Malakias 3

Upang simulan ang lesson, maaari kang magbahagi ng isang bahagi ng kuwento na naglalarawan sa mga sitwasyon kung kailan maaaring mahirap magbayad ng ikapu. Maaari mong ibahagi ang karanasan ni Elder Cordón o isa sa sarili mong karanasan.

Kung kinakailangan, ipaliwanag na ang ikapu ay pagbibigay “natin sa Simbahan [ng] ikasampung bahagi ng ating kita” (Mangaral ng Aking Ebanghelyo: Gabay sa Pagbabahagi ng Ebanghelyo ni Jesucristo [2023], 98; tingnan din sa Doktrina at mga Tipan 119:3–4).

Ang sumusunod na graphic ay makatutulong sa mga estudyante na isaayos ang mga naiisip o mga ideya nila sa lesson na ito. Anyayahan ang mga estudyante na idrowing ang graphic, o ang katulad nito, sa isang blangkong pahina sa kanilang study journal. Maaari ka ring magdrowing ng katulad nito sa pisara.

Ituro ang bilog na “Aking Damdamin.” Ipaalam sa mga estudyante na sa pagtatapos ng lesson, magkakaroon sila ng pagkakataong isulat ang nadarama nila tungkol sa ikapu. Maaaring gusto nilang pag-isipan ngayon ang anumang alalahanin o hamong kinakaharap nila sa pagbabayad ng ikapu. Maaari din nilang pag-isipan kung paano sila makikinabang sa pagtukoy ng mga pagpapalang ipinangako ng Panginoon sa mga taong nagbabayad ng ikapu.

Para matulungan ang mga estudyante na maunawaan ang konteksto ng Malakias 3, ibahagi sa sarili mong mga salita ang sumusunod na buod ng Malakias 1–2.

Hayaan ang mga estudyante na ibahagi ang mga katotohanang nalaman nila. Sabihin sa mga estudyante na magsulat ng isang katotohanang tulad ng Kapag sinunod natin ang batas ng ikapu ng Panginoon, bukas-palad Niya tayong pagpapalain bilang tala sa kanilang mga banal na kasulatan sa tabi ng mga talatang ito.

Para matulungan ang mga estudyante na maunawaan ang katotohanang ito, maaari kang magdala ng kawali, baso, at pitsel ng tubig sa klase. Ilagay ang baso sa kawali. Ipaliwanag na kumakatawan ang tubig sa mga pagpapalang ibibigay sa atin ng Panginoon kapag nagbabayad tayo ng ikapu. Anyayahan ang isang estudyante na ibuhos sa baso ang tubig mula sa pitsel hanggang sa umapaw ang tubig sa kawali. Iugnay ito sa ipinangako ng Panginoon sa Malakias 3:10.

Pagkatapos magdagdag ang mga grupo ng mga pagpapala sa kanilang graphics, maaaring pagnilayan ng mga estudyante kung paano nila nakitang pinagpala sila ng Panginoon o ang iba sa pagsunod sa Kanyang batas ng ikapu. Pagkatapos ay maaaring ibahagi ng mga estudyante ang ilang pagpapalang natanggap nila o ng iba sa pagsunod sa batas na ito.

Maaari ninyong panoorin ang “Ang Wika ng Ebanghelyo,” na makikita sa ChurchofJesusChrist.org, mula sa time code na 6:42 hanggang 7:40. Sa video na ito, maririnig ng mga estudyante ang natitirang bahagi ng karanasan ni Elder Cordón mula sa simula ng klase.

12:27

Pagkatapos talakayin ang mga pagpapala ng pagbabayad ng ikapu, maaari mong ituro na ang ilang tao na nagbabayad ng ikapu ay maaaring hindi makatanggap ng mga pagpapalang inaasahan nila at maaari pa rin silang magkaproblema sa pananalapi. Maaaring mapaisip sila kung bakit dapat nilang ipagpatuloy ang pagbabayad ng kanilang ikapu. Maaari ninyong basahin ang Malakias 3:14, 16–17, at alamin ang ipinangako ng Panginoon sa mga taong patuloy na nagiging tapat sa pagsunod sa Kanya.

Anyayahan ang ilang handang estudyante na ibahagi ang kanilang nadarama tungkol sa Panginoon at sa Kanyang batas ng ikapu. Maaari mo ring ibahagi ang mga pagpapalang natanggap mo sa pamamagitan ng pagsunod sa batas na ito.

Maaari mong tulungan ang mga estudyante na isaulo ang doctrinal mastery reference at ang mahalagang parirala ng banal na kasulatan sa lesson na ito at rebyuhin ang mga ito sa mga lesson sa hinaharap. Ang mahalagang parirala ng banal na kasulatan para sa Malakias 3:8–10 ay “Ang mga pagpapala ng pagbabayad ng ikapu.” Ang mga ideya para sa mga aktibidad sa pagsasaulo ay nasa mga materyal sa appendix sa ilalim ng “Mga Aktibidad sa Pagrerebyu ng Doctrinal Mastery.”