Seminare
Faatino i le Fa’atuatua e Sa’ili ni Tali: Aga’i i Luma, Faatuatuaina o le Alii

“Faatinoi le Fa’atuatua e Sa’ili ni Tali: Aga’i i Luma, Faatuatuaina o le Alii,” Tusi Lesona a le Faia’oga Seminare o le Feagaiga Tuai (2026)

“Faatino i le Fa’atuatua e Sa’ili ni Tali: Aga’i i Luma, Faatuatuaina o le Alii,” Tusi Lesona a le Faia’oga Seminare o le Feagaiga Tuai

Atamai i A’oa’oga Fa’avae: Lesona 163

Faatino i le Fa’atuatua e Sa’ili ni Tali

Aga’i i Luma, Faatuatuaina o le Alii

A young woman in a green striped shirt and black skirt leans down to hug her friend who is sitting in a wheelchair.

E mafai ona avea ma luitau le fa’atalitali mo le finagalo ma le taimi a le Tamā Fa’alelagi ia maua ni tali i a tatou fesili o le talalelei.O le tele o tala i le Feagaiga Tuai o lo’o fa’aali mai ai auala na fa’aauau ai ona faia filifiliga e ē na mulimuli i le Atua e fa’aali ai lo latou faatuatua ma le faatuatuaina o Ia a’o sa’ili ai mo ni tali. O lenei lesona e mafai ona fesoasoani i tagata a’oga e faatino ai ma le fa’atuatua iā Iesu Keriso a’o latou sailia tali o a latou fesili.

Sauniuniga a le tagata a’oga: Vala’aulia tagata a’oga e toe iloilo palakalafa 5-7 o le vaega o le “Mauaina o le Malamalama Fa’aleagaga” i le Pepa o Faamatalaga Autū o le Atamai i A’oa’oga Fa’avae (2023).E mafai ona latou sauni e fa’asoa pe aisea ua latou mafaufau ai e tāua a tatou fa’atinoga a’o sa’ilia ni tali mo fesili po’o ni popolega e uiga i le talalelei.

Gaoioiga e Ono Mafai Ona Aoaoina Ai

Fa’atalitali i le Alii mo tali i fesili

Mafaufau e fa’aali atu ni ata mai i ni nai tala o le Feagaiga Tuai o ni tagata na faatinoina i le fa’atuatua i le Alii.E mafai ona e atofa atu i ni vaega toalaiti o tagata a’oga ni fuaitau mai i tusitusiga pa’ia e su’esu’e e ogatusa ma se tasi o ata.Atonu e te filifilia ni tala e pei o:

  1. O le fafine fa’atuatua o Sarefata i le taimi o le oge (1 Tupu 17:7–12).

  2. O le sa’ili atu o Na’amanu mo se fa’amalologa o lona lepela (2 Tupu 5:1–3, 9–10).

  3. O le vala’auina o Enoka e tala’i le talalelei (Mose 6:26–28, 31).

E mafai ona faitau e tagata a’oga se vaega o le tala o lo’o ta’u mai ai ni tulaga faigata (fa’asino i mau o lo o i puipui i luga) ma tali i fesili nei. (I se taimi mulimuli ane i le lesona, o le a su’esu’e ai e tagata a’oga auala na faatinoina ai ma le fa’atuatua nei tagata.)

2026 Old Testament Seminary Teacher Materials
2026 Old Testament Seminary Teacher Materials
2026 Old Testament Seminary Teacher Materials

  • Na fa’apefea e tulaga [na oo iai] lenei tagata ona mana’omia ai le fa’atuatua i le Alii?

  • O a ni popolega ma ni tulaga e ono feagai ma talavou i nei aso e mana’omia ai le faatinoina o lo latou fa’atuatua i le Alii?

    Afai e fesoasoani i tagata a’oga le faailoaina o ni fa’ata’ita’iga o fesili mai i aso nei, e mafai ona e fa’aali le vitio “Act in Faith: The Stonemason” (4:57), mai i le taimi fa’ailoilo o le 0:00 i le 1:48, ma vala’aulia tagata a’oga e va’ai mo ni tulaga faigatā na feagai ma nei talavou e to’alua. Mafaufau e fesoasoani i tagata a’oga e faailoa ni fesili na iai i talavou. E mafai ona e vala’aulia tagata a’oga e tusi fesili i luga o le isi afa o le laupapa.

    4:56

    A mae’a ona fa’ailoa e tagata a’oga ni nai fesili, e mafai ona e vala’aulia i latou e tali i totonu o latou api tala’aga i fesili nei.

  • O anafea na iai ni au fesili po’o ni fesili a se isi fo’i e fa’atatau i le talalelei?

  • O a ni mea na e faia po’o le a e faia fo’i e lagona ai le latalata atu i le Fa’aola pe a iai ni ou popolega po’o ni au fesili e fa’atatau i le talalelei?

O le mea masani le iai o ni fesili po’o ni popolega e uiga i le Tamā Fa’alelagi, Iesu Keriso, po’o la Laua talalelei.O mataupu fa’avae e tolu mo le Mauaina o le Malamalama Fa’aleagaga e fesoasoani iā i tatou i le taulimaina o fesili ma popolega faigatā.O mataupu fa’avae nei e fesoasoani iā i tatou e malamalama ai i auala e mafuta latalata atu ai i le Tamā Fa’alelagi ma Iesu Keriso a’o tatou sa’ilia tali.

O le fa’atuatua o se mataupu fa’avae o fa’atinoga

E mafai ona e fa’asoa ma tagata a’oga e faapea o le lesona mo le asō o le a taulai atu i le mataupu fa’avae muamua: Faatino i le fa’atuatua.Mafaufau e tusi le upumoni lē uma lenei i luga o le laupapa: A feagai ai ma ni fesili po’o ni popolega e uiga i le talalelei, e mafai ona tatou faatinoina ma le fa’atuatua iā Iesu Keriso e ala i le…

E mafai ona e tago e kopi le siata lenei i luga o le laupapa, vala’aulia tagata a’oga e su’e se auala pe a ma le tasi e fa’auma ai le upumoni o lo’o fa’amatateteleina mai i palakalafa taitasi.

Faitau parakalafa 5, 6, ma le 7 o le vaega o le “Mauaina o le Malamalama Fa’aleagaga” o le Pepa Autū o le Atamai i A’oa’oga Fa’avae (2023), vaava’ai mo ni auala e fa’auma ai le fa’amatalaga i luga o le laupapa.

A feagai ma fesili po’o ni popolega o le talalelei, e mafai ona tatou faatino ma le fa’atuatua iā Iesu Keriso e ala i le…

Parakalafa 5

Parakalafa 6

Parakalafa 7

  • I le faaaogaina ai o parakalafa taitasi, e fa’apefea ona e fa’aumaina le fa’amatalaga o loo i luga o le laupapa?

  • E iai nisi auala e faatino ai ma le fa’atuatua iā Iesu Keriso e te fa’aopoopina i le lisi lenei?

E ono mafai ona fa’auma e tagata a’oga le fa’amatalaga i fasifuaitau e pei o le:

… fa’aauau le tausia o poloa’iga. (parakalafa 5)

… fa’alagolago ai i mea ua uma ona tatou iloaina e moni. (parakalafa 6)

… faatuatuaina o le Tamā Fa’alelagi se’ia maua ni tali. (palakalafa 7)

E mafai ona e fa’aaogaina mea nei e tu’u atu ai le avanoa i tagata a’oga e toe iloilo pe o le a so latou lagona i le fa’aaogaina o nei fa’amatalaga taitasi e tolu e tali ai fesili po’o ni popolega e uiga i le talalelei.

Faaalu sina taimi e toe tomanatu ai i auala nei e faatino ai le fa’atuatua iā Iesu Keriso pe a iai ni au fesili. I se fua fa’atatau mai i le 1 (laitiiti) i le 5 (tele), o le a sou mautinoa o le a e lagona i le faatinoina o le fa’atuatua i le Fa’aola i auala nei? Fa’alogo ma le toto’a i musumusuga mai i le Agaga Pa’ia e fesoasoani e fa’ateleina ai lou mautinoa i vaega e te iloa e tatau ona fa’aleleia.

Faatinoga e fa’ailoa ai lo tatou fa’atuatua iā Iesu Keriso

E mafai ona fa’aaoga e vaega fa’asinoga nei e fa’aauau ai le su’esu’eina o tala mai i mau na latou amataina i le amataga o le lesona, vaava’ai mo auala e faatinoina ai se tagata i le fa’atuatua i le Alii.

  1. O le fafine fa’atuatua o Sarefata i le taimi o le oge (1 Tupu 17:13–16)

  2. O le sa’ili atu ai o Na’amanu mo se fa’amalologa o lona lepela (2 Tupu 5:11–15)

  3. O le vala’auina o Enoka e tala’i le talalelei (Mose 6:37–39; 7:12–13)

Afai na e fa’aalia le amataga o le vitio “Faatinoina ai i le Fa’atuatua: Tufuga Ati Ma’a” i le amataga o le lesona, e mafai ona e fa’aali le fa’ai’uga o le vitio mai i le faailo taimi o le 1:49 i le 4:57.Vala’aulia tagata a’oga e va’ai i auala e fa’amanuia ai le Alii i talavou a’o latou faatinoina i le fa’atuatua iā te Ia.

4:56

Atonu e aogā i tagata a’oga le fa’asoaina o manatu e ono fesoasoani i se tasi e faatinoina i le fa’atuatua pe a feagai ai ma popolega poo fesili e fa’atatau i le talalelei.O se tasi auala e faia ai lenei mea o le fa’aali o fa’atonuga nei.

Vaai faalemafaufau na vala’aulia oe e tuuina atu se fautuaga i se tagata na iai ni fesili po’o ni popolega e uiga i le talalelei.Filifili ia le itiiti ifo ma lua o mea nei e faamae’a:

  1. Fa’ailoa auala e ono faatinoina ai e lenei tagata ma le fa’atuatua iā Iesu Keriso e ala i le taliina o fesili nei:

    • O a poloa’iga e ono mafai ona ia fa’aauauina ona tausia?

    • O a mea e te fa’amoemoe e iloaina e lenei tagata ma manatuaina e uiga i le Tamā Fa’alelagi ma Iesu Keriso?

    • O le a se mea e mafai ona ia faia e fa’aali ai lona faatuatuaina o i La’ua?

  2. Su’e pe a ma se tasi o atamai i a’oa’oga fa’avae po’o se isi fuaitau mai i tusitusiga pa’ia e ono mafai ona fesoasoani i lenei tagata e faatinoina ai ma le fa’atuatua iā Iesu Keriso.

  3. Su’e se fa’amatalaga mai i se ta’ita’i o le Ekalesia e ono fesoasoani i lenei tagata e faatinoina ai ma le fa’atuatua iā Iesu Keriso.

Ina ua mae’a se taimi talafeagai, vala’aulia tagata a’oga e fa’asoa ma se paga se fautuaga atonu latou te avatu.E mafai fo’i ona e avatu i tagata a’oga se avanoa e fa’asoa ai ni o latou aafiaga na latou faatinoina ai i le fa’atuatua iā Iesu Keriso a’o sa’ili ni tali o le talalelei po’o ni fa’amanuiaga.

Fai se fuafuaga e faatino ai i le fa’atuatua

Mafaufau e vala’aulia tagata a’oga e fai se fuafuaga e faatino ai i le fa’atuatua iā Iesu Keriso a’o latou feagai ma fesili i le talalelei po’o popolega.O se tasi o auala e faia ai lenei mea o le fa’asoa lea o uunaiga nei e taliina i totonu o latou api tala’aga mo su’esu’ega. Pe a talafeagai ma le taimi, e mafai ona e fai atu i tagata a’oga e fa’asoa mai mea na latou tusia.

  • O se mea ou te mana’o e manatua e uiga i le faatinoina i le fa’atuatua iā Iesu Keriso o le .

  • O se tasi o mea ou te mana’o e fai e faatinoina ai ma le fa’atuatua iā Iesu Keriso i se isi taimi e tulai mai ai ni fesili po’o popolega o le .