Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Зехариа 10–14: Их Эзэний өдөр ирэх болно

“Зехариа 10–14: Их Эзэний өдөр ирэх болно,” Хуучин Гэрээний семинарын багшийн гарын авлага (2026)

“Зехариа 10–14: Их Эзэний өдөр ирэх болно,” Хуучин Гэрээний семинарын багшийн гарын авлага

157-р хичээл: Хаггаи 1–2; Зехариа 1–4; 10–14

Зехариа 10–14

Их Эзэний өдөр ирэх болно

"He Comes Again to Rule and Reign" by Mary R. Sauer. Jesus Christ is descending to Earth at his Second Coming. There are men, women, and children surrounding him. He is wearing a red robe and is looking down at those who are gathering.

Биднийг Их Эзэний бошиглогчдоороо дамжуулан сэрэмжлүүлсэн ирээдүйн үйл явдлуудыг таньж мэдэх, итгэлтэйгээр хүлээх боломжтой байж болохын тулд Тэрээр тэдгээрийн тухай нарийн ширийн зүйлийг илчилдэг. Зехариа Аврагчийг эргэн ирнэ, Өөрийн хүмүүсийг тэдний эсрэг тулалдахаар цугларсан үндэстнүүдээс хамгаалах болно хэмээн бошиглосон. Энэ хичээл Аврагч Хоёр дахь ирэлтийнхээ өмнөх үйл явдлуудын үеэр тэдэнтэй хамт байх болно гэдэгт итгэлтэй байхад суралцагчдад тусална.

Суралцагчийн бэлтгэл: Суралцагчдыг Сэдэв ба асуулт (Gospel Library) хэсгээс “Есүс Христийн Хоёр дахь ирэлт” хэсгийг уншихад урь. Тэднийг ангид сурсан эсвэл асуух зүйлээ хуваалцах бэлтгэлтэй ирэхэд урамшуул.

Боломжит суралцах үйл ажиллагаа

Аврагчийн Хоёр дахь ирэлтийг хүлээх нь

Амралтаараа явах, номлолд үйлчлэх, гэрлэх зэрэг ирээдүйд хүлээж байгаа томоохон үйл явдлуудын талаар бодохыг суралцагчдаас хүссэнээр хичээлээ эхлүүлэхийг бод. Тэдгээр үйл явдлын талаар юу гэж бодож байгаагаа хуваалцахад тэднийг урь.

Дараа нь Аврагчийн Хоёр дахь ирэлтийн зургийг үзүүл. Хувь хүмүүс энэ үйл явдлын талаар юу гэж боддогийг харуулах хэдэн үг самбар дээр жагсаан бичихэд суралцагчдыг урь. Энэ жагсаалтад сэтгэл догдлуулам, бэлэн, өөртөө итгэлтэй, амар тайван, айсан, тодорхой бус, сандарсан эсвэл эргэлзээтэй зэрэг үгс багтаж болно.

Суралцагчид Аврагчийн Хоёр дахь ирэлтийн талаар ямар бодолтой байгаагаа дүгнэхийн тулд дараах зүйлсийг хийж болно.

Судлах тэмдэглэл дээрээ дараах асуултуудад хариулна уу.

Аврагчийн Хоёр дахь ирэлтийн талаар та нарт ямар сэтгэгдэл төрж байгааг ямар үгсээр дүрслэх вэ?
Энэ үйл явдал танд хэрхэн мэдрэгдэж байгаад юу нөлөөлж байна вэ?

Аврагчийн Хоёр дахь ирэлтийн талаар асуух зүйл байвал бич.

Хоёр дахь ирэлттэй холбоотой үйл явдлуудыг судлахдаа Сүнсний өдөөлтийг анхааралтай сонсож, эдгээр үйл явдлын үеэр Аврагч тантай хамт байна гэдэгт хэрхэн илүү итгэлтэй байж болохыг мэдэж ав.

Суралцагчдыг бичсэн зүйлээ хуваалцахад урьж болно. Зехариаг судалж байхдаа асуултуудынхаа хариултыг олж мэдэхэд суралцагчдыг урамшуулан дэмж.

Жич: Та Аврагчийн Хоёр дахь ирэлтийн талаарх бүх асуултад хариулах шаардлагагүй. Суралцагчид илүү ихийг мэдэхийг хүсвэл Сэдэв ба асуулт (Gospel Library)-аас “Есүс Христийн Хоёр дахь Ирэлт” зэрэг эх сурвалжуудыг судалж болно.

Зехариа Аврагчийн Хоёр дахь ирэлтийг бошиглосон

Аврагчийн Хоёр дахь ирэлтийн талаарх Зехариагийн бошиглолуудыг ойлгоход суралцагчдад туслахын тулд та дараах догол мөрийг уншиж эсвэл нэгтгэн дүгнэж болно. Мөн суралцагчид Зехариа 10; 12–14-р бүлгүүдийн гарчгийг уншиж болно.

Зехариа эцсийн өдрүүдэд Армагеддоны (Илчлэл 16:16-г үзнэ үү) агуу тулаан Иерусалимын ойролцоо болно гэж бошигложээ. Дэлхийн бүх үндэстэн Иерусалимын эсрэг цугларах болно (Зехариа 12:2–3-ыг үзнэ үү). Тулааны нэг хэсэг болгон, их цэрэг хотыг бүслэх үед Иерусалим бүслэгдэх болно (Зехариа 14:2-ыг үзнэ үү). Тэр үед Аврагч Чидуны уулан дээр үзэгдэнэ (Зехариа 14:4-ийг үзнэ үү).

Суралцагчдыг тараах материалыг бөглөсний дараа, судалж байсан зүйлийнхээ тухай асуулт тавихад урь. Хэрэв та хариултыг мэдэхгүй бол мэдэхгүй байгаагаа тэдэнд хэлээрэй. Тэднийг хариултыг олж мэдэхэд урь. Мөн та хариултыг хичээл дээр эсвэл хичээлээс гадуур хайж болно.

Дараах асуулт суралцагчдад Зехариагийн сургаалуудаас үнэнийг олж тогтооход тусална.

Эдгээр хэсэг танд Есүс Христийн тухай юу зааж байна вэ?

Ярилцлагын нэг хэсэг болгон, Аврагчийн талаар сурсан зүйлээ энгийн үнэний мэдэгдэлд нэгтгэн дүгнэхэд суралцагчдыг урь. Суралцагчид Есүс Христ эцсийн өдрүүдэд эргэн ирж, Өөрийн хүмүүсийг цуглуулан, аварч, хамгаална гэх мэт өөр өөр хариултыг хуваалцаж болно.

Суралцагчдын судруудаас мэдэж авч байгаа үнэнүүд Тэнгэрлэг Эцэг, Есүс Христ хоёрыг амьдралынх нь хайр, хүч, нигүүлслийн нотолгоо юм гэдгийг ойлгох үед хүч чадал ирдэг. Энэхүү биелэлт суралцагчдыг Тэдэнтэй ойр дотно холбоотой гэж мэдрэхэд тусална.

Дараах асуултууд суралцагчдад энэ ойлголтод хүрэхэд тусална.

(Их Эзэний хайр, хүч, нигүүлслийг судруудад заасан үнэнтэй холбосон асуултууд бүхий нэмэлт сургалтыг үзэх бол “Суралцагчдад Их Эзэний хайр, хүч, нигүүлслийг амьдралдаа танихад нь тусал”-ыг Багшийн хөгжүүлбэл зохих ур чадвар хэсгээс үзнэ үү.)
Есүс Христийн талаарх энэ үнэнийг мэдэх нь Түүний Хоёр дахь ирэлтийг итгэл төгс угтахад бидэнд хэрхэн туслах вэ?
Есүс Христ өнөө үед ямар арга замаар Өөрийн хүмүүсийг цуглуулж, аварч, хамгаалж байдаг вэ?

Өмнөх асуултын хариултуудад дараах зүйлс багтана. Үүнд: Есүс Христ бүх хүнийг Өөрт нь ирж, сайн мэдээг нь дагаж, ариун сүмийн адислалуудыг хүлээн авахад урьж цуглуулна. Тэр Өөрийн Цагаатгалын бэлэг болон сайн мэдээний ёслолуудыг санал болгосноор авардаг. Тэр Өөрийн хүслийг амьд бошиглогчид болон судруудаар дамжуулан илчилснээр биднийг хамгаалдаг.

Мэдэж байгаа зүйлээ үзүүлэх

“Хаадын Хаан Та ирээч” (Дуулал, ду. 29) дууллын үгийг унш. Дараа нь дууллын нэмэлт бадгийг бич. Бичихдээ Аврагч Хоёр дахь ирэлтийнхээ үеэр Өөрийн хүмүүсийн төлөө юу хийхээр амласан тухай, Аврагч эцсийн өдрүүдэд Өөрийн хүмүүстэй хамт байх болно гэдэгт итгэлтэй байхад тань эдгээр амлалт хэрхэн туслах тухай Зехариагийн сургаалуудыг багтаа.

Суралцагчдыг бичсэн шүлгээ хуваалцахад уриарай.

Та уг дууллыг ангиараа хамт дуулахдаа, тэдний бичсэн нэг эсвэл түүнээс олон шүлгийг оролцуулан дуулахыг бодож үзэж болох юм.

Та хичээлээ дуусгахдаа Аврагчийн тухай, Түүний Хоёр дахь ирэлтийг итгэлтэй хүлээхэд Тэр танд хэрхэн тусалсан тухай гэрчлэлээ хуваалцаж болно.

Нэмэлт эх сурвалж

Орчин цагийн бошиглогчид Аврагчийн Хоёр дахь ирэлтийн талаар юу заасан бэ?

Ерөнхийлөгч Рассэлл М.Нэлсон ийн заасан.

Их Эзэн мөнх бус амьдрал дахь тохинууллынхаа үеэр ариусгасан тэр газраа эргэн ирэх болно. Тэр ялалт байгуулан, Иерусалимд дахин ирнэ. Нүх сүв бүрээс нь нэвчсэн цусны бэлгэдэл болох хааны улаан нөмрөгтэйгөө Тэрээр Ариун хотод ирэх болно (Сургаал ба Гэрээнүүд 133:46–48-ыг үзнэ үү). Хаа сайгүй “ЭЗЭНий цог жавхлан илэрч, махбодтой бүхэн хамтдаа үзэх болно” (Исаиа 40:5-ыг мөн Сургаал ба Гэрээнүүд 101:23-ыг үзнэ үү). Түүний “нэрийг Гайхамшигт Зөвлөгч, Хүчит Бурхан, Мөнхийн Эцэг, Энхийн Жонон гэж дуудна” (Исаиа 9:6).

Тэрээр дэлхийн хоёр нийслэлд буюу нэг нь хуучин Иерусалимаас (Зехариа 14), нөгөөх нь “Америк тивд байгуулагдах” (Итгэлийн тунхаг 1:10) Шинэ Иерусалимаас тус тус засаглах болно. Тэрээр эдгээр төвөөс Өөрийн Сүмийг болон хаант улсын ажил хэргийг удирдан явуулна. Өөр нэг ариун сүм Иерусалимд удахгүй баригдана. Тэрээр Эздийн Их Эзэний хувьд ариун сүмээс үүрд хаанчлах болно. Ариун сүмийн доороос ус ундран гарна. Сөнөсөн тэнгисийн ус илаарьших болно. (Езекиел 47:1–8-ыг үзнэ үү.)

Тэрээр тэр өдөр шинэ цол хүлээн авч, онцгой гэгээнтнүүдээр хүрээлүүлнэ. Тэрээр “эздийн Эзэн, Хаадын Хаан хэмээн нэрлэгдэх болно. Түүнтэй хамт байгчид нь мөнх бус байдлынхаа итгэлийн дагуу дуудагдсан, сонгогдсон, итгэмжит хүмүүс юм” (Илчлэл 17:14). Тэгээд Тэр “үеийн үед хаанчилна” (Илчлэл 11:15).

Дэлхий дахин диваажингийн байдалд шилжиж, шинэчлэгдэх болно. Шинэ тэнгэр, шинэ газар үүснэ (Илчлэл 21:1; Ифер 13:9; Сургаал ба Гэрээнүүд 29:23–24).

Тэр өдөрт дэлхийг бэлтгэхэд туслах нь бидний үүрэг бөгөөд нэр төрийн хэрэг юм. “Сүмийн ирээдүй: Аврагчийн Хоёр дахь ирэлтэд зориулан дэлхийг бэлтгэх нь,” Ensign, 2020 оны 4-р сар, 13–17)

Бид Аврагчийг эргэн ирэхэд бэлтгэх үедээ юу мэдэрч болох вэ?

Арван хоёр төлөөлөгчийн чуулгын ахлагч Нийл Л.Андэрсэн ийн заасан.

15:55

Та нар зөв зохистой амьдарснаар жил ирэх тусам Есүс бол Христ гэдгийг туршлагууд тань та нарт ахин дахин батлах болно гэдгийг би баталж байна. Та нарын хөл доорх сүнслэг хад бат бөх, аюулгүй байх болно. Бурхан та нарыг Христийн алдар суундаа эргэн ирэх сүүлчийн бэлтгэлийнхээ нэг хэсэг болгон энд байхаар дуудсанд та нар баясах болно. (“Сүнслэг шуурганууд,” 2014 оны 4-р сарын Ерөнхий чуулган, 35)

Аврагчийн эргэн ирэхэд бэлтгэхдээ найдварыг хэрхэн мэдрэх талаарх нэмэлт зөвлөгөөг ерөнхийлөгч Нэлсоны “Сүмийн ирээдүй: Аврагчийн Хоёр дахь ирэлтэд дэлхийг бэлтгэх нь” нийтлэлээс үзнэ үү (2020 оны 4-р сар, 7–11).

Би Армагеддоны тулааны талаар хаанаас илүү ихийг сурч мэдэж болох вэ?

Армагеддоны тулааны тухай дэлгэрэнгүй ярилцахыг хүсвэл Армагеддоны тулаан: Бошиглогчийн үзэл бодол (Хуучин Гэрээний суралцагчийн гарын авлага: 1 Хаад–Малахи [2003], 291–295)-ыг үзнэ үү. Та мөн дэлхий дахиныг хамарсан энэхүү зөрчилдөөний талаар Езекиел 38–39; Зехариа 12–14; Илчлэл 11; Сургаал ба Гэрээнүүд 45:47–53; Судруудын удирдамж, “Армагеддон” (Gospel Library) зэргээс судалж болно.

Нэмэлт суралцах үйл ажиллагаа

Зехариа 9:9. Христ ялгууснаар ирэх тухай бошиглол

Та Аврагчийн Хоёр дахь ирэлтийн талаарх бошиглолуудаас гадна Зехариа Христийн мөнх бус амьдрал дахь тохинууллын үеэр тохиох нэг үйл явдлыг бошиглож хэлсэн гэдгийг тайлбарлаж болно.

Суралцагчдыг Зехариа 9:9-ийг уншаад, Есүс Христийн талаарх бошиглолыг олж мэдэхэд урь. Дараа нь тэднийг Maтай 21:4–11-ийг уншиж, Есүс Христ энэ бошиглолыг хэрхэн биелүүлснийг олж мэдэхэд урь. Та уг үйл явдлыг төсөөлөхөд нь суралцагчдад туслахын тулд “Иерусалимд Их Эзэн ялгуусан байдалтай орж ирэх нь” (1:22) видеог үзүүлж болно.

1:22

Та дараа нь Их Эзэн бошиглогчдод ирээдүйн үйл явдлуудын тухай үнэнийг хэрхэн илчилсэн, энэ нь бидэнд Их Эзэний тухай юу зааж байгааг ярилцаж болно. Суралцагчид бошиглогчдын Есүс Христийн тухай бошиглосон бусад жишээг судруудаас жагсаан бичиж болно. Тэд эдгээр бошиглол хэрхэн Түүний талаарх бидний гэрчлэлийг хүчирхэгжүүлдэг талаар ярилцаж болно.

Аврагчийн Хоёр дахь ирэлтэд бэлэн байх нь

Та суралцагчдад Аврагчийн Хоёр дахь ирэлтэд бэлтгэлтэй байхыг мэдрэхэд туслахын тулд дараах видеонуудын аль нэгийг эсвэл хоёуланг үзүүлж болно.

Israel, Israel, God is Calling—Highlight 1 (Израил, Израил, Бурхан дуудаж байна—Онцлох зүйл 1) (1:53): Ерөнхийлөгч Жэффри Р.Холланд Аврагчийг эргэн ирэх үед өөрсдийг нь хэрхэн олохыг хүсэж байгаа тухайгаа хуваалцав.

1:53

The Righteous Need Not Fear (Зөв шударга хүмүүс айх хэрэггүй) (1:06): Зөв шударга хүмүүс Аврагчийг эргэн ирэх үед айх хэрэггүй хэмээн ерөнхийлөгч Даллин Х.Өүкс заав.

1:8

Судруудаас Хоёр дахь ирэлтийн талаарх асуултуудын хариултыг олох нь

Та Хоёр дахь ирэлтийн тухай судруудыг ашиглан асуултуудынхаа хариултыг олоход нь суралцагчдад туслахын тулд дараах үйл ажиллагаагаар ангийнхнаа жижиг бүлгүүд болгон зохион байгуул. Бүлэг бүрд дараах асуултуудаас нэгийг болон дагалдах судрын шүлгүүдийг оноож өг. Эдгээр шүлгийн заримыг эсвэл бүгдийг судалж, олж мэдсэн зүйлийнхээ талаар богино танилцуулга бэлтгэхэд суралцагчдыг урь. Бүлэг бүрийг сурсан зүйлээ ангийнхантайгаа хуваалцахад урь.

Хоёр дахь ирэлтээр зөв шударга хүмүүст болон ёс бусчуудад юу тохиолдох вэ?
- Зехариа 14:12–13, 16
- Малахи 3:1–3; 4:1–3
- 1 Нифай 22:15–17, 19, 22–23
Аврагчийг эргэн ирэхэд би тэнд байх болов уу?
- Зехариа 14:5
- 1 Тесалоник 4:14–17
- Сургаал ба Гэрээнүүд 45:44–46
- Сургаал ба Гэрээнүүд 88:96–98
Аврагчийн Хоёр дахь ирэлт хэзээ тохиохыг бид мэдэх үү?
- Maтай 24:36
- Сургаал ба Гэрээнүүд 39:20–21
- Сургаал ба Гэрээнүүд 49:7
Аврагчийн Хоёр дахь ирэлтийн өөр ямар тэмдгүүд байдаг вэ?
- Eзекиел 47:1, 8–9
- Иоел 2:30–32
- Зехариа 14:8
- Лук 21:25–28