Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Езра: Их Эзэний өргөөнд ороход бэлтгэх нь

“Езра: Их Эзэний өргөөнд ороход бэлтгэх нь,” Хуучин Гэрээний семинарын багшийн гарын авлага (2026)

“Езра: Их Эзэний өргөөнд ороход бэлтгэх нь,” Хуучин Гэрээний семинарын багшийн гарын авлага

Езра 1; 3–7; Нехемиа 2; 4–6; 8: 92-р хичээл

Езра

Их Эзэний өргөөнд ороход бэлтгэх нь

Амьдралд тохиолдох чухал үйл явдлуудад бэлтгэх түвшин нь бидний туршлагад ихээхэн нөлөөлж болно. Олон израил хүн Бурханы ариун сүмийг сэргээн босгож, шүтэн бишрэхэд бие махбод, сүнслэг байдлаар олон жил бэлтгэсний дараа гүн гүнзгий баяр баясгаланг мэдэрч чаджээ. Тэнгэрлэг Эцэг, Аврагч хоёр маань биднийг Их Эзэний өргөөнд шүтэн биширснээр баяр баясгаланг мэдрэх боломжоор адисалсан. Тэр адислалд бэлтгэх бидний хичээл зүтгэл бидний туршлагад нөлөөлж болно. Энэ хичээл суралцагчдад Их Эзэний ариун сүмд Түүнийг шүтэн бишрэхэд бэлтгэхэд илүү их хүсэл эрмэлзлийг мэдрэхэд тусална.

Суралцагчийн бэлтгэл: Суралцагчдыг Их Эзэнийг ариун сүмд шүтэн бишрэхэд бэлтгэхийн тулд богино болон урт хугацаанд хийж болох зүйлсийн жагсаалтыг гаргахыг урь. Дараа нь тэд өөрсдийнх нь бэлтгэл ариун сүмийн туршлагад хэрхэн нөлөөлж болох талаар бодож үзэж болно.

Боломжит суралцах үйл ажиллагаа

Ариун сүмд орохыг хүсэн хүлээх

Та суралцагчдыг ирээдүйд тохиох сэтгэл хөдлөм үйл явдлуудыг самбар дээр бичихэд урьснаар хичээлээ эхэлж болно. Жишээлбэл: Төгсөлт, гэрлэлт, ажил мэргэжил гэх зэрэг байж болно. Дараа нь суралцагчид самбар дээрээс нэг үйл явдлыг сонгоод, уг үйл ажиллагаанд бэлтгэхийн тулд хэн нэгний хийж болох нэг эсвэл хоёр зүйлийг хамтрагчтайгаа хуваалцаж болно.

1890-ээд онд онцгойлон адислагдахад бэлэн болж байсан Солт Лэйкийн ариун сүмийн дараах зургийг үзүүлэх талаар бодож үз.

Ерөнхийлөгч Вилфорд Вүдрафф (1807–1898)-ын дараах мэдэгдлийг уншаад, түүний олон жилийн турш бэлтгэж, хүсэн хүлээж байсан зүйлийг олж мэд.

[Солт Лэйкийн ариун сүмийг онцгойлон адислах үеэр] ерөнхийлөгч Вилфорд Вүдрафф гэгээнтнүүдэд хандан үг хэлэхээр босов. Тэрээр “Би энэ мөчийг амьдралынхаа сүүлийн тавин жилийн турш тэсэн ядан хүлээсэн” гэж хэлэв. (Saints: The Story of the Church of Jesus Christ in the Latter Days, vol. 2, No Unhallowed Hand, 1846–1893 [2020], 663–664)

Вилфорд Вүдраффыг Солт Лэйкийн ариун сүм баригдаж дуусахыг тэсэн ядан хүлээхэд хүргэсэн ариун сүмийн талаар та юу мэдэх вэ?

Хэрэв суралцагчид өмнөх асуултад хариулахдаа Бурханы талаар дурдаагүй бол та тэдэнд “Ариун сүмд орох, Тэнгэрлэг Эцэг, Есүс Христ хоёртой харилцах харилцаа хоёрын хооронд ямар холбоо байгааг харж байна вэ?” гэх зэрэг асуултыг асууж, энэ холбоог олж харахад нь тусалж болно.

Судлах тэмдэглэл дээрээ дараах асуултуудад хариулж бичихэд суралцагчдыг урь. Одоогийн мэдрэмж, туршлагуудаа эргэцүүлэн бодох цаг гаргах нь биднийг Ариун Сүнснээс суралцахад бэлтгэхэд тусална гