Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Малахи 3: Аравны нэгийг төлөх нь тэнгэрийн цонхыг нээдэг

“Малахи 3: Аравны нэгийг төлөх нь тэнгэрийн цонхыг нээдэг,” Хуучин Гэрээний семинарын багшийн гарын авлага (2026)

“Малахи 3: Аравны нэгийг төлөх нь тэнгэрийн цонхыг нээдэг,” Хуучин Гэрээний семинарын багшийн гарын авлага

158-р хичээл: Малахи

Малахи 3

Аравны нэгийг төлөх нь тэнгэрийн цонхыг нээдэг

Эрт дээр үеэс эхлэн Тэнгэрлэг Эцэг хүүхдүүдээ аравны нэгийн хуулийг дуулгавартай дагах хүсэлтэй байсных нь төлөө адисалсан билээ. Их Эзэний бошиглогч Малахигаар дамжуулан хэлсэн үгс Түүний хуулийг дуулгавартай дагасны учир Тэр биднийг хэрхэн адислахыг мэдэхэд бидэнд тусалдаг. Энэ хичээл Их Эзэний аравны нэгийн хуулийг дуулгавартай дагах хүсэлтэй болоход суралцагчдад тусална.

Суралцагчийн бэлтгэл: Аравны нэгийг төл гэсэн Их Эзэний зарлигийг дуулгавартай дагаснаар хэн нэгний адислагдсан түүхийг хуваалцахад суралцагчдыг урь. Хэрэв тус болох бол суралцагчид өөрсдийн эцэг эх, Сүмийн удирдагчдаас асууж эсвэл Gospel Library-гаас түүхүүдийг хайж болно.

Боломжит суралцах үйл ажиллагаа

Аравны нэгийг төлөх нь

Та хичээлээ эхлүүлэхдээ аравны нэгийг төлөхөд хэцүү байж болох үеийн нөхцөл байдлыг харуулсан нэг түүхийн нэг хэсгийг хуваалцаж болно. Та ахлагч Кордоны эсвэл өөрийнхөө туршлагаас хуваалцаж болно.

Хэрэв шаардлагатай бол аравны нэг гэдэг нь “орлогынхоо аравны нэгийг Сүмд хандивлах” гэсэн утгатай гэдгийг тайлбарла (Миний сайн мэдээг номло: Есүс Христийн сайн мэдээг хуваалцах удирдамж [2023], 85; мөн Сургаал ба Гэрээнүүд 119:3–4-ийг үзнэ үү).

Далын ахлагч Валэри В.Кордоны хэлсэн дараах туршлагыг уншиж, түүний эцэг эхэд Их Эзэний аравны нэгийн хуулийг дагах хэцүү байсан шалтгааныг олж мэд.

12:28

Төв Америкт иргэний дайнтай холбоотой хэд хэдэн үйл явдал өрнөсний дараа аавын минь бизнес дампуурч, бүтэн цагийн 200 ажилчинтай байсан бол тав ч хүрэхгүй оёдолчинтой болж, гэрийнхээ гаражинд ажилладаг болсон. Тэрхүү хүнд цаг үед нэгэн өдөр аав, ээж минь аравны нэгээ төлөх үү эсвэл хүүхдүүддээ хоол авч өгөх үү гэж ярилцаж байхыг би сонссон. (“Сайн мэдээний хэл,” 2017 оны 4-р сарын Ерөнхий чуулган, 43)

Аравны нэгээ төлөхөд хэцүү байж болох өөр ямар нөхцөл байдал бидэнд тохиолдож болох вэ?

Дараах зураг суралцагчдад хичээлийн туршид бодол санаагаа цэгцлэхэд тусална. Суралцагчдыг судлах тэмдэглэлийнхээ хоосон хуудсан дээр график эсвэл үүнтэй төстэй зүйл зурахад урь. Та мөн үүнтэй төстэй зүйлийг самбар дээр зурж болно.

“Миний мэдрэмж” тойрог руу заа. Хичээлийн төгсгөлд суралцагчдад аравны нэгийн талаар юу бодож байгаагаа бичих боломж гарна гэдгийг хэлээрэй. Аравны нэгээ төлөхөд тулгардаг аливаа асуудал эсвэл бэрхшээлийн талаар тэд яг одоо тунгаан бодож болох юм. Тэд аравны нэгээ төлдөг хүмүүст амласан Их Эзэний адислалуудаас хэрхэн тус хүртэж болох тухай тунгаан бодож болно.

