“Su’esu’eina o Autū ma Fesili o le Talalelei ma se Va’aiga e Fa’avavau: Taumafai e Va’ai i Mea e Pei ona Silasila i ai le Alii,” Tusi Lesona mo Faia’oga Seminare o le Feagaiga Tuai (2026)
“Su’esu’eina o Autū ma Fesili o le Talalelei ma se Va’aiga e Fa’avavau: Taumafai e Va’ai i Mea e Pei ona Silasila i ai le Alii,” Tusi Lesona a le Faia’oga Seminare o le Feagaiga Tuai
Atamai i Aoaoga Faavae: Mauaina o Tali i A’u Fesili: Lesona 164
Su’esu’eina o Autū ma Fesili o le Talalelei ma se Va’aiga e Fa’avavau
Taumafai e Va’ai i Mea e Pei ona Silasila i ai le Alii
E lē o taimi uma tatou te maua vave ai tali i a tatou fesili po’o ni fofō i o tatou fa’afitauli, ae e leai se mea o iai.O taimi fa’apenei o avanoa ia e faatuatua ai i le Tamā Fa’alelagi ma Iesu Keriso.E silasila i La’ua i mea tatou te lē vaaia.E silafia e i La’ua mea tatou te lē iloaina.A’o tatou taumafai e vaai atu i mea e pei ona La’ua silasila iai, e amata ona tatou va’ai atu ia tatou fesili ma popolega i se malamalama ese. O le lesona lenei e fesoasoani i tagata a’oga e iloilo ai manatu ma fesili ma se va’aiga e fa’avavau.
Sauniuniga a le tagata a’oga: Vala’aulia tagata a’oga e fatu se lesona fa’atino po’o se talafa’atusa e mafai ona fa’apupula ai le tāua o le va’ai i tulaga o mea mai i se va’aiga e ese. E mafai ona tu’u atu iai le avanoa e fa’asoa mai ai o latou manatu i le amataga o le vasega.
Gaoioiga e Ono Mafai Ona Aoaoina Ai
Va’aiga Manino
Mafaufau e vala’aulia tagata a’oga e manatunatu e fa’atatau i se lesona fa’atino po’o se tala fa’atusa e fa’apupula mai ai le tāua o le va’ai i mea mai i se va’aiga manino ese. Vala’aulia i latou e fa’asoa mai o latou manatu i le vasega.Pe e te fa’aali atu fo’i ata o lo’o aofia ai ua faaautuina o le “Āiga-Va’aiga Fa’atapula’a” ma vala’aulia tagata a’oga e talanoa i fesili nei i ni paga:
-
Afai e te filifilia se tasi o fale nei e te nofo ai, o le fea o fale e te filifilia?Aisea?
Fa’aali le vaega lona lua o ata o lo’o aofia ai ua faaautuina “Āiga-Va’aiga Auiliili” ma vala’aulia tagata a’oga e talanoa i le fesili o lo’o soso’o mai.
-
E fa’apefea ona faatosina lau filifiliga i lea va’aiga faaopoopo?
-
O a ni tulaga tatou te ono feagai e mafai ona fesoasoani ia i tatou pe a tatou va’ai i mea i ni va’aiga eseese?
Vaai faalemafaufau o nei fale ua faatusa i a tatou fesili o le talalelei po’o tulaga o le olaga.
-
Aisea e ono mata’utia ai le faia o fa’ai’uga e fa’atatau i a tatou fesili po o tulaga e aunoa ma le taumafai e va’ai iai mai se va’aiga lautele atu?
I le vasega seminare atoa, atonu na mafai e tagata a’oga ona fa’ailoa fesili o le talalelei po’o popolega o le tagata lava ia.Afai o lea, vala’aulia i latou e mafaufau i se tasi o a latou fesili. Afai e leai, e mafai ona e vala’aulia i latou e mafaufau mo sina taimi i fesili ma popolega o lo’o iā i latou po’o isi fo’i. Vala’aulia tagata a’oga e tomanatu ma le agaga tatalo i le faagasologa o le lesona e uiga i auala e mafai ai ona fesoasoani le iai o se va’aiga mamao e fa’avavau iā i latou e maua tali, fofo, ae o sina filemu faateleina foi.
Faitau ia parakalafa 8–10 i le vaega o le Mauaina o le Malamalama Faaleagaga o le Pepa Autu o le Atamai i Aoaoga Faavae (2023), ma va’ava’ai pe mafai fa’apefea ona e aoao e uiga i le iloiloina o manatu faavae ma fesili faatasi ai ma se va’aiga e fa’avavau.
A uma ona faitau e tagata a’oga, vala’aulia i latou e fa’asoa mai mea na latou a’oa’oina.A’o latou fefa’asoaa’i, e mafai ona e fai atu se tasi pe lua o fesili tulitatao e pei o le:
-
O le a se mea ua e iloa e uiga i le Tamā Fa’alelagi ma Iesu Keriso e fa’aosofia ai oe e va’ai atu i mea e pei ona silasila iai i La’ua?
-
O le a se fautuaga e te avatu e fesoasoani ai i tagata ia va’ai atu i a latou fesili ma tulaga ma se va’aiga e fa’avavau?
-
O a ni atamai i a’oa’oga fa’avae po’o ni fuaitau mai i tusitusiga pa’ia e fesoasoani iā te oe e va’ai ai i mea ma se va’aiga e fa’avavau?
Atonu e te vala’aulia tagata a’oga e su’esu’e le lisi o fuaitau i atamai i a’oa’oga fa’avae i le Pepa Autū o le Atamai i A’oa’oga Fa’avae{ ia fesoasoani iā i latou e tali le fesili na muamua atu.
A mae’a le fa’atalatalanoaga lenei, tuuina atu i tagata a’oga ta’itasi se fasipepa.Vala’aulia tagata a’oga e tusi se aotelega i se fuaiupu se tasi o ni mea na latou a’oa’oina e uiga i le su’esu’eina o manatu faavae ma fesili faatasi ai ma se va’aiga e fa’avavau.A mae’a ona latou taitasi ona tusia se mea, vala’aulia tagata a’oga e fesuia’i a latou fasipepa ma le tele o isi tagata a’oga e mafai ai mo le 10 sekone se’ia e fa’apea atu “taofi.”
Vala’au ni nai tagata a’oga e faitau le fuaiupu o loo tusia i luga o le fasipepa o lo’o latou taulimaina.I se tuuaofaiga, atonu sa ta’ua e tagata a’oga se mea e pei: O le su’esu’eina o a matou fesili ma se va’aiga e fa’avavau e fesoasoani iā i matou e va’ai ai e faapei ona silasila iai le Ali’i.
Fautua i tagata a’oga e taofi pea le pepa na latou maua. O nei pepa o le a fa’aaogaina i se taimi mulimuli ane o le lesona.
O fa’ata’ita’iga o se va’aiga e fa’avavau
Filifili se tasi o fa’ata’ita’iga nei mai i tusitusiga pa’ia.Va’ai pe fa’apefea e le va’aiga e fa’avavau ona a’afia ai le va’aiga a nei tagata ta’ito’atasi.
Ae le’i amataina le su’es’uega a tagata a’oga, e ono mafai ona e tu’uina atu se faatatauga fa’aopoopo mo fa’ata’ita’iga ta’itasi.Mo i latou ua faitauina le tala iā Atamu ma Eva, e mafai ona e fa’amatala atu o nisi tagata latou te va’ai atu i le Pa’ū o se mea lē lelei ona na auala mai ai le agasala, oti, ma fa’afitauli i le lalolagi. E faatatau ia Iopu, e mafai ona e fa’asoa atu o le tele o tagata o lona ‘āiga na maliliu, na leiloloa ana meatotino, ma sa a’afia tele lona soifua maloloina i fa’afitauili.
-
[Ua] fa’amatala e Atamu ma Eva le Pa’ū. Mose 5:10–11
-
Ua fa’asoa atu e Iopu lana molimau i taimi o tofotofoga. Iopu 19:25–26
-
O le a le fa’amaoniga na e va’aia e faapea na va’ai lenei tagata i lona tulaga i totonu o le faatatauga o le ata o le fa’aolataga a le Tamā Faalelagi?
-
Na fa’apefea e le molimau a lenei tagata e uiga iā Iesu ona a’afia ai le auala na latou va’ai atu ai i le tulaga ua tupu?
Pe a mae’a ona fa’asoa mai e tagata a’oga mea ua latou mauaina, mafaufau e fesili atu:
-
O a ni fa’ata’ita’iga mai i le soifuaga o Iesu Keriso lea na Ia feagai ai ma se tulaga ma se va’aiga e fa’avavau?
Afai latou te mana’omia se fesoasoani i le su’eina o se fa’ata’ita’iga, e mafai ona e vala’aulia tagata a’oga e faitau le Isaia 53:3–5, 10 ma talanoa pe aisea, mai i se va’aiga e fa’avavau, “a ua finagalo le Alii e tu’imomomo ia te ia” (Isaia 53:10).(E ui ina fa’anoanoa le Tamā Fa’alelagi i le silasila atu o puapuagatia Iesu Keriso, o Lana va’aiga e fa’avavau na fa’atagaina ai o Ia e silasila atu, o le Togiola a lona Alo o se vaega tāua o le fuafuaga o le fa’aolataga mo Ana fanau uma.)
Manatunatu loloto po o iai ni tulaga ua e feagai ai na e iloa ai o le mulimuli i fa’aa’oa’oga a le Tamā Fa’alelagi ma Iesu Keriso e ono fesoasoani ia te oe e va’ai atu i tulaga eseese ma se va’aiga e fa’avavau.
Atonu e aogā fo’i i tagata a’oga le vaai i se fa’ata’ita’iga i ona po nei o se tagata o loo va’ai atu i a latou fesili ma tulaga ma se va’aiga e fa’avavau.Mafaufau e matamata i le “Suesueina o Autu ma Fesili o le Talalelei ma se Vaaiga e Faavavau” (2:56), o loo maua i le ChurchofJesusChrist.org.I lenei vitio, o lo’o su’esu’e ai e se teine talavou le fesili, “Afai e iai moni lava se Atua alofa, aisea o le a Ia fa’atagaina ai tagata ia puapuagatia?”A mae’a le matamataina o le vitio, e mafai ona fa’asoa mai tagata a’oga ni manatu fa’aopoopo na latou maua e fa’atatau i le va’ai atu ai i mea ma se va’aiga e fa’avavau.
Fa’ata’ita’i
Mo le gaoioiga o soso’o, e mafai e tagata a’oga ona fa’aaoga pepa lava e tasi na latou mauaina muamua pe a mae’a ona pasi fa’ata’amilo se fuaiupu aotele se tasi o se va’aiga e fa’avavau.
Tusi i lalo se fesili po o se tulaga e ono feagai ma se talavou, lea e mafai ona fesoasoani ia maua ai se va’aiga e fa’avavau.
A mae’a ona tusi e tagata aoga ta’itasi se mea, vala’aulia i latou e fa’aauau ona fesuia’i pepa mo le 10 sekone seia e fai atu “taofi.”Ona mafai lea ona fa’atulaga tagata a’oga i ni paga mo le vaega o totoe o le gaoioiga.
Ma se paga, talanoa se tasi po o soa fesili uma nei e lua, a o latou fa’afeso’ota’i atu i mea ua tusia i luga o pepa na e mauaina.Manatua o le fesili muamua mai soa ta’itasi e maua mai i le vaega parakalafa 8 o le “Mauaina o le Malamalama Fa’aleagaga” o le Pepa Autū mo le Atamai o A’oa’oga Fa’avae.
-
O a ni mea ua uma ona ou iloa e uiga i le Tamā Fa’alelagi, Lana fuafuaga ma le auala e taulima ai e Ia Lana fanau?
E mafai fa’apefea e lenei suiga ona suia ai le va’aiga i le fesili po o le tulaga?
-
O a ni a’oa’oga o le talalelei e feso’otai pe fa’amanino ai lenei manatu po o le faafitauli?
O le a se mau po o se fa’amatalaga mai se taitai o le Ekalesia e lagolagoina ai lenei a’oa’oga?
A mae’a ona talanoaina au tali, tusi se tali pu’upu’u i luga o au pepa.
Pe a mae’a [ona faia e] tagata a’oga, fesili atu mo ni nai ofo e faitau le fesili po o le tulaga o loo i a latou pepa i le vasega, ona fa’asoa lea o tali na latou tusiaina.E mafai ona e fesili atu i le isi vaega atoa o le vasega mo ni manatu fa’aopoopo, e mafai ona fesoasoani i se talavou e va’ai ai i le fesili po o le tulaga, ma se va’aiga e fa’avavau.
Fa’asoa atu lau molimau e faapea, e mafai e le Tamā Fa’alelagi ona fesoasoani iā i tatou e va’ai atu ai i tulaga mai Lana silafaga, a’o tatou liliu atu ai iā te Ia.E mafai foi ona e fa’asoa atu, i taimi tatou te lagona ai tatou te le’o mafai ona va’aia mea ua Ia silafia, e mafai lava ona tatou fa’atuatua iā te Ia (taga’i i le Fa’ataoto 3:5–6).Uunaia tagata a’oga e fa’aauau ona taumafai e iloilo a latou fesili ma tulaga ma se va’aiga e fa’avavau.