Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Бие даах чадвартай болохын тулд Есүс Христэд итгэх итгэлээ хөгжүүлэх нь: Бие даах чадвартай болох хичээл зүтгэлд маань Их Эзэн тусалж чадна

“Бие даах чадвартай болохын тулд Есүс Христэд итгэх итгэлээ хөгжүүлэх нь: Бие даах чадвартай болох хичээл зүтгэлд маань Их Эзэн тусалж чадна,” Хуучин Гэрээний семинарын багшийн гарын авлага (2026)

178-р хичээл: Бие даах чадвартай болох нь

Бие даах чадвартай болохын тулд Есүс Христэд итгэх итгэлээ хөгжүүлэх нь

Бие даах чадвартай болох хичээл зүтгэлд маань Их Эзэн тусалж чадна

Kenya: Youth Social Media 2020: Lavynne Lawino

Бид Есүс Христэд итгэх итгэлээ хөгжүүлснээр амьдралынхаа бүхий л тал дээр Түүнийг бидэнд туслахыг урьдаг. Аврагч биднийг сүнслэг хүч чадлаар болон гэм нүглийн эдгэрлээр адислахаас гадна материаллаг хэрэгцээгээ хангахын тулд бие даах чадвартай болоход маань тусалдаг. Үүнд санхүү, боловсрол, ажил төрөл, бидний бие махбодын болон сэтгэл санааны эрүүл мэнд багтана. Энэ хичээл суралцагчдад Тэнгэрлэг Эцэг, Есүс Христ хоёр тэдний бие даах чадвартай болохын тулд гаргасан хичээл зүтгэлийг адислах болно гэдэгт итгэх итгэлээ хөгжүүлэхэд тусална.

Суралцагчийн бэлтгэл: Дараах зүйлсийн аль нэгэнд эсвэл хэд хэдэд нь бие даахад саад учруулдаг бэрхшээлийг бичиж тэмдэглэхэд суралцагчдыг урь. Үүнд:

Сайн мэдээний мэдлэг
Одоогийн болон ирээдүйн санхүүгийн хэрэгцээ
Боловсрол ба ажил эрхлэлт
Бие махбодын хэрэгцээ
Сэтгэл санаа, нийгмийн хэрэгцээ

Боломжит суралцах үйл ажиллагаа

Паулагийн хэрэгцээ

Тэмдэглэл: Энэ хичээлийг заахын өмнө 177-р хичээл: “Их Эзэний арга замаар бие даах чадвартай болох” хичээлийг заах нь тустай байж болно. 177-р хичээл бие даах чадварын зарчмуудыг болон бие даах нь яагаад Тэнгэрлэг Эцэгийн төлөвлөгөөнд чухал болохыг суралцагчдад танилцуулна.

Бидний хэрэгцээг хангахад хэрхэн өөрсдийн маань хичээл зүтгэл, Бурханы удирдамж аль алийг нь шаарддаг талаар ярилцахад нь суралцагчдад тусалснаар хичээлийг эхлүүл. Дараах жишээ, үйл ажиллагаа хоёр энэ ярилцлагад туслах нэг арга зам юм. Паулагийн авч буй хоёр арга хэмжээ хоёулаа асуудалтай гэдгийг онцлон хэлэх нь зүйтэй.

Та дараах нөхцөл байдлын эхний хэсгийг уншиж эхлүүлж болно. Дараа нь боломжтой хоёр хариултыг хуваалц. Хариулт бүрийг хэлсний дараа түр зогсож, Паулад ямар зөвлөгөө өгөхөө хамтрагчтайгаа хуваалцахад суралцагчдыг урь.

Паула ахлах сургуулиа хоёр жилийн дараа төгсөх болсондоо сэтгэл догдолж байлаа. Гэвч ирээдүйдээ зориулаад хэдий хэмжээний мөнгө хадгалах хэрэгтэй бол гэдэгт санаа зовж байв.

Дараах тохиолдлуудад Паулад юу гэж зөвлөх байсан бэ?

Паула сургуулиа төгссөнийхөө дараа өөрт нь хэрэгтэй мөнгөөр хангаж өгөхийг Бурханаас гуйн өдөр бүр залбирахаар шийджээ. Тэрээр ажилтай болъё гэж бодолгүй, Бурхан хэрэгцээг нь хангана гэдэгт найдсан.
Мөнгө бол “сүнслэг хэрэг” биш учраас Бурхан сонирхохгүй гэж Паула бодов. Тэрээр өдөр бүр хичээл сургуулийнхаа хуваарьт тохирох ажил хайж эхлэхээр шийдсэн. Тэр бизнес эрхлэгчидтэй ярилцаж, ажлын анкетууд өгч, орон нутгийн дэлгүүрүүдэд өөрийг нь илүү үнэ цэнтэй болгох шинэ ур чадваруудад суралцах төлөвлөгөө гаргав.

Суралцагчид Паулад өгч болох зөвлөгөөг хуваалцсаны дараа, дараах мэдэгдэл түүний нөхцөл байдалд хэрхэн хамаарч болохыг хуваалцахад тэднийг урь.

Тэргүүлэх бишопын зөвлөлийн нэгдүгээр зөвлөх, бишоп В.Кристофэр Ваддэлл ийн тайлбарласан.

10:7

Тэгэхээр бүх зүйл бидний материаллаг бэлтгэлийг ч бий болгох тэрхүү үндэс суурь Есүс Христ рүү чиглэдэг.

Материаллаг байдлын хувьд бэлтгэлтэй байж, биеэ даасан байна гэдэг нь “Есүс Христийн ач ивээл буюу боломжтой болгогч хүчийг, мөн өөрсдийн хүчин чармайлтаар дамжуулан бид өөрсдөдөө болон гэр бүлдээ шаардлагатай амьдралын бүхий л сүнслэг ба материаллаг хэрэгцээт зүйлсийг олж авна гэдэгт итгэх явдал юм” [Бие даасан байдалтай болохын тулд хувийн санхүүгээ зохицуулах нь (2017), 4]. (“Талх тариатай байжээ,” 2020 оны 10-р сарын Ерөнхий чуулган, 46)

Суралцагчдыг бишоп Ваддэллын мэдэгдлээс ойлгосон ойлголтоо хуваалцаж байх хооронд бид Есүс Христэд итгэх итгэл, хичээл зүтгэлээ хөгжүүлснээр сүнслэг ба материаллаг байдлын хувьд бие даасан байдлыг хөгжүүлдэг гэдгийг онцолж хэл.

Илүү бие даасан болоход Аврагчийн тусламж хэрэгтэй байгаа талаар эргэцүүлэн бодоход суралцагчдад туслахын тулд заавар ба ангилал оруулсан дараах өөрийгөө үнэлэх үнэлгээг үзүүлээрэй.

Дараах ангиллыг бие даах чадвартай болоход хамгийн хялбараас хамгийн хэцүү хүртэл дараалалд оруулан бич. Та нарын хувьд хамгийн хэцүү ангиллын нэг эсвэл хоёр зүйлийн хажууд даван туулахад Аврагчийн тусламж шаардлагатай байгаа саад бэрхшээлийг бич.

Сайн мэдээний мэдлэг
Одоогийн болон ирээдүйн санхүүгийн хэрэгцээ
Боловсрол ба ажил эрхлэлт
Бие махбодын хэрэгцээ
Сэтгэл санааны болон нийгмийн хэрэгцээ

Өнөөдөр та нар энэ хичээлийг судалж байхдаа ямар зүйлд хамгийн их тусламж хэрэгтэй байгаагаа санаарай. Тэнгэрлэг Эцэг, Есүс Христ хоёр таны бие даах чадвартай болохын тулд гаргасан хичээл зүтгэлийг адислах болно гэдэгт итгэх итгэлээ хүчирхэгжүүлэхийн тулд Ариун Сүнсийг урь.

Бие даах чадвартай болохын тулд Их Эзэнд итгэх итгэлээ хөгжүүлэх нь

Олж мэдсэн зүйлээ хуваалцахад суралцагчдыг урь. Та мөн дараах асуултуудыг энэ ярилцлагын нэг хэсэг болгон судалж болно.

Хэрэв Иосеф Бурханд итгэдэггүй байсан бол энэ түүх хэрхэн төгсөх байсан гэж та нар бодож байна вэ? Иосеф хичээх хүсэлгүй байсан бол яах байсан бэ?
Энэ цэдэг өсвөр насны хүүхдийн амьдралд хэрхэн хэрэгжиж болно гэж та нар бодож байна вэ?

Мөн та гэр бүл нь Бурханы тусламж, гэр бүлийнхнийхээ хичээл зүтгэлээр дамжуулан хэрэгтэй зүйлсээ хэрхэн хүлээн авсан тухай туршлагаасаа ангийнхантайгаа хуваалцахад суралцагчдыг урьж болно. Та ч мөн өөрийн туршлагаас хуваалц.

Хувьдаа хэрэгжүүлэх

Хичээлийн эхний хэсэгт суралцагчдын эргэцүүлэн бодсон бие даах чадварын төрлийг дахин харуулаад, дараах зүйлсийг хийхэд суралцагчдыг урь.

Хичээлийн эхэнд өөрт тань илүү хэцүү байдаг гэж тодорхойлсон бие даах чадварын төрлийн талаар бодох үедээ дараах зүйлийг залбираад, бичих цаг гарга.

Амьдралдаа бие даах чадварыг хөгжүүлэхэд тань саад болж буй зүйлсэд Тэнгэрлэг Эцэг, Есүс Христ хоёр тусална гэсэн итгэлийг тань хүчирхэгжүүлдэг та нарын сурч мэдсэн зүйл.
Та бие даах чадвартай болох хичээл зүтгэлээрээ Тэнгэрлэг Эцэг, Есүс Христ хоёрт итгэх итгэлээ хэрхэн хөгжүүлж болох талаар бич.

Судлах тэмдэглэлдээ бичсэн зүйлийнхээ хэсгээс сайн дураараа хуваалцахад суралцагчдыг урь.

Нэмэлт эх сурвалж

Их Эзэн бидэнд бие даахад туслах уу?

Тэргүүн зөвлөл ийн хэлсэн.

Их Эзэн “Өөрийн гэгээнтнүүдийг хангах нь миний зорилго болой” (С&Г 104:15) хэмээн тунхагласан. Энэхүү илчлэл бол бидэнд өөрсдийнхөө болон гэр бүлийнхээ гишүүдийн амьдралын хэрэгцээг хангах боломж олгохын тулд биднийг материаллаг адислалаар хангаж, бие даасан байдалтай болох үүд хаалгыг нээж өгөх Их Эзэний амлалт юм. …

Бид таныг [итгэл, боловсрол, шаргуу хөдөлмөр, Их Эзэнд итгэх итгэлийн зарчмуудыг] хичээнгүйлэн судалж, амьдралдаа хэрэгжүүлэн, гэр бүлийнхэндээ заахад урьж байна. Ингэснээр амьдрал тань адислагдах болно. Та илүү бие даасан болохын тулд чухам юу хийх ёстойгоо мэдэж авах болно. Та илүү их найдвар, амар амгалан, өсөлт хөгжлөөр адислагдана.

Та Тэнгэр дэх Эцэгийнхээ хүүхэд гэдэгт итгэлтэй байгаарай. Тэрээр танд хайртай бөгөөд таныг хэзээ ч орхихгүй. Тэрээр таныг мэддэг бөгөөд бие даасан байдлын сүнслэг болон материаллаг адислалуудыг өгөхөд бэлэн байдаг. (“Тэргүүн зөвлөлийн захиас бичиг,” Бие даасан байдалтай болохын тулд хувийн санхүүгээ зохицуулах нь [2017])

Тэргүүлэх бишоп асан бишоп Х.Давид Бөртон ийн заасан.

Бид шаардлагатай бүхнийг хийснийхээ дараа бие дааж амьдрах чадвартай байж, өөрийнхөө болон гэр бүлийнхээ хүмүүсийн хэрэгцээг хангахын тулд өөрсдөдөө юу дутагдаж байгааг Их Эзэнд хандан итгэлээр асууж болно. (“Ажил хөдөлмөрөөс ирдэг адислал,” Лиахона, 2009 оны 12-р сар, 43)

Бид бие даах чадвартай болох гэж хичээсэн ч бүтэлгүйтвэл юу болох вэ?

Арван хоёр төлөөлөгчийн чуулгын ахлагч Жэффри Р.Холланд Христийн шинж чанарын талаар дараахыг ийн тайлбарлажээ.

Маргааш, мөн дараа нь ирэх бүх өдөрт Их Эзэн сайжрахыг хүсдэг, зарлигуудын хэрэгцээг хүлээн авч мөн тэдгээрийг дагахыг хичээдэг, Христийнхтэй адил зан чанаруудыг дэмжиж, тэдгээрийг олж авахаар бүх хүч чадлаараа зүтгэдэг хүмүүсийг адисалдаг гэдгийг санаарай. Хэрвээ та нар бусад хүн бүрд тохиолддогтой адил энэ чармайлтдаа бүдэрвэл Аврагч та нарт цаашлахад чинь үргэлжлүүлэн туслахад бэлэн. Хэрвээ та нар унах юм бол Түүний хүч чадлыг гуй. … Тун удалгүй та нар өөрсдийн хайж байгаа амжилтыг олох болно. (“Маргааш ЭЗЭН та нарын дунд гайхамшигт зүйлсийг хийх болно,” 2016 оны 4-р сарын Ерөнхий чуулган, 115–116)

Бие даах чадвартай болох талаар Египетийн Иосефын жишээнээс бид юу сурч болох вэ?

Тэргүүлэх бишопын зөвлөлийн бишоп В.Кристофэр Ваддэлл ийн хэлсэн.

10:7

Бэлтгэлтэй байх зарчмын талаар бодох үедээ бид урам авахын тулд Египетийн Иосефыг санаж болох юм. Юу тохиох гэж буйг мэдээд, элбэг дэлбэг жилүүдэд тодорхой хэмжээний золиос гаргаагүй бол “тарчиг” жилүүдэд амь зогоох зүйл хангалттай байхгүй байх байсан. Фараоны албатууд тарьж, хурааж авсан бүхнээ идэж хэрэглэхийн оронд, хэрэглээний хязгаар тогтоон, дагаснаар тэдний тухайн болон хожмын хэрэгцээ шаардлагыг хангалттай бүхнээр хангаж өгсөн. Хүнд хэцүү цаг ирэх болно гэдгийг мэдэх нь хангалттай биш байсан. Тэд үйлдэх хэрэгтэй байсан бөгөөд тэд хичээл зүтгэлийнхээ ачаар “талх тариатай байжээ.” (“Талх тариатай байжээ,” 2020 оны 10-р сарын Ерөнхий чуулган, 47–48)

Нэмэлт суралцах үйл ажиллагаа

Судраас судлах

Та дөрвөн жилийн турш өгөгдсөн төгс эзэмших сургаалын судрын хэсгийн жагсаалтыг гүйлгэн уншаад, дараах судруудыг олж мэдэхэд суралцагчдыг урьж болно.

Хэн нэгний, Бурхан бидэнд туслахад бэлэн гэдэгт итгэх итгэлийг нь нэмэгдүүлэх.
Хариулт, мөн шийдэл олохын тулд Бурхан биднээс өөрсдийн зүгээс хийх ёстой үүргээ биелүүлэхийг хүсдэг гэдгийг ойлгоход бидэнд туслах.

Суралцагчдын хуваалцаж болох төгс эзэмших сургаалын судрын хэсгийн цөөн жишээг дурдвал:

Сургаалт үгс 3:5–6

Матай 11:28–30

Иаков 2:17–18

Moзая 2:41

Ифер 12:27

Сургаал ба Гэрээнүүд 88:118

Олж мэдсэн зүйлээ хуваалцах боломжийг суралцагчдад олго. Тэднийг хуваалцаж байх хооронд судрын хэсгийг ойлгох нь илүү сайн бие даах чадвартай болохын төлөө ажиллахад нь хэн нэгэнд тусалж болох бодит нөхцөл байдлын талаар бодохыг ангийнхнаас асууж нэмж тодруулж болно.

Итгэлээ өсгөх нь

Та хичээлийн эхний хэсгийн төгсгөлд, суралцагчдыг илүү бие даахад нь Бурханаас тусламж авах хэрэгтэй байгаа зүйлсийн талаар бодоход урьсны дараа, ерөнхийлөгч Рассэлл М.Нэлсоны дараах мэдэгдлийг хуваалцаж болох юм. Тулгарч болох аливаа асуудлаа шийдэх нийтлэг шийдлийг олоход суралцагчдыг урь.

16:23

Хайрт ах, эгч нар аа, … би та бүгдийг өнөөдрөөс эхлэн итгэлээ өсгөхийг уриалж байна. Таны хувийн асуудлууд Эверест уул шиг том байсан ч итгэлээр тань дамжуулан Есүс Христ амьдрал дахь уулсаа нүүлгэх чадварыг тань хүчирхэгжүүлнэ. …

… Та нарын уул хоорондоо адилгүй ч хүн нэг бүрийн асуудлын хариулт итгэлийг тань нэмэгдүүлэх болно. (“Христ амилсан бөгөөд Түүнд итгэх итгэлээр уулсыг нүүлгэж чадна,” 2021 оны 4-р сарын Ерөнхий чуулган, 104–107)

Та суралцагчдыг таван бүлэг болгон хуваарилж, бүлэг бүр бие даах чадварын талаарх дараах хэсгүүдийн аль нэг дээр төвлөрч болно.

Сүнсний хүч чадал, Христийн тухай гэрчлэлийг бий болгох
Боловсрол эзэмших
Мөнгө олох
Бие махбодын хувьд эрүүл байх
Сэтгэлийн тэнхээтэй байх

Хамтдаа санаа бодлоо солилцож, Христэд итгэх итгэлээ өсгөх нь эдгээр зүйлийг хийхэд асуудалтай байгаа хэн нэгэнд хэрхэн тусалж болох талаар ангийнхандаа тайлагнахыг бүлгүүдээс хүс.

Судрын жишээнүүд Христэд итгэх итгэлийг маань бэхжүүлж чадна

Заримдаа бид Бурхан бусдын төлөө юу хийснийг санах үед хэцүү нөхцөл байдал амархан шийдэгдэж болохоор ч юм шиг санагддаг. Хэрэв та Иосефын цэдгээс гадна нэмэлт жишээнүүдийг судлах нь суралцагчдад тустай гэж үзвэл өөр хэдэн жишээнд Давидын (1 Самуел 17:40–50) болон жаредчуудын (Ифер 2:16–17, 22–23; 3:1–6) түүхийг багтааж болно.

Хичээлийг дуусгах өөр нэг арга бол дараах өдөөлтүүдийг бөглөхөд суралцагчдыг урих юм.

Бурхан (судрууд дээрх хэн нэгэнд) (Бурхан тэдний төлөө юу хийсэн) нь тусалсан гэдгийг мэдэх нь (миний өөрөө даван туулж чадахгүй байгаа бие даах чадварт саад болж буй бэрхшээлийг) даван туулах арга замыг олоход Бурхан надад тусалж чадна гэдэгт итгэх итгэл өгдөг.

(Жишээлбэл: Бурхан Давидад Голиатын эсрэг тулалдахад нь тусалсан гэдгийг мэдэх нь сургуульд зааж байгааг ойлгоход хэцүү байгаа бэрхшээлийг даван туулах арга замыг олоход Бурхан надад тусалж чадна гэдэгт итгэх итгэл өгдөг.)