Таныг Их Эзэний аравны нэгийн хуулийг судлах үед Ариун Сүнс танд боломжтой адислалыг ойлгож энэ хуулийг дагах хүслээ хүчирхэгжүүлэхэд тусалж чадна.

Өгөөмрөөр адислах

Суралцагчдад Малахи 3-ын хам сэдвийг ойлгоход туслахын тулд Малахи 1–2-ын дараах дүгнэлтийг өөрийн үгээр хуваалц.

Малахигийн үед хүмүүс Их Эзэнд өргөл өргөсөөр байсан ч Есүс Христийг бэлгэдсэн тахил болгон өргөх ёстой байсан золиосыг “бузартсан талх,” сохор, доголон, өвчтэй амьтдаар (Малахи 1:7–8, 13-ыг үзнэ үү) өргөн, Түүнийг гутаан доромжилсон. Их Эзэн “[Их Эзэний] замаас гажиж,” “олныг бүдрүүлсэн учир” (Малахи 2:8) номлогчдыг муу үлгэр жишээ үзүүлсэн гэж зэмлэсэн. Малахи 3-т Их Эзэн бидний Түүний төлөө золиослол гаргах нэг арга замыг заажээ.

Малахи 3:8–10 бол төгс эзэмших сургаалын судрын хэсэг. Төгс эзэмших сургаалын судрын хэсгийг амархан олохын тулд онцгойлон тэмдэглэхэд суралцагчдыг урих талаар бодож үз.

Малахи 3:7–12-ыг уншаад, Их Эзэний аравны нэгээ Түүнд өргөдөг хүмүүст амласан адислалуудыг олж мэд. Олсон адислалуудаа “Их Эзэний адислалууд” гэдгийн эргэн тойронд график дээрээ бичнэ үү.

“Намайг үүгээр сорь” гэх хэллэг нь Их Эзэн “Үүн дээр намайг сорь” гэсэн утгатай байж болохыг ойлгох нь суралцагчдад тустай байж болох юм.

Та Малахи 3:7–12 дахь Их Эзэний үгсээс аравны нэгийн талаар ямар үнэнийг мэдэж авсан бэ?

Суралцагчдад олж тогтоосон үнэнээ хуваалцах боломж гаргаж өг. Биднийг Их Эзэний аравны нэгийн хуулийг дуулгавартай дагахад Тэрээр биднийг өгөөмрөөр адислах болно гэх үнэнийг судартаа эдгээр шүлгийн хажууд тэмдэглэн бичихэд суралцагчдыг урь.

Суралцагчдад энэ үнэнийг ойлгоход нь туслахын тулд таваг, аяга болон савтай ус ангид авчрахыг бод. Аягыг тавган дээр тавь. Ус нь биднийг аравны нэгээ төлөх үед Их Эзэний бидэнд өгөх адислалуудыг төлөөлдөг гэдгийг тайлбарла. Нэг суралцагчийг савнаас усыг тавган дээрх аяга руу хальтал хийхэд урь. Үүнийг Малахи 3:10 дээрх Их Эзэний амласан зүйлтэй холбон тайлбарла.

Их Эзэний аравны нэгийн хууль

Аравны нэгээ төлсний төлөө Тэнгэрлэг Эцэг биднийг адислах үед бид Түүний талаар юу мэдэж авч болох вэ?

Та аравны нэгээ төлөхөд ирдэг адислалуудын талаар ярилцсаны дараа, аравны нэгээ төлдөг зарим хүн хүссэн адислалуудаа хүлээн аваагүй төдийгүй санхүүгийн хувьд хүнд байдалд орсон хэвээр байж болно гэдгийг онцолж болно. Тэд яагаад аравны нэгээ үргэлжлүүлэн төлөх ёстой юм бол гэж бодож магадгүй. Та Малахи 3:14, 16–17-г уншаад, Их Эзэний Түүнийг дуулгавартайгаар үргэлжлүүлэн дагасан хүмүүст юу амласныг олж мэдэж болно.

Их Эзэний аравны нэгийн хуулийг дуулгавартай дагах нь

График дээрх “Миний мэдрэмж” гэсний хажууд дараах зүйлийн талаар бич.

Их Эзэний аравны нэгийн хуулийг дуулгавартай дагахад танд ямар санагддаг вэ?
Аравны нэгээ төлөх хүслийг тань нэмэгдүүлсэн өнөөдөр таны судалсан буюу мэдэрсэн зүйл. Үүнд таны хүлээн авахыг хүсэж буй Их Эзэний амласан адислалуудыг багтааж болно.

Цөөн суралцагчийг Их Эзэн, Түүний аравны нэгийн хуулийн тухай сэтгэгдлээ хуваалцахад урь. Мөн та энэ хуулийг дуулгавартай дагаснаар хүлээн авсан адислалуудаа хуваалцаж болно.

Цээжлэх

Та энэ хичээлийн турш төгс эзэмших сургаалын тайлбар, судрын түлхүүр үг хэллэгийг цээжлэхэд нь суралцагчдад тусалж, дараагийн хичээлүүд дээр давтахыг хүсэж болно. Maлахи 3:8–10-ын судрын түлхүүр хэллэг бол “Аравны нэгээ төлөхөд ирдэг адислалууд” юм. “Төгс эзэмших сургаалыг давтах үйл ажиллагаа” хэсгийн хавсралт материалуудад цээжлэх үйл ажиллагаанд зориулсан санаанууд бий.

Нэмэлт эх сурвалж

Би яагаад аравны нэгээ бусад зардлаас илүү чухалчлах ёстой вэ?

Тэргүүн зөвлөлийн ерөнхийлөгч Даллин Х.Өүкс ийн хуваалцжээ.

17:24

Дэлхийн II дайны үед бэлэвсэн ээж маань бага насны гурван хүүхдээ багшийн багахан цалингаар тэжээдэг байв. Ухаан суугаад би бидний мөнгө хүрэлцэхгүй болохоор хүссэн зарим зүйлээ авч чадахгүй өнгөрснийг ойлгож, ээжээсээ яагаад цалингаасаа ийм ихийг аравны нэг болгон төлдөг байсныг асууж билээ. Би түүний тайлбарласныг хэзээ ч мартаагүй. “Даллин, аравны нэг төлөхгүйгээр амьдарч болоод байгаа хүмүүс байж магадгүй ч бид болохгүй. Их Эзэн аавыг чинь биднээс авч, намайг үр хүүхэд та нарыгаа өсгө хэмээн үлдээхийг сонгосон. Би та нарыгаа Их Эзэний адислалгүйгээр өсгөж чадахгүй. Би аравны нэгээ шударгаар төлж байж эдгээр адислалыг хүлээн авдаг. Намайг аравны нэгээ төлөх үед Их Эзэн биднийг адисална гэж амласан, хэрвээ бид амьдрах хэрэгтэй л бол тэдгээр адислал бидэнд зайлшгүй байх ёстой.” (“Tithing,” Ensign, May 1994, 33)

Далын ахлагч Линн Г.Роббинс ийн заажээ.

9:30

Бусдад хоол өгөх үед хоол дуусаж, хоол өгч дууссаны дараа хоцорч ирсэн хүнд хоол олж өгөх гэхээсээ илүүтэй, хоол өгч эхлэх үедээ илүү нэг таваг хоол тавих нь хамаагүй хялбар байдаг. Үүний нэгэн адил Их Эзэнд зориулах хангалттай “үлдэгдэл” байгаа гэж найдахаас илүүтэй, Түүнд анхны ургац эсвэл үр жимсээ өгөх нь үнэндээ хялбар биш гэж үү? Бидний найрыг үндэслэгчийн хувьд Тэр хамгийн түрүүнд үйлчлүүлэх хүндэт зочин маань байх ёстой биш гэж үү? (“Tithing—a Commandment Even for the Destitute,” Liahona, May 2005, 36)

Есүс Христийн Хожмын Үеийн Гэгээнтнүүдийн Сүмд аравны нэгийн санг хэрхэн ашигладаг вэ?

Арван хоёр төлөөлөгчийн чуулгын ахлагч Дэвид А.Бэднар ийн хуваалцжээ.

16:57

Эдгээр ариун нандин санг хурдацтай өсөж байгаа энэ Сүмд хувь хүн, гэр бүлүүдийг сүнслэг байдлаар нь адислах зорилгоор ариун сүм болон цуглааны байруудыг барих, арчлан хамгаалах мөн номлолын ажлыг дэмжих, судруудыг орчуулах, хэвлэх, гэр бүлийн түүхийн ажлын эрэл хайгуулыг дэмжих, сургууль болон Сүмийн боловсролыг санхүүжүүлэх, түүнчлэн Их Эзэний томилсон үйлчлэгчдийн зааврын дагуу Сүмийн бусад олон зорилгыг гүйцэлдүүлж ашигладаг. (“Тэнгэрийн цонхнууд,” 2013 оны 10-р сарын Ерөнхий чуулган, 21)

Нэмэлт суралцах үйл ажиллагаа

Аравны нэгийг төлөх нь

Зарим суралцагчид аравны нэгээ хэрхэн тооцох, аравны нэгээ хэрхэн хандивлах, хэнд аравны нэгээ өгөх эсвэл аравны нэгээ төлөх талаар бусад зүйлийн талаар асуух зүйл гарч болох юм. Тэдэнд туслахын тулд та “Аравны нэг ба мацаг барих өргөлийг хаана хийдэг вэ?” нийтлэлийг уншиж болно (Өсвөр үеийнхний бат бөх байдлын төлөө, 2023 оны 12-р сар, 18–19). Дараа нь суралцагчид олж мэдсэн зүйлээ хуваалцаж болно.

Их Эзэний аравны нэгийн хуулийн талаарх туршлагууд

Их Эзэний аравны нэгийн хуулийн талаар ярилцаж байхад, аравны нэгээ төлөх нь өөрсдийг нь хэрхэн адисалсан тухай бусад хүний түүхийг ярих нь суралцагчдад тустай байж болох юм. Суралцагчдыг Их Эзэний аравны нэгийн хуулийг дуулгавартай дагасантай холбоотой туршлагаа ярилцаж байх хооронд та дараах түүхүүдийн аль нэгийг хуваалцаж болно.

Далын ахлагч Юүн Хуан Чэй саяхан буцаж ирсэн номлогч аравны нэгээ төлснөөр хэрхэн хүчирхэгжсэн тухай хуваалцжээ. “Та аз жаргалтай байхыг хүсдэг үү?” хэсгийг цагийн код 1:52-оос 3:12 хүртэл үзнэ үү.

10:21

Арван хоёр төлөөлөгчийн чуулгын ахлагч Дэвид А.Бэднар Бэднар эгчийг ээжээсээ аравны нэг төлөх талаар юу сурсныг нь хуваалцжээ. “Тэнгэрийн цонх”-ыг цагийн код 0:39-өөс 2:21 хүртэл үзнэ үү.

16:57

Тошико, Токичи Яанагида нар аравны нэгээ төлснөөр адислагджээ. Тэдний түүхийг Гэгээнтнүүд: Хожмын өдрүүд дэх Есүс Христийн Сүмийн түүхийн 3-р боть, Зоригтой, эрхэмсэг, бие даасан, 1893–1955 (2022)-ын х. 543–545 дээрээс олж болно.

Зөв шударга хэвээр үлдэх нь

Зарим суралцагч найз нөхөд эсвэл гэр бүлийн гишүүд нь Их Эзэний зарлиг, жишгүүдийг дагадаггүй мөртлөө жаргалтай, хөгжиж дэвжиж байгаа мэт харагдаж буйг харсан байж магадгүй. Суралцагчид Малахи 3:13–15-ыг уншаад, Малахигийн үед зарим хүн юу мэдэрч байсныг олж мэдэж болно. Та 13–15-р шүлгийг Малахи 3:16–18-тай харьцуулж, зөв шударга хэвээр үлдсэн хүмүүст Их Эзэн юу амласныг олж мэдэж болно.

Эдгээр шүлгийг мөнхийн талаас нь судлахад суралцагчдад туслахын тулд дараах асуултуудыг самбар дээр бичихийг бод.

Та Малахи 3:13–15-аас ямар ямар буруу таамаглалыг олж харж байна вэ?
Итгэл дүүрэн байснаар ирэх адислалуудыг тэр даруй олж хардаггүй хүмүүст туслах ямар зүйлийг та олж харж байна вэ?

Та асуултуудын талаар ярилцахын тулд суралцагчдыг хоёр бүлэг болгон зохион байгуулж болно.