Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Zacarias 10–14: Isang Araw Darating para sa Panginoon

“Zacarias 10–14: Isang Araw Darating para sa Panginoon,” Manwal ng Guro ng Seminary para sa Lumang Tipan (2026)

“Zacarias 10–14: Isang Araw Darating para sa Panginoon,” Manwal ng Guro ng Seminary para sa Lumang Tipan

Hagai 1–2; Zacarias 1–4; 10–14: Lesson 157

Zacarias 10–14

Isang Araw Darating para sa Panginoon

"He Comes Again to Rule and Reign" by Mary R. Sauer. Jesus Christ is descending to Earth at his Second Coming. There are men, women, and children surrounding him. He is wearing a red robe and is looking down at those who are gathering.

Sa pamamagitan ng Kanyang mga propeta, inihahayag ng Panginoon ang mga detalye tungkol sa mga mangyayari sa hinaharap upang makilala at maasahan natin ang mga ito nang may kumpiyansa. Ipinropesiya ni Zacarias na babalik ang Tagapagligtas at poprotektahan Niya ang Kanyang mga tao mula sa mga bansang nagtipon upang labanan sila. Ang lesson na ito ay makatutulong sa mga estudyante na makadama ng kumpiyansang makakasama nila ang Tagapagligtas sa mga kaganapang mangyayari bago ang Ikalawang Pagparito.

Paghahanda ng estudyante: Ipabasa sa mga estudyante ang “Ikalawang Pagparito ni Jesucristo” sa Mga Paksa at Mga Tanong (Gospel Library). Hikayatin silang pumasok sa klase na handang ibahagi ang natutuhan nila o ang mga tanong na mayroon sila.

Mga Posibleng Aktibidad sa Pag-aaral

Paghihintay sa Ikalawang Pagparito ng Tagapagligtas

Maaari mong simulan ang klase sa pamamagitan ng pagsasabi sa mga estudyante na mag-isip ng ilang malalaking kaganapan na inaasahan nila sa hinaharap, tulad ng pagbabakasyon, paglilingkod sa misyon, o pagpapakasal. Anyayahan silang ibahagi ang nadarama nila tungkol sa mga kaganapang ito.

Pagkatapos ay magpakita ng larawan ng Ikalawang Pagparito ng Tagapagligtas. Sabihin sa mga estudyante na maglista ng ilang salita sa pisara na maaaring kumatawan sa maaaring madama ng mga indibiduwal tungkol sa kaganapang ito. Maaaring kabilang sa listahan ang mga salitang tulad ng nasasabik, handa, nananalig, mapayapa, natatakot, naguguluhan, kinakabahan, o hindi sigurado.

Para masuri kung ano ang nadarama nila tungkol sa Ikalawang Pagparito ng Tagapagligtas, maaaring gawin ng mga estudyante ang sumusunod.

Sa iyong study journal, sagutin ang mga sumusunod na tanong:

Aling mga salita ang naglalarawan sa nadarama mo tungkol sa Ikalawang Pagparito ng Tagapagligtas?
Ano ang nakakaimpluwensya sa iyong pakiramdam tungkol sa kaganapang ito?

Isulat ang anumang tanong na mayroon ka tungkol sa Ikalawang Pagparito ng Tagapagligtas.

Habang pinag-aaralan mo ang mga pangyayaring may kaugnayan sa Ikalawang Pagparito, pakinggan ang mga impresyon mula sa Espiritu upang malaman kung paano ka makadarama ng higit na kumpiyansa na makakasama mo ang Tagapagligtas sa mga kaganapang ito.

Maaari mong ipabahagi sa mga estudyante ang isinulat nila. Hikayatin ang mga estudyante na hanapin ang mga sagot sa kanilang mga tanong habang pinag-aaralan nila ang Zacarias.

Tandaan: Hindi mo kailangang sagutin ang bawat tanong tungkol sa Ikalawang Pagparito ng Tagapagligtas. Kung nais ng mga estudyante na mas matuto pa, maaari nilang pag-aralan ang resources na tulad ng “Ikalawang Pagparito ni Jesucristo” sa Mga Paksa at Mga Tanong (Gospel Library).

Ipinropesiya ni Zacarias ang Ikalawang Pagparito ng Tagapagligtas

Upang matulungan ang mga estudyante na maunawaan ang mga propesiya ni Zacarias tungkol sa Ikalawang Pagparito ng Tagapagligtas, maaari mong basahin o ibuod ang sumusunod na talata. Maaari ding basahin ng mga estudyante ang mga heading ng kabanata para sa Zacarias 10; 12–14.

Ipinropesiya ni Zacarias na sa mga huling araw, isang matinding digmaan, na kilala bilang digmaan ng Armagedon (tingnan sa Apocalipsis 16:16), ang magaganap malapit sa Jerusalem. Lahat ng bansa sa mundo ay magkakaisa laban sa Jerusalem (tingnan sa Zacarias 12:2–3). Bilang bahagi ng digmaan, kukubkubin ang Jerusalem habang sinasakop ng mga hukbo ang lungsod (tingnan sa Zacarias 14:2). Pagkatapos ay magpapakita ang Tagapagligtas sa Bundok ng mga Olibo (tingnan sa Zacarias 14:4).

Matapos makumpleto ng mga estudyante ang handout, sabihin sa kanila na magtanong tungkol sa pinag-aralan nila. Kung hindi ka sigurado sa sagot, sabihin sa kanila na hindi mo alam. Anyayahan sila na maghanap ng sagot. Maaari ka ring maghanap ng sagot kasama nila sa loob o labas ng klase.

Ang mga sumusunod na tanong ay makatutulong sa mga estudyante na matukoy ang mga katotohanan mula sa mga turo ni Zacarias.

Ano ang itinuturo sa inyo ng mga passage na ito tungkol kay Jesucristo?

Bilang bahagi ng talakayan, sabihin sa mga estudyante na ibuod ang natutuhan nila tungkol sa Tagapagligtas sa isang simpleng pahayag ng katotohanan. Maaaring magbahagi ang mga estudyante ng iba’t ibang sagot, kabilang ang si Jesucristo ay babalik sa mga huling araw at titipunin, iligtas, at poprotektahan Niya ang Kanyang mga tao.

Nagkakaroon ng kapangyarihan kapag nalalaman ng mga estudyante na ang mga katotohanang natututuhan nila mula sa mga banal na kasulatan ay katibayan ng pagmamahal, kapangyarihan, at awa ng Ama sa Langit at ni Jesucristo sa kanilang buhay. Ang pagkakaunawang ito ay makatutulong sa mga estudyante na makadama na mas malapit ang ugnayan nila sa Kanila.

Maaaring makatulong sa mga estudyante ang mga sumusunod na tanong para maunawaan ito.

(Para sa karagdagang pagsasanay sa pagtatanong ng mga bagay na naiuugnay ang pagmamahal, kapangyarihan, at awa ng Panginoon sa mga katotohanang itinuturo sa mga banal na kasulatan, tingnan ang “Tulungan ang mga mag-aaral na madama ang pagmamahal, kapangyarihan, at awa ng Panginoon sa kanilang buhay” sa Mga Kasanayan para sa Pag-unlad ng Guro.)
Paano makatutulong sa atin ang kaalaman sa katotohanang ito tungkol kay Jesucristo na harapin nang may kumpiyansa ang Kanyang Ikalawang Pagparito?
Ano ang ilang paraan na tinitipon, iniligtas, at pinoprotektahan ni Jesucristo ang Kanyang mga tao sa panahon ngayon?

Maaaring kabilang sa mga sagot sa naunang tanong ang: Nagtitipon si Jesucristo sa pamamagitan ng pag-anyaya sa lahat na lumapit sa Kanya, sundin ang Kanyang ebanghelyo, at tanggapin ang mga pagpapala ng templo. Nagliligtas Siya sa pamamagitan ng pag-aalay ng kaloob ng Kanyang Pagbabayad-sala at ng mga ordenansa ng ebanghelyo. Nagpoprotekta Siya sa pamamagitan ng paghahayag ng Kanyang kalooban sa pamamagitan ng mga buhay na propeta at banal na kasulatan.

Ipakita ang alam mo

Basahin ang mga titik ng himnong “Halina, Hari ng Lahat” (Mga Himno, blg. 32). Pagkatapos ay magsulat ng karagdagang taludtod sa himno. Isama ang mga turo ni Zacarias tungkol sa ipinangako ng Tagapagligtas na gagawin Niya para sa Kanyang mga tao sa Kanyang Ikalawang Pagparito, at kung paano nakatutulong ang mga pangakong ito sa iyo na magkaroon ng kumpiyansa na makakasama ng Tagapagligtas ang Kanyang mga tao sa mga huling araw.

Sabihin sa mga estudyante na ibahagi ang mga titik na isinulat nila.

