Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Հայրապետական օրհնությունները. Աստծո սիրո արտահայտությունը և տոհմի հայտարարումը

«Հայրապետական օրհնությունները. Աստծո սիրո արտահայտությունը և տոհմի հայտարարումը», Հին Կտակարան․ Սեմինարիայի ուսուցչի ձեռնարկ (2026)

«Հայրապետական օրհնությունները. Աստծո սիրո արտահայտությունը և տոհմի հայտարարումը», Հին Կտակարան․ Սեմինարիայի ուսուցչի ձեռնարկ

Երիտասարդներին զորացնելու համար. Կատարել ընտրություններ. Դաս 175

Հայրապետական օրհնություններ

Աստծո սիրո արտահայտությունը և տոհմի հայտարարումը

A young man sits and looks over his Patriarchal blessing. He is on a couch and reads the blessing.

Հայրապետական օրհնություն ստանալը կարող է լինել մեր կյանքի ամենակարևոր իրադարձություններից մեկը: Մեր հայրապետական օրհնությունների միջոցով Երկնային Հայրը հայտնում է Իր կամքը մեզ, օգնում է մեզ զգալ Իր սերը և հայտարարում է մեր տոհմն Իսրայելի տանը: Այս դասը կօգնի ուսանողներին հասկանալ, թե ինչպես են հայրապետական օրհնությունները հանդիսանում Աստծո սիրո արտահայտությունը և հայտարարում իրենց տոհմն Իսրայելի տանը:

Ուսանողի նախապատրաստում․ ուսանողներին առաջարկեք դասից առաջ կատարել հետևյալ քայլերից մեկը. (1) կարդալ իրենց հայրապետական օրհնությունները կամ (2) խնդրել մարդկանց, որոնք ստացել են իրենց հայրապետական օրհնությունները, կիսվել, թե ինչպես են իրենց օրհնություններն օգնել իրենց:

Հնարավոր ուսումնական վարժություններ

Հայրապետական օրհնություններ

Նշում․ որոշ ուսանողներ արդեն ստացել են հայրապետական օրհնությունը, իսկ մյուսները կարող են նախապատրաստվել ստանալուն: Այս դասը վերաբերում է ուսանողների երկու խմբին էլ: Օգնություն խնդրեք Սուրբ Հոգուց, որպեսզի իմանաք, թե ինչպես կարող եք բավարարել ձեր ուսանողների տարբեր կարիքները: Երբ ուսանողները խոսեն իրենց հայրապետական օրհնությունների մասին, հիշեցրեք նրանց, որ չկիսվեն իրենց հայրապետական օրհնության որոշակի մանրամասներով:

Նախքան կուսումնասիրեք Հակոբի կողմից իր ընտանիքն օրհնելու մասին թեման, կարող եք սկսել դասը՝ ուսանողներին հնարավորություն տալով մտածել հայրապետական օրհնությունների իրենց ներկայիս հասկացողության մասին: Դա անելու համար կարող եք ստորև նկարագրված երեք սյունակի հետ մեկտեղ գրատախատակին գրել հայրապետական օրհնություններ արտահայտությունը:

Ուսանողներին առաջարկեք խորհել այն բանի շուրջ, թե իրենք ինչ գիտեն հայրապետական օրհնությունների մասին և ինչ հարցեր կարող են ունենալ: Դա անելու համար ուսանողներին առաջարկեք իրենց ուսումնասիրության օրագրի էջերից մեկի վրա գծել երեք սյունակ:

Առաջին սյունակ. Ինչ գիտեմ հայրապետական օրհնությունների մասին
Երկրորդ սյունակ. Ինչ եմ ուզում իմանալ հայրապետական օրհնությունների մասին
Երրորդ սյունակ. Ինչ եմ սովորում հայրապետական օրհնությունների մասին

Ուսանողները կարող են լրացնել առաջին երկու սյունակները հիմա: Երրորդ սյունակը նրանք կլրացնեն ամբողջ դասի ընթացքում:

