Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Нехемиа: “Би агуу ажил хийж байгаа бөгөөд очиж чадахгүй”

“Нехемиа: ‘Би агуу ажил хийж байгаа бөгөөд очиж чадахгүй,’” Хуучин Гэрээний семинарын багшийн гарын авлага (2026)

“Нехемиа: Би агуу ажил хийж байгаа бөгөөд очиж чадахгүй,’” Хуучин Гэрээний семинарын багшийн гарын авлага

Езра 1; 3–7; Нехемиа 2; 4–6; 8: 93-р хичээл

Нехемиа

“Би агуу ажил хийж байгаа бөгөөд очиж чадахгүй”

Nehemiah (Old Testament) inspecting the deteriorating walls of Jerusalem.

Бурхан Нехемиад Иерусалимыг тойрсон хэрмийг дахин босгож, ард түмнээ хамгаалахад сүнслэгээр нөлөөлсөн. Нехемиагийн ард түмэн энэ ажлыг гүйцэлдүүлэхийн тулд байнгын аюул заналхийлэл, анхаарал сарниулсан зүйлсийг даван туулах ёстой байв. Бурхан бидэнд ч бас чухал ажил оноосон бөгөөд тэр ажлыг гүйцэлдүүлэхдээ бид саад бэрхшээлтэй тулгарч болох юм. Энэ хичээл Тэнгэрлэг Эцэгийн даатгасан ажил дээр анхаарлаа төвлөрүүлэхэд суралцагчдыг урамшуулан дэмжих зорилготой.

Суралцагчийн бэлтгэл: Суралцагчдыг ангид ирэхдээ Тэнгэрлэг Эцэг тэднээс энэ долоо хоногт, дараагийн хэдэн жилд, хожмын амьдралдаа анхаарах ёстой гэж үзсэн гурван зүйлийн жагсаалтыг гаргаж ирэхийг урь. Та патриархын адислалаа авсан суралцагчдад жагсаалт гаргахаасаа өмнө үүнийг дахин уншихыг санал болгож болно.

Боломжит суралцах үйл ажиллагаа

Анхаарал сарниулах зүйл

Олон жилийн өмнө нисгэгчид онгоц газардуулахаар бэлтгэж байх үед нисгэгчийн бүхээг дэх жижигхэн гэрэл ассангүй. Нисэх багийнхан гэрлийн чийдэн дээр анхаарлаа төвлөрүүлж, онгоц намаг руу доошилсоор байгааг анзаараагүй аж. Онгоц осолдож, 100 гаруй хүн амиа алджээ.

Тэргүүн зөвлөлийн ерөнхийлөгч асан Дийтр Ф.Угдорф энэхүү эмгэнэлт явдлаас чухал сургамж заажээ.

Онгоц нь механикийн хувьд төгс байдалд байсан. Ганцхан зүйл буюу шатсан гэрлийн чийдэнгээс бусад бүх зүйл ном ёсоороо ажиллаж байв. Ойролцоогоор хорьхон центийн үнэтэй жижигхэн гэрлийн шил бөөн хэрэг мандуулж, зуу гаруй хүний амь насыг харамсалтайгаар авч одсон билээ.

Мэдээж, шатсан гэрэл ослын шалтгаан байгаагүй. Энэ нь нисэх багийнхан хамгийн чухал зүйлийг харалгүй, тэр мөчид хамаатай гэж бодсон зүйл дээрээ анхаарлаа төвлөрүүлснээс болсон байв.

Хамгийн чухал зүйлийн оронд өчүүхэн жижиг зүйлд анхаарлаа төвлөрүүлэх хандлага зөвхөн онгоцны нисгэгчдэд биш, харин хүн бүрд тохиолддог. Бид бүгд аюулд учирч болно. (“Бид агуу ажил хийж байна. Тиймээс ухарч болохгүй,” 2009 оны 4-р сарын Ерөнхий чуулган, 69–70)

Ерөнхийлөгч Угдорфын захиас Есүс Христийн шавь нарын хувьд бидэнд хэрхэн хамаарч болох талаар хуваалцахад суралцагчдыг урь.

Дараа нь та дараах мэдэгдлийг үзүүлээд, суралцагчдаас дотроо уншихыг хүсэж болно. Энэ захиас өөрсдөд нь хэрхэн хамаатайг ойлгохын тулд Сүнсээр дамжуулан өөрсдийг нь удирдан чиглүүлэхийг Тэнгэрлэг Эцэгээс хүсэхэд тэднийг урамшуулан дэмж. Тэд бодол санаагаа судлах тэмдэглэл дээрээ тэмдэглэж болно.

Ерөнхийлөгч Угдорф ийн үргэлжлүүлсэн.

Түр амс хийгээд зүрх сэтгэл, оюун бодолд тань хамгийн чухал зүйл юу вэ гэдгийг шалгана уу. Та нар хамгийн чухал зүйлс дээр анхаарлаа төвлөрүүлдэг үү? Хувийн цагаа хэрхэн өнгөрөөдөг чинь үүнийг тодорхой харуулж болно. Цаг хугацаанд баригдсан үе өнгөрөхөд та нар юун тухай боддог вэ? Зүрх сэтгэл, бодол санаа чинь тухайн үед чухал мэт санагдах агшин зуурын зүйлүүд дээр анхаарсан байна уу эсвэл хамгийн чухал зүйлсийн тухай бодож байсан байна уу? (“Бид агуу ажил хийж байна. Тиймээс ухарч болохгүй,” 2009 оны 4-р сарын Ерөнхий чуулган, 70)

Нехемиагийн ажил

Нехемиа гэдэг иудей хүн Персийн хаан Артаксерксийн үйлчлэгч байсан гэдгийг суралцагчдад тайлбарла. Олон иудей хүн хэдэн жилийн өмнө ариун сүмийг сэргээн босгохоор Иерусалимд буцаж иржээ. Иерусалимын эргэн тойрон дахь хамгаалалтын хана болон хаалга нурсан учраас тэд халдлагад өртөх аюултай байгааг Нехемиа мэджээ.

Дараах үйл ажиллагааг жижиг бүлгээр гүйцэтгэхэд суралцагчдыг урих талаар бодож үз. Бүлгүүдийг алхмуудаа яаралгүй, цаг гарган Нехемиагийн туршлагаас суралцаж ажиллахад урамшуул. Бүлгүүдийг ижил хуваарьтай байлгахын тулд зааврын алхмыг нэг нэгээр нь үзүүлж болно. Дараагийн алхмыг үзүүлэхийн өмнө, ажиллаж байгаа алхмаа хийж дуусгах хангалттай цагийг бүлгүүдэд гаргаж өг.

Нехемиа 1:1–4; 2:1–6, 11–12, 17–18-ыг унш. Нехемиагийн Иерусалимын хэрмийг сэргээн босгох хүсэл нь Бурханы сүнсээр өдөөгдсөн болохыг нотлох баримтуудыг хайж, ярилц.
Бурхан хожмын үеийн гэгээнтэн өсвөр үеийнхнээс Өөрийн бошиглогчдоор дамжуулан анхаарлаа төвлөрүүлэхийг хүссэн гурван зүйлийг хоосон цаасан дээр бич. Үүнийг хийх нэг арга бол хамгийн сүүлийн ерөнхий чуулган дээр хэлсэн үгсийг товч дүгнэн ярилцах явдал юм.

Дараа нь өөр бүлэгтэй цаасаа солилцож, тэдний бичсэн зүйлийн талаар бүлгийнхэнтэйгээ ярилц. (Санамж: Нөгөө бүлгийнхээ цаасыг хадгал. Энэ үйл ажиллагааны 4-р алхамд та үүн дээр ямар нэгэн зүйл нэмэх болно.)
Нехемиа 2:19; 4:1, 7–8-ыг уншаад, Бурханы өгсөн ажилд иудейчүүдийн дайснууд хэрхэн хандсаныг олж мэд. Өнөө үед Сатан хэрхэн Бурханы биднээс хийхийг хүссэн зүйлээс анхаарлыг маань сарниулахын тулд ижил төстэй арга заль ашигладаг талаар ярилц.
Нөгөө бүлгийн цаасан дээрх гурван зүйлийн хажууд өсвөр насныхны хувьд Бурханы бошиглогчоороо дамжуулан өгсөн ажилд анхаарлаа төвлөрүүлэхэд хэцүү байдаг саад, бэрхшээлийг бич.
Нехемиа 4:9, 14–20-ийг уншаад, Тэнгэрлэг Эцэгийн бидэнд өгсөн ажлыг гүйцэлдүүлэхэд сатааруулах зүйлс, бэрхшээлүүдийг даван туулах талаар Нехемиагийн хүмүүсээс юу сурч мэдсэнээ ярилц.
Цаасыг анхны бүлэгт нь буцаан өг. Нөгөө бүлгийнхнийхээ цаасан дээр чинь нэмж оруулсан анхаарал сарниулах зүйлс, бэрхшээлүүдийг уншиж, ярилц. Тэдгээрийг хэрхэн даван туулж, Бурханы бошиглогчдоороо дамжуулан өсвөр насны хүүхдүүдэд өгсөн ажилд анхаарлаа төвлөрүүлж чадах талаар санаануудыг хэлэлц.
Тэнгэрлэг Эцэгийн бидэнд өгсөн ажлыг гүйцэлдүүлэх талаар сурч мэдсэн эсвэл мэдэрсэн зүйлээ нэг өгүүлбэрээр нэгтгэн дүгнэ. Энэ үнэнийг самбар дээр бич.

Үйл ажиллагааны дараа сурч мэдсэн эсвэл мэдэрсэн зүйлээ ангийнхантайгаа сайн дураараа хуваалцахад суралцагчдыг урамшуулан дэмж. Та суралцагчдыг самбар дээр өөр нэг бүлгийн бичсэн үнэнийг онцлон, үүнээс сурч мэдсэн зүйлээ хуваалцахыг урьж болно. Суралцагчдыг үнэнийг хуваалцах үед “Аврагчийн амьдралын ямар сургаал эсвэл жишээнүүд энэ үнэнийг илүү сайн ойлгоход бидэнд тусалж байна вэ?” гэх мэт асуултуудыг тэдэнд тавьж, Есүс Христэд анхаарлаа төвлөрүүлэхэд нь тусал.

Бүлгүүдийн бичсэн байж болох үнэний жишээнүүд нь:

Залбирлаар дамжуулан бид Бурханы ажлыг гүйцэлдүүлэхийн тулд Түүнээс хамгаалалт, хүч чадлыг хүлээн авч чадна. (Нехемиа 1:4; 4:9)

Бурхан үйлчлэгчдэдээ Өөрийнх нь ажлыг гүйцэлдүүлэхэд тулгардаг эсэргүүцлийг даван туулахад туслах болно. (Нехемиа 4:20)

Энэ үйл ажиллагаагаар сурч мэдсэн зүйл тань Бурханы танд өгсөн ажилд анхаарлаа төвлөрүүлэхэд тань хэрхэн тусалж болох вэ?

Хувьдаа хэрэгжүүлэх

Дайснууд нь Нехемиаг тусгайлан бай болгодог байсныг суралцагчдад тайлбарла. Тэд Иерусалимын хэрмийг сэргээн босгох гэсэн Бурханы ажлыг зогсоохыг олон аргаар оролдсон. Нэг арга нь түүнийг илүү амархан хорлохын тулд хотоос гаргахаар уруу татахыг оролдох явдал байв.

Дараахыг чимээгүй гүйцэтгэхэд суралцагчдыг урь. Та тэдэнд хангалттай цаг гарган өгч, Бурхан тэднээс уг мэдэгдлийг хэрхэн дуусгахыг хүсэж байгаа талаар бодоход нь урамшуулан дэмжиж болно.

Нехемиа 6:1–4, 15–16-г уншаад, дайснууд нь Нехемиаг Бурханы ажлаас холдуулах гэсэн оролдлогод түүний хэрхэн хандсанаас юу сурч мэдсэнээ тунгаан бод. (Та 3-р шүлэг таны амьдралд ямар утга учиртай болохыг тэмдэглэж, тунгаан бодож болно.)

Өөрийн амьдрал дээр үндэслэн дараах мэдэгдлүүдийг гүйцээж бич. Бодол санаагаа судлах тэмдэглэл эсвэл судар дээрээ 3-р шүлгийн хажууд бич.

Тэнгэрлэг Эцэг намайг -д анхаарлаа хандуулаасай хэмээн хүсдэг гэдэгт би итгэдэг.

Надад тулгарч болзошгүй анхаарал сарниулах зүйлс эсвэл бэрхшээлүүд нь .

Тэнгэрлэг Эцэгийн ажилд анхаарлаа хандуулах зарим арга зам бол .

Нэмэлт эх сурвалж

Сайн хүмүүс хүртэл анхаарлаа сарниулж болох ямар ямар нөхцөл байдал байдаг вэ?

Арван хоёр төлөөлөгчийн чуулгын ахлагч Ричард Г.Скотт (1928–2015) ийн заасан.

16:37

Хийх олон гайхалтай, сэтгэл татам зүйл байна уу, аль эсвэл амин чухал зүйлс дээр төвлөрөхөд хүндрэл учруулдаг асуудлууд дээрээс тань дарж байна уу? Дэлхийн зүйлс олшроход буруу зүйлс нэн тэргүүн байр суурийг эзлэх нь олонтоо. Ийм үед амьдралын үндсэн зорилгыг мартахад хялбар. Сатан сайн хүмүүсийн эсрэг ашиглах хүчирхэг зэмсэгтэй. Энэ бол сатаарал юм. Тэр сайн хүмүүсийн амьдралыг “сайн зүйлсээр” дүүргэснээр илүү чухал зүйлс оршин байх орон зайгүй болгодог. Та энэ урхинд өөрийн мэдэлгүй орсон байгаа юм биш биз? (“First Things First,” Ensign, May 2001, 7)

Бид Нехемиагийн үлгэр жишээг амьдралдаа хэрхэн хэрэгжүүлж болох вэ?

Тэргүүн зөвлөлийн ерөнхийлөгч асан Дийтр Ф.Угдорф ийн заасан.

Бидний анхаарлыг сарниулж, жишгийг маань доошлуулах уруу таталт бүрд “Бид агуу ажил хийж байгаа бөгөөд очиж чадахгүй” гэж хариулбал хувь хүний хувьд, … ямар их хүчийг хүлээн авахаа бодоод үз дээ.”

… Бурханы хаант улсыг байгуулах ажилд хичээнгүй зүтгэж, эсэргүүцэл, уруу таталттай тулгарсан үедээ “Бид агуу ажил хийж байгаа бөгөөд очиж чадахгүй” гэж хариулах дийлдэшгүй сүнснүүдийг [Их Эзэн] олохыг эрэлхийлж байгаа билээ.”

Тэд зовлон зүдгүүртэй тулгарахдаа “Бид агуу ажил хийж байгаа бөгөөд очиж чадахгүй” гэж хариулдаг.

Тэд доог тохуу, шүүмжлэлтэй тулгарахдаа “Бид агуу ажил хийж байгаа бөгөөд очиж чадахгүй” гэж тунхагладаг.

Мөнхийн хүсэл эрмэлзлээс нь холдуулах өчүүхэн зүйлүүдийг үйл тоох тэднийг Тэнгэрлэг Эцэг маань хайж байна. Тэрээр Өөрийнх нь тэдэнд өгсөн ажлаас анхаарлыг нь сарниулах дайсны урхи, мөн амар хялбар зүйлүүдийг үл тоох хүмүүсийг хайж байна. Тэрээр үйлдэл нь үгтэй нь нийцдэг, “Бид агуу ажил хийж байгаа бөгөөд очиж чадахгүй” хэмээн итгэлтэйгээр хариулах тэдгээрийг хайж байна. …

Уруу таталтаас болж бид хэзээ ч жишгээ бууруулахгүй, анхаарлаа сарниулах зүйлүүдээс болж хамгийн чухал зүйлүүдээ мартахгүй байж, мөр зэрэгцэн хамтдаа няцашгүйгээр зогсон, Их Эзэн Есүс Христийн далбааг зоригтойгоор мандуулах болтугай гэж би үнэн сэтгэлээсээ залбирч байна.

… чанд хатуу хоолойгоор дэлхийд “Бид агуу ажил хийж байгаа бөгөөд очиж чадахгүй” гэж тунхаглах болтугай хэмээн залбирч байна. (“Бид агуу ажил хийж байна. Тиймээс ухарч болохгүй,” 2009 оны 4-р сарын Ерөнхий чуулган, 71–72)

Нэмэлт суралцах үйл ажиллагаа

Нехемиа номын тойм

Суралцагчдыг хичээлийн “Нехемиагийн ажил” хэсэг дэх бүлгийн үйл ажиллагааг эхлэхээс өмнө энэ нь суралцагчдад уг түүхийн товч тоймыг харахад тусалж болно. Үүнд дараах хоёр видео бичлэгийн аль нэгийг ашиглаж болно.

“Бид агуу ажил хийж байна. Тиймээс ухарч болохгүй”цагийн код 8:36-аас11:54 хүртэл. Тэргүүн зөвлөлийн ерөнхийлөгч асан Дийтр Ф.Угдорф Нехемиагийн тухай тоймыг өгсөн.

18:37

“Nehemiah” (1:38) in Old Testament Stories for Kids.

1:38

Бурханы жишиг

Энэ нь Нехемиагийн үлгэр жишээ Сүмийн удирдагчдад сүнслэгээр нөлөөлсөн Бурханы тодорхой зарлиг, жишгүүдэд хэрхэн хамаатай болохыг ойлгоход суралцагчдад тусалж болох юм. Та Бурханы бидэнд өгсөн зарим зарлиг, жишгийг жагсаан бичихийг суралцагчдаас хүсэж болно. Дараа нь эдгээр жишгийг бага багаар бууруулахаар уруу татагдаж болох өөр өөр арга замын талаар хуваалцахыг суралцагчдаас хүс. Санбаллат, Гешем хоёрын уруу таталтад өгсөн Нехемиагийн хариултыг (Нехемиа 6:3–4-ийг үзнэ үү) Бурханы зарлигууд болон жишгүүдээс доошлон “очиж” уруу татагдаж болох орчин үеийн нөхцөл байдалд хэрэгжүүлэхэд суралцагчдыг урь.

Та түүнчлэн Нехемиагийн бууж ирэхээс татгалзсан тууштай байдлыг Алма 47:1–18 дахь Лихонтайгийн цэдэгтэй харьцуулахад суралцагчдыг урьж болно. Лихонтай бас Амаликаягийн эхний хэдэн удаа аюулгүй байдлаас бууж ир гэсэн ятгалгыг эрс эсэргүүцэж байв. Гэвч Нехемиагаас ялгаатай нь, Лехонтай уруу таталтад бууж өгч, улмаар амиа алдсан.

Нехемиа 6:3. “Би агуу ажил хийж байгаа бөгөөд очиж чадахгүй”

Суралцагчдыг Нехемиа 6:1–4, 15–16-г уншсаны дараа, хичээлийн “Хувийн хэрэгжүүлэлт” хэсэг дэх мэдэгдлүүдийг гүйцээн бичихээс өмнө “Нэмэлт эх сурвалжууд” хэсгээс ерөнхийлөгч Угдорфын мэдэгдлийг үзүүлэх талаар бодож үз. Энэ нь Нехемиагийн үлгэр жишээ, үгс тэдний амьдралд хэрхэн хэрэгжиж болох тухай санаануудыг суралцагчдад өгч болох юм.