Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Хаггаи: “Өөрсдийн зам мөрийг хянагтун”

“Хаггаи: Өөрсдийн зам мөрийг хянагтун,” Хуучин Гэрээний семинарын багшийн гарын авлага (2026)

“Хаггаи: ‘Өөрсдийн зам мөрийг хянагтун,’” Хуучин Гэрээний семинарын багшийн гарын авлага

155-р хичээл: Хаггай 1–2; Зехариа 1–4; 10–14

Хаггаи

“Өөрсдийн зам мөрийг хянагтун”

A young man with his arms folded. Squares that show different symbols of activities such as music, books, pencil and paper, and a phone surround him.

Бид завгүй амьдралдаа Их Эзэнд болон Түүний биднээр хийлгэхийг хүсдэг зүйлсэд хэрхэн цаг гаргаж болох вэ? Бид Их Эзэний еврейчүүдэд өгсөн урилгыг дагаснаар Түүнд хэрхэн цаг гаргах талаар “[өөрсдийнхөө] зам мөрийг хянах” (Хаггаи 1:5) нь ашиг тустай. Энэ хичээл амьдралдаа Бурханыг эн тэргүүнд тавихад суралцагчдад тусална.

Суралцагчийн бэлтгэл: Суралцагчдыг ердийн өдөр хийдэг зүйлсийнхээ жагсаалтыг гаргахад урь. Суралцагчид хамгийн чухал гэж мэдэрдэг зүйлсээ тэмдэглээд, яагаад тэдгээрийг чухал гэж үздэг талаараа тунгаан бодож болно. Тэд жагсаалтаа ангид авчирч болно.

Боломжит суралцах үйл ажиллагаа

Их Эзэнийг чухалчлах

Дараах үзүүлэнт хичээлийг “Making Good Use of Your Time” (New Era, July 2020, 34–35) нийтлэлээс авав.

Хичээл эхлэхийн өмнө шилэн саванд чулуу дүүргэж, дээр нь элс нэмээд, сэгсэрч холь. Энэ нь танд шилэн савыг дүүргэх хангалттай элс байгаа эсэхийг баталгаажуулахын тулд юм. Дараа нь элс, чулууг дахин ялга. Шилэн сав, элс, чулуунуудыг ангид авчир. Хичээл эхлэхэд эдгээр зүйлийг суралцагчдад үзүүлж, шилэн сав бидний цагийг, чулуу бидний чухалчилдаг зүйлсийг, элс бидний өдөр тутмын үйл хэргийг төлөөлж байгааг тайлбарла.

Та юуг өдөр бүр цагаа зарцуулж хийдэг вэ?
Их Эзэний бид бүгдээс чухалчлахыг хүсдэг зүйлс юу вэ?

Суралцагчид хоёр дахь асуултад судар судлахуй, залбирал, гэр бүлийн цаг, үйлчлэл гэх мэтээр хариулж болно. Суралцагчдын хариултыг чулуунууд дээр бичихийг бод.

Суралцагчдад юмсыг чухалчлахын үнэ цэнийг ойлгоход нь туслахын тулд эхлээд шилэн савыг элсээр дүүргэ. Дараа нь чулуунуудыг нэмэх гэж оролд, гэвч багтахгүй. Хэрхэн аль алиныг нь багтаах талаар ярилц. Шилэн савыг хоослоод, дахин оролдоод үз. Эхлээд чулууг, дараа нь элсийг нэмж, шилэн савыг сэгсрэн, завсар зайгаар нь холиорой.
Энэ үзүүлэнт хичээлээс бид юу суралцаж болох вэ?
Их Эзэнд болон биднээр өдөр бүр хийлгэхийг хүсдэг зүйлсэд цаг гаргах нь яагаад хэцүү байж болох вэ?

Хаггаиг судлахдаа, Их Эзэнд цаг гаргаснаар Түүний таны амьдралыг хэрхэн адислах тухай Ариун Сүнсний сүнслэг нөлөөг олж мэд.

Ариун сүмийг сэргээн босгох

Суралцагчдадаа Хаггаин тухай ойлголтыг ойлгоход нь туслахын тулд дараах хураангуйг хуваалцахыг бодож үз.

Еврейчүүд Вавилоны боолчлолоос салж Иерусалимд эргэж ирснийхээ дараа ариун сүм, хот, гэр орон, амьдралаа сэргээн босгоход ихээхэн хүчин чармайлт гаргасан (Эзра 1:1–6-г үзнэ үү). Гэвч Их Эзэн 15 гаруй жил өнгөрөхөд тэднийг ариун сүмийг дахин босгох ажлыг чухалчлаагүйд нь дургүйцжээ (Эзра 4:24; Хаггаи 1:3–4-ийг үзнэ үү). Их Эзэн Өөрийнх нь өргөөг барих ажлыг чухалчлахад хүмүүсийг ятгахаар Өөрийн бошиглогч Хаггаиг илгээсэн.

Хаггаи 1:2–4-ийг уншаад, еврейчүүд ариун сүмийг дахин босгоход анхаарлаа хандуулаагүй гэдгийг харуулах үг, хэллэгийг олж мэд.

Та “дээвэрлэсэн” гэдэг нь гоёмсог болгосон гэсэн утгатайг тайлбарлах хэрэгтэй болж магадгүй. Энэ нь тэднийг ариун сүмээ дуусгалгүй орхиж явахдаа өөрсдөдөө тохилог, сайн тавилгатай байшин барьсныг хэлсэн байж болох юм.

Энэ нь үзүүлэнгийн хичээлтэй хэрхэн холбогдож болох вэ?

Хаггаи 1:5–11-ийг уншаад, еврейчүүд ариун сүмийг сэргээн босгохын оронд бусад зүйлийг чухалчилсны улмаас тэдэнд тулгарсан үр дагавруудыг олж мэд.

Хэрэв бид амьдралдаа Их Эзэнийг чухалчлахгүй бол бидэнд ямар үр дагавар гарч болох вэ?

Та суралцагчдыг 5 ба 7-р шүлэг дэх давтагдсан үг хэллэгийг онцлох юм уу тэмдэглэхэд урьж болно.
Их Эзэн хүмүүсийг “зам мөрөө хянах”-д урьсан нь ямар утгатай гэж та бодож байна вэ? (Хаггаи 1:5, 7)

“Энэ өдрөөс Би та нарыг ерөөнө”

Судрын үлдсэн хэсгийг ойлгоход нь суралцагчдад туслахын тулд дараах догол мөрийг унших эсвэл дүгнэхийг бод.

Еврейчүүд болон тэдний удирдагчид Их Эзэний дуу хоолойг дуулгавартай дагасан. Зеруббабел (захирагч), Иошуа (дээд прист) хоёр нь ариун сүмийг дахин босгох ажлыг удирдав (Хаггаи 1:12–14-ийг үзнэ үү). Бошиглогч Хаггаи ч мөн тусалжээ (Эзра 5:1–2-ыг үзнэ үү). Тэднийг хөдөлмөрлөж байхад Их Эзэн урам хайрласан үгс хэлсэн.

Дараах гүйцэд бус үнэнийг самбар дээр бичнэ үү. Хэрэв бид Бурханыг амьдралдаа чухалчилбал …

Ангийг гурван хэсэг болгон хуваарилаад, хэсэг бүрээр дараах сургаалын нэгийг уншуулахыг бод.

Дараах сургаалуудаас нэгийг эсвэл түүнээс олныг уншаад, самбар дээрх өгүүлбэрийг гүйцээж бичихэд Их Эзэн ямар урам зориг өгөхийг олж мэд.

Хаггаи 2:4–5

Хаггаи 2:6–9

Хаггаи 2:18–19

Суралцагчид самбарын урд гараад, өгүүлбэрийг хүссэнээрээ гүйцээж бичиж болно. Тэдний бичиж болох зүйлсийн жишээ:

… Тэр бидний дэргэд байх болно.

… Тэр бидэнд амар амгаланг өгөх болно.

… Тэрээр биднийг сүнслэг болон материаллаг байдлаар адислах болно.

Бурханыг эн тэргүүнд тавьснаар хүлээн авч болох нэмэлт адислалуудыг олж авахын тулд суралцагчид Мозая 2:41, 3 Нифай 13:31–33-ыг уншиж болно. Дараа нь та тэдний олж мэдсэн зүйлсийг самбар дээр нэмж бичиж болно.

Та эдгээр шүлэг дэх Их Эзэний адислалуудаас алиныг нь илүү их хүсэж байна вэ? Яагаад?

Таныг Бурханыг амьдралдаа чухалчлах цаг байхгүй гэж боддог Алэкс гэдэг найзтай гэж төсөөлье. Түүний өдрүүд даалгавар, найз нөхөд, хоббигоор дүүрэн байдаг тул тэрээр ядарч сульдан, сүнслэг зүйлсэд урам зориггүй байдаг. Тэр өөрчлөгдөх хэрэгтэйгээ олж харсан ч юу хийхээ мэдэхгүй байна.

Бурханыг эн тэргүүнд тавихад нь Алэкст туслахын тулд та ямар зөвлөгөө өгөх вэ?
Түүнийг эн тэргүүнд тавьсных нь төлөө Бурхан түүнийг хэрхэн адислах вэ?

Хангалттай цаг гаргаж өгсний дараа та “Бодгалийн чин сэтгэлийн хүсэл”-ийн үлдсэн хэсгийг цагийн код 2:02-оос 3:28 хүртэл үзүүлээд, суралцагчдыг Алэкс өөрчлөгдөхийн тулд юу хийснийг олж мэдэхэд урьж болно.

3:29
Өөр ямар нэг шалтгаанаар Бурханыг амьдралдаа эн тэргүүнд тавьж чадахгүй гэж боддог хүнд та өөр ямар зөвлөгөө өгөх вэ?
Бурхан Өөрйг нь нэгдүгээрт тавих үед та нарыг эсвэл таны таньдаг өөр хүмүүсийг хэрхэн адисалсан бэ?

Төлөвлөгөө гаргах

Энэ хэсэг суралцагчдад сурсан зүйлээ хэрэгжүүлэхэд тусална. Дараах мэдэгдлийг үзүүлэхийг бод.

Арван хоёр төлөөлөгчийн чуулгын ахлагч Дэвид А.Бэднарын дараах урилгыг дор бүрнээ бодож үзээрэй.

13:56

Их Эзэн Хуучин Гэрээний бошиглогч Хаггаигаар дамжуулан Өөрийн хүмүүсийг чөлөөлөхдөө тэдэнд өгсөн “Иймээс одоо, түг түмдийн Эзэн ингэж айлдаж байна. Өөрсдийн зам мөрийг хянагтун” [Хаггаи 1:5] гэсэн сануулгыг би энд давтмаар байна.

Бид бүгд материаллаг болоод сүнслэг нэн тэргүүний зүйлсээ сэтгэлээсээ, залбиран байж дүгнэж цэгнэснээр Тэнгэрлэг Эцэг, Аврагч хоёрын бидэнд өгөхийг хүсдэг элбэг дэлбэг адислалуудад саад болж буй зүйлсийг олж тогтоовол зохино. Мөн Ариун Сүнс бидэнд хэн болохоо олж харахад туслах болно. (“Сион оо, хүч чадлаар хувцаслагтун,” 2022 оны 10-р сарын Лиахона, 94)

Өөрийн чухалчлах ёстой зүйлсийг тунгаан бодох замаар “Өөрсдийн зам мөрийг хянагтун” (Хаггаи 1:5, 7) гэсэн Их Эзэний урилгын дагуу үйлд. Тэнгэрлэг Эцэг, Есүс Христ хоёрын танд өгөхийг хүсэж байгаа адислалуудыг урихын тулд амьдралдаа эрэмбэлэх эсвэл амьдралаасаа холдуулах хэрэгтэй зүйлс байгаа эсэхийг тунгаан бод.

Jar full of rocks with sand or dirt on the side

Тэмдэглэлдээ шилэн савтай чулуу зурж, Бурханыг чухалчлахын тулд амлах амлалтуудаа чулуун дээр тэмдэглэ. Шилэн савны гадна талд элс зураад, хасахыг хүсэж байгаа зүйлсээ тэмдэглэ. Нэг эсвэл хоёр чулуу сонгоод, энэ амлалтуудынхаа юуг хэзээ хэрхэн биелүүлэхээ төлөвлө.

Бид Тэнгэрлэг Эцэг, Есүс Христ хоёрыг амьдралдаа эн тэргүүнд тавьснаар Тэдний адислалуудын тухай өөрсдийн гэрчлэл, бодол санааг хуваалцах талаар бодож үз.

Нэмэлт эх сурвалж

Би яагаад Их Эзэнийг амьдралдаа эн тэргүүнд тавих ёстой вэ?

Ерөнхийлөгч Рассэлл М.Нэлсон ийн сургасан.

Дэлхийн нөлөө, дарамт шахалт тоймгүй ихээс гадна сэтгэл татам байдаг ч дэндүү олон янзын нөлөө нь биднийг төөрөгдүүлж, толгойг маань эргүүлэн, гэрээний замаас биднийг холдуулж чадна. Үүнээс болж зайлшгүй ирэх цөхрөл гунигаас зайлсхийхийн тулд би өнөөдөр та бүхнээс амьдралдаа өдөр бүр Их Эзэнд зориулан цаг гаргаж, дэлхийн уруу таталтыг сөрөн зогсохыг хүсэж байна.

… Их Эзэнд зориулан цаг гаргахыг би та нараас гуйж байна! Та нар үргэлж Ариун Сүнстэй хамт байлгах зүйлсийг хийснээр сүнслэг сууриа цаг хугацааны шалгуурт бат бөх байхаар тавь. (“Их Эзэнд зориулан цаг гарга,” 2021 оны 10-р сарын Лиахона, 120)

Өдөрт хийх ёстой зүйлс маань өдий төдий байхад би сүнслэг зүйлсэд хэрхэн цаг гаргаж чадах билээ?

Ерөнхийлөгч Эзра Тафт Бэнсон (1899–1994) ийн тайлбарлажээ.

Биднийг Бурханыг эн тэргүүнд тавьсан үед бусад бүх зүйл зохих байрандаа орох юм уу бидний амьдралаас алга болдог. Их Эзэнийг хайрлах бидний хайр бидний хайр энэрэл, цаг хугацааны шаардлага, эрэлхийлж буй сонирхол, чухалчлах ёстой зүйлүүдийн маань дарааллыг зохицуулах болно. (“The Great Commandment—Love the Lord,” Ensign, May 1988, 4)

Далын ахлагч Тэрэнс М.Винсон ийн заасан.

Бидний Аврагч, Түүний сайн мэдээ амьдралын маань үндэс суурь болох үед бид үүрдийн баяр баяслыг мэдэрнэ. Гэхдээ сайн мэдээнд ач холбогдол өгөхгүй эсвэл ням гарагт сүмийн цуглаанд ердөө хоёр цаг суух зэргээр дэлхийн зүйлсийг үндэс сууриа болгоход тун амархан. Ийм тохиолдолд бид цалин хөлсөө “цоорхой цүнх” рүү хийж байгаатай адил хэрэг болно.

Хаггаи бидэнд амлалтаа сахь гэж хэлж байна. …

Эд баялаг, хобби, зэрэг зиндаа, сошиал медиа, видео тоглоом, спорт, алдартнуудтай холбоотой байх гээд энэ дэлхий дээрх бүх зүйл мөнх амьдралаас илүү үнэ цэнтэй биш юм. Тиймээс Их Эзэн хүн бүрд “өөрийн зам мөрийг хянагтун” гэж зөвлөсөн. (“Аврагчийн үнэнч шавь нар,” 2019 оны 10-р сарын Ерөнхий чуулган, 6–9)

Нэмэлт суралцах үйл ажиллагаа

Ариун сүмд Их Эзэн бидэнд амар амгаланг өгч чадна

Хэрэв таны суралцагчдад ариун сүмийн тухай илүү гүнзгий ярилцах нь тустай байж чадвал тэднийг Хаггаи 2:6–9-ийг уншаад, Их Эзэний еврейчүүдэд ариун сүмтэй холбоотой амласан адислалуудыг олж мэдэхэд урих талаар бодож үз. Суралцагчдыг сурсан зүйлсээ хуваалцахад урь. Дараах үнэнийг олж тогтооход нь тусал. Биднийг Их Эзэний өргөөнд байхад Тэр бидэнд амар амгаланг өгч чадна. Дараа нь та тэднийг дараах асуултад хариулахад урьж болно.

Ариун сүмд мэдэрсэн туршлагаар дамжуулан Их Эзэн танд амар амгалан өгдөг гэдгийг та хэзээ мэдэрч байсан бэ?

Амьдралаа дахин босгох нь

Хэрэв та ариун сүмийг дахин босгох нь бидний хувийн амьдралтай хэрхэн холбоотой талаар илүү их анхаарал хандуулахыг хүсвэл Прово Сити Сэнтэр ариун сүмийн түүхийг хуваалцахыг бодоорой. Энэ ариун сүмийг шатсан хайртай асрын үлдэгдлээс дахин босгосон (“Provo City Center Temple Completed (Прово Сити Сэнтэр ариун сүм дууссан нь)”-ыг цагийн код 0:05-аас 2:16 хүртэл үзнэ үү).

7:17

Дараа нь суралцагчдыг Хаггаи 2:1–9-ийг уншаад, амьдралдаа устгагдсан ариун сүмийг дахин барьж босгохтой адил байж болох зүйлсийг тунгаан бодоход урь.

Их Эзэн биднийг гай гамшиг, зовлон бэрхшээлийн дараа хэрхэн дахин босгодог вэ?

Көртландын ариун сүмтэй харьцуулах нь

Энэ нь суралцагчдад Иерусалим дахь ариун сүмийг 1833 онд Көртландын ариун сүмийг барьсантай харьцуулахад тусалж болох юм. Суралцагчид Сургаал ба Гэрээнүүд 95:1–3-ыг уншаад, Их Эзэн яагаад израилчуудад дургүйцсэнийг олж мэдэхийн тулд эртний хожмын үеийн гэгээнтнүүдтэй харьцуулж болно.

Израилчууд Их Эзэнийг дуулгавартай дагахыг сонгосон гэдгийг тайлбарласны дараа, анхны гэгээнтнүүд ч мөн Их Эзэнийг дуулгавартай дагаж, тэр даруй Көртландын ариун сүмийг барьж эхэлсэн гэдгийг тайлбарлаж болно. Хоёр ариун сүмийг барихад асар их золиослол, хүчин чармайлт шаардагдсан (Хожмын үеийн гэгээнтний түүх: 1815–1846 оны багшийн материал [2018], 13-р хичээл: “Көртландын ариун сүм”-ийг үзнэ үү).

Чухалчлах зүйлүүдийг тэнцвэртэй байлгах тухай видео

Хэрэв суралцагчдад чухалчлах зүйлсийг тэнцвэртэй байлгах тухай видео тустай байна гэж бодож байвал “Wisdom and Order (Мэргэн ухаан ба дэг журам” (3:19) видеог үзүүлэхийг бод. Та суралцагчдаас Хаггаин түүхтэй холбоотой видеоноос юу сурсныг нь асууж болно.

3:18