Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Malakia 3:19–24: Herin’ny famehezana

“Malakia 3:19–24: Herin’ny famehezana,” Testamenta Taloha: Boky torolalana ho an’ny mpampianatra seminera (2026)

“Malakia 3:19–24: Herin’ny famehezana”, Testamenta Taloha: Boky torolalana ho an’ny mpampianatra seminera

Malakia: Lesona 159

Malakia 3:19–24

Herin’ny Famehezana

Any amin’ny tempoly masina ny Mpamonjy dia mampiray ny fianakaviana ho mandrakizay amin’ny alalan’ny fanalahidin’ny famehezana. I Malakia dia naminany ny amin’ny famerenan’ny Mpamonjy ny fanalahidin’ny famehezana izay “hampody ny fon’ ny ray ho amin’ ny zanaka, ary ny fon’ ny zanaka ho amin’ ny rainy” (Malakia 3:24). Ity lesona ity dia afaka manampy ny mpianatra hampody ny fony amin’ny ray aman-dreniny sy ny razambeny ary ny taranaka ho avy.

Fanomanana ny mpianatra: Asao ny mpianatra handany minitra vitsy hamantarana ny FamilySearch.org na ny application [Arbre Familiale de FamilySearch] FamilySearch Tree . Ohatra, azon’izy ireo atao ny mijery ireo havana ao amin’ny hazon’ny tetiaram-pianakaviany mba hahafantarana misimisy kokoa momba azy ireo. Na azon’izy ireo atao ny mamita ny sasany amin’ireo sahanasa momba ny tantaram-pianakaviana hita ao amin’ny tranonkala na ao amin’ny zava-misy “More” ao amin’ny application. Raha tsy manana ireo loharanom-pitaovana ireo ny mpianatra dia afaka miresaka amin’ny ray aman-dreny na olona iray ao amin’ny fianakaviana izy ireo mba hianatra zavatra vaovao momba ny razambe iray.

Sahanasa fianarana azo atao

Fakany sy rantsana

Hevero ny hanasa ny mpianatra hanao sarina hazo misy faka sy rantsana ao amin’ny diary fandalinan’izy ireo. Azonao atao koa ny manao izany sary izany eny amin’ny solaitrabe.

Set of line art depicting a growing tree from a seedling to a full grown tree with roots, sunlight.

Nahoana ireo faka sy rantsana no tena ilaina amin’ny fahasalaman’ny hazo iray?

Asao ny mpianatra hanoratra ny anarany eo amin’ny vatan’ilay hazo izay nataon’izy ireo sary.
Raha toa ka maneho anao ny vatan’ny hazo iray dia maneho an’iza ireo faka sy rantsana?

Raha ilaina dia hazavao fa ao amin’ny soratra masina, matetika ny Tompo dia mampiasa sarinteny mombana hazo iray misy faka sy rantsana mba hampianarana momba ny fianakaviana. Azonao atao ihany koa ny mijery ny “Par la main d’Élie le prophète” (3:32) manomboka eo amin’ny mari-potoana 0:00 ka hatramin’ny 0:35, ChurchofJesusChrist.org.

3:32

Asao ny mpianatra hanisy anarana ireo faka ho razambe sy ireo rantsana ho taranaka. Omeo ireto torolalana manaraka ireto:
Soraty eo akaikin’ireo faka eo amin’ny sary nataonao ny famaritana fohy momba ny zavatra tsapanao momba ireo razambenao (ray aman-dreny, raibe sy renibe, sy ny sns).
Soraty eo akaikin’ireo rantsana eo amin’ny sary nataonao ny zavatra antenainao ho an’izay mety ho taranakao na ny zavatra azonao alaina sary an-tsaina rehefa mieritreritra azy ireo ianao (zanaka, zafikely, sy ny sns).

Eo am-pandalinanao ny Malakia 3:19–24, dia eritrereto ny zavatra nataon’ny Mpamonjy mba hampahatanjahana sy hitahirizana ireo faka sy rantsana ao amin’ny hazon’ny tetiaram-pianakavianao. Azonao atao ny manolotra vavaka mangina, mangataka amin’ny Ray any An-danitra mba hanampy anao hahatakatra ny zavatra azonao atao mba hanamafisana orina ny fianakavianao mandrakizay.

Satria avy amin’ny toe-javatra ao an-tokantrano samihafa ireo mpianatra dia zava-dehibe ny miresaka momba ny fotopampianaran’ny fianakaviana mandrakizay amim-panajana sy amim-pahatakarana. Ampahatsiahivo ny mpianatra fa mahafantatra tanteraka ny toe-javatra iainan’izy ireo ny Mpamonjy ary afaka manome fanantenana sy fanasitranana ilaina ho an’ny fianakaviany taloha sy ankehitriny ary ho avy amin’ny alalan’ny Sorompanavotany.

Ireo faminanian’i Malakia

Vakio ny Malakia 3:19, dia tadiavo ny zavatra nampianarin’ny Tompo momba ny faka sy ny rantsana ao amin’io faminaniana momba ny Fiaviany Fanindroany io.

Raha miainga avy amin’ny zavatra nianaranao momba ny faka sy ny rantsana dia inona araka ny eritreritrao no ampianarin’ny Mpamonjy?

Ny Loholona D. Todd Christofferson ao amin’ny Kôlejin’ny Apôstôly Roambinifolo dia nanazava izao manaraka izao:

Raha tsy nisy ireo famehezana izay manorina fianakaviana mandrakizay sy mampifandray ireo taranaka ety sy any ankoatra, dia ho tavela isika any amin’ny mandrakizay, sady tsy misy faka no tsy misy sampana, izany hoe sady tsy manana razambe no tsy manan-taranaka. (“Ny fahefan’ny famehezana”, Liahona, nôv. 2023, 21)

Saintsaino ny zavatra mety ho tsapanao raha toa ka tsy afaka ny hofehezina na hakambana ho iray mandrakizay miaraka amin’ny fianakaviana izay tianao ianao.

NyMalakia 3:22–24 dia andinin-tsoratra masina fifehezana fotopampianarana. Hevero ny hanasa ny mpianatra hanisy marika amin’ny fomba miavaka ireo andinin-tsoratra masina fifehezana fotopampianarana mba ho mora aminy ny mahita ny toerana misy azy.

Vakio ny Malakia 3:22–24, ka tadiavo ny zavatra nampanantenain’ny Mpamonjy fa hataony mba hahafahan’ny fianakaviana ho voafehy miaraka. Mety hanampy ireo fanamarihana eny ambanin’ny pejy rehefa mamaky ianao.

Inona no zavatra takatrao momba an’io faminaniana io? Inona avy ireo fanontaniana anananao?

Raha mila fanampiana ny mpianatra amin’ny fahatakarana io faminaniana io dia hevero ny hanasa azy ireo hampifandray ny Malakia 3:22–24 amin’ny Fotopampianarana sy Fanekempihavanana 110:13–16; 138:47–48. Azon’ny mpianatra atao ny mamaky ireo andinin-tsoratra masina ireo ary mitady hevi-baovao fanampiny momba ny faminanian’i Malakia.

Ampio ireo mpianatra hamantatra fa naniraka an’i Elia ny Mpamonjy mba hamerina amin’ny laoniny ireo fanalahidin’ny famehezana sy hanao izay ifampodian’ny fon’ny fianakaviana. Tanteraka io fampanantenana io ny 3 Aprily 1836, rehefa niseho tamin’i Joseph Smith sy Oliver Cowdery tao amin’ny tempolin’i Kirtland i Elia. Ireo fanalahidin’ny famehezana izay naveriny tamin’ny laoniny dia manan-kery eto an-tany sy any an-danitra. Tafiditra ao anatin’izany ireo ôrdônansy tanterahina any amin’ny tempoly masina.

Hevero ny hampiseho sarina tempoly iray sy ity teny nambara manaraka ity.

Oakland California Temple Exterior image. This image features the temple and temple grounds. You see trees, the fountain, and the entrance of the temple.

Vakio ity teny nambaran’ny Loholona Christofferson manaraka ity, dia tadiavo ny fomba itahian’ny Mpamonjy antsika amin’ny heriny izay mamehy any amin’ny tempoly masina:

Hitantsika [ao amin’ny tempolin’ny Tompo] ny voninahitra sy fahamasinan’ny fahefan’ny famehezana, izay mahatonga ny famonjena ny olona sy ny fisandratan’ny fianakaviana ho azon’ny rehetra izay zanak’ Andriamanitra tratrarina na aiza na aiza ary na oviana na oviana izy no niaina teto an-tany. Tsy misy teôlôjia na filôzôfia na fahefana hafa azo ampitahaina amin’ny fahafahana mihatra amin’ny rehetra toy izany. Io fahefan’ny famehezana io dia endrika tonga lafatra isehoan’ny fahamarinan’ Andriamanitra sy ny famindram-pony ary ny fitiavany. …

Ny endriny ambony sy masina indrindra hisehoan’ny fahefan’ny famehezana dia eo amin’ny fampitambarana mandrakizay ny lehilahy iray sy vehivavy iray ao anatin’ny fanambadiana sy ny fampifandraisana ny zanak’olombelona amin’ireo taranaka rehetra mifandimby. (“Ny fahefan’ny famehezana”, Liahona, nôv. 2023, 20, 21)

Inona no manaitra anao amin’io teny nambara io?
Tamin’ny fomba ahoana no nanampian’ny asa atao any amin’ny tempoly anao hahatsapa fifandraisana na hampitodika ny fonao tamin’ny ireo olona ao amin’ny fianakavianao tany aloha, na ankehitriny, na ho avy?

Mampody ny fontsika

Ireto sahanasa manaraka ireto dia afaka manampy ny mpianatra hanamafy orina ny fifandraisan’izy ireo amin’ireo razambeny sy handray fanapahan-kevitra izay hitahy ny taranany. Azonao atao ny manasa ny mpianatra hamita ny iray na izy roa amin’ireo sahanasa ireo arakaraka ny fotoana. Hevero ny hanamboatra ireo toromarika mba hifanaraka amin’izay ilain’ny mpianatra. Ohatra, azonao esorina na ovaina ireo torolalana izay mitaky ny fampiasana teknôlôjia raha toa ka tsy manana izany ireo mpianatrao.

Sahanasa A: Atodiho amin’ireo razambenao ny fonao.

Tanteraho ny iray na ny mihoatra izany amin’ireto asa manaraka ireto. Rehefa mandalina ianao dia eritrereto ny fomba hampahatanjahan’ny Mpamonjy sy ny herin’ny famehezany ireo razambenao sy ny fifandraisanao amin’izy ireo. Raketo an-tsoratra ao anatin’ny diary fandalinanao eo akaikin’ireo “faka” ao amin’ilay sary ny zavatra nianaranao.

Manorata fahatsiarovana tsara anananao momba ny ray aman-dreny na ny raibe na renibe na mamakia momba ny razambe iray ao amin’ny fizarana “Fahatsiarovana” ao amin’ny FamilySearch.org na ny application Arbre Familial de FamilySearch. Eritrereto ny antony mety anirian’ny Mpamonjy ny hifandraisanao amin’io razambe io.
Halalino ny Fotopampianarana sy Fanekempihavanana 128:16–18, ka tadiavo ny antony maha-ampahany manan-danja amin’ny drafitr’ Andriamanitra ny fanaovana batisa ho an’ny maty sy ny asa hafa atao any amin’ny tempoly ho an’ireo razambenao.
Karohy ny “tantaram-pianakaviana” eny ambany eo amin’Ireo lohahevitra ao amin’ny fizarana Fihaonamben’ny Fiangonana maneran-tany ao amin’ny Bibliothèque de l’Évangile. Misafidiana iray amin’ireo lahateny ary halalino ny sasany amin’izany na izy rehetra.
Karohy ny hazon’ny tetiaram-pianakavianao mba hahitana an’ireo razambenao izay mila ilay ôrdônansin’ny batisa. Raha azo atao dia mandehana ao amin’ny temples.ChurchofJesusChrist.org ary mamandriha fotoana mba hamitana ireo batisa.

Sahanasa B: Atodiho amin’ny taranakareo ny fonareo.

Tanteraho ny iray na ny mihoatra izany amin’ireto asa manaraka ireto. Rehefa mandalina ianao dia saintsaino ny fomba hanampian’ny Mpamonjy sy ny herin’ny famehezany anao hanamafy orina ny taranakao. Raketo an-tsoratra ao anatin’ny diary fandalinanao eo akaikin’ireo “rantsana” ao amin’ilay sary ny zavatra nianaranao.

Avereno jerena ireo fanontaniana apetraka ao anatin’ny tafa sy dinika momba ny fahazoan-dalana hidirana ny tempoly ary eritrereto ny fomba ahafahan’ny valinteninao mitahy ny fianakavianao amin’izao fotoana izao sy ny fianakavianao any aoriana. Ireo fanontaniana ireo dia hita ao amin’ny tovana ao amin’ny Ho zatovo mahery!: Torolalana amin’ny fanaovana safidy.
Hadihadio ny Lohahevitry ny Zatovovavy na ny Fanevan’ny Kôlejin’ny Fisoronana Aharôna, ka tadiavo ireo andian-teny izay afaka manomana anao hitahy ny vadinao sy ny zanakao amin’ny hoavy.
Halalino ny Fotopampianarana sy Fanekempihavanana 49:15–17; 68:25–28, ka tadiavo ny zavatra ampianarin’ny Tompo momba ny fanambadiana sy ny fitazaina zanaka. Eritrereto ny fomba ahafahan’ireo safidy ataonao amin’izao fotoana izao miantraika amin’ny fanambadianao amin’ny ho avy sy ny fomba hitazainao ny zanakao.
Manorata taratasy ho an’ny vadinao na ny zanakao amin’ny hoavy izay manazava ny zavatra ataonao ankehitriny mba ho mendrika ny tempoly sy hiomana ho amin’ny fianakaviana mandrakizay.

Rehefa vitan’izy ireo izany dia hevero ny hanasa mpianatra vonona hizara ny zavatra nianarany na tsapany avy tamin’ity sahanasa ity. Mety ho tafiditra ao anatin’izany ireo zavatra nosoratan’izy ireo teo akaikin’ireo faka na rantsana tao amin’ny diary fandalinan’izy ireo. Azon’ny mpianatra atao ihany koa ny mizara ny fahatsapany momba ny Mpamonjy sy ny anjara asany amin’ny fanampiana antsika handray ireo fitahian’ny fianakaviana mandrakizay.

Fanaovana tsianjery

Mety ho tianao ny hanampy ny mpianatra hanao tsianjery ilay andinin-tsoratra masina fifehezana fotopampianarana sy ilay andian-teny manan-danja ao amin’ny soratra masina nianarana tao anatin’ity lesona ity ary hamerina hijery izany ao anatin’ireo lesona any aoriana. Ny andian-teny manan-danja ao amin’ny soratra masina ho an’ny Malakia 3:22–24 dia “haniraka an’i Elia mpaminany … hampody […] ny fon’ny zanaka ho amin’ny rainy.” Hita ao amin’ny votoatin’ny tovana ao amin’ny “Sahanasa famerenana ny fifehezana fotopampianarana” ireo hevitra hanaovana ny sahanasa fianarana tsianjery.

Loharanom-pitaovana fanampiny

Ahoana raha manao safidy izay mety hanakana anay tsy hiaraka mandrakizay ny olona iray ao amin’ny fianakaviako?

Nampianatra izao ny Loholona David A. Bednar ao amin’ny Kôlejin’ny Apôstôly Roambinifolo:

Ho anao izay niaina ratram-po noho ny fisaraham-panambadiana tao amin’ny fianakavianao na nahatsapa ny fangirifirian’ny faharavam-patokisana, dia tsarovy fa manomboka aminao indray izany [ny lamin’ Andriamanitra ho an’ny fianakaviana]! Mety nisy masombỳ iray simba tao amin’ny rojom-pitohizan’ny taranakao, saingy ireo masombỳ marina hafa sy ny sisa tavela amin’ilay rojo kosa anefa dia manan-danja mandrakizay. Afaka manampy hery ao amin’ny rojo misy anao ianao ary mety hanampy amin’ny famerenana amin’ny laoniny ilay masombỳ simba mihitsy aza. Hotanterahina tsirairay izany asa izany. (“Masombỳ matanjaka” [Fampaherezam-panahy maneran-tany ho an’ny tanora tokan-tena sy ny mpivady vao herotrerony, 10 sept. , 2017], Médiathèque de l’Évangile)

Inona no tsapan’ny Tompo momba ireo olona manao ny asa atao any amin’ny tempoly sy asa atao mikasika ny tantaram-pianakaviana?

Nanazava izao ny Filoha Henry B. Eyring ao amin’ny Fiadidiana Voalohany:

Eritrereto ny fankasitrahana atolotry [ny Mpamonjy] an’ireo izay manefa ny sarany amin’ny alalan’ny asa sy ny finoana mba hitadiavana ny anaran’ireo razambeny sy ireo izay tia azy ireo sy tia Azy ka manome azy ireo ny fiainana mandrakizay ao anatin’ny fianakaviana, izay fanomezana lehibe indrindra amin’ny fanomezana rehetra atolotr’ Andriamanitra. Nanolotra fanatitra tsy misy fetra ho azy ireo Izy. Ho tia sy hankasitraka ireo izay nanefa izay sarany rehetra azon’izy ireo nefaina Izy mba hanome fahafahana ny razamben’izy ireo hisafidy ny fiainana mandrakizay izay atolony. (“Des cœurs enlacés”, Liahona, mai 2005, 79)

Ahoana no ahafahan’ny safidiko ankehitriny hisy fiantraikany amin’ny taranako?

Nanazava ny Loholona Carlos A. Godoy ao amin’ny Fitopololahy hoe:

Fantatrao fa misy drafitra ho antsika eto amin’ity fiainana ity. Fantatrao fa afaka ny ho mandrakizay ny fianakaviana. Nahoana ianao no hampidi-doza ny fianakavianao? Aoka tsy ho ianao no ilay rohy malemy ao amin’ilay rojo kanton’ny finoana izay natombokao, na noraisinao mba ho lova. Aoka ho rohy matanjaka ianao. Anjaranao izao ny manao izany, ary afaka manampy anao ny Tompo.

Amin’ny foko manontolo no anasako anao mba hieritreritra momba izany, ary mba hijery ny hoavy sy handanjalanja hoe “hitondra mankaiza izany,” ary raha ilaina dia mba hanana ny herim-po ampy mba hanamboarana ny lalanao noho ny amin’ny taranakao. (“Noho ny amin’ny taranakao”, Liahona, nôv. 2023, 18)

Sahanasa fianarana fanampiny

Miaina ny fiarovan’ny Tompo

Aorian’ny famakiana ny Malakia 3:19, ireo mpianatra dia mety hahazo tombontsoa avy amin’ny famakiana ireto andininy manaraka ireto, izay ahitana ny fampanantenan’ny Tompo ho an’ireo olo-marina amin’ny Fiaviany Fanindroany.

Vakio ny Malakia 3:20–21, ka tadiavo ny zavatra nampanantenain’ny Tompo an’ireo olona izay matahotra (na maneho fanajana) Azy.

Inona no azontsika ianarana momba ny Mpamonjy avy amin’ny fanoharana ao amin’ireo andininy ireo?

Raha ilaina dia hazavao fa ilay andian-teny hoe “zanak’omby mifahy” (andininy 20) dia entina ilazana ireo zanak’omby izay voaro sy voafahana tsara, ary voakarakara. Nampanantena ny Tompo fa hiaro sy hikarakara tahaka izany an’ireo izay “matahotra ny anara[ny]” Izy (andininy 20). Ilay andian-teny hoe “fanasitranana ao amin’ny tànany” (andininy 20) dia entina ilazana ny hery manasitrana sy miaron’ny Tompo, tafiditra ao anatin’izany ny Sorompanavotany. Ilay andian-teny hoe “hohitsahinareo ny ratsy fanahy” (andininy 21) dia midika fa ny Tompo dia hanampy ny olo-marina handresy ny ratsy amin’ny alalan’ny famongorana ny ratsy fanahy amin’ny Fiaviany fanindroany.

Ireo fitaratra ao amin’ny tempoly

Alohan’ny hamenoan’ny mpianatra ireo sahanasa eo ambanin’ilay fizarana hoe ”Mampody ny fontsika” dia azonao atao ny mampiseho ny sarin’ireo fitaratra ao amin’ny efitrano famehezana any amin’ny tempoly. Afaka mahita ohatra ianao any am-piandohan’ity lesona ity. Asao ny mpianatra hizara ny zavatra fantany momba ny tandindon’ireo fitaratra ao amin’ny efitrano famehezana.

Raha tsy izany dia afaka mitondra fitaratra anankiroa ao an-dakilasy ianao. Manasà mpianatra roa mba samy hihazona fitaratra ary hifanatrika. Azonao atao ny manasa mpianatra iray fahatelo hijoro eo afovoany ary hijery ny iray amin’ireo fitaratra. Angataho izy ireo hilaza hoe firy ny isan’ny sary miverina hitan’izy ireo. Hazavao fa ny fitaratra any amin’ny tempoly dia maneho ireo taranaka taloha sy ireo taranaka ho avy izay hofehezina miaraka ho fianakaviana mandrakizay.

Fanalahidin’ny fisoronana naverina tamin’ny laoniny

Azonao atao ny manampy ny mpianatra haka sary an-tsaina ireo fanalahidin’ny famehezana izay naverina tamin’ny laoniny tamin’i Joseph Smith amin’ny alalan’ny fijerena ny “Priesthood Keys Restored in Kirtland Temple” (2:12). Asao ny mpianatra hitady ny fiantraikan’ireo fanalahidin’ny famehezana teo amin’ireo Olomasin’ Ny Andro Farany voalohany.

2:12

Ireo fitahian’ny Tempoly sy ny asa atao mikasika ny tantaram-pianakaviana

Ho solon’ny fanaovana ireo sahanasa ao amin’ny “Mampody ny fontsika” ao amin’ny lesona dia azonao atao ny mijery ny “Les bénédictions promises de l’œuvre de l’histoire familiale” (4:04). Asao ny mpianatra hitanisa ireo fitahiana voalaza ao amin’ilay horonan-tsary. Asao ny mpianatra vitsivitsy hizara hoe inona avy ireo fitahiana noraisin’izy ireo na fitahiana tian’izy ireo horaisina.

Omeo fotoana ireo mpianatra hanaovana asa mikasika ny tantaram-pianakaviana sy hanomanana anarana ho an’ny tempoly. Azonao atao ny mampiseho amin’ny mpianatra ny fampiasana ny FamilySearch.org na ny application Arbre Familial de FamilySearch, na azonao atao ny manasa ireo mpianatra izay mahafantatra ireo teknôlôjia ireo mba hampianatra ny iray kilasy ny fomba fampiasana izany.

4:5