Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Սահմանել նպատակներ. Արդյունավետ կերպով նպատակներ սահմանել և հասնել դրանց

«Սահմանել նպատակներ. Արդյունավետ կերպով նպատակներ սահմանել և հասնել դրանց», Հին Կտակարան․ Սեմինարիայի ուսուցչի ձեռնարկ (2026)

«Սահմանել նպատակներ. Արդյունավետ կերպով նպատակներ սահմանել և հասնել դրանց», Հին Կտակարան․ Սեմինարիայի ուսուցչի ձեռնարկ

Երիտասարդներին զորացնելու համար. Կատարել ընտրություններ․ Դաս 172

Սահմանել նպատակներ

Արդյունավետ կերպով նպատակներ սահմանել և հասնել դրանց

Թեև շատ մարդիկ օրհնվել են՝ սահմանելով նպատակներ և հասնելով դրանց, ուրիշները մի կողմ են դրել իրենց նպատակները կամ հուսալքվել են, երբ չեն հասել դրանց: Տերը ցանկանում է, որ մենք նմանվենք Իրեն և Երկնային Հորը (տես 3 Նեփի 12.48): Նա կօգնի մեզ, երբ մենք ձգտենք սովորել և աճել: Այս դասը կօգնի ուսանողներին ավելի մոտենալ Տիրոջը, երբ նրանք սովորեն սահմանել իրենց նպատակները և հասնել դրանց Նրա օգնությամբ:

Ուսանողի նախապատրաստում. ուսանողներին առաջարկեք խորհել երկարաժամկետ և կարճաժամկետ նպատակների շուրջ, որոնց կցանկանային հասնել: Նրանք կարող են նաև հարցնել իրենց ծանոթ մարդկանց, թե ինչ են սովորել նպատակներ սահմանելու և դրանց հասնելու մասին:

Հնարավոր ուսումնական վարժություններ

Նպատակներ և ընտրություններ

Կարող եք սկսել դասը՝ գրատախտակին գծելով հետևյալ գծապատկերը: Ուսանողներին առաջարկեք գծել նույն գծապատկերն իրենց ուսումնասիրության օրագրերում:

Աջ կողմում գտնվող յուրաքանչյուր մարդուկի գծապատկերի կողքին ուսանողները կարող են գրել հետևյալ հարցերի իրենց պատասխանները:

Այս պահից սկսած, ի՞նչ եք ակնկալում իրականացնել երեք ամսվա, մեկ տարվա, հինգ տարվա ընթացքում։

Հորդորեք ուսանողներին խորհել հետևյալ հարցերի շուրջ։ Ապա պատրաստակամ ուսանողները կարող են իրենց պատասխաններով կիսվել դասարանի հետ:
Ի՞նչ մտքեր կամ զգացմունքներ եք ունենում՝ այս նպատակների մասին մտածելիս: Ինչո՞ւ։

Երկնային Հայրը և Հիսուս Քրիստոսը ցանկանում են, որ դուք լավագույնս դրսևորեք ձեզ, ի վերջո, նմանվեք Նրանց (տես 3 Նեփի 12.48): Այսօրվա դասի ընթացքում փնտրեք Հոգու առաջնորդությունը՝ տեսնելու, թե Նրանք ինչպես կարող են օգնել ձեզ սահմանել ձեր անձնական նպատակները և հասնել դրանց:

Տիրոջ օգնությունը

Կարդացեք Տասներկու Առաքյալների Քվորումից երեց Ուլիսես Սոարեսի հետևյալ խոսքերը՝ փնտրելով, թե ինչ սովորեցիք մեր նպատակները սահմանելու և դրանց հասնելու մասին.

Օգնությունը, որը կարող ենք ստանալ Տիրոջից մեր նպատակներին հասնելու ջանքերում և արդար ձգտումներում, անսահմանափակ է, և Նա աջակցում է մեզ ցանկացած լավ և արդար ջանքերում: … Ես հրավիրում եմ ձեզ մտածել ձեր անձնական կյանքում արդար ջանքեր գործադրելու եղանակներ փնտրելու մասին՝ անկախ ձեր հանգամանքներից: Վստահեցնում եմ ձեզ, որ Տերը սիրում է մեզանից յուրաքանչյուրին և Նա միշտ պատրաստ է մեզ օգնելու՝ անկախ այն հանգամանքից, թե ինչ իրավիճակում ենք մենք գտնվում: («Goals, Growth, and Progress—Recent Messages from Prophets and Apostles», [digital-only article], Լիահոնա, հունվ․ 2023, Gospel Library հավելված)

Ինչպե՞ս կարող եք կիրառել երեց Սոարեսի խոսքերը՝ ձեր նպատակները սահմանելու և դրանց հասնելու համար:

Երբ ուսանողներն օգտագործեն տարբեր բառեր, օգնեք նրանց հասկանալ, որ Տերը կօգնի մեզ սահմանել և իրականացնել մեր արդար նպատակները: Կարող եք այդ ճշմարտությունը գրել գրատախտակին:

Ապա դասի սկզբում գրատախտակին գծած գծապատկերի վերևում գրեք Տերը բառը և տվեք հետևյալ հարցը։
Ի՞նչ տարբերություն եք զգում, երբ գիտեք, որ Տերը կօգնի ձեզ՝ ձեր նպատակները սահմանելիս և դրանց հասնելիս:

Օգտակար կլինի բացատրել, որ մենք կարող ենք նպատակներ սահմանել մեր կյանքի շատ ոլորտներում, ներառյալ մեր կրթությանը, հարաբերություններին և ֆիզիկական առողջությանը վերաբերող նպատակները: Քրիստոսանման եղանակով աճելու, զարգանալու կամ առաջադիմելու ցանկացած ջանք կարող է արդար նպատակ լինել:

Որոշ ուսանողներ կարող են հուսահատվել և չսահմանել նպատակներ, քանի որ նրանք կարծում են, որ ավելի հաճախ ձախողում դրանք, քան հաջողության են հասնում: Այդ ուսանողներին օգնելու համար կարող եք տալ հետևյալ հարցը։
Երբ մենք չենք հասնում մեր նպատակներին, ինչո՞ւ է կարևոր հիշել, որ Տերը սիրում է մեզ և կօգնի մեզ, ինչպես երեց Սոարեսն է ուսուցանել:

Կարող եք առաջարկել ուսանողներին կարդալ 2 Նեփի 4.17–21, 26–28 հատվածները՝ փնտրելով, թե ինչպես Նեփին դարձավ դեպի Տերը, երբ զգաց, որ թերացել է:

Որպեսզի տեսնեք, թե Տերն ինչպես կարող է օգնել մեզ հասնել մեր նպատակներին, նույնիսկ երբ դա անհնար է թվում, կարող եք օգտագործել Աբրահամի օրինակը: Ուսանողները գուցե արդեն կարդացել են այդ պատմությունը Դաս 22. «Աբրահամ 1»-ում: Եթե այդպես է, ապա կարող եք հարմարեցնել ստորև նշված վարժությունը՝ համապատասխանեցնելով ուսանողների կարիքներին:

Որպես Տիրոջ մարգարե՝ իր կանչից մի քանի տարի առաջ Աբրահամն ապրում էր ամբարշտությամբ և կռապաշտությամբ շրջապատված երկրում: Նույնիսկ նրա հայրը որոշել էր «զրկել [նրան] կյանքից» (Աբրահամ 1.30):

Կարդացեք Աբրահամ 1.1–2, 4 հատվածները՝ փնտրելով այն նպատակները, որոնք Աբրահամը սահմանել էր իր համար:

Ի՞նչ գտաք:
Հաշվի առնելով Աբրահամի հանգամանքները՝ որքանո՞վ կարող էր դժվար լինել նրա համար հասնել իր նպատակներին։

Տերը հրաշքով փրկեց Աբրահամի կյանքը և խոստացավ օգնել նրան՝ հասնելու իր արդար նպատակներին (տես Աբրահամ 1.15–20):

Կարդացեք Աբրահամ 1.18–19 հատվածները՝ փնտրելով, թե ինչպես Տերը օգնեց Աբրահամին:

Ինչպե՞ս կարող է Աբրահամի փորձառությունն ազդել ձեր նպատակների մասին մտածելու վրա:
Ինչպե՞ս են Երկնային Հայրը և Հիսուս Քրիստոսը օգնել ձեզ կամ ձեզ ծանոթ մարդուն արդար նպատակ սահմանել կամ հասնել դրան:

Նպատակադրման գործընթաց

Կարդացեք աշխատաթերթում ներկայացված սկզբունքները և պատասխանեք հետևյալ հարցերին.

Այս գործընթացի ո՞ր մասերն են ձեզ մոտ լավ ստացվում: Ո՞ր մասերն են ձեզ համար ամենադժվարը: Ինչո՞ւ։
Ինչպե՞ս կարող եք ներգրավել Տիրոջը և խնդրել Նրա օգնությունն այս գործընթացում:

Բավարար ժամանակ տրամադրելուց հետո մի քանի ուսանողի խնդրեք դասարանի հետ կիսվել իրենց պատասխաններով:

Կիրառեք նպատակի սահմանումը

Եթե ժամանակը թույլ տա, կարող եք օգնել ձեր ուսանողներին կիրառել նպատակների սահմանումը և դրանց իրագործումը՝ օգտագործելով այս գործընթացը: Նրանք կարող են կատարել հետևյալ վարժությունը զույգերով կամ փոքր խմբերով: Կամ կարող եք անմիջապես բացել «Ձեր նպատակը» բաժինը:

Ձեր ուսումնասիրության օրագրում գրեք արդար և կարևոր նպատակների մի քանի օրինակ, որոնք դեռահասները կարող են սահմանել իրենց կյանքում:

Ապա ընտրեք այդ նպատակներից մեկը և, օգտագործելով աշխատաթերթի սկզբունքները, ստեղծեք մի սցենար, որտեղ մարդը կարող է իրատեսորեն կատարել յուրաքանչյուր քայլը: Մտածեք, թե ինչպես կարող եք ներգրավել Տիրոջը այդ գործընթացում:

Որպես մոդել կարող եք օգտագործել հետևյալ սցենարը.

Ջեյդենը խնդրում է Երկնային Հորը օգնել իրեն նպատակ սահմանել: Նա որոշում է ամեն օր 10 րոպե ուսումնասիրել Մորմոնի Գիրքը:
Նա որոշում է ավելի շուտ արթնանալ, որպեսզի կարողանա ուսումնասիրել դպրոց գնալուց առաջ:
Մեկ շաբաթ անց Ջեյդենը նկատում է, որ շարունակում է սովորականից երկար քնել: Նա աղոթում է օգնություն ստանալու համար։
Երկու շաբաթ անց Ջեյդենը զգում է, որ ինքը չի հասել իր նպատակին: Նա խնդրում է Երկնային Հորը օգնել իրեն զգալ Նրա և Հիսուս Քրիստոսի սերն իր հանդեպ: Նա քաջալերվում է և որոշում է նորից փորձել՝ վստահելով, որ Երկնային Հայրը և Հիսուս Քրիստոսը կօգնեն իրեն: Նա որոշում է ամեն գիշեր նպատակադրված ավելի շուտ քնել, որպեսզի կարողանա ավելի հեշտ արթնանալ:

Բավարար ժամանակ տրամադրելուց հետո ուսանողներին խնդրեք կիսվել իրենց ստեղծած սցենարներով:

Ձեր նպատակը

Հետևյալ վարժության միջոցով ուսանողները կարող են ծրագիր կազմել, որպեսզի Տիրոջը ներգրավեն իրենց նպատակներին հասնելու գործընթացում: Նրանք կարող են գրել իրենց նպատակներն ու ծրագրերն իրենց ուսումնասիրության օրագրերում կամ աշխատաթերթում:

Խորհեք ձեր անձնական նպատակների շուրջ՝ օգտագործելով աշխատաթերթի առաջին քայլը: Դա անելու համար կարող եք անդրադառնալ դասի սկզբում արված ձեր գծապատկերին:

Գրեք մեկ կամ երկու նպատակ, որին կցանկանայիք հասնել։ Կազմեք մանրամասն ծրագիր, որտեղ կներկայացնեք այն քայլերը, որոնք կցանկանայիք ձեռնարկել՝ դրանց հասնելու համար: Համոզվեք, որ ձեր ծրագրում ներառել եք, թե ինչպես կարող եք ներգրավել Տիրոջը՝ ձեր նպատակներին հասնելու համար:

Խրախուսեք ուսանողներին իրենց նպատակներին հասնելու ջանքերում և հիշեցրեք նրանց Երկնային Հոր և Հիսուս Քրիստոսի օգնության մասին: Կարող եք նորից կարդալ երեց Սոարեսի խոսքերը և կիսվել ձեր վկայությամբ այն մասին, թե ինչ է նա ուսուցանում:

Օժանդակ նյութեր

Ինչպե՞ս կարող է նպատակ սահմանելն օրհնել իմ կյանքը։

Քարոզիր Իմ ավետարանը. Հիսուս Քրիստոսի ավետարանով կիսվելու ուղեցույց գրքույկն ուսուցանում է հետևյալը․

Նպատակներ սահմանելու և ծրագրեր կազմելու ունակությունը կարող է օրհնել ձեզ ողջ կյանքում: Այն կարող է օգնել ձեզ Աստծո հետ ուխտեր կապել և պահել, հավատարմորեն ծառայել Եկեղեցում, հետամուտ լինել կրթությանը, աճել ձեր աշխատանքի մեջ և կառուցել ամուր ընտանիք: (Քարոզիր Իմ ավետարանը [2023], 147)

Ի՞նչ անել, եթե ես ուզում եմ զարգանալ, բայց չեմ կարողանում տեսնել իմ ներուժը:

Տասներկու Առաքյալների Քվորումից երեց Դիտեր Ֆ. Ուխդորֆը վկայել է.

14:11

Ես հավատում եմ, որ Փրկիչ Հիսուս Քրիստոսը կցանկանար, որ դուք տեսնեիք, զգայիք և իմանայիք, որ Նա ձեր ուժն է: Որ Նրա օգնությամբ չկան սահմաններ, թե դուք ինչեր կարող եք իրականացնել: Որ ձեր ներուժն անսահման է: Նա կցանկանար, որ դուք տեսնեիք ձեզ այնպիսին, ինչպիսին Նա է տեսնում ձեզ: Եվ դա շատ է տարբերվում նրանից, թե ինչպես է աշխարհը տեսնում ձեզ: («Հիսուս Քրիստոսը երիտասարդների ուժն է», Լիահոնա, նոյ․ 2022, 9)

Ի՞նչ կլինի, եթե ես չհասնեմ իմ նպատակներին:

Նախկինում Առաջին Նախագահությունից նախագահ Դիտեր Ֆ․ Ուխդորֆը բացատրել է.

Երբ խոսքը վերաբերում է նպատակներ սահմանելուն, … [մենք] գրեթե անկասկած կարող ենք ձախողել, առնվազն կարճաժամկետ հեռանկարում: Բայց հուսահատվելու փոխարեն մենք կարող ենք զորանալ, քանի որ այս հասկացողությունը վերացնում է այս պահին կատարյալ լինելու ճնշումը: Ի սկզբանե մենք ընդունում ենք, որ ժամանակ առ ժամանակ կարող ենք չհասնել մեր նպատակներին: Դրա մասին նախօրոք իմանալը վերացնում է ձախողման զարմանքն ու հուսահատությունը:

Երբ մենք մոտենում ենք մեր նպատակներին այս ձևով, ձախողումը մեզ չի սահմանափակում: Հիշե՛ք, նույնիսկ, եթե մենք չկարողանանք անմիջապես հասնել մեր ամենակարևոր, ամենացանկալի նպատակին, մենք կունենանք առաջընթաց այն ճանապարհին, որը տանում է դեպի դրան:

Եվ դա էական է. դա շատ բան է նշանակում:

Նույնիսկ, եթե մենք ձախողենք` շատ մոտ լինելով ավարտի եզրագծին, ճանապարհը շարունակելը մեզ ավելի կբարձրացնի, քան մենք նախկինում էինք: («Ծառ տնկելու լավագույն ժամանակը», Լիահոնա, հունվ․ 2014, 6)

Լրացուցիչ ուսումնական վարժություններ

Համապատասխանեցրեք ընտրությունները նպատակներին

Որպեսզի օգնեք ուսանողներին տեսնել իրենց նպատակներին հասնելու համար իրենց կատարած ընտրությունների կարևորությունը, կարող եք կիսվել երեց Քվենթին Լ. Քուքի պատմությամբ, որը ներկայացված է «Կատարել իմաստուն ընտրություն» տեսանյութում՝ 3:51–4:52: Ուսանողներին առաջարկեք փնտրել խնդիրները, որոնք նկատել են այդ երիտասարդի կատարած ընտրություններում:

15:20

Ապա կարող եք տալ նմանատիպ հարցեր.

Ինչպե՞ս կարող են այդ երիտասարդի կատարած ընտրություններն ազդել նրա նպատակների վրա:
Ի՞նչ խորհուրդ կտաք երիտասարդին՝ օգնելու նրան հասնել իր նպատակներին:

Խորհեք ձեր անձնական նպատակների շուրջ: Ձեր ուսումնասիրության օրագրում գրեք խորհուրդներ, որոնք կտայիք ինքներդ ձեզ՝ օգնելու ձեզ հասնել ձեր նպատակներին:

Աստծո օրինակը նպատակներ սահմանելիս

Որպեսզի օգնեք ուսանողներին տեսնել նպատակներ սահմանելու և դրանց հասնելու կարևորությունը, առաջարկեք նրանց կարդալ Մովսես 1.39 հատվածը և փնտրել Երկնային Հոր գործը և փառքը: Ապա կարող եք հարցնել, թե ինչ արեց Երկնային Հայրը՝ Իր գործը և փառքն իրականացնելու համար: Ուսանողները կարող են կիսվել նմանատիպ պատասխաններով․ Նա Արարեց աշխարհը, պահպանեց մեր ազատ կամքը, տրամադրեց Փրկիչ և հաստատեց փրկարար արարողությունները:

Կամ կարող եք ցուցադրել կամ նկարել Արարման հետևյալ գծապատկերը.

Ուսանողները կարող են իրար մեջ բաժանել Մովսես 2.1–27 հատվածները զույգերով կամ փոքր խմբերով՝ գծապատկերում Արարման յուրաքանչյուր օրը համապատասխանեցնելով սուրբգրային այն հատվածներին, որոնք համապատասխանում են դրան: Այս վարժությունից հետո տվեք հետևյալ հարցը.

Ի՞նչ կարող ենք սովորել Արարման պատմությունից՝ նպատակներին հասնելու վերաբերյալ։

Ուսանողները կարող են կիսվել նմանատիպ պատասխաններով․ պահանջվել է ժամանակ, ամեն ինչ կատարվել է համաձայն ծրագրի և գործադրվել են մեծ ջանքեր:

Ինչպե՞ս կարող եք կիրառել ձեր սովորածը՝ ձեր անձնական նպատակներին հասնելու համար:

Ընթացքի մեջ գտնվող աշխատանք

Մի մարդու օրինակ տեսնելու համար, որը նպատակներ է սահմանել և հասել է դրանց, կարող եք ցուցադրել «A Work in Progress» տեսանյութը՝ 1:33–5:04։ Կարող եք ցուցադրել տեսանյութն աշխատաթերթը քննարկելուց հետո՝ առաջարկելով ուսանողներին փնտրել նպատակադրման գործընթացի օրինակներ:

7:30