Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Աբրահամ 1. «Ցանկացեք … լինել… արդարության հետևորդ»

Աբրահամ 1. «Ցանկացեք … լինել… արդարության հետևորդ», Հին Կտակարան․ Սեմինարիայի ուսուցչի ձեռնարկ (2026)

Աբրահամ 1. «Ցանկացեք … լինել… արդարության հետևորդ», Հին Կտակարան․ Սեմինարիայի ուսուցչի ձեռնարկ

Ծնունդ 12–17․ Աբրահամ 1–2. Դաս 22

Աբրահամ 1

«Ցանկացեք … լինել… արդարության հետևորդ»

The painting portrays Abram kneeling, his head bowed. Melchizedek lays his hands on his head blessing him. His eyes are shut and his face looks up. An attendant holds bread and wine.

Աբրահամը մեծանում էր ամբարշտությամբ և կռապաշտությամբ շրջապատված միջավայրում: Այդ հանգամանքներում Աբրահամը ցանկանում էր հետևել Հիսուս Քրիստոսին, որը նախաերկրային կյանքում Աբրահամին հայտնի էր որպես Եհովա: Երբ Աբրահամը ձգտում էր իր արդար ցանկությունների կատարմանը, Տերը օրհնեց նրան՝ դրանք ձեռք բերելու համար: Այս դասը կօգնի ուսանողներին հույս ունենալ, որ Երկնային Հայրը կարող է օգնել իրենց ստանալ այն օրհնությունները, որոնք Նա ցանկանում է, որ իրենք ստանան:

Ուսանողի նախապատրաստում․ ուսանողներին առաջարկեք գրել, թե ինչ են ամենից շատ ցանկանում կյանքում և մտածել այն մասին, թե ինչպես է Երկնային Հայրը վերաբերվում նրան, ինչ իրենք ամենից շատն են ցանկանում:

Հնարավոր ուսումնական վարժություններ

Ի՞նչ եք ցանկանում

Դասը սկսեք՝ օգնելով ուսանողներին մտածել այնպիսի իրավիճակների մասին, երբ իրենք կարող են դժվարությամբ հավատալ, որ Տերը կարող է օգնել իրենց ստանալ արդարակյաց ապրելու օրհնությունը, որն իրենք ցանկանում են: Դա անելու համար կարող եք կիսվել հետևյալ անավարտ սցենարներով և առջարկել ուսանողներին նշել այն խոչընդոտը, որին կարող է բախվել անձը:

Սամանթան մեծ ցանկություն ունի հետևելու Հիսուս Քրիստոսին՝ քարոզելով Նրա ավետարանն ուրիշներին: Այնուամենայնիվ, այս պահին դա դժվար է թվում, որովհետև …

Յուչենը մեծ ցանկություն ունի հետևելու Հիսուս Քրիստոսին՝ վճարելով իր տասանորդը: Այնուամենայնիվ, այս պահին դա դժվար է թվում, որովհետև …

Կառլոսը մեծ ցանկություն ունի հետևելու Հիսուս Քրիստոսին՝ մկրտվելով: Այնուամենայնիվ, այս պահին դա դժվար է թվում, որովհետև …

Ուսանողներին առաջարկեք մտածել իրենց հանգամանքների և այն խոչընդոտների մասին, որոնց կարող են բախվել՝ հետևելով Հիսուս Քրիստոսին: Խնդրեք նրանց կատարել հետևյալ քայլերն իրենց օրագրերում:

Ձեր ուսումնասիրության օրագրում.

Գրեք մի քանի օրհնություն, որոնք ամենաշատն եք ցանկանում ստանալ կյանքում:
Գրեք բոլոր խոչընդոտները, որոնց, ըստ ձեզ, կարող եք բախվել՝ այս օրհնությունները ստանալու ճանապարհին:

Երբ ուսանողներն ուսումնասիրեն Աբրահամ 1 գլուխը, առաջարկեք նրանց խնդրել Երկնային Հոր օգնությունը Սուրբ Հոգու միջոցով: Սուրբ Հոգին կօգնի նրանց հուսալ, որ իրենք կարող են հետևել Հիսուս Քրիստոսին և ստանալ Նրա օրհնությունները՝ անկախ այն խոչընդոտներից, որոնց կարող են բախվել:

Աբրահամի հանգամանքները

Օրհնություններ, որոնք Աբրահամը ցանկանում էր	Խոչընդոտներ, որոնց բախվեց Աբրահամը
Օրհնություններ, որոնք Աբրահամը ցանկանում էր	Խոչընդոտներ, որոնց բախվեց Աբրահամը

Կարդացեք Աբրահամ 1.1–7 հատվածները՝ փնտրելով, թե ինչ օրհնություններ էր ցանկանում Աբրահամը և ինչ խոչընդոտների բախվեց այդ օրհնությունները ստանալու ճանապարհին:

Աբրահամի ցանկացած օրհնություններից ի՞նչն է առավել նշանակալից ձեզ համար:
Ինչո՞ւ կարող եք այդ օրհնությունները ցանկանալ նաև դուք:
Հիսուս Քրիստոսին հետևելու Աբրահամի ցանկությունն ինչպե՞ս կարող էր օգնել նրան դժվար հանգամանքներում, որոնց նա բախվեց:

Եհովան օգնեց Աբրահամին հաղթահարել խոչընդոտները

Կարդացեք Աբրահամ 1.15–20 հատվածները՝ փնտրելով, թե Եհովան ինչպես օգնեց Աբրահամին հաղթահարել իրեն հանդիպած խոչընդոտները։

Ըստ ձեզ, ի՞նչ սովորեց Աբրահամը Եհովայի մասին այս փորձառությունից։
Ինչպե՞ս կարող է Երկնային Հայրն օգնել մեզ հաղթահարել խոչընդոտները՝ արդարակյաց ապրելու օրհնությունները ստանալու ճանապարհին:

Բացատրեք ուսանողներին, որ ազատվելուց հետո Աբրահամն ի վերջո, գնաց Քանան: Տերը պատվեց Աբրահամին այն բանի համար, որ նա գործում էր համաձայն իր ցանկությունների՝ օրհնելով նրան քահանայությամբ և այլ կարևոր օրհնություններով: Աստված Աբրահամին խոստացավ այդ օրհնությունները որպես Աբրահամի ուխտի մի մաս: Ուսանողներն ավելին կիմանան այս ուխտի մասին հետագա դասերի ընթացքում:

Ավելի ուշ՝ Աբրահամի կյանքի ընթացքում, Տերն այցելեց նրան և խոստացավ, որ կկատարի Աբրահամի բոլոր արդար ցանկությունները (տես Աբրահամ 2.9–11): Կարդացեք Աբրահամ 2.12–13 հատվածները՝ փնտրելով, թե ինչ ասաց Աբրահամն այս փորձառությունից հետո:

Ի՞նչ սկզբունքներ կարող ենք սովորել Աբրահամի փորձառությունից։

Ուսանողները կարող են բացահայտել մի շարք սկզբունքներ, օրինակ՝ եթե մենք ձգտենք հետևել Հիսուս Քրիստոսին, Աստված մեզ կտա արդարակյաց ապրելու օրհնություններ, որոնք մենք ցանկանում ենք:

Կարդացեք Տասներկու Առաքյալների Քվորումի նախագահ Ջեֆրի Ռ. Հոլլանդի խոսքերը կամ դիտեք «Հույսի կատարյալ պայծառություն» տեսանյութը 11:09-11:38։ Տեսանյութը հասանելի է ChurchofJesusChrist.org կայքում։

17:45

Մենք ինչո՞ւ չպետք է հուսանք, որ բոլոր հույսերի Աստվածը կարող է հրաշքով պատասխանել մեր արդար և Քրիստոսանման ցանկություններին։ Մենք բոլորս պետք է հավատանք, որ այն, ինչ ցանկանում ենք արդարությամբ, կարող է մի օր, որևէ կերպ իրականություն դառնալ։ («Հույսի կատարյալ պայծառություն», Լիահոնա, մայիս 2020, 83)

Ուսանողներին առաջարկեք զույգերով կամ փոքր խմբերով քննարկել հետևյալ հարցերը, կամ գրել իրենց պատասխաններն իրենց օրագրերում: Բավարար ժամանակ տրամադրելուց հետո պատրաստակամ ուսանողները կարող են կիսվել դասարանի հետ իրենց պատասխաններից մեկով կամ երկուսով:

Նախագահ Հոլանդի խոսքերը և Աբրահամի փորձառությունն ինչպե՞ս են ձեզ հույս տալիս, որ Տերը կարող է օգնել ձեզ հաղթահարել Հիսուս Քրիստոսին հետևելու ճանապարհին հանդիպած խոչընդոտները:
Ե՞րբ է Երկնային Հայրն օգնել ձեզ կամ ձեր ծանոթներից մեկին հաղթահարել Հիսուս Քրիստոսին հետևելու ճանապարհին հանդիպած խոչընդոտները:

Կարող եք կիսվել ձեր փորձառությամբ, երբ Երկնային Հայրն օգնել է ձեզ հաղթահարել արդարակյաց ապրելու օրհնություն ստանալու ճանապարհին հանդիպած խոչընդոտը:

Ուսանողներին առաջարկեք իրենց օրագրերում գրել այն, ինչ սովորեցին այսօր:

Մի քանի պատրաստակամ ուսանողի առաջարկեք կիսվել իրենց գրածով: Դասն ավարտեք՝ կիսվելով այդ ճշմարտությունների վերաբերյալ ձեր վկայությամբ:

Լրացուցիչ նյութեր

Որտեղի՞ց կարող եմ ավելին իմանալ Աբրահամի գրքի մասին:

Եկեղեցին հրատարակել է մի շարք նյութեր Աբրահամի գրքի մասին, ինչպես օրինակ․

«The Book of Abraham» բաժինը Թանկագին Մարգարիտի՝ ուսանողների ձեռնարկում (2017)։
Եկեղեցու պատմության թեմաներ, «Աբրահամի գրքի թարգմանությունը»։
Ավետարանական թեմաների ակնարկներ, «Աբրահամի գրքի թարգմանությունը և պատմությունը»:

1835 թ. հուլիսի 5-ին Ջոզեֆ Սմիթը գրել է Աբրահամի գրքի ի հայտ գալու և այդ հին եգիպտական գրվածքների կարևորության մասին.

Ես և Վ[իլիամ] Վ. Ֆելփսն ու Օ[լիվեր] Քաուդերին որպես դպիրներ, սկսեցինք որոշ նիշերի կամ հիերոգլիֆների թարգմանությունը և ի ուրախություն մեզ պարզեցինք, որ գլանակներից մեկը պարունակում է Աբրահամի գրվածքները։ … Մենք իսկապես կարող ենք ասել, որ Տերը սկսում է ցույց տալ խաղաղության և ճշմարտության առատությունը։ (Ջոզեֆ Սմիթ, History, 1838–1856 [Manuscript History of the Church], volume B-1, 596, josephsmithpapers.org, կետադրական նշաններն արդիականացված են)

Աբրահամի գիրքն ուսումնասիրելիս կարևոր է նշել հետևյալը, որը գտնվում է Եկեղեցու պատմության թեմաներ, «Աբրահամի գրքի թարգմանությունը» բաժնում։

Գրքի կարգավիճակը, որպես սուրբ գրություն, կայանում է այն հավերժական ճշմարտությունների մեջ, որոնք այն ուսուցանում է և այն զորեղ հոգու մեջ, որը փոխանցում է: Աբրահամի գրքի ճշմարտությունն ի վերջո, կարելի գտնել նրա ուսմունքների մանրակրկիտ ուսումնասիրության միջոցով՝ զուգորդված անկեղծ աղոթքով և Հոգու հաստատումով: (Եկեղեցու պատմության թեմաներ, «Աբրահամի գրքի թարգմանությունը», Gospel Library հավելված)

Ինչպե՞ս են իմ ցանկություններն ազդում իմ կյանքի վրա:

Առաջին Նախագահությունից նախագահ Դալլին Հ. Օուքսն ուսուցանել է.

Ցանկությունները թելադրում են մեր առաջնահերթությունները, առաջնահերթությունները ձևավորում են մեր ընտրությունները, իսկ ընտրությունները որոշում են մեր գործողությունները։ Ցանկությունները, որոնց վրա մենք հիմնվում ենք, որոշում են, թե մենք ինչպես ենք փոխվում, ինչ ենք ձեռք բերում և ինչ ենք դառնում: …

… Երբ մենք ունենք այն հեռանկարը, թե ինչ կարող ենք դառնալ, մեր ցանկությունն ու գործելու ուժը հսկայական չափով մեծանում է: («Ցանկություն», Լիահոնա, մայիս 2011, 42, 44)

Ի՞նչ անել, եթե մեր արդար ցանկությունները մեզ անկատար են թվում:

Տասներկու Առաքյալների Քվորումից երեց Նիլ Լ․ Անդերսենն ուսուցանել է.

14:51

Որպես Տիրոջ ծառա, ես խոստանում եմ ձեզ, որ քանի դեռ հավատարիմ եք Հիսուս Քրիստոսին և ձեր ուխտերին, դուք կստանաք փոխհատուցող օրհնություններ այս կյանքում և ձեր արդար ցանկությունները՝ Տիրոջ հավերժական ժամանակացույցի համաձայն: Մահկանացու կյանքի ճանապարհին կարող ենք երջանկություն գտնել, նույնիսկ, երբ մեր բոլոր արդար հույսերը չեն իրականանում: («Աստծո զավակի անհատական ճամփորդությունը», Լիահոնա, մայիս 2021, 47)

Ինչպե՞ս ենք մենք զարգացնում արդար ցանկություններ:

Տասներկու Առաքյալների Քվորումից երեց Դեյվիդ Ա. Բեդնարն ուսուցանել է․

15:42

Մենք սկսում ենք ճանաչել Փրկիչին, երբ ջանք չենք խնայում լինելու այնտեղ, որտեղ Նա կամենում է, որ լինենք, երբ ձգտում ենք ասել այն, ինչ Նա ուզում է, որ ասենք, և դառնում ենք այն, ինչ Նա ուզում է, որ լինենք: Երբ մենք հնազանդորեն ընդունում ենք մեր կախումը Նրանից, Նա ընդարձակում է մեր ունակությունը, որպեսզի էլ ավելի արդյունավետ ծառայենք, քան երբևէ: Աստիճանաբար մեր ցանկություններն ավելի են հավասարվում Նրա ցանկություններին, և Նրա նպատակները դառնում են մեր նպատակները, այնպես, որ մենք «չենք խնդրի այն, ինչը հակառակ է [Նրա] կամքին»: («Եթե ինձ գիտենայիք», Լիահոնա, նոյ. 2016, 104)

Օժանդակ ուսումնական վարժություններ

Աբրահամ 1.11։ Առաքինի երիտասարդ կանանց օրինակը

Կարող եք օգտագործել երեք արդար կույսերի օրինակները, որպեսզի օգնեք ուսանողներին հասկանալ, որ մենք երբեմն չենք ստանում մեր արդար ցանկություններն այնպես, ինչպես ակնկալում ենք:

Կարդացեք Աբրահամ 1.11 հատվածը և համեմատեք Աբրահամի ազատումն այս երեք երիտասարդ կանանց պատմության հետ:

Կարող եք նաև վկայել երեց Անդերսենի խոսքերը չկատարված արդար ցանկությունների մասին՝ Լրացուցիչ նյութեր բաժնից:

Ուսանողներին առաջարկեք պատկերացնել, որ իրենց ընկերն իրենց տեքստային հաղորդագրություն է ուղարկել: Այդ ընկերը տխուր է, քանի որ Աստված դեռ չի օրհնել իրեն որոշակի գայթակղությանը դիմակայելու ուժով (կամ մեկ այլ արդար ցանկությամբ, որը նա փնտրում էր): Ուսանողներին առաջարկեք մտածել, թե ինչպես կարող են պատասխանել իրենց ընկերոջը: Հետևյալ հարցերը կարող են օգնել․

Ինչո՞ւ եք կարծում, որ որոշ մարդկանց արդար ցանկությունները կատարվում են, մինչդեռ ուրիշներինը՝ ոչ:
Ինչպե՞ս կարող ենք պահպանել մեր հավատքն առ Հիսուս Քրիստոս, նույնիսկ երբ մեր արդար ցանկություններն անկատար են թվում:

Արդար ցանկություններ փնտրելու այլ օրինակներ

Արդար ցանկություններ ձեռք բերելու վերաբերյալ իրենց ընկալումը խորացնելու համար ուսանողները կարող են Աբրահամին համեմատել սուրբ գրություններում հիշատակված այլ մարդկանց հետ:

Ուսանողներին առաջարկեք ընտրել հետևյալ մարդկանցից որևէ մեկին կամ ուրիշին՝ ըստ իրենց ընտրության: Առաջարկեք նրանց փնտրել, թե որն էր այդ մարդու ցանկությունը, և ինչ է ուսուցանում այդ պատմությունը մեր ցանկությունները ստանալու վերաբերյալ:

Նեփի․ 1 Նեփի 10․17, 11․1
Ենովս․ Ենովս 1․2–8
Ամուղեկ և Ալմա․ Ալմա 14․9–13
Հայրում Սմիթ․ Վարդապետություն և Ուխտեր 11․8, 15–17, 21–22

Համապատասխանեցնենք Տիրոջ կամքին

Ուսանողների համար օգտակար կլինի հետագա քննարկումներն արդար ցանկությունների վերաբերյալ, որոնց պատասխանները գուցե ոչ մեր ուզած ժամանակին են գալիս կամ ոչ այնպես, ինչպես ուզում ենք։ Եթե այդպես է, ապա կարող եք ցուցադրել «Ask in Faith» տեսանյութը 10:47-13:03։

15:9

Կարող եք տալ հետևյալ հարցերը.

Ի՞նչ սովորեցիք մեր արդար ցանկությունները Տիրոջ կամքին համապատասխանեցնելու մասին:
Ի՞նչ խորհուրդ կտաք այն մարդուն, որը զգում է, որ Տերը չի օրհնում իրեն արդար ցանկությամբ:

Սուրբ գրությունների կարևորությունը

Որպեսզի օգնեք ուսանողներին տեսնել սուրբ գրությունների կարևորությունը մեր կյանքում, կարող եք տալ հետևյալ հարցերը.

Ի՞նչ է նշանակում պահպանել որևէ բան։
Ինչպե՞ս կարող եք պահպանել ձեր սիրելիի լուսանկարը կամ նամակը:

Ուսանողներին առաջարկեք կարդալ Աբրահամ 1.28 հատվածը՝ փնտրելով, թե ինչ ստացավ Աբրահամը: Երբ ուսանողներն ասեն, թե ինչ են գտել, առաջարկեք նրանց կարդալ հատված 31-ը և հարցրեք հետևյալը.

Ի՞նչ է պահպանվել Աբրահամի կատարած արձանագրություններում։
Ինչպե՞ս կարող է օգնել մեզ այս ճշմարտությունների մասին իմանալը:

Օգնեք ուսանողներին տեսնել, որ Տերը կանչել է մարգարեներին՝ պահպանելու սուրբ գրությունները՝ մեր հանդեպ ունեցած Իր սիրուց ելնելով: Ուսանողներին առաջարկեք կիսվել սուրբ գրություններից կարևոր ճշմարտություններով, որոնց պահպանման համար իրենք երախտապարտ են: