Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Zacarias 1–8: “Manumbalik Kayo sa Akin”

“Zacarias 1–8: ‘Manumbalik Kayo sa Akin,’” Manwal ng Guro ng Seminary para sa Lumang Tipan (2026)

“Zacarias 1–8: ‘Manumbalik Kayo sa Akin,’” Manwal ng Guro ng Seminary para sa Lumang Tipan

Hagai 1–2; Zacarias 1–4; 10–14: Lesson 156

Zacarias 1–8

“Manumbalik Kayo sa Akin”

A young man walks with the good shepherd, Jesus, away from the thorns that had held him bound.

Pagkatapos ng 50 taon na pagkabihag sa Babilonia at Persia, isang labi ng sambahayan ni Israel ang pisikal na bumalik sa kanilang banal na lupain, ngunit malayo pa rin sila sa Panginoon sa espirituwal na aspeto. Sa pamamagitan ng propetang si Zacarias, muling pinanibago ng Tagapagligtas ang Kanyang paanyayang “manumbalik kayo sa akin” (Zacarias 1:3), nang may pangakong Siya ay “maninirahan sa gitna [ng Kanyang mga tao]” (Zacarias 2:10). Ang lesson na ito ay makatutulong sa mga estudyante na maunawaan ang mga paraan kung paano sila maaaring bumaling sa Panginoon.

Paghahanda ng estudyante: Sabihin sa mga estudyante na isipin ang sasabihin nila sa isang kaibigan na nakadaramang malayo siya sa pagmamahal ng Panginoon. Maaaring maghanda ang mga estudyante na ibahagi sa klase ang kanilang payo. Maaaring tanungin ng mga estudyante ang isang pinagkakatiwalaang kaibigan o magulang kung anong payo ang ibibigay nila sa ganitong sitwasyon.

Mga Posibleng Aktibidad sa Pag-aaral

Bakit may ilang tao na tumatalikod kay Jesucristo?

Maaari mong simulan ang klase sa pamamagitan ng pagpapakita ng larawan ng Tagapagligtas sa tabi ng isang stick figure na may arrow na nakaturo palayo sa Kanya.

Ano ang ilang dahilan kung bakit maaaring tumalikod ang mga tinedyer sa Panginoon?

Ipaalala sa mga estudyante na sa buong Lumang Tipan, ipinahayag ng mga propeta ang paanyaya ng Tagapagligtas na bumaling o bumalik sa Kanya anuman ang dahilan kung bakit sila tumalikod (tingnan sa Deuteronomio 4:30–31; Nehemias 1:9). Kung minsan, tumatalikod tayo nang hindi natin namamalayan na napapalayo na tayo.

Sabihin sa mga estudyante na isipin kung maaaring tumatalikod sila o ang mga taong minamahal nila sa Panginoon. Maaari mong anyayahan ang mga estudyante na pagnilayan ang sumusunod na self-assessment.

Alin sa mga sumusunod na pahayag ang sa palagay mo ay totoo para sa iyo?

Gusto kong tulungan ang mga taong mahal ko na tumatalikod sa Panginoon.
Hindi ko pa talaga naiisip kung gaano ako kalapit sa Panginoon.
Natutukso akong tumalikod sa Panginoon.
Ginagawa ko ang lahat ng aking makakaya upang manatiling malapit sa Panginoon at umaasa akong kaya kong manatiling matatag.

Habang pinag-aaralan ninyo ang Zacarias, humingi ng inspirasyon mula sa Espiritu Santo na tulungan kayo sa inyong mga personal na kalagayan.

Pagbaling sa Panginoon

Pagkalipas ng 50 taon na pagkabihag, maraming Israelita ang nakabalik na sa wakas sa Jerusalem at sa karatig na lugar. Muli nilang itinayo ang lungsod at sinimulan nilang itayo muli ang templo ng Panginoon (tingnan sa Ezra 5:1–2; 6:14). Bagama’t sila man ay pisikal na bumalik sa Jerusalem, maraming tao ang malayo pa rin sa Panginoon sa espirituwal na aspeto. Isinugo Niya ang propetang si Zacarias upang tulungan ang mga tao na bumalik sa Kanya upang Siya ay “maninirahan sa gitna [nila]” (Zacarias 2:10).

Basahin ang Zacarias 1:1–3, at alamin ang ipinagawa ng Panginoon sa Kanyang mga tao.

Gumawa ng apat na column sa pisara. Isulat o ipasulat sa isang estudyante ang sumusunod na hindi kumpletong katotohanan sa pisara sa itaas ng mga column: Bumabalik o bumabaling tayo sa Panginoon sa pamamagitan ng …

Maaari mong isulat sa pisara ang mga sumusunod na scripture passage, isa sa bawat column. Hatiin ang klase sa mga grupo na may tig-aapat na estudyante at anyayahan ang bawat miyembro ng grupo na pag-aralan ang isa sa mga passage. Pagkatapos ay maaaring kumpletuhin ng mga estudyante ang pahayag ng katotohanan gamit ang kanilang passage.

Zacarias 1:4
Zacarias 3:7 (Ang “bibigyan kita ng karapatang makalapit sa mga nakatayo rito” ay maaaring tumutukoy sa pakiramdam na malinis at karapat-dapat sa piling ng mga sugo ng langit.)
Zacarias 7:9–10
Zacarias 8:16–17 (pansinin ang pariralang “kapayapaan sa inyong mga pintuan”)

Ibahagi ang natutuhan ninyo

Anyayahan ang mga grupo na ibahagi ang natutuhan nila. Ang isang paraan upang magawa ito ay anyayahan ang bawat grupo na isulat ang kanilang mga tugon sa prompt 2 o 3 para sa isa sa mga sitwasyon sa naaangkop na column sa pisara.

Kapag tapos nang magbahagi ang mga estudyante, tulungan silang pagnilayan ang natutuhan nila sa pamamagitan ng pag-anyaya sa kanilang gawin ang sumusunod.

Sa iyong study journal, magsulat ng isa o dalawang bagay na sa tingin mo ay makatutulong sa iyo na bumaling sa Panginoon. Mapanalanging anyayahan ang iyong Ama sa Langit na tulungan ka sa iyong mga pagsisikap.

Maaari mong tapusin ang klase sa pamamagitan ng iyong patotoo sa pagmamahal ng Ama sa Langit at ni Jesucristo para sa atin at sa Kanilang patuloy na mapagmahal na paanyayang bumaling sa Kanila.

Karagdagang Resources

Ano ang magagawa ko para lumayo sa kasamaan?

Ipinaliwanag ni Elder David A. Bednar ng Korum ng Labindalawang Apostol:

15:45

Ang una at natural na resulta ng pagtitiwala sa Tagapagligtas ay pagsisisi at paglayo sa kasamaan. Habang tayo ay nananampalataya sa Panginoon, natural tayong bumabaling, lumalapit, at umaasa sa Kanya. Kaya, ang pagsisisi ay pagtitiwala at pag-asa sa Manunubos na gawin para sa atin ang bagay na hindi natin kayang gawin nang mag-isa. Ang bawat isa sa atin ay dapat na “[umasa] nang lubos sa mga awa niya na makapangyarihang magligtas” [2 Nephi 31:19] dahil tanging sa “pamamagitan ng kabutihan, at awa, at biyaya ng Banal na Mesiyas” [2 Nephi 2:8] tayo maaaring maging mga bagong nilalang kay Cristo at sa huli ay makababalik at makapaninirahan sa piling ng Diyos. (“Tipunin ang Lahat ng mga Bagay kay Cristo,” Liahona, Nob. 2018, 23)

Ano ang magagawa ko upang pakitunguhan ang iba nang may awa at pagkahabag?

Sinabi ni Pangulong Russell M. Nelson:

Bilang mga disipulo ni Jesucristo, dapat tayong maging halimbawa kung paano pakitunguhan ang iba—lalo na kapag magkakaiba ang ating opinyon. Isa sa pinakamadadaling paraan para makilala ang isang tunay na tagasunod ni Jesucristo ay kung gaano niya tinatrato nang may pagkahabag ang ibang tao. …

Mahal kong mga kapatid, napakahalaga kung paano natin pakitunguhan ang isa’t isa! Napakahalaga kung paano natin kinakausap at pinag-uusapan ang ibang tao sa tahanan, sa simbahan, sa trabaho, at online. Ngayon, hinihiling ko sa atin na makipag-ugnayan sa iba sa mas dakila at mas banal na paraan. Mangyaring makinig nang mabuti. “Kung may anumang bagay na marangal, kaaya-aya, o magandang balita, o maipagkakapuri” [Mga Saligan ng Pananampalataya 1:13] na masasabi natin tungkol sa ibang tao—siya man ay nakaharap o nakatalikod—iyan dapat ang ating maging pamantayan sa pakikipag-usap. (“Kailangan ng mga Tagapamayapa,” Liahona, Mayo 2023, 98, 99–100)

Paano ako magiging tagapamayapa?

Sinabi ni Pangulong Russell M. Nelson:

Walang sinuman sa atin ang kayang kontrolin ang mga bansa o ang kilos ng iba o kahit pa ang sarili nating kapamilya. Pero makokontrol natin ang ating sarili. Ang panawagan ko ngayon, mga minamahal na kapatid, ay wakasan ang mga tunggaliang namamayani sa inyong puso, sa inyong tahanan, at sa inyong buhay. Ibaon ang anuman at lahat ng hangaring saktan ang iba—dulot man ito ng init ng ulo, matalim na dila, o sama-ng-loob sa taong nananakit sa iyo. Inutusan tayo ng Tagapagligtas na ibaling ang isa pa nating pisngi, na mahalin ang ating mga kaaway, at ipagdasal ang may masamang hangarin na nanggagamit sa atin. …

Tayo ay mga tagasunod ng Prinsipe ng Kapayapaan. Higit kailanman, ngayon natin kailangan ang kapayapaan na Siya lang ang makapagbibigay. Paano natin maaasahang magkaroon ng kapayapaan sa mundo kung hindi naman naghahangad ang bawat isa sa atin ng kapayapaan at pagkakaisa? … Nakikiusap ako na gawin ninyo ang lahat para wakasan ang mga personal na tunggalian na nagngangalit sa inyong puso at sa inyong buhay. (“Ang Kapangyarihan ng Espirituwal na Momentum,” Liahona, Mayo 2022, 97)

Paano kung patuloy akong nagkakamali na nagpapalayo sa akin sa Panginoon?

Itinuro ni Sister Joy D. Jones, dating Primary General President:

Sikaping gumawa nang mas mabuti sa bawat araw. Hindi inaasahan ng Ama sa Langit na magagawa ninyo kaagad ang lahat ng bagay. Ang buhay ay tungkol sa pagkatuto at pag-unlad nang paunti-unti. Nais Niyang patuloy kayong magsikap. At nais Niyang matamasa ninyo ang pag-unlad!

Kung minsan, masyado tayong malupit sa ating sarili. Iniisip natin, “Nabigo ako. Hindi ko ito kayang gawin,” at pagkatapos ay sumusuko na tayo. Ngunit sinasabi ng Tagapagligtas, “Huwag kang sumuko. Narito Ako para tulungan ka!” Dahil kay Jesucristo, hindi natin ito kailangang gawin nang mag-isa. Makakabangon tayo sa ating mga kabiguan at susubok muli sa pamamagitan ng Kanyang tulong. Iyon ang layunin ng buhay na ito. (“Mas Mabuti sa Bawat Araw,” Liahona Kaibigan, Ene. 2020, 20)

Itinuro ni Elder Allen D. Haynie ng Pitumpu:

Pinatototohanan ko na ang Tagapagligtas ay hindi kailanman tatalikod sa atin kapag mapagpakumbaba natin Siyang hahanapin upang magsisi; hindi magsasabing wala na tayong pag-asa; hindi sasabihing, “Ikaw na naman”; hindi tayo tatanggihan dahil sa di-pagkaunawa kung gaano kahirap umiwas sa kasalanan. Ganap Niya itong nauunawaan, pati na ang kalungkutan, kahihiyan, at kabiguan na tiyak na idinudulot ng kasalanan.

Ang pagsisisi ay totoo at mabisa ito. (“Alalahanin Kung Kanino Tayo Nagtitiwala,” Liahona, Nob. 2015, 123)

Mga Karagdagang Aktibidad sa Pag-aaral

Zacarias 3:1–7. Dapat ay malinis tayo upang makaharap sa presensya ng Diyos

Maaaring makatulong sa mga estudyante na pag-aralan ang pangitaing ibinigay ng Panginoon kay Zacarias tungkol kay Josue, ang mataas na saserdote noong kanyang panahon. Ipinakita ng Panginoon kay Zacarias kung paano nilinis si Josue mula sa kasalanan upang makaharap sa presensya ng Panginoon at sa Kanyang mga sugo ng langit habang naglilingkod siya sa templo. Maaari mong anyayahan ang mga estudyante na pag-aralan ang Zacarias 3:1–7 at talakayin kung bakit mahalagang maging malinis kapag nakatayo tayo sa harapan ng Panginoon.

Pagkatapos ay maaaring isipin ng mga estudyante ang isang taong nahihirapang madama na karapat-dapat siyang humarap sa presensya ng Panginoon. Maaaring mag-alala ang taong ito na hindi na siya kailanman makadarama muli na siya ay malinis. Sabihin sa mga estudyante na talakayin kung anong payo ang ibibigay nila sa isang kaibigan na ganito ang nadarama.

Pagkatapos ay maaaring i-cross reference ng mga estudyante ang Zacarias 3:4, Isaias 1:18, at 3 Nephi 27:19. Pagpartner-partnerin ang mga estudyante at anyayahan silang magsanay na ipaliwanag kung paano makatutulong ang mga talatang ito sa kanilang kaibigan.

Kung makikinabang ang mga estudyante sa pag-unawa kung paano tumutulong ang pagiging espirituwal na malinis na makadama sila ng kumpiyansa sa presensya ng mga banal na sugo (tingnan sa Zacarias 3:7), maaari mong ipanood ang video na “Preparation of Joseph F. Smith: I Am Clean” (2:16). Ibinabahagi ng video na ito ang salaysay ng isang pangitain ni Pangulong Joseph F. Smith nang makita niya ang kanyang tiyuhing si Propetang Joseph Smith. Ipinapaliwanag sa salaysay kung paano nakadama ng kumpiyansa si Joseph F. sa harap ng kanyang mga yumaong kapamilya.

2:16

Zacarias 7:4–6. Paggawa ng mga bagay para sa ating sarili o sa Panginoon

Dahil hindi sila ganap na bumaling sa Panginoon, ang mga Israelita noong panahon ni Zacarias ay nagsagawa ng mga panrelihiyong gawain tulad ng pag-aayuno para sa mga maling dahilan. Ipabasa sa mga estudyante ang Zacarias 7:4–6, at alamin ang mga tanong ng Panginoon.

Ang isang paraan para matulungan ang mga estudyante na maunawaan ito ay gumuhit ng dalawang column sa pisara na may label na Para sa Ating Sarili at Sa Panginoon. Sabihin sa mga estudyante na pumili ng ilang kautusan na tumutulong sa atin na bumaling sa Panginoon.

Ano ang mangyayari kung susundin natin ang kautusan na iyon “Para sa Ating Sarili”? Ano ang mangyayari kung ang ating pagsunod ay “Sa Panginoon”?

Pagkatapos mailista ng mga estudyante sa pisara ang ilang kautusan at tugon, hikayatin ang talakayan sa klase sa pamamagitan ng tanong na tulad ng sumusunod:

Sa inyong palagay, bakit mahalaga ang ating mga motibo sa pagsunod sa mga kautusan ng Panginoon?