Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Liliu atu i Puna’oa ua Filifilia Fa’alelagi e Fesoasoani e Maua ai Tali: O Puna’oa ua Filifilia Faalelagi a le Ali’i

“Liliu atu i Puna’oa ua Filifilia Fa’alelagi e Fesoasoani e Maua ai Tali: O Puna’oa ua Filifilia Faalelagi a le Ali’i,” Tusi Lesona mo Faia’oga Seminare o le Feagaiga Tuai (2026)

“Liliu atu i Puna’oa ua Filifilia Fa’alelagi e Fesoasoani e Maua ai Tali: O Puna’oa ua Filifilia Faalelagi a le Ali’i,” Tusi Lesona mo Faia’oga Seminare o le Feagaiga Tuai

Atamai i A’oa’oga Fa’avae: Mauaina o Tali i A’u Fesili: Lesona 165

Liliu atu i Puna’oa ua Filifilia Fa’alelagi e Fesoasoani e Maua ai Tali

O Puna’oa ua Filifilia Faalelagi a le Ali’i

A young woman in Thailand sits on a couch studying. In some shots her father is with her.

Ona o lo o tatou ola ai i se taimi ua to’atele ai i latou e “fa’apea mai e leaga le lelei, ma lelei le leaga” (Isaia 5:20), e mafai ona faigata ona iloa le mea moni.Ae ui i lea, ua saunia e le Tamā Fa’alelagi ma Iesu Keriso le fesoasoani mana’omia.E mafai ona fesoasoani lenei lesona i tagata a’oga e saili le mea moni mai puna’oa ua saunia ma le alofa e le Tamā Fa’alelagi ma Iesu Keriso.

Sauniuniga a le tagata a’oga: Vala’aulia tagata a’oga e mafaufau po’o le fea puna’oa e latou te liliu iai pe a iai ni a latou fesili e uiga i mea nei: meaa’oga i le fale, o se mea e fiafia pe nanau iai, ni mea na tutupu i le talafa’asolopito, o le talalelei a le Fa’aola ma le Ekalesia.Valaaulia i latou e mafaufau loloto pe aisea ua latou liliu ai i nei puna’oa ua latou fa’ailoa mai.

Gaoioiga e Ono Mafai Ona Aoaoina Ai

O le a se mea e moni?

Mafaufau e amata le vasega e ala i le fa’aali atu o se mea faitino po o se ata e le moni.Mo se fa’ataitaiga, e mafai ona e fa’aali atu le ata mai totonu o le lesona o se tagata tietie uila ma le urosa.Fai atu i tagata a’oga e fa’asoa mai pe fa’amata latou te talitonu e moni le ata.Ona fa’aali atu lea o le ata sa’o o lo o fa’aali mai ai na’o le tagata tietie uila.

O anafea na e va’ai ai pe faitau ai i se mea sa e fesiligia lona moni?
O a mea e mafai ona faafaigata ai ona iloa le mea moni i o tatou aso?

E ala mai i le perofeta o Isaia, na lapatai mai ai le Ali’i e uiga i se fa’afitauli o le a tatou feagai i o tatou aso e faigata ai ona iloa le mea moni.Faitau le Isaia 5:20, va’ava’ai po o le a se mea ua a’oa’o mai e le Ali’i.

O anafea na e va’aia ai se mea leaga ua fa’aigoaina o le “lelei” po o se mea lelei ua fa’aigoaina o le “leaga”?

Ina ia fesoasoani ia i tatou ia malamalama i le mana’omia o le fa’aeteetega i le iloaina ai o le mea moni ma le mea sese, sa fa’amatala mai e Peresitene Dallin H. Oaks o le Au Peresitene Sili:

Ua tatou ola i se taimi ua matua’i taape ma salalau solo ai faamatalaga.Ae e le o faamatalaga uma nei e moni.E tatau ona tatou faaeteete a o tatou saili i le upumoni ma le filifilia o punavai mo lena sailiga.E le tatau ona tatou manatu o le ta’uta’ua po o le pule faalelalolagi o ni punavai agavaa o le upumoni.E tatau ona tatou faaeteete e tusa ai ma le faalagolago i faamatalaga po o fautuaga e ofoina mai e tagata faafiafia lauiloa, tagata taaalo ta’uta’ua, po o punavai e le mailoa i le initoneti.O le tomai faapitoa i le tasi matata e le tatau ona avea o se tomai faapitoa i upumoni i isi mataupu.(“Upu moni ma le Fuafuaga,” Liahona, Nov. 2018, 25)

Ia fesili ifo ia te oe i fesili nei:

O le a lou mautinoa i lou gafatia e iloa ai le mea moni?
O ai e mafai ona e talitonuina e avatu ia te oe tali sao o le talalelei ma fesili e feso’otai i le Ekalesia?

E alolofa le Tamā Fa’alelagi ma Iesu Keriso ia i tatou ma e finagalo e fesoasoani ia i tatou ia iloa le mea moni ma le mea e le moni.I le faagasologa o le lesona atoa o le asō, tagai toto’a i musumusuga a le Agaga e fesoasoani ia te oe e iloa mea ua La’ua saunia mo i tatou.

Puna’oa ua filifilia faalelagi

Faitau parakalafa 11 ma le 12 o le vaega “Mauaina o le Malamalama Fa’aleagaga“ i le Pepa o Fa’amatalaga Autū o le Atamai i A’oa’oga Fa’avae (2023) ma fa’ailoga a’oa’oga e te lagona e taua ona iloa pe a sailia tali i au fesili.

E mafai ona e vala’aulia tagata a’oga e fa’asoa ma se paga mea ua latou mauaina ma pe aisea latou te manatu ai e taua.

Vala’aulia tagata a’oga e aotele mea ua latou a’oa’oina ma le vasega.Atonu latou te fa’asoa mai ni upumoni e pei o:

Ua tuuina mai e le Ali’i ia i tatou puna’oa faalelagi ua filifilia e fesoasoani ia i tatou e maua ai tali ma fa’asinoala.
O le a fesoasoani le Ali’i ia i tatou e iloatino le mea moni mai le sese pe a tatou liliu atu i Ana puna’oa faalelagi ua filifilia, e aofia ai le sailia o le taitaiga mai le Agaga Paia.

Aisea e te manatu e taua ai le fa’alagolago i puna’oa faalelagi ua filifilia a le Ali’i a o tatou saili tali mo a tatou fesili?

Iloatino le mea moni ma le sese

Ina ia tuu atu i tagata a’oga se fa’ataitaiga i le auala e fesoasoani ai le Ali’i ia i tatou e iloatino le mea moni mai le sese, e mafai ona e suesue le tala fa’atusi paia o Satani i le fetaia’i ai ma Mose i le Mose 1.Mafaufau e fa’aali atu le ata o i totonu o le lesona o Satani ina ua fetaia’i ma Mose.Fesili atu i tagata a’oga po o a mea latou te iloa pe manatua e uiga i lenei tala.

2026 Old Testament Seminary Teacher Materials

Ina ua uma ona talanoa fa’afesaga’i Mose ma le Atua, na sau Satani ma taumafai e fa’asese Mose e tapuai atu ia te ia (taga’i i le Mose 1:12).

Mafaufau e fa’atulaga tagata a’oga i ni paga.E mafai ona suesue ta’ito’atasi e tagata a’oga fuaiupu o i lalo ona fefa’asoaa’i lea o a latou tali ma isi i fesili nei:

Faitau le Mose 1:13–16, va’ava’ai pe na fa’apefea ona mafai e Mose ona iloatino le [eseesega i le] va o Satani ma le Atua.

O le a se mea na e mauaina?
E fa’apefea ona tatou fa’afeso’otai le mea na tupu ia Mose i o tatou olaga a o tatou filifilia puna’oa e saili ai le mea moni ma tali i a tatou fesili?

E ono tali mai tagata a’oga i ni tali e pei o: e mafai ona tatou iloaina le mea moni e ala i le manatunatu ai i o tatou a’afiaga ma le Atua; e mafai ona tatou fa’alagolago i le Atua o se puna’oa silisili o le mea moni; pe e mafai [foi] e le Atua ona fesoasoani ia i tatou e iloatino [le eseesega i] le va o le malamalama ma le pogisa.

E mafai ona e fa’aali atu le vaega o totoe o le vitiō “In Search of Truth,” mai le faailo taimi 1:27 i le 3:03.E mafai e tagata a’oga ona vaava’ai ma fa’asoa mai po o le fea o puna’oa na fa’aaogaina e tagata i le vitiō e maua ai le mea moni.

3:3

Afai e fesoasoani ai, mafaufau e fa’aali atu le fesili lenei ma vala’aulia tagata a’oga e tusi a latou tali i se fasi pepa laitiiti.E mafai ona gaugau e tagata a’oga a latou fasi pepa ma tuu i se koneteina.Ona mafai lea e tagata a’oga ona se’i mai i fafo ma faitau tali eseese na tusia e isi tagata a’oga.
O le a se mea ua e fa’afetai ua e iloa semanu e te le iloaina pe ana leai puna’oa faalelagi ua filifilia ma tuuina mai e le Tamā Fa’alelagi i o tatou aso?Aisea?

Fa’ataitai

O le gaoioiga lenei ua fa’amoemoe e fesoasoani i tagata a’oga e fa’ataitai ai le liliu atu i puna’oa faalelagi ua filifilia e maua ai tali mo a latou fesili.

Fa’atulaga tagata a’oga i ni paga po o vaega toalaiti ma fa’aali atu fa’amatalaga nei.E te ono mana’o e fetuunai nei fa’amatalaga ina ia fetaui ma mana’oga o au tagata a’oga.

Filifili se tasi o fa’amatalaga sese nei, po o se tasi ua e filifilia e oe lava:

Sese: E le popole tele le Atua i le auala tatou te ola ai pe afai lava tatou te le o fa’atiga i isi.
Sese: Ua na’o le pau a lenei o le olaga.Tatou te le’i iai muamua ae tatou te le’i fananau mai, ma o le a tatou le toe iai pe a tatou feoti.
Sese: Tatou te le mana’omia tele le Tusi a Mamona ona o lea ua uma ona tatou maua le Tusi Paia.

E ala i le fa’aaogaina o puna’oa faalelagi ua filifilia, saili fa’amatalaga e fa’asa’o ai fa’amatalaga sese sa e filifilia.Tusi mea ua e mauaina i lau api tala’aga o suesuega.

O fa’ataitaiga nei o puna’oa faalelagi ua filifilia e te ono mafaufau e fa’aaogaina:

Fuaitau o le atamai i a’oa’oga fa’avae, Taiala i Tusitusiga Paia, Taiala o Autū, po o le fa’asino upu o tusitusiga paia
Autū ma Fesili i le ChurchofJesusChrist.org
Saunoaga o le Konafesi Aoao
Potutusi o le Talalelei
O ou matua po o se taitai o le Ekalesia
Afai e manaomia e tagata a’oga se fesoasoani, mafaufau e fa’asoa atu puna’oa nei e fai ma fa’ataitaiga:
- E le popole tele mai le Atua i le auala tatou te ola ai pe afai lava tatou te le o fa’atiga i isi. (Esoto 20:3–17; “Poloaiga” i le Autū ma Fesili)
- Ua na’o le pau a lenei o le olaga.Tatou te le’i iai muamua ae tatou te le’i fananau mai, ma o le a tatou le toe iai pe tatou feoti. (Aperaamo 3:22–23; Ieremia 1:4–5; Iopu 19:25–26; “Ata o le Fa’aolataga” i le Autū ma Fesili)
- Tatou te le manaomia tele le Tusi a Mamona ona o lea ua uma ona tatou maua le Tusi Paia. (Esekielu 37:15–17; 2 Nifae 29:6–10; “Tusi a Mamona” i le Autū ma Fesili)
I le mae’a ai o le taimi atofaina, vala’aulia tagata a’oga e tusi i luga o le laupapa fa’amatalaga moni mo fa’amatalaga sese ta’itasi nei.

Vala’aulia tagata a’oga e fa’asoa mai puna’oa na latou liliu iai ma po o a mea ua latou maua mai nei puna’oa.E mafai foi e tagata a’oga ona fa’asoa mai mea na latou faia e maua ai a latou tali.

Ina ia fa’amae’a le vasega, mafaufau e fai atu le fesili lenei.E te ono manao foi e fa’asoa atu ou a’afiaga po o se molimau e uiga i puna’oa faalelagi ua filifilia a le Tamā Fa’alelagi ma Iesu Keriso.
O le a se mea ua e a’oa’oina i le asō e uiga i puna’oa faalelagi ua filifilia a le Tamā Fa’alelagi ma Iesu Keriso ua tuuina mai ma le alofa ia i tatou?

O Puna’oa Fa’aopoopo

O fea e mafai ona ou maua ai le upumoni?

Na molimau mai Peresitene Russell M. Nelson:

O le Atua o le puna lea o upumoni uma.O Le Ekalesia a Iesu Keriso o le Au Paia o Aso e Gata Ai e na te opogi upumoni uma ua tuuina mai e le Atua i Ana fanau, pe latou te a’oa’oina i se potu suesue fa’asaienisi, po o le mauaina e ala i fa’aaliga tuusao mai ia te Ia.(“O Le A Le Mea Moni?“Liahona, Nov. 2022, 30)

O le a se mea e mafai ona fesoasoani ia te a’u e iloa ai puna’oa moni?

Sa fa’amatala mai e Peresitene Dieter F. Uchtdorf, a o iai i le Au Peresitene Sili:

E iai moni lava ia te oe se soa mamana ma se taiala fa’atuatuaina i lenei sailiga faifai pea mo le upumoni.O ai?O le Agaga Paia lea.E silafia e lo tatou Tamā Fa’alelagi le faigata mo i tatou ona autalu atoa o leo faatautava uma ma maua ai le upumoni i le taimi o le tatou olaga faitino nei.E na te silafia e tatou te ono va’aia na’o se vaega o le upumoni, ma na Ia silafia o Satani o lo o taumafai e fa’asese i tatou.O lea ua Ia tuuina mai ai ia i tatou se meaalofa fa’alelagi o le Agaga Paia, e fa’amalamalamaina o tatou mafaufau, a’oa’o ai i tatou, ma molimau mai ia i tatou i le upumoni.(“O Le A Le Upumoni?“ [faigalotu i le lalolagi atoa mo talavou matutua, Ian. 13, 2013], Potutisi o le Talalelei)

O le Tusitaulima a le Ekalesia a Iesu Keriso o le Au Paia o Aso e Gata Ai o lo o taua ai mea nei:

I le lalolagi i ona po nei, ua faigofie ona maua ma faasoa faamatalaga.E mafai ona avea lea o se faamanuiaga sili mo tagata o loo saili ia a’otauina ma taulogoina.Ae peitai, e tele faapogai o faamatalaga e le talitonuina ma e le faagaeetiaina ai.O nisi faapogai e saili e faalauiloa le ita, feitagai, fefe, po o teori faataupulepulega e le faavaea (tagai i le 3 Nifae 11:30; Mosaea 2:32).O le mea lea, e taua ai ia atamamai tagata o le Ekalesia a o latou sailia le mea moni.

E ao i tagata o le Ekalesia ona sailia ma faasoa atu na o faapogai o faamatalaga e talitonuina, faatuatuaina, ma moni.E tatau ona latou taumamao mai faapogai e taumatemate pe faavae i tala feavea’i.O le taitaiga a le Agaga Paia faatasi ai ma le suesue ma le faaeteete, e mafai ona fesoasoani i tagata o le ekalesia e iloatino ai le mea moni mai le mea e sese (tagai i le Mataupu Faavae ma Feagaiga 11:12; 45:57).I mataupu o a’oa’oga fa’avae ma aiaiga fa’avae a le Ekalesia, o puna’oa aloaia e taitai ai o tusitusiga paia, o a’oa’oga a perofeta soifua, ma le Tusitaulima Aoao.(Tusitaulima Aoao: Auauna atu i le Ekalesia a Iesu Keriso o le Au Pa’ia o Aso e Gata Ai, 38.8.41, Potu o le Talalelei)

O fea e mafai ona ou maua ai mataupu faavae moni a Iesu Keriso?

Na a’oa’o mai Elder Neil L. Andersen o le Korama a Aposetolo e To’asefululua:

14:56

E iai nisi e fesiligia lo latou fa’atuatua pe a latou maua se saunoaga sa faia e se taitai o le Ekalesia i ni tausaga ua mavae lea sa foliga mai e lei ogatusa ma a tatou a’oa’oga fa’avae.O loo i ai se mataupu faavae taua o loo limataitaiina ai le aoaoga faavae o le Ekalesia.O le aoaoga faavae e aoaoina e uso uma e toa 15 o le Au Peresitene Sili ma le Korama a le Toasefululua.E le o natiaina i se parakalafa faalemanino o se lauga se tasi.O mataupu faavae moni e aoaoina soo ma e le toatele.O la tatou aoaoga faavae e le faigata ona maua.(“Tofotofoina o Lou Fa’atuatua,” Liahona, Nov. 2012, 41)

Gaoioiga Fa’aopoopo e A’oa’o Ai

O le taua o taumafaiga

Mafaufau e fa’asoa atu le saunoaga lea a Peresitene Russell M. Nelson:

O tagata a’oa’o paie ma soo fa’atalalē o le a tauivi pea i taimi uma e tau ini mai e oo lava i sina momoimea o le fa’atuatua.

Ina ia faia soo se mea ia lelei, e manaomia ai taumafaiga.O le avea ai ma se soo moni o Iesu Keriso, e leai se tu’usaunoaga.O le fa’atupulaia o lou fa’atuatua ma le talitonu ia te Ia e manaomia ai taumafaiga.(“Ua Toetu Keriso; O le Fa’atuatua iā te Ia o le a Aveese ai Mauga,” Liahona, Me 2021, 103)

Vala’aulia tagata a’oga e fa’asoa mai o latou lagona pe fa’apefea e lenei fa’amatalaga ona feso’otai i le liliu atu ai i puna’oa ua filifilia faalelagi mo se fesoasoani i le sailia o tali i a tatou fesili.

Mo se fa’ataitaiga o le eseesega i le va o le saili ma le filigā ma le a’oa’o paiē, fa’amatala atu e faapea, o le perofeta o Liae i le Tusi a Mamona, na faamatala sana miti i lona aiga.E le’i malamalama lona aiga i le miti.Vala’aulia tagata a’oga e faitau le 1 Nifae 10:17–19; 11:1 ma le 1 Nifae 15:1–3, 6–9, ma fa’atusatusa le tali a Nifae i le tali a Lamana ma Lemuelu.E mafai foi ona fai atu ni fesili e pei o nei:

O le a se mea ua e a’oa’oina mai le fa’ataitaiga a Nifae ma ona uso?
O le a sou manatu e fa’apefea ona avea o se fa’amanuiaga le fa’amoemoe mai le Atua tatou te faia ni taumafaiga nai lo le na’o le tuuina mai o tali?

Feutagaiina o puna’oa fa’atuatuaina

Ina ia fesoasoani i tagata a’oga e iloa le auala e iloilo ai le tulaga lelei o a latou puna’oa o fa’amatalaga, mafaufau e fa’asoa atu fesoasoani e maua mai le tala “Feutagai ma Puna’oa Fa’atuatuaina.”E mafai ona e vaevae fesoasoani i tagata a’oga ma vala’aulia i latou e aotele mea ua latou faitauina ma pe aisea latou te lagona ai e taua le fesoasoani.

Iloaina o le mea moni mai le mea sese

Afai e te lagona e ono fesoasoani i au tagata a’oga le talanoa atili e uiga i le iloaina o puna’oa fa’atuatuaina, mafaufau e tusi manatu fa’asino nei i luga o le laupapa.E mafai ona e fa’atulaga tagata a’oga i ni paga, tuuina atu i tagata a’oga ta’itasi e suesue se fuaitau se tasi pe lua.Ona mafai lea e tagata a’oga ona fa’amatala i le isi mea ua latou a’oa’oina e uiga i le iloaina o puna’oa fa’atuatuaina ma le lē fa’atuatuaina.

Mauaina o le mea moni mai puna’oa faalelagi

Mafaufau e fa’aali atu sina vaega po o le vitiō atoa “Puna’oa ua Filifilia Faalelagi“ (9:16) ina ia mafai ona fa’alogo tagata a’oga i a’afiaga na oo i isi talavou e ala i le liliu atu i puna’oa ua filifilia faalelagi mo mea moni.E mafai ona e fa’aali muamua atu le vitiō lenei pe o le mae’a ai foi o le gaoioiga fa’ataitai.

9:16