Preparatory sketch in casein on illustration board by artist Harry Anderson for his painting "Jacob Blessing Joseph." The sketch depicts the Old Testament Prophet Jacob (Israel) with his sons gathered around him. Jacob has his hand on the head of his son Joseph as he gives him a blessing. (Genesis 49:22)

Իր մահից առաջ մարգարե և հայրապետ Հակոբը հավաքեց իր ընտանիքը:

Կարդացեք Ծնունդ 48.8–9 և Ծնունդ 49.1–2 հատվածները՝ փնտրելով, թե ինչ է նա արել նրանց համար: (Նշում․ ասել բառը վերաբերում է նրան, թե ինչ է ասել նա իր օրհնությունների ժամանակ:)

Ի՞նչ գտաք:

Այն օրհնությունները, որոնք Հակոբը տվեց իր որդիներին, հայրապետական օրհնություններ էին (տես Ծնունդ 48.9–22, 49.1–28): Մեր օրերում «Յուրաքանչյուր արժանավոր, մկրտված անդամ իրավունք ունի ստանալու հայրապետական օրհնություն, որը ոգեշնչված ուղղություն է տրամադրում Երկնային Հոր կողմից» (Ընդհանուր ձեռնարկ. Ծառայել Հիսուս Քրիստոսի Վերջին Օրերի Սրբերի Եկեղեցում, 18.17, Gospel Library հավելված)։

Տասներկու Առաքյալների Քվորումից երեց Գերիթ Վ. Գոնգը կիսվել է այն պատճառներով, որոնցով մենք հայրապետական օրհնություններ ենք ստանում մեր օրերում.

Ողջ աշխարհով մեկ ազնվազարմ հայրապետները հոգևորապես պատրաստվում են հայրապետական օրհնություններ տալու համար: Երբ հայրապետը դնում է իր ձեռքերը ձեր գլխին, նա զգում է և արտահայտում Աստծո սերը ձեր հանդեպ: Ձեր արտասանում է ձեր տոհմն Իսրայելի տան մեջ: Նա արտահայտում է օրհնություններ Տիրոջից: («Պատկանելություն ուխտին», Լիահոնա, նոյ․ 2019, 82)

Ի՞նչ սովորեցիք հայրապետական օրհնությունների մասին այս նյութից:

Ուսանողները կարող են պատասխանել նմանատիպ ճշմարտություններով.

Իմ հայրապետական օրհնության շնորհիվ ես կարող եմ.

զգալ Աստծո սերն իմ հանդեպ:
իմանալ իմ տոհմի մասին Իսրայելի տանը։
բացահայտել այն օրհնությունները, որոնք Աստված ունի ինձ համար:

Հիշեցրեք ուսանողներին, որ «Ինչ եմ սովորում» սյունակում ավելացնեն այն, ինչ իրենք սովորեցին հայրապետական օրհնությունների մասին: Նրանք կարող են նաև գրել իրենց հարցերը «Ինչ եմ ուզում իմանալ» սյունակում:

Դասի մնացած մասը կենտրոնացած է այն բանի վրա, թե ինչպես են հայրապետական օրհնություններն օգնում մեզ զգալ Աստծո սերը, և ինչպես են դրանք հայտարարում մեր տոհմը Իսրայելի տանը: Այս դասի Լրացուցիչ ուսումնական վարժություններ բաժնում՝ Gospel Library հավելվածում, դուք կգտնեք նյութեր այն մասին, թե ինչպես են հայրապետական օրհնություններն օգնում մեզ բացահայտել Աստծո օրհնությունները մեզ համար:

Հայրապետական օրհնություններն Աստծո սիրո արտահայտությունն են

Յոթանասունից երեց Կազուհիկո Յամաշիտան վկայել է, թե ինչպես են հայրապետական օրհնություններն Աստծո սիրո արտահայտություն հանդիսանում.

Եղբայրնե՛ր և քույրե՛ր, ես բերում եմ իմ վկայությունը, որ Երկնային Հայրը և Նրա սիրելի Միածին Որդին՝ Տեր Հիսուս Քրիստոսը, ապրում են: Նրանք սիրում են մեզ: Հայրապետական օրհնությունները սրբազան պարգևներ են Նրանցից: Երբ ստանաք ձեր օրհնությունը, դուք կգիտակցեք և կզգաք, թե որքան են Նրանք սիրում ձեզ, և որքան են Նրանք կենտրոնացած ձեզ վրա անհատապես: («Երբ ստանալ ձեր հայրապետական օրհնությունը,» Լիահոնա, մայիս 2023, 90)

Ըստ ձեզ, ինչպե՞ս են հայրապետական օրհնություններն Աստծո սիրո արտահայտություն հանդիսանում:

Որպեսզի օգնեք ուսանողներին տեսնել Աստծո սիրո արտահայտություն հանդիսացող հայրապետական օրհնությունների օրինակը, կարող եք ցուցադրել «Bethany’s Story» տեսանյութը՝ 7:02–8:55: Ուսանողներին առաջարկեք փնտրել, թե իր հայրապետական օրհնության մասին ուսումնասիրությունն ինչպես է օգնել նրան զգալ, որ Աստված տեղյակ է իր մասին և սիրում է իրեն:

11:8
Ինչպե՞ս եք զգացել Աստծո սերը ձեր հայրապետական օրհնության միջոցով:

Հիշեցրեք ուսանողներին, որ «Ինչ եմ սովորում» սյունակում ավելացնեն այն, ինչ իրենք սովորեցին հայրապետական օրհնությունների մասին:

Հայրապետական օրհնությունները հայտարարում են մեր տոհմը

Նախքան այս բաժնին անցնելը, կարող եք առաջարկել ուսանողներին կիսվել, թե ինչ գիտեն տոհմի հայտարարման մասին և ինչու է այն կարևոր: Ուսանողները կարող են նաև «Ուզում եմ իմանալ» սյունակում գրել տոհմի հայտարարման վերաբերյալ իրենց ունեցած հարցերը և ուսումնասիրելիս փնտրել դրանց պատասխանները:

Տասներկու Առաքյալների Քվորումից երեց Դեյվիդ Ա. Բեդնարն ուսուցանել է տոհմի հայտարարման մասին.

Հայրապետական օրհնություն ստանալու հիմնական պատճառներից մեկն է՝ օգնել մեզ ավելի լիարժեքորեն ընկալել, թե ով ենք մենք՝ որպես Աբրահամի սերունդ, և գիտակցել այն պատասխանատվությունը, որը դրված է մեզ վրա: … Մենք նախակարգված էինք նախամահկանացու գոյության ժամանակ և ծնվել ենք մահկանացու կյանքում՝ կատարելու այն ուխտը և խոստումը, որն Աստված կապել էր Աբրահամի հետ («Becoming a Missionary», Լիահոնա, նոյ. 2005, 47)

Ի՞նչ կարող եք ավելացնել այս խոսքերից «Ինչ եմ սովորում» սյունակում:

Կախված նրանից, թե ինչով են կիսվում ուսանողները, կարող եք կարդալ կամ ամփոփ ներկայացնել հետևյալ պարբերությունը՝ օգնելու ուսանողներին հասկանալ Աբրահամի և իրենց հայրապետական օրհնություններում հայտարարված տոհմերի միջև կապը:

Աստված ուխտ կապեց Աբրահամ մարգարեի հետ, որը կոչվում էր Աբրահամի ուխտ: Աստված նորոգեց այս ուխտն Իսահակի և Հակոբի հետ, որի անունն է նաև Իսրայել (տես Ծնունդ 26.3–4, 28.12–15): Հակոբի որդիները հայտնի են որպես Իսրայելի ցեղեր։ Մեր հայրապետական օրհնությունները ցույց են տալիս, որ մենք հանդիսանում ենք Աբրահամի հետնորդները և Իսրայելի տան անդամները: Իսրայելի տան յուրաքանչյուր անդամ, անկախ իր ցեղից, կարող է ստանալ Աբրահամի ուխտի օրհնություններն ու պարտականությունները:

Եթե ուսանողներն ուսումնասիրել են Դաս 23. «Ծնունդ 12.17»-ը կամ Դաս 24. «Աբրահամ 2.9–11»-ը, կարող եք առաջարկել նրանց կիսվել այն ամենով, ինչ հիշում են Աբրահամի ուխտի մասին:

Ուսանողներին առաջարկեք փոքր խմբերով ուսումնասիրել հետևյալ հատվածները և գրատախտակին գրել իրենց գտածը:

Կարդացեք Աբրահամ 2.9–11 հատվածները՝ փնտրելով օրհնություններն ու պարտականությունները, որոնք Տերը խոստացել է Աբրահամին և նրա սերունդներին:

Ի՞նչ օրհնություններ և պարտականություններ ունենք մենք՝ որպես Աբրահամի սերունդ:
Ի՞նչ կարող ենք սովորել մեր հայրապետական օրհնությունից՝ օգնելու մեզ կատարել այդ պարտականությունները:

Հայրապետական օրհնություն ստացած ուսանողներին առաջարկեք հիշել, թե ինչ է այն ուսուցանում տաղանդների կամ հատկանիշների մասին, որոնք Աստված տվել է իրենց՝ կատարելու այդ պարտականությունները: Հնարավորության դեպքում ուսանողները կարող են հասանելիություն ստանալ իրենց օրհնությանը Gospel Library հավելվածում։

Ինչ սովորեցի

Ուսանողներին առաջարկեք վերանայել այն, ինչ գրել են «Ինչ եմ սովորում» սյունակում: Նրանք կարող են նույնիսկ շրջանակի մեջ առնել մեկ կամ երկու բան, որոնք իրենց ամենաշատն են տպավորել: Ուսանողները կարող են իրենց գրածներից մի քանիսով կիսվել դասարանի հետ կամ փոքր խմբերով:

Նրանք կարող են պատասխանել հետևյալ հարցերից մեկին կամ մի քանիսին իրենց ուսումնասիրության օրագրերում:

Ի՞նչ սովորեցիք կամ զգացիք Երկնային Հոր մասին:
Ի՞նչ սովորեցիք, որը մոտիվացնում է ձեզ ուսումնասիրել ձեր հայրապետական օրհնությունը:
Ի՞նչ սովորեցիք, որը մոտիվացնում է ձեզ պատրաստվել ձեր հայրապետական օրհնությունը ստանալուն:

Կարող եք կիսվել հայրապետական օրհնությունների մասին ձեր մտքերով և զգացմունքներով: Ուսանողներին, որոնք չեն ստացել հայրապետական օրհնությունը, առաջարկեք աղոթքով մտածել, թե երբ է այն ստանալու ճիշտ ժամանակն իրենց համար: Հայրապետական օրհնություն ստացած ուսանողներին առաջարկեք պարբերաբար ուսումնասիրել այն:

Եթե ուսանողները դեռ հարցեր ունեն հայրապետական օրհնությունների վերաբերյալ, խրախուսեք նրանց շարունակել փնտրել դրանց պատասխանները: Նրանք կարող են ուսումնասիրել Հայրապետական օրհնություններ նյութը «Թեմաներ և հարցեր» բաժնում կամ խոսել իրենց ծնողի կամ Եկեղեցու ղեկավարի հետ:

Օժանդակ նյութեր

Ի՞նչն է հատկանշական մեր հայրապետական օրհնություններում տոհմի հայտարարման մեջ:

Յոթանասունից երեց Կազուհիկո Յամաշիտան ուսուցանել է․

10:47

Երբ դուք հայտարարություն ստանաք տոհմի վերաբերյալ, կիմանաք, որ դուք Իսրայելի տնից եք և Աբրահամի սերնդից: Հասկանալով դրա կարևորությունը՝ կենտրոնացեք խոստումների վրա, որոնք Տերը տվել է Իսրայելի տան համար՝ Աբրահամի միջոցով:

Այդ խոստումները ներառում են.

«Նրա սերունդը բազմաթիվ կլինի (տես Ծնունդ 17.5–6, Աբրահամ 2.9, 3.14):

«Նրա սերունդը կամ հետնորդները կընդունեն ավետարանը և կկրեն քահանայություն (տես Աբրահամ 2.9):

«Նրա սերնդի ծառայության միջոցով «երկրի բոլոր ընտանիքները [կ]օրհնվեն, այսինքն Ավետարանի օրհնություններով, որոնք փրկության, այսինքն՝ հավերժական կյանքի օրհնություններն են» (Աբրահամ 2․11)»։

Մենք՝ որպես Եկեղեցու անդամներ, ուխտի զավակներ ենք: Մենք ստանում ենք Աբրահամի ուխտի օրհնությունները, երբ հնազանդվում ենք ավետարանի օրենքներին և արարողություններին։ («Երբ ստանալ ձեր հայրապետական օրհնությունը», Լիահոնա, մայիս 2023, 89)

Ինչպե՞ս է Աստված օրհնում մեզ հայրապետական օրհնությունների միջոցով:

Յոթանասունից երեց Ռանդալ Ք. Բենեթը վկայել է.

9:28

Իմ հայրապետական օրհնությունը չափազանց կարևոր էր ինձ համար տարբեր պատճառներով։ Նախ՝ Սուրբ Հոգու զորության միջոցով իմ հայրապետական օրհնությունն օգնեց ինձ հասկանալ իմ իսկական հավերժական ինքնությունը. ով էի ես իրականում, և ինչ կարող էի դառնալ: Այն օգնեց ինձ իմանալ, ինչպես նախագահ Նելսոնն է ուսուցանել, որ ես «Աստծո որդի» եմ, «ուխտի [զավակ]» եմ և «Հիսուս Քրիստոսի աշակերտ»: Ես գիտեի, որ իմ Երկնային Հայրը և իմ Փրկիչը ճանաչում ու սիրում են ինձ, և որ Նրանք անձամբ ներգրավված են իմ կյանքում: Դա օգնեց ինձ ցանկանալ ավելի մոտենալ նրանց և մեծացնել իմ հավատքն ու վստահությունը նրանց հանդեպ: («Ձեր հայրապետական օրհնությունը՝ ոգեշնչված ուղղություն Երկնային Հորից», Լիահոնա, մայիս 2023, 42)

Ինչպե՞ս կարող եմ ստանալ հայրապետական օրհնություն:

Ընդհանուր Ձեռնարկ․ ծառայել Հիսուս Քրիստոսի Վերջին Օրերի Սրբերի Եկեղեցում ձեռնարկում նկարագրված են հետևյալ ուղեցույցները.

Եպիսկոպոսը կամ նշանակված խորհրդականը հարցազրույց է անցկացնում այն անդամների հետ, որոնք ցանկանում են ստանալ հայրապետական օրհնություն: Եթե անդամն արժանավոր է, հարցազրույց վարողը պատրաստում է Հայրապետական օրհնության երաշխավորագիրը: …

Երաշխավորագիրը ստանալուց հետո այդ անդամը կապ է հաստատում հայրապետի հետ, որպեսզի նրա հետ հանդիպում նշանակի՝ հայրապետական օրհնություն ստանալու համար: Հանդիպման օրը Եկեղեցու անդամը հայրապետի մոտ պետք է գնա աղոթքը մտքում և կիրակնօրյա հագուստով։ Անդամները կարող են ծոմ պահել, բայց ծոմ պահելը պարտադիր չէ: (Ընդհանուր ձեռնարկ, 18.17, 18.17.1, Gospel Library):

Լրացուցիչ ուսումնական վարժություններ

Հայրապետական օրհնությունները ներառում են Աստծո կողմից խոստացված օրհնությունները

Այս գաղափարը կարող է ուսուցանվել ի լրումն դասի այն հատվածների, թե ինչպես են հայրապետական օրհնությունները հանդիսանում Աստծո սիրո արտահայտություն և հայտարարում մեր տոհմը:

Նախքան ուղեկցող հարցերը քննարկելը՝ կարող եք կիսվել Յոթանասունից երեց Կազուհիկո Յամաշիտայի հետևյալ խոսքերով:

Ձեր հայրապետական օրհնությունն ուղերձ է Երկնային Հորից և, հավանական է, որ ներառի խոստումներ և ոգեշնչված խորհուրդ՝ առաջնորդելու ձեզ ձեր ողջ կյանքում: Հայրապետական օրհնությունը չի պատրաստվում քարտեզագրել ձեր կյանքը կամ պատասխանել ձեր բոլոր հարցերին: Եթե այն չի նշում կյանքի որևէ կարևոր իրադարձություն, մի կարծեք, որ դուք չեք ունենա այդ հնարավորությունը: Նմանապես, չկա երաշխիք, որ ամեն ինչ ձեր օրհնության մեջ կիրականանա այս կյանքում: Հայրապետական օրհնությունը հավերժական է, և եթե դուք արժանավոր ապրեք, խոստումները, որոնք չեն իրականացել այս կյանքում, կտրվեն հաջորդ կյանքում: («Երբ ստանալ ձեր հայրապետական օրհնությունը,» Լիահոնա, մայիս 2023, 89)

Ինչպե՞ս են օգնում մեզ հայրապետական օրհնությունները: (Նրանք կարող են տրամադրել առաջնորդություն, հորդորներ, նախազգուշացումներ, մխիթարություն։)
Ձեր հայրապետական օրհնությունն ինչպե՞ս է օրհնություն եղել ձեր կյանքում:

Խրախուսեք ուսանողներին իրենց աղյուսակի «Ինչ եմ սովորում» սյունակում ավելացնել այն, ինչ իրենք սովորեցին հայրապետական օրհնությունների մասին: Կարող եք իրենց հայրապետական օրհնությունը ստացած ուսանողներին առաջարկել ժամանակ տրամադրել՝ ուսումնասիրելու այն և փնտրելու այն օրհնությունները, որոնք Երկնային Հայրը խոստացել է իրենց:

Ինչպես կարող են հայրապետական օրհնություններն օգնել մեզ բացահայտել Աստծո օրհնությունները մեզ համար

Որպեսզի օգնեք ուսանողներին տեսնել մի օրինակ, թե ինչու են հայրապետական օրհնությունները համարվում Աստծո սիրո դրսևորում կամ ինչպես են դրանք օրհնում մեր կյանքը, կարող եք ցուցադրել «Ինչպես է քահանայությունն օրհնում երիտասարդներին» (6:07) տեսանյութը՝ 2:33–3:35, ChurchofJesusChrist.org կայքում։ Տեսանյութում մի երիտասարդ կին պատմում է, թե ինչպես է իր հայրապետական օրհնությունն օգնել իրեն բացահայտել Աստծո կողմից խոստացված օրհնություններն իր կյանքի համար:

6:7

Ինչպե՞ս կարող եմ իմանալ, թե երբ եմ պատրաստ լինելու, որպեսզի ստանամ հայրապետական օրհնությունը:

Եթե ուսանողները հարցեր ունենան՝ իմանալու, թե երբ են պատրաստ լինելու, որպեսզի ստանան հայրապետական օրհնությունը, կարող եք ուսումնասիրել «Ready for My Patriarchal Blessing» հոդվածը (Երիտասարդներին զորացնելու համար օգ. 2023, 6–7)։ Այս հոդվածում տարբեր երիտասարդներ կիսվում են, թե ինչպես են իմացել, որ իրենք պատրաստ են: