“Sa’ilia o Fa’aaliga Patino mo A’u Fesili: Malamalama Ai Pe Fa’apefea ona Fetalai Mai le Alii Iā Te Oe,” Tusi Lesona a le Faia’oga Seminare o le Feagaiga Tuai (2026)
“Sa’ilia o Fa’aaliga Patino mo A’u Fesili: Malamalama Ai Pe Fa’apefea ona Fetalai Mai le Alii Iā Te Oe,” Tusi Lesona a le Faia’oga Seminare o le Feagaiga Tuai
Atamai i A’oa’oga Faavae: Sailia o Tali i A’u Fesili: Lesona 162
Sa’ilia o Fa’aaliga Patino mo A’u Fesili
Malamalama Ai Pe Fa’apefea ona Fetalai Mai le Alii iā te Oe
E finagalo le Tama Faalelagi e fa’aali mai Lona finagalo ma Lona faamoemoega i Ana fanau.O le iloaina ai o lenei mea e fesoasoani a’o tatou sa’ilia ni tali i a tatou fesili, faia o fa’ai’uga tāua, ma taumafai ia avea i tatou ma so’o lelei o Iesu Keriso.O lenei lesona e mafai ona fesoasoani i tagata a’oga ia malamalama pe mafai fa’apefea ona latou maua le ta’ita’iga ma fa’aaliga mai le Tamā Fa’alelagi e ala i le Agaga Paia.
Gaoioiga e Ono Mafai Ona Aoaoina Ai
Iloaina o leo
A’o o mai tagata a’oga i le vasega, atofa i nisi o i latou ni numera eseese ma fa’atonuga nei: “A ou vala’au atu lau numera, ona e fa’apea mai lea, ‘E fetalai mai le Alii iā i tatou e ala i le Agaga Pa’ia.’”Fa’amatala atu e faapea o le taimi e vala’au atu ai latou numera, e mafai ona latou filifili e fai mai le fuaiupu i se leo musumusu po’o se leo masani.
Ina ia amata le vasega, vala’aulia tagata a’oga e moeiini o latou mata. Fa’amatala e faapea o le a latou taumafai e mate tagata o le vasega e ala i le fa’alogo atu i o latou leo.Vala’au atu numera eseese ta’itasi i le taimi e tasi. A mae’a ona faia e le tagata a’oga ua vala’auina atu lana numera le fasifuaitau, ona vala’aulia lea o le vasega atoa e si’i i luga o latou lima po’o ai e iloa le tagata sa tautala.
Ona fai atu lea o fesili nei:
-
Sa faigofie pe faigatā ona outou mate’ia le tagata na tautala?Aisea?
-
Aisea e ono faigatā ai i se tagata asiasi mai i le tatou vasega ona mate’ia le tagata sa tautala?
Fa’aali atu le iloiloga faaletagata lava ia lenei, ma vala’aulia tagata a’oga e mafaufau e uiga ia latou tali.
Mafaufau loloto i au tali i fesili nei:Atonu e te mana’o e fa’amaumau nisi o ou manatu i lau api tala’aga mo su’esu’ega.
-
O le a se telē o lo’u mautinoa o le iloaina o le siufofoga o le Alii i lo’u olaga?
-
O a ni a’u fesili e fa’atatau i le mauaina o fa’aaliga mai i le Tamā Fa’alelagi?
Mafaufau e molimau atu faapea e finagalo le Tamā Fa’alelagi e fetalai ta’ito’atasi atu i lana fanau.Fa’amatala atu faapea a’o tatou sa’ili fa’aaliga, o le a Ia fesoasoani e fa’atelē lo tatou mautinoa i le iloaina ai o Lona si’ufofoga ma le mauaina o tali ma le ta’ita’iga mai iā te Ia.
O se leo filemu, ma le itiiti
A’o sola ‘ese mai i tagata na sa’ili [e faaumatia] lona ola, na lafi Elia le perofeta i totonu o se ana (taga’i i le 1 Tupu 19:1–10).A’o iai iina, na fetalai atu le Alii iā te ia.
Faitau le 1 Tupu 19:9–12, va’ava’ai mo le mea na a’oa’o e Elia e uiga i le auala e fetalai mai ai le Alii iā i tatou.
-
O a ni mea ua e a’oa’oina e uiga i le Alii mai mea na oo ia Elia?
Fesoasoani i tagata a’oga e iloa e faapea, o le tasi o auala e fetalai mai ai le Alii iā i tatou e ala lea i le leo filemu ma le itiiti o le Agaga Pa’ia.
Atonu e taumanatu nisi tagata a’oga pe o fetalai sa’o mai le Atua iā i latou ma atonu e lē o iloa pe faapefea ona ila pe a Ia fetalai mai. O le fa’amatalaga lenei ma le gaoioiga su’esu’e mo le 3 Nifae 11 e fesoasoani e tali ai nei atugaluga.
Na a’oa’o mai Peresitene Russell M. Nelson:
E mafai ona tatou tatalo i lo tatou Tamā Fa’alelagi ma maua le puipuiga ma le taitaiga…Afai tatou te maua moni lava le Agaga Paia ma a’oa’o ia iloatino ma malamalama i Ana u’una’iga, o le a ta’ialaina i tatou i mataupu tetele ma laiti.
…O finagalo moni ea le Atua e fetalai atu ia te oe?Ioe!(“Fa’aaliga mo le Ekalesia, Fa’aaliga mo o Tatou Olaga,” Liahona, Me 2018, 94–95)
Mafaufau e tuu tagata aoga i ni paga e faitau fuaiupu nei.Ina ia fesoasoani i tagata a’oga e su’esu’e, vala’aulia i latou e taofi pe a mae’a ona faitau fuaiupu ta’itasi ma talanoa ma a latou paga e uiga i mea na latou maua e mafai ona fesoasoani iā i latou e lagona ma iloa fa’aaliga mai i le Atua.
Faitau le 3 Nifae 11:1–7, vaava’ai po’o a mea tatou te a’oa’oina e fa’atatau i le lagonaina ma le iloaina o fa’aaliga mai i le Atua.
-
O le a se mea ua e a’oa’oina e uiga i le mauaina o fa’aaliga mai lenei tala?
Iloaina o fa’aaliga mai le Atua.
Fa’amatala e faapea, o se tasi o auala e mafai ona tatou a’oa’oina ina ia iloa ai le si’ufofoga o le Atua i o tatou olaga o le malamalama lea i auala eseese e mafai ona Ia fesootai mai ai iā i tatou. Ina ia fesoasoani e sauniuni tagata a’oga e iloa auala e fetalai mai ai le Alii iā i tatou, mafaufau e fa’aali iā i latou se telefoni feavea’i po’o se ata fo’i o se telefoni ma tusi le fesili lenei i luga o le laupapa.
-
O a nisi o auala e mafai ona e maua ai fe’au e ala mai i le telefoni feavea’i?
O ni tali e te ono maua e aofia ai se vala’au i luga o le telefoni, o se fe’au tusitusia, polokalama i totonu o fe’au tusitusia, aemaise ai ma ata tatou te filifilia e fa’aali i luga o tatou telefoni. A mae’a ona talatalanoa pu’upu’u i le fesili o i luga, tapē ese le fuaitau “telefoni feavea’i” ae sui i le “Agaga Pa’ia.”
-
O a nisi auala e te maua ai fe’au e ala mai i le Agaga Pa’ia?
-
O a nisi auala e ese mai ai le mauaina o fe’au mai i le Agaga Pa’ia mai i le mauaina o fe’au mai i telefoni feavea’i?
Afai e te lagona o le gaoioiga o mau mo su’esu’ega o lo’o soso’o mai e faigatā mo au tagata a’oga, atonu e te mana’o e faitau le fuaitau muamua ma fesili i le vasega e uiga i mea e a’oa’o atu e le fuaitau e uiga i auala e iloa ai le fetalai mai o le Atua e ala i le Agaga Pa’ia. A e faitauina le fuaitau, e mafai ona e fesoasoani i tagata a’oga e iloa mai i le fuaiupu lea e faapea o lo’o fesootai mai o Ia e ala mai i le Agaga Pa’ia pe a tatou lagona le fa’atuputeleina o lo tatou atamai, malamalama, po’o le poto. Ona mafai lea e tagata a’oga ona su’esu’e isi mau o lo’o soso’o mai i ni vaega ta’ito’alua po’o ni vaega toalaiti.E le mana’omia ona su’esu’e e tagata a’oga mau uma.
Su’esu’e nisi o mau fa’asino o lo’o soso’o mai.Mo mau fa’asino ta’itasi e te su’esu’eina, fa’ailoa auala e mafai ona e iloa ai le taimi e fetalai mai ai le Atua iā i tatou e ala mai le Agaga Pa’ia.Tusi mau fa’asino na e su’esu’eina ma mea na e a’oa’oina i totonu o lau api tala’aga mo su’esu’ega.
Esoto 31:3
Ioane 14:26–27
Ioane 16:13
Kalatia 5:22–23
Mataupu Faavae ma Feagaiga 6:21–23
Mataupu Faavae ma Feagaiga 8:2–3
Mataupu Faavae ma Feagaiga 11:12–13
Iosefa Samita—Tala fa’asolopito 1:11–12
O se tasi o auala e mafai ona e faia ai le gaoioiga na muamua atu o le aumai o ni nai kopi o le pepa e tufa atu sa avatu fa’atasi ma ’oti ese ta’itasi ata o telefoni feavea’i. Tusi mau faasino eseese i luga o telefoni feavea’i ta’itasi ma tu’u solo i totonu o le potu.Vala’aulia tagata a’oga e savalivali fa’ata’amilo i le potu ma su’esu’e nisi o na ata.
E mafai ona e tu’u ai fo’i ma ni nai fa’amatalaga pupu’u i luga o nisi o telefoni feavea’i e uiga i le auala e fesootai mai ai le Tamā Fa’alelagi iā i tatou.O nisi o fa’amatalaga e te maua i le vaega o le Puna’oa Fa’aopoopo o Fa’amatalaga o lenei lesona i le Potutusi o le Talalelei.
Fa’atulaga tagata a’oga i ni vaega toalaiti ma vala’aulia i latou e fa’asoa se mea na tulaga ’ese ia i latou mai i mau fa’asino na latou su’esu’eina.E mafai fo’i ona latou fa’asoa soo se aafiaga na latou oo iai i le lagonaina o le siufofoga o le Alii e ala mai i le Agaga Pa’ia.E mafai ona aofia ai tali i a latou fesili, po’o isi fe’au fa’amafanafana po’o se ta’ita’iga. Fa’amanatu iā i latou e aua nei fa’asoa mai fa’amatalaga auiliili o aafiaga e pa’ia ma matua patino ma’ale’ale.
Afai e fesoasoani, e mafai ona e matamata i le “Mauaina o Fa’aaliga” (4:17), mai i le faailo taimi o le 0:00–2:18 o lo’o maua i le ChurchofJesusChrist.org.I lenei vitio, o loo tali ai e nisi o tagata le fesili o le “E fa’apefea ona auina atu e le Agaga iā te oe fa’aaliga?”
-
E mafai fa’apefea e le malamalama i le tele o auala e fesootai mai ai le Tamā Fa’alelagi iā i tatou e ala i le Agaga Pa’ia ona fesoasoani iā te oe e iloa ai fa’aaliga mai iā te Ia?
Fetalai le Atua iā te oe
Ina ia fesoasoani i tagata aoga e fa’asoa a latou tali i le ata fa’ata’ita’i o lo’o soso’o mai, e mafai ona latou tali i le fesili o lo’o i lalo ma se paga.E mafai ai e tagata a’oga ona maua le avanoa e fa’asoa ai ni mea ua latou a’oa’oina.
I se isi faiga, e mafai ona e vala’aulia ni tagata a’oga se to’alua e o mai i luma o le vasega e fa’atino le ata fa’ata’ita’i.E mafai ona fa’asoa e le tagata a’oga e to’atasi lana tali.E mafai lea e tagata a’oga e to’alua ona piki nisi tagata a’oga foi se toalua e fa’atino le ata fa’ata’ita’i.E mafai ona e toe faia atoa lea fa’atinoga mo ni nai taimi.
Vaai faalemafaufau o le ata fa’ata’ita’i lenei o le a tupu i le Aso Sā a sau:
A’o faia le sauniga fa’amanatuga, na sii mai e le failauga le tautalaga a Peresitene Russell M. Nelson ina ua ia faapea mai, “Pe finagalo moni ea le Atua e fetalai atu iā te oe?Ioe!”Fa’aaliga mo le Ekalesia, Fa’aaliga mo o Tatou Olaga,” Liahona, Me 2018, 95).A’o e tu’ua le falelotu i le mae’a ai o le sauniga, na fa’apea mai lau uo: “Maimau pe ana mafai ona ou iloa le ta’ita’iga ma fa’aaliga mai i le Atua i lo’u olaga, ae peita’i ou te le iloa pe fa’apefea.”
-
E tusa ai ma mea ua e a’oa’oina mai, ma e uiga foi i le Agaga Pa’ia i lenei aso, o le a se tala e te fai atu i lau uo?
Mafaufau e fa’asoa atu lau molimau e uiga i le finagalo o le Atua e fetalai atu iā te oe e ala mai i le si’ufofoga filemu ma le itiiti o le Agaga Pa’ia.