Վերահսկել տեխնոլոգիաների օգտագործումը

• Ի՞նչ եղանակներով են այսօր երիտասարդներն օգտագործում տեխնոլոգիաները:

  Ուսանողները կարող են կիսվել հետևյալով․ շփվել այլ մարդկանց հետ, ուսումնասիրել սուրբ գրությունները, զվարճանալ, շփվել սոցիալական ցանցերում և կատարել տնային առաջադրանքները: Երբ ուսանողները պատասխանեն հարցին, կարող եք ցանկ կազմել կամ վերնագրել գրատախտակին գծված ճանապարհները՝ ըստ ուսանողների պատասխանների: Այս ցանկն օգտակար կլինի ուսանողներին ավելի ուշ՝ դասի ընթացքում։

• Ինչպե՞ս կարող ենք իմանալ, թե որն է տեխնոլոգիաների պատշաճ կամ ոչ պատշաճ օգտագործումը:

Այդ մարդու նման, որն ունի ընտրելու բազմաթիվ ճանապարհներ, մենք կարող ենք դժվարությունների հանդիպել՝ տեխնոլոգիաներն օգտագործելու վերաբերյալ ճիշտ որոշումներ կայացնելիս:

Կարդացեք հետևյալ հատվածները՝ փնտրելով, թե ինչպես կարող է Տերը առաջնորդել մեզ՝ որոշումներ կայացնելիս:

• Ելք 13․21–22

• Սաղմոս 119.105

• Եսայի 2․3, 5

  Կարող եք առաջարկել ուսանողներին կիսվել, թե ինչ կարող են ավելացնել նկարին և ինչու: Նրանք կարող են նկարում պատկերված ճանապարհի սկզբում ավելացնել լամպ, ամպի կամ կրակի սյուն կամ սուրբ գրություններ:

• Ինչպե՞ս կամփոփեիք այս ուսմունքները մեկ նախադասությամբ։

  Օգնեք ուսանողներին նշել հետևյալ ճշմարտությունը․ Տիրոջ օգնությունն առաջնորդում է մեզ մեր կյանքում:

• Ինչպե՞ս կարող են Տերը և Նրա ուսմունքներն առաջնորդել մեզ որոշումներ կայացնել այն մասին, թե մենք ինչպես պետք է օգտագործենք տեխնոլոգիաները:

Մի քանի րոպե տրամադրեք և մտածեք, թե ինչպես եք օգտագործում տեխնոլոգիաները և ինչով եք այժմ առաջնորդվում, երբ որոշում եք օգտագործել դրանք: Այսօրվա ուսումնասիրության ընթացքում ուշադրություն դարձրեք Հոգու հուշումներին:

Եկեղեցին երիտասարդների համար ստեղծել է մի ռեսուրս, որը կոչվում է Վերահսկել տեխնոլոգիաների օգտագործումը։ Դրա երեք հիմնական սկզբունքները կարող են օգնել մեզ ավելի ճիշտ որոշումներ կայացնել՝ տեխնոլոգիաներն օգտագործելիս:

• Նպատակ։ Ես կարող եմ նպատակային օգտագործել տեխնոլոգիաները։ Տեխնոլոգիաներն անվերահսկելի չեն ինձ համար։

• Ծրագիր: Երբ նախապես ծրագրում եմ, ես ինձ ավելի լավ եմ զգում և ավելի ճիշտ ընտրություններ եմ կատարում:

• Դադար։ Լավ է, երբ դադար եմ առնում և ընդմիջում եմ։

  Եթե օգտակար կլինի, կարող եք առաջարկել ուսանողներին ծանոթանալ գրատախտակի նկարին և հարցնել, թե ինչպես կարող են այդ երեք սկզբունքներն օգնել նկարում գտնվող մարդուն ավելի ճիշտ որոշումներ կայացնել՝ տեխնոլոգիաներն օգտագործելիս:

  Թեև այդ երեք սկզբունքներն էլ կարևոր են, դասի մնացած մասը կկենտրոնանա նպատակ սահմանելու վրա: Որպեսզի օգնեք ուսանողներին մտածել տեխնոլոգիաների օգտագործման ընթացքում նպատակասլաց լինելու մասին, կարող եք տալ հետևյալ հարցը:

• Ըստ ձեզ, ինչպե՞ս Տերը կցանկանար, որ դուք օգտագործեիք տեխնոլոգիաները:

Որպեսզի օգնենք մեզ նպատակային օգտագործել տեխնոլոգիաները, կարող ենք դառնալ դեպի Տերը և Նրա խորհուրդը, որը գտնվում է սուրբ գրություններում և Նրա մարգարեների խոսքերում: Հիմնվելով Տիրոջ ուսմունքների վրա՝ մենք կարող ենք կազմել հարցեր՝ գնահատելու մեր կողմից տեխնոլոգիաների օգտագործումը և օգնելու մեզ լինել ավելի նպատակաուղղված:

Վարժվեք կազմել հարցեր մտորելու համար՝ հիմնված Տիրոջ ուսմունքների վրա:

1. Կարդացեք հետևյալ սուրբ գրություններից մեկը։ Օգտագործեք ձեր սովորածը՝ կազմելու այնպիսի հարց, որը կարող է օգնել մեզ լինել նպատակասլաց և խելամիտ՝ մեր կողմից տեխնոլոգիաներն օգտագործելիս:

   Եսայի 55․2, 2 Նեփի 9․51

   Մատթեոս 22.36–39

   Մորոնի 7.45

   Վարդապետություն և Ուխտեր 50․23–25

   Վարդապետություն և Ուխտեր 63․16

2. Կարդացեք «Քայլեք Աստծո լույսով» բաժնի «Հրավերներ» վերնագրի չորս պարբերություններից մեկը Երիտասարդներին զորացնելու համար. ուղեցույց ընտրություն կատարելու համար գրքույկից։ Օգտագործեք ձեր սովորածը՝ կազմելու այնպիսի հարց, որը կարող է օգնել մեզ լինել նպատակասլաց և խելամիտ՝ մեր կողմից տեխնոլոգիաներն օգտագործելիս:

• Ինչպե՞ս կարող է Տիրոջ ուսմունքներն այս եղանակով օգտագործելը օգնել մեզ նպատակասլաց լինել՝ տեխնոլոգիաներն օգտագործելիս:

Ձեր ուսումնասիրության օրագրում նշեք տեխնոլոգիաներն օգտագործելու որոշ եղանակներ: Օգտագործելով ձեր և ձեր դասընկերների կողմից կազմած հարցերը, գնահատեք տեխնոլոգիաների ձեր անձնական օգտագործումը: Մտածեք այն բաների մասին, որոնք դուք լավ եք անում կամ որոնք կարող եք բարելավել: Գրեք ցանկացած տպավորություն, որը կարող եք ստանալ Սուրբ Հոգուց:

Յոթանասունից երեց Պիտեր Մ. Ջոնսոնն ուսուցանել է հետևյալը, թե ինչպես կարող է մեր կողմից տեխնոլոգիաների օգտագործումը կապել մեզ Տիրոջ և Նրա զորության հետ:

10:7

Տեխնոլոգիական միջոցները հրաշալի են, սակայն, եթե մենք զգույշ չլինենք, դրանք կարող են շեղել մեզ մեր աստվածային ներուժին հասնելուց։ Դրանց պատշաճ օգտագործումը կարող է ի հայտ բերել երկնային զորությունը: …

Եկեք զգույշ և ուշադիր լինենք տեխնոլոգիաների օգտագործման մեջ։ Շարունակ փնտրեք ուղիներ, որոնց միջոցով տեխնոլոգիան կարող է մեզ ավելի մոտեցնել Փրկչին և թույլ տալ մեզ իրականացնել Նրա աշխատանքը, մինչ մենք պատրաստվում ենք Նրա Երկրորդ Գալուստին։ («Հակառակորդին հաղթելու զորությունը», Լիահոնա, նոյ․ 2019, 110, 111)