Maaari ninyong awitin ang himno nang magkakasama bilang klase, kabilang ang isa o mahigit pa sa mga talatang isinulat ng mga estudyante.

Bilang pagtatapos, maaari mong ibahagi ang iyong patotoo tungkol sa Tagapagligtas at kung paano ka Niya tinutulungang umasa sa Kanyang Ikalawang Pagparito nang may kumpiyansa.

Karagdagang Resources

Ano ang itinuro ng mga makabagong propeta tungkol sa Ikalawang Pagparito ng Tagapagligtas?

Itinuro ni Pangulong Russell M. Nelson:

Babalik ang Panginoon sa lupaing ginawa Niyang banal sa Kanyang misyon dito sa mortalidad. Matagumpay, muli Siyang darating sa Jerusalem. Nakasuot ng pulang bata bilang simbolo ng Kanyang dugo, na dumaloy mula sa bawat butas ng balat, babalik Siya sa Banal na Lungsod (tingnan sa Doktrina at mga Tipan 133:46–48). Doon at sa ibang lugar, “ang kaluwalhatian ng Panginoon ay mahahayag, at makikitang magkakasama ng lahat na tao” (Isaias 40:5; tingnan din sa Doktrina at mga Tipan 101:23). Ang Kanyang “pangalan ay tatawaging Kamanghamangha, Tagapayo, Makapangyarihang Dios, Walang hanggang Ama, Pangulo ng Kapayapaan” (Isaias 9:6).

Mamamahala Siya mula sa dalawang kabisera ng mundo: isa sa lumang Jerusalem (tingnan sa Zacarias 14) at ang isa pa sa Bagong Jerusalem na “itatayo sa lupalop ng Amerika” (Mga Saligan ng Pananampalataya 1:10). Mula sa mga sentrong ito gagabayan Niya ang mga gawain ng Kanyang Simbahan at kaharian. Isa pang templo ang itatayo sa Jerusalem. Mula sa templong iyon maghahari Siya magpakailanman bilang Panginoon ng mga Panginoon. Lalabas ang tubig mula sa ilalim ng templo. Ang mga tubig ng Dead Sea ay gagaling. (Tingnan sa Ezekiel 47:1–8.)

Sa araw na iyon tataglayin Niya ang mga bagong katawagan at paliligiran Siya ng natatanging mga Banal. Kikilalanin Siya bilang “Panginoon ng mga panginoon, at Hari ng mga hari; at [ang mga makakasama] niya [ay ang mga taong] tinawag at mga pili at mga tapat” (Apocalipsis 17:14) sa ipinagkatiwala sa kanila dito sa mortalidad. Pagkatapos, Siya’y “maghahari magpakailan kailan man at walang katapusan” (Apocalipsis 11:15).

Ibabalik ang mundo sa malaparaisong kalagayan at gagawing bago. Magkakaroon ng bagong langit at bagong lupa (tingnan sa Apocalipsis 21:1; Eter 13:9; Doktrina at mga Tipan 29:23–24).

Tungkulin natin—pribilehiyo natin—na tumulong na maihanda ang mundo para sa araw na iyon. (“Ang Kinabukasan ng Simbahan: Paghahanda sa Mundo para sa Ikalawang Pagparito ng Tagapagligtas,” Liahona, Abr. 2020, 16–17)

Anong mga damdamin ang mararanasan natin habang naghahanda tayo sa pagbabalik ng Tagapagligtas?

Itinuro ni Elder Neil L. Andersen ng Korum ng Labindalawang Apostol:

15:55

Kapag namuhay kayo nang matwid sa paglipas ng mga taon, tinitiyak ko sa inyo na muli’t muling pagtitibayin sa inyo ng inyong mga karanasan na si Jesus ang Cristo. Ang espirituwal na bato sa ilalim ng inyong mga paa ay magiging matibay at matatag. Magagalak kayo na inilagay kayo ng Diyos dito sa mundong ito upang maging bahagi ng huling mga paghahanda para sa maluwalhating pagbabalik ni Cristo. (“Mga Espirituwal na Buhawi,” Liahona, Mayo 2014, 21)

Para sa karagdagang payo kung paano makaranas ng pag-asa habang naghahanda tayo para sa pagbabalik ng Tagapagligtas, tingnan sa artikulo ni Pangulong Nelson na “Ang Kinabukasan ng Simbahan: Paghahanda sa Mundo para sa Ikalawang Pagparito ng Tagapagligtas” (Liahona, Abr. 2020, 7–11).

Saan ko malalaman pa ang tungkol sa digmaan sa Armagedon?

Para sa detalyadong talakayan tungkol sa digmaan sa Armagedon, tingnan sa The Battle of Armageddon: A Prophetic View (Old Testament Student Manual 1 Kings–Malachi [2003], 291–95). Maaari mo ring pag-aralan ang tungkol sa pandaigdigang labanang ito sa Ezekiel 38–39; Zacarias 12–14; Apocalipsis 11; Doktrina at mga Tipan 45:47–53; at Gabay sa mga Banal na Kasulatan, “Armagedon” (Gospel Library).

Mga Karagdagang Aktibidad sa Pag-aaral

Zacarias 9:9. Propesiya tungkol sa matagumpay na pagpasok ni Cristo

Maaari mong ipaliwanag na bilang karagdagan sa mga propesiya tungkol sa Ikalawang Pagparito ng Tagapagligtas, ipinropesiya ni Zacarias ang isang pangyayari na magaganap sa mortal na ministeryo ni Cristo.

Ipabasa sa mga estudyante ang Zacarias 9:9, at alamin ang propesiya tungkol kay Jesucristo. Pagkatapos ay sabihin sa kanila na basahin ang Mateo 21:4–11, at alamin kung paano natupad ni Jesucristo ang propesiyang ito. Para matulungan ang mga estudyante na mailarawan sa isipan ang pangyayari, maaari mong ipanood ang “The Lord’s Triumphal Entry into Jerusalem” (1:22).

1:22

Pagkatapos ay maaari mong talakayin kung paano inihahayag ng Panginoon ang mga katotohanan tungkol sa mga mangyayari sa hinaharap sa Kanyang mga propeta at kung ano ang itinuturo nito sa atin tungkol sa Panginoon. Maaaring maglista ang mga estudyante ng iba pang halimbawa mula sa mga banal na kasulatan kung saan nagpropesiya ang mga propeta tungkol kay Jesucristo. Maaari nilang talakayin kung paano pinalalakas ng mga propesiyang iyon ang ating mga patotoo tungkol sa Kanya.

Pagiging handa para sa Ikalawang Pagparito ng Tagapagligtas

Upang matulungan ang mga estudyante na maging handa para sa Ikalawang Pagparito ng Tagapagligtas, maaari mong ipanood ang isa o lahat ng mga sumusunod na video clip:

Israel, Israel, God is Calling—Highlight 1 (1:53): Ibinabahagi ni Pangulong Jeffrey R. Holland ang mga ideya kung paano niya gustong matagpuan kapag bumalik ang Tagapagligtas.

1:53

The Righteous Need Not Fear (1:06): Itinuturo ni Pangulong Dallin H. Oaks na hindi dapat matakot ang mga matwid kapag dumating ang Tagapagligtas.

1:8

Paghahanap ng mga sagot sa mga tanong tungkol sa Ikalawang Pagparito sa mga Banal na Kasulatan

Para matulungan ang mga estudyante na gamitin ang mga banal na kasulatan para mahanap ang mga sagot sa mga tanong nila tungkol sa Ikalawang Pagparito, maaari mong hatiin ang klase sa maliliit na grupo para sa sumusunod na aktibidad. Italaga sa bawat grupo ang isa sa mga sumusunod na tanong at ang kasamang talata sa banal na kasulatan. Sabihin sa mga estudyante na pag-aralan ang ilan o ang lahat ng talata at maghanda ng maikling presentasyon tungkol sa natuklasan nila. Sabihin sa bawat grupo na ibahagi ang natutuhan nila sa klase.

Ano ang mangyayari sa mga matwid at masama sa Ikalawang Pagparito?
- Zacarias 14:12–13, 16
- Malakias 3:1–3; 4:1–3
- 1 Nephi 22:15–17, 19, 22–23
Naroon ba ako kapag bumalik ang Tagapagligtas?
- Zacarias 14:5
- 1 Tesalonica 4:14–17
- Doktrina at mga Tipan 45:44–46
- Doktrina at mga Tipan 88:96–98
Alam ba natin kung kailan ang Ikalawang Pagparito ng Tagapagligtas?
- Mateo 24:36
- Doktrina at mga Tipan 39:20–21
- Doktrina at mga Tipan 49:7
Ano ang ilan pang palatandaan ng Ikalawang Pagparito ng Tagapagligtas?
- Ezekiel 47:1, 8–9
- Joel 2:30–32
- Zacarias 14:8
- Lucas 21:25–28