Санхүүгийн нөөц боломжоо ухаалаг зохицуулах нь

Дараах асуултуудын талаар тунгаан бодохдоо өөрт тань тулгарах эсвэл удахгүй гаргах зарим санхүүгийн чухал шийдвэрийн талаар бод.

• Эдгээр шийдвэрийг гаргахдаа Их Эзэний тусламжийг хэрхэн хүлээн авах талаар та нарт ямар асуулт төрж байна вэ?

• Өөртөө тус болсон юуг та өмнө нь туршиж үзэж байсан бэ? Юу нь тийм ч их тус болоогүй вэ?

Биднийг Ариун Сүнсийг хүлээн авах чадвартай байх үед Тэнгэрлэг Эцэг бидэнд амьдралынхаа туршид санхүүгийн талаар хэрхэн ухаалаг шийдвэр гаргахыг зааж өгдөг. Өнөөдөр энэхүү хичээлийг судалж байхдаа сэтгэгдэл мэдрэмжийг хүлээн авахад нээлттэй байгаарай.

Тэнгэрлэг Эцэг, Есүс Христ хоёр амьдралын маань бүх хэсэгт биднийг чиглүүлэх хүсэлтэй байдаг. Үүнд бидний санхүүгийн талаар гаргах шийдвэр мөн багтана. Тэд санхүүгийн хувьд ухаалаг шийдвэр гаргахад маань туслах удирдамжийг судруудад өгсөн.

Судлах тэмдэглэлийнхээ хуудасны дээд хэсэгт дараахыг бич. Би дараахыг хийснээр Их Эзэний арга замаар санхүүгийн шийдвэр гаргаж чадна. Үүнд: …

Дараах судрын эшлэлүүдээс гурвыг унш. Судлах тэмдэглэл дээрх үнэнийг судраас сурсан зүйлээрээ гүйцээж бич.

• Эхлэл 41:46–49, 53–57 (Фараон бошиглогдсон өлсгөлөнгийн жилүүдэд бэлтгэхээр ургац хураах олон жилийн турш Египет дэх үр тарианы үйлдвэрлэлийг хариуцуулахаар Иосефыг томилсон.)

• Дэд хууль 15:7–8

• Дуулал 24:1

• Малахи 3:8–11

• Иаков 2:18–19

• Сургаал ба Гэрээнүүд 104:78

Судруудыг судалсны дараа сурч мэдсэн зүйлээ хуваалцахад суралцагчдыг урь. Үүнийг хийх нэг арга зам бол “Санхүүгийн удирдлагын амжилтын хөтөч”-ийг самбар дээр тавьж харуулах юм. Суралцагчид сурч мэдсэн зүйлсээ мөн үүнийгээ сурсан шүлгүүдээ газрын зураг дээрх хамгийн тохиромжтой гэж үзсэн хэсгийн дэргэд бичиж болно.

Эсвэл та самбар дээрх хүснэгтэд Их Эзэний арга зам гэсэн гарчигтай гурав дахь багана гаргаад, суралцагчдыг олж мэдсэн зүйлээ бичихэд урьж болно.

Суралцагчдынхаа хэрэгцээнд хамгийн тохирох үнэнүүдийг онцлон тэмдэглэ. Дараах нь мэдэгдлийг гүйцээх боломжтой аргууд юм.

… хүнд цаг үеүдэд бэлтгэхийн тулд санхүүгийн нөөц боломжоо хадгалах (Эхлэл 41:46–49, 53–57).

… тусламж хэрэгтэй хүмүүст туслах (Дэд хууль 15:7–8).

… бидэнд байгаа бүх зүйл Их Эзэнээс ирдэг гэдгийг санах (Дуулал 24:1).

… Их Эзэний аравны нэгийн хуулийг дуулгавартай дагах (Малахи 3:8–11).

… баялгаас илүүтэй Бурханы хаант улсыг эрэлхийлэх (Иаков 2:18–19).

… өрөө төлж барагдуулах (Сургаал ба Гэрээнүүд 104:78).

• Судруудаас сурсан зүйл нь Их Эзэний арга замаар санхүүгийн шийдвэр гаргахад хэрхэн тусалж болох вэ?

Танай салбарын Элизабэт гэдэг нэгэн эмэгтэй 16 нас хүрээд, зоогийн газарт бага цалинтай ажилд ажилладаг болжээ. Он жилүүд өнгөрөх тусам тэр дээшээ ахиж, зоогийн газрын менежер болов. Тэтгэвэрт гарах дөхөх үедээ тэрээр өөрийн зоогийн газрыг худалдан авч, ажиллуулж чадсан юм.

1. Элизабэтэд эрэмбэлэхийг санал болгож буй “боломжит зардал”-уудыг дарааллаар нь дугаарла.

2. Хоёр өөр зардлын дэргэд зардлаа хэрхэн эрэмбэлж тодорхойлоход тань тус болсон судрын эшлэлээ бич.

3. Судруудаас сурч мэдсэн үнэнүүд зардлаа хэрхэн эрэмбэлэх шийдвэр гаргахад тань хэрхэн тусалсан талаар тайлбарлахад бэлтгэ.

Хэрэв тус болох бол та суралцагчдад хэдэн жишээ өгөөрэй. Жишээлбэл: Та хадгаламжаа эрэмбэлэх нь Их Эзэний зөвлөснөөр хүнд хэцүү үеүдэд бэлтгэх нэг арга зам гэдгийг тайлбарлаж болно (Эхлэл 41:46–49, 53–57-г үзнэ үү), эсвэл бидэнд байгаа бүх зүйл Их Эзэнээс ирдэг гэдгийг санах нь (Дуулал 24:1-ийг үзнэ үү) аравны нэгээ төлөх эсэхээ шийдэхэд бидэнд тусална гэдгийг тайлбарлаж болно.

Суралцагчдад Их Эзэний зарчмын дагуу зардлаа эрэмбэлснээ бусадтай хуваалцах цаг гаргаж өг.

Их Эзэн өөрсдөд нь эсвэл тэдний таньдаг хүмүүст Өөрийнх нь арга замаар санхүүгийн шийдвэр гаргахад нь хэрхэн тусалсан талаар хуваалцахад суралцагчдыг урь. Хэрэв тустай бол та ChurchofJesusChrist.org дээрээс “Тэнгэрийн цонхнууд” видеог 0:39-өөс 2:22 хүртэл үзүүлж болно. Арван хоёр төлөөлөгчийн чуулгын ахлагч Дэвид А.Бэднар эхнэрийнх нь гэр бүл аравны нэгээ төлөхийг эн тэргүүнд тавьснаар хэрхэн адислагдсан тухай хуваалцсан.

16:57

Тэргүүлэх бишопын зөвлөлийн бишоп Л.Тодд Бадж ийн хуваалцсан.

Би өөрийн амьдралдаа материаллаг хэргүүдийнхээ төлөө ч мөн залбирч болдог гэдгийг олж мэдсэн. Би өөрийн санхүүгийн талаар залбирч болно. Би байшин худалдаж авах эсэх эсвэл энэ хөрөнгө оруулалтыг хийх эсэх талаар залбирч болно. Бид амьдралынхаа зөвхөн сүнслэг хэсэгт төдийгүй амьдралынхаа материаллаг зүйлсэд ч Их Эзэнийг оролцуулах ёстой. (“4 Principles We Can Learn from the Way the Presiding Bishopric Works,” Liahona, Feb. 2024, 14)

Одоо эсвэл ойрын ирээдүйд гаргах санхүүгийн шийдвэрээ бод. Судлах тэмдэглэлдээ дараах асуултуудад хариулахдаа тусламж авахаар Ариун Сүнсийг урь.

• Их Эзэний арга замаар санхүүгийн эдгээр шийдвэрийг гаргахад ямар зарчим та нарт тусалж чадах вэ?

• Санхүүгийн эдгээр зарчмыг хэрэгжүүлэх нь та нарыг Бурханд болон бусдад үйлчлэхэд хэрхэн бэлтгэх вэ?