Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Fa’amalosia o Lou Fa’avae Fa’aleagaga: Fa’atomuaga i le Atamai i A’oa’oga Fa’avae

“Fa’amalosia o Lou Fa’avae Fa’aleagaga: Fa’atomuaga i le Atamai i A’oa’oga Fa’avae,” Tusi Lesona a le Faia’oga Seminare o le Feagaiga Tuai (2026)

“Fa’amalosia o Lou Fa’avae Fa’aleagaga: Fa’atomuaga i le Atamai i A’oa’oga Fa’avae,” Tusi Lesona a le Faia’oga Seminare o le Feagaiga Tuai

Atamai i A’oa’oga Fa’avae: Mauaina o Tali i A’u Fesili: Lesona 161

Faamalosia o Lou Faavae Faaleagaga

Fa’atomuaga i le Atamai i A’oa’oga Fa’avae

Jesus is standing on a hill. You can see the sun in the background

O auala tatou te taulimaina ai fa’afitauli, fesili, ma popolega i o tatou olaga, e mafai ona taitaiina ia o tatou latalata atu ai i le Tamā Fa’alelagi ma Iesu Keriso po o le taumamao ai [foi] mai ia i La’ua.O le atamai i a’oa’oga fa’avae e maua ai le ta’ita’iga e fesoasoani iā i tatou e tali atu ai i ia ituaiga o tulaga ma le fa’atuatua iā Iesu Keriso ma le musumusuga mai i le Agaga Pa’ia. O lenei lesona o le a fesoasoani i tagata a’oga ia malamalama i le ala e mafai ai e le atamai i a’oa’oga fa’avae ona fa’amanuiaina o latou olaga ma fesoasoani ia i latou e fausia o latou fa’avae fa’aleagaga iā Iesu Keriso.

Sauniuniga a le tagata a’oga: Vala’aulia tagata a’oga e faitau le Helamana 5:12 ao le’i o mai i le vasega.E mafai ona tulimatai e tagata a’oga fa’amanuiaga na folafolaina mai mo le fausiaina o o latou fa’avae i luga o Iesu Keriso.

Gaoioiga e Ono Mafai Ona Aoaoina Ai

Taliina atu ai i fa’amatalaga faigatā

Ina ia amata le vasega, mafaufau e tusi ni ata faafasila’au o ni tagata se toalua i luga o le laupapa ma fa’ailoga i la’ua o Ana ma Veronika.A latou manana’o iai, e mafai e tagata a’oga ona aumai ni fa’amatalaga e fa’atatau i teine ia ta’ito’atasi e pei o mea la’ua te fiafia e fai, o fea la’ua te faigaluega ai, ma isi mea fa’apena.Ia fa’aeteete ina ia aua ne’i avea e le vaega lenei o le lesona se taimi matua tele pe faalualuagia ai le ata fa’ata’ita’i.

Fa’aali atu le ata faata’ita’i lenei.(Manatua: O le ata fa’ata’ita’i e fa’aauau atu i isi vaega o le lesona.)

E uo lelei Ana ma Veronika, ma o i la’ua uma o ni sui o Le Ekalesia a le ‘Au Pa’ia o Aso e Gata Ai. Talu ona amataina le a’oga maualuga, na laua fa’alogo i le tele o fa’amatalaga ma manatu e uiga i le Ekalesia mai i puna faapogai eseese. A’o tafafao ai i se tasi po, na fa’asoa e Ana iā Veronika ni fa’amatalaga na ia faitau ai i luga o ‘upega tafa’ilagi e fa’atatau i le Ekalesia.Na fa’apea atu Ana o mea na ia maua na faamaluelueina ai lona fa’atuatua.Na te’i o ia ina ua fa’alogo atu ua fa’apea mai Veronika ua leva ona ia iloa na mea ma na ia maua le filemu e uiga iai.Na fia iloa e Ana pe faapefea ona oo ia Veronika ia lagona faapea.

O a ni mea lelei o loo tupu i totonu o lenei ata fa’ata’ita’i e ui lava i popolega o Ana?

E ono maitauina e tagata a’oga o se mea lelei le va’ai atu o lo’o lagona e Ana le mafanafana e faia ai le fesili fa’amaoni.E lelei fo’i o lo’o iai Veronika i se tulaga e fia fesoasoani iā Ana.

Vala’aulia tagata a’oga e mafaufau pe na iai lava se taimi na latou maua ai ni fa’alogona e pei o iai ia Ana.E mafai fo’i ona e fesili ia i latou e mafaufau pe na iai se taimi na latou maua ai ni fa’alogona e pei o Veronika ma pe na iai fo’i se latou uo na alu atu iā i latou ma se fesili.

A’o e a’oa’oina e uiga i le atamai i a’oa’oga fa’avae, ia maua le loto matala i se mea e ono aoao atu e le Agaga Pa’ia ia te oe.Sa’ili ia iloa auala e fesoasoani ai le atamai i a’oa’oga fa’avae iā te oe e tali ai i fa’amatalaga fa’afuase’i ma le fa’atuatua iā Iesu Keriso ma fesoasoani i isi e faia fo’i fa’apea.

O le fausia ai o ō tatou faavae i luga o Iesu Keriso

Faitau palakalafa muamua e lua i lalo o le “Fa’atomuaga i le Atamai i A’oa’oga Fa’avae” i le Pepa Autū o le Atamai i A’oa’oga Fa’avae (2022).Va’ai po’o a mea a le atamai i a’oa’oga fa’avae o faamoemoe e fesoasoania ia tatou e faia.

E fa’apefea ona e aoteleina le fa’amoemoega o le atamai i a’oa’oga fa’avae?

Faatasi ai totonu ma isi tali, fesoasoani i tagata a’oga e fa’ailoa le mea moni lenei: E fesoasoani le atamai i a’oa’oga fa’avae iā i tatou e fausia lo tatou fa’avae fa’aleagaga ia Iesu Keriso.

Afai e fesoasoani, e ono mafai ona e fesili atu i le fesili nei.
O le a le uiga ia te oe o le fausia ai o lou fa’avae iā Iesu Keriso?

Ao le’i faitauina e tagata a’oga le fuaiupu lenei, mafaufau e tusi i luga o le laupapa ma’a = Iesu Keriso.

Faitau le Isaia 28:16, vaava’ai pe fa’apefea ona fa’amanuiaina i tatou i le fausia ai o o tatou fa’avae ia Iesu Keriso.

Mafaufau e vala’aulia tagata a’oga e fa’ailoga le fasifuaitau lenei “ia fa’anatinati,” ma fa’amatala e faapea e mafai ona uiga atu lenei fuaitau i le “ia faamaluelueina” po o e “popole.”

Aisea e te mafaufau ai o le fa’atotonugalemuina o lo tatou fa’atuatua iā Iesu Keriso o le a taofia ai oe mai le lūlūina?

Vala’aulia tagata a’oga e toe liliu o latou manatu i le ata fa’ata’ita’i.
O a ni mea atonu na faia e Veronika e tapu’e ai lona fa’atuatua iā Iesu Keriso ae le’i “lūlūina” e fa’afitauli?

Afai e te lagona e aogā, e mafai ona e fai i tagata a’oga e su’esu’e le Iakopo 4:6–10, vaava’ai po’o a ni mea na fai e Iakopo ina ia aua ne’i lūlūina lona fa’atuatua ia Iesu Keriso.E mafai ona e lisiina ni mea na maua e tagata a’oga i luga o le laupapa i autafa o le ata o Veronika. Vala’aulia tagata a’oga e fa’amatala pe foliga faape’i faatinoga taitasi i le olaga o Veronika.

Taunu’uga o le Atamai i A’oa’oga Fa’avae

Ina ia saunia tagata a’oga e malamalama i taunu’uga o le atamai i a’oa’oga fa’avae, fa’asoa le vaega o lo’o soso’o mai o le ata fa’ata’ita’i i au oe lava upu.

Na faatali teisi mo sina taimi Veronika, ma sa’ili mo se auala e fa’asoa atu ai iā Ana mea na fesoasoani iā te ia e tumau ai i le fa’amaoni. Na mana’o o ia e fa’ailoa atu le tāua o le faia o taumafaiga i aso fai so’o e fa’amalosia lana sootaga ma Iesu Keriso. I le manatunatu ai i lana masani o le tatalo i aso fai so’o, faitauina o tusitusiga pa’ia, ma le auai i le lotu ma le seminare, na ia iloa ai e tasi le mea na tulaga ese.

“O le atamai i a’oa’oga fa’avae,” na saunoa mai ai ma le mautinoa Veronika.

Sa foliga lē mautonu Ana.“O a aoaoga fa’avae?”

“Atamai i a’oa’oga fa’avae.O se mea tatou te faia i le seminare.Na fesoasoani tele lea iā te a’u e taulimaina ai fesili ma tulaga faigatā a’o tausia lo’u fa’atuatua iā Iesu Keriso i le ogatotonu o lo’u olaga.”Na fa’alautele atu ai e Veronika.

Na iloagofie atu le fiailoa o Ana.“O lea, o le a tonu lava lenei mea o le atamai i a’oa’oga fa’avae?”

O a ni mea ua uma ona e iloa e uiga i le atamai i a’oa’oga fa’avae?

Afai ua iai ni mea ua uma ona mauaina e nisi tagata a’oga i le seminare e uiga i le atamai i a’oa’oga fa’avae, vala’aulia nisi e fa’asoa mai ni mea ua uma ona latou iloa.

Afai e mana’omia e tagata a’oga se isi fesoasoani e malamalama ai i le atamai i a’oa’oga fa’avae, mafaufau e fa’aali le vitio “O Le A Le Atamai i A’oa’oga Fa’avae?” (3:56).

3:56

I se isi faiga, e mafai ona e fa’atulagaina tagata a’oga i ni vaega ta’ito’alua ma atofa iai ni mea e faitau e uiga i taunu’uga e lua o le atamai i a’oa’oga fa’avae i le vaega o le “Fa’atomuaga i le Atamai i A’oa’oga Fa’avae” o le Pepa Autū o le Atamai i A’oa’oga Fa’avae.
O le a sou manatu i le auala e mafai ona fesoasoani ai taunu’uga o le atamai i a’oa’oga fa’avae iā Ana e fausia lona fa’avae iā Iesu Keriso?

E te ono tusiina tali a tagata a’oga i luga o le laupapa i tafatafa o Ana.

Ina ia tu’uina atu avanoa i tagata a’oga e malamalama atili ai i fuaitau o mau o aoaoga faavae, vala’aulia i latou e su’e i fuaitau o le Feagaiga Tuai i lalo o le “Fuaitau o Tusitusiga Paia o le Atamai i A’oa’oga Fa’avae ma le A’oa’oga mo Fasifuaitau Autu o Tusituisiga Paia” i le Pepa Autū o le Atamai i A’oa’oga Fa’avae.

Faitau i le tele o fasifuaitau autū o mau, ma va’ava’ai mo se fuaitau e ono mafai ona fesoasoani ia Ana ia lē maluelue mai lona fa’atuatua ia Iesu Keriso.

E mafai e tagata a’oga ona tusi ni a latou mau filifilia i luga o le laupapa i autafa o le ata faafasila’au o Ana.E mafai ona e fa’asino atu i mau filifilia eseese ma fesili atu i tagata a’oga po’o ai na tusia nei mau ina ia fa’asoa mai o latou manatu pe ono faapefea ona fesoasoani iā Ana.

Fa’ai’uga

Ave le avanoa i tagata a’oga e fa’ata’ita’i ai ona fa’amatala le atamai i a’oa’oga fa’avae e ala i le taliina o le uunaiga lenei.

Vaai faalemafaufau sa e tali atu i le fesili a Ana: “O le a le atamai i a’oa’oga fa’avae?”Fa’amau i lau api tala’aga pe fa’apefea ona e fa’amatalaina le atamai i a’oa’oga fa’avae ma pe faapefea ona manuia ai lou olaga.

Ave i tagata a’oga le avanoa e fa’asoa ai mea na latou tusia ma se isi o lo’o nofo i o latou autafa po’o le vasega fo’i.

Mafaufau e fa’asoa atu lau molimau e uiga i auala e mafai ai ona fa’amanuiaina e le atamai i a’oa’oga fa’avae ia olaga o tagata a’oga e ala i le fesoasoani ai iā i latou e fausia o latou fa’avae fa’aleagaga iā Iesu Keriso.

O Puna’oa Fa’aopoopo

Aisea e taua ai le atamai i a’oa’oga fa’avae i aso nei?

Na fa’asoa mai Elder Neil L. Andersen o le Korama a Aposetolo e To’asefululua:

16:4

O lo’o tatou ola i se paneta ua matua malomaloā lava i le faitau miliona o leo.O le initoneti, o a tatou telefoni feaveai, o a tatou pusa fefete o faafiafiaga ua aioi mai mo le tatou gauai atu ma lafoina mai a latou faatosinaga i o tatou luga, ma le faamoemoe o le a tatou faatauina a latou oloa ma talia o latou tulaga faatonuina.

O le anoanoai o faamatalaga ma manatu e faafoliga e le motusia ua faamanatu mai ai iā i tatou lapataiga fa’atusi pa’ia o le “felafoa’iina e pei o peau” [Efeso 4:14], “ma feavea’iina i matagi” [Iakopo 1:6], ma fa’atoilaloina e “togafiti leaga” a i latou o ē “ua saunia e fa’asese ai” [Efeso 4:14].(“O Le Perofeta a le Atua,” Liahona, Me 2018, 26)

Na fa’asoa mai e Peresitene M. Russell Ballard (1928-2023) o le Korama a Aposetolo e To’asefululua le mea lenei ma faia’oga faalelotu:

[O le Atamai i A’oa’oga Fa’avae e taulai] i le fausia ma le fa’amalosia o le fa’atuatua o tagata a’oga iā Iesu Keriso ma fa’amausali i le fa’ateleina o le tomai e ola ma fa’aaoga le talalelei i o latou olaga.”O le utuvai i tusitusiga paia ma upu a perofeta, o le a latou aoao ai auala e faatino ai ma le faatuatua ia Keriso e maua ai le malamalama faaleagaga ma le malamalamaaga e uiga i Lana talalelei.Ma o le a latou maua avanoa e aoao ai le auala e faaaoga ai aoaoga faavae a Keriso ma mataupu faavae o le talalelei i fesili ma luitau latou te faalogo ma vaaia i aso taitasi i o latou tupulaga ma luga o faasalalauga faaagafesootai.

O lenei taulamua ua musuia ma o le a faatino i le taimi tatau.O le a i ai se aafiaga matagofie i luga o o tatou tagata talavou.(“O Avanoa ma Tiute Tauave a Faiaoga o le OAE i le Seneturi 21” [o se faasausauga ma se tasi o le Au Pulega Aoao, Fep. 26, 2016], Potutusi o le Talalelei)

Gaoioiga Fa’aopoopo e A’oa’o Ai

Tali atu i le faatuputeleina o fa’amatalaga

I le avea o se vaega o le fa’atalatalanoaga i le vaega o le “Taunu’uga o le atamai i a’oa’oga fa’avae,” atonu e te fa’asoa atu le fa’amatalaga lenei mai iā Elder John C. Pingree Jr. o le Fitugafulu.

O loo lofituina e le aunoa i tatou i manatu malolosi, o lipoti fa’aitu’au, ma fa’amaumauga e le mae’ae’a.I le taimi lava e tasi, o tuufaatasiga ma puna faapogai o nei fa’amatalaga o loo [faatupulaia].O lo tatou moomia ona iloa o le upumoni ua le matua sili atu lava lona taua nai lo i le taimi lenei. (“Upumoni Fa’avavau,” Liahona, Oke. 2023, 99)

O le a se mea mai i lenei fa’amatalaga e ono maua ai se fesoasoani mo Ana e malamalama ai?Aisea?

Polokalama o le Atamai i A’oa’oga Fa’avae

Atonu e aogā lenei lesona e fai ma avanoa lelei e fa’ailoa atu ai le polokalama o le Atamai i A’oa’oga Fa’avae.Atonu e te tu’uina atu muamua le fesili lenei i tagata a’oga:

O le a le tāua o le taulotoina o se mau pe afai e mafai ona maua [gofie] i luga o le telefoni po’o masini komepiuta?

E mafai ona e fa’asoa atu le fa’amatalaga lenei mai ia Elder Richard G. Scott (1928-2015) o le Korama a Aposetolo e To’asefululua ma fa’atalanoa le fesili lenei:

E mafai ona o’o mai le malosi sili mai le taulotoina o mau [o tusitusiga paia].O le taulotoina o se mau o le fatuina lea o se faigauo fou.E pei lava o le mauaina o se tagata fou e mafai ona fesoasoani mai i se taimi o manaomia ai, tu’uina mai musumusuga ma fa’amafanafanaga, ma avea o se punavai o u’unaiga mo suiga mana’omia.(“O Le Mana o Tusitusiga Pa’ia,” Liahona, Nov. 2011, 6)

E fa’apefea ona avea se mau tauloto ma se uo?

E mafai ona vala’aulia tagata a’oga e uta le polokalama leai se totogi o le Atamai i A’oa’oga Fa’avae. Ona e vala’aulia lea tagata a’oga e su’esu’e vaega o le taulotoina o fuaiupu, e fa’aaoga ai ni fasipepa faailo laiti i auala eseese, pe fa’aaoga le vaega mo su’ega pupuu e fesoasoani ai i le taulotoina.

E mafai ona fa’atelē le ata o le polokalama i luga o se isi laupapa tele ma taumafai e fa’amasani i le fa’aaogaina o ona vaega eseese.E mafai ona e filifilia se mau ma le vasega ma taumafai e tauloto le fuaiupu atoa. Pe mafaufau e filifili ni nai fuaitau ma fa’aaoga fasipepa faailo laiti e taumafai e tauloto ai upu autū ma o latou mau fa’asino.

Mo tagata a’oga e le’i a’oa’oina le faaaogaina o le atamai i a’oa’oga fa’avae

Afai e fou mai au tagata a’oga i le seminare, atonu e aogā le fa’aaoga o ni nai minute i le mae’a ai o le vasega e vala’aulia ai tagata a’oga e vaava’ai i le vaega o le Pepa Autū o le Atamai i A’oa’oga Fa’avae ua fa’aulutalaina o le “Mauaina o le Malamalama Fa’aleagaga.”E ono fesoasoani lea iā i latou e sauniuni e aoao ai e uiga i lena vaega i se auiliiliga sili atu i le faagasologa atoa o le semesa.