ating pera?

Itinuro ni Pangulong Brigham Young (1801–1877):

Para saan ang kayamanan? Para makatulong, upang makagawa ng mabuti. Samakatwid ay gamitin natin ang mga ibinigay sa atin ng Panginoon sa pinakamainam na paraan para sa pagtatayo ng kanyang Kaharian, para sa pagpapalaganap ng katotohanan sa mundo, nang sa gayon ay makita at matamasa natin ang mga pagpapala ng Sion ng Diyos sa mundong ito. (Discourses of Brigham Young, sel. John A. Widtsoe (1954), 307)

Paano ko mapamamahalaan ang aking pananalapi?

Ipinaliwanag ni Bishop W. Christopher Waddell ng Presiding Bishopric:

Ang mahahalagang alituntunin para maisaayos ang inyong pananalapi ay kinabibilangan ng pagbabayad ng ikapu at mga handog, pagbabayad at pag-iwas sa utang, paghahanda ng badyet at paggastos nang naaayon dito, at pag-iimpok para sa hinaharap. (“May Pagkain,” Liahona, Nob. 2020, 44)

Paano mapagpapala ng pagbabayad ng ikapu ang aking buhay?

Ibinahagi ni Pangulong Russell M. Nelson:

19:15

Noong bagong intern ako, ang kita ko ay $15 kada buwan. Isang gabi, itinanong ng asawa kong si Dantzel kung nagbabayad ako ng ikapu sa kakaunting kita na iyon. Hindi ako nagbabayad. Agad akong nagsisi at nagsimulang magbayad ng karagdagang $1.50 sa buwanang ikapu.

May nabago ba sa Simbahan dahil dinagdagan namin ang aming ikapu? Siyempre wala. Gayunman, binago ako ng pagiging full-tithe payer ko. Doon ko nalaman na ang pagbabayad ng ikapu ay tungkol sa pananampalataya, hindi sa pera. Nang maging full-tithe payer ako, nagsimulang mabuksan sa akin ang mga dungawan ng langit. Naniniwala ako na nabigyan ako ng maraming oportunidad sa aking propesyon dahil sa matapat naming pagbabayad ng ikapu.

Ang pagbabayad ng ikapu ay nangangailangan ng pananampalataya, at nagpapatatag din ito ng pananampalataya sa Diyos at sa Kanyang Pinakamamahal na Anak. (“Isipin ang Kahariang Selestiyal!,” Liahona, Nob. 2023, 119)

Mga Karagdagang Aktibidad sa Pag-aaral

Paggamit ng ating pera para gumawa ng mabuti

Maaaring makatulong sa mga estudyante na tingnan ang kanilang mga pananalapi mula sa walang hanggang pananaw at unawain kung paano sila magagabayan nito sa pagpapasiya kung paano gumawa ng mabuti gamit ang kanilang pera. Isang paraan kung paano mo ito magagawa ay ang ipakita ang pahayag ni Brigham Young sa Karagdagang mga Resource. Anyayahan ang mga estudyante na magbahagi ng kanilang saloobin tungkol sa pahayag ni Pangulong Young.

Pagkatapos ay maaari kang magpakita ng ilang posibleng paggamit ng pera. Anyayahan ang mga estudyante na isipin kung alin sa mga paggamit ang sa tingin nila ay pinakamagandang paraan para makagawa ng mabuti gamit ito.

Kabilang sa ilang posibleng paggamit ang:

Mag-impok para sa mga pangangailangan sa edukasyon sa hinaharap.
Gastusin sa paglilibang o kasiyahan.
Mag-impok para sa misyon.
Gastusin sa pagyaya sa isang tao na kumain sa isang restaurant.

Tulungan ang mga estudyante na maunawaan na ang lahat ng halimbawang ito ay maaaring maging angkop na paggamit ng resources ng Panginoon. Maaari mong talakayin kung kailan maaaring ituring na pinakamagandang paraan ang bawat halimbawa. Halimbawa, maaaring ang taong dinala nila sa restaurant ay isang taong nahihirapan sa espirituwal o emosyonal na aspekto. Ang pagkain sa labas ay maaaring isang pagpapala sa kanya. Kung minsan, ang pinakamagandang paggamit ng ating pananalapi ay maaaring sa paglilibang o pagsasaya na nagpapasigla sa ating pag-iisip at lumilikha ng magagandang alaala kasama ang mga minamahal natin.

Pagiging self-reliant sa pinansyal

Maaari mong gamitin ang sumusunod bilang alternatibong aktibidad sa huling bahagi ng lesson. Para matulungan ang mga estudyante na gumawa ng plano upang isali ang Panginoon sa kanilang mga desisyon sa pananalapi, maaari mo silang bigyan ng kopya ng artikulo ng Liahona na pinamagatang “7 Tanong na Dapat Itanong Upang Mas Makaasa sa Sariling Kakayahan.” Maa-access din nila ito sa Gospel Library. Maaaring basahin ng mga estudyante ang artikulo at pumili ng ilang tanong na gusto nilang gamitin sa kanilang pagsisikap na maging self-reliant sa pananalapi. Maaari ding gamitin ng mga estudyante ang impormasyon sa artikulo at ang karagdagang mga resource na ibinigay para magsulat ng sarili nilang mga tanong na pag-iisipan.

Mga aral na natutuhan sa pagbabayad ng ikapu

Ibinahagi ni Elder Carl B. Pratt ng Pitumpu ang isang kuwento tungkol sa kung paano pinagpala ng Panginoon ang kanyang lolo’t lola dahil inuna nila ang ikapu. Pagkatapos ay nagbahagi siya ng ilang konklusyon na natutuhan niya mula sa kanilang karanasan. Isipin kung aling mga konklusyon ang ibabahagi batay sa maaaring pinakamakatutulong sa iyong mga estudyante. Nasa ibaba ang buod ng mga konklusyon ni Elder Pratt at ang mga kaugnay na time code:

5:57 hanggang 6:49 – Magbayad muna ng ikapu.

10:42

7:50 hanggang 8:44 – Pinagpapala tayo ng Panginoon ng karunungan na nagbibigay ng kakayahan sa atin na mamuhay nang mas maginhawa sa 90 porsiyento ng ating kita kaysa sa 100 porsiyento.

10:42

8:44 hanggang 9:17 – Ang pinakasaganang pagpapala ng Panginoon dahil sa pagbabayad ng ikapu ay espirituwal at may kinalaman sa pamilya, mga kaibigan, at sa ebanghelyo.

10:42

9:25 hanggang 10:12 – Ang pagbabayad ng ikapu ay tumutulong sa atin na magkaroon ng pusong mapagpasakop, mapagpakumbaba, mapagpasalamat, mapagbigay, mapagpatawad, at mapagkawanggawa.

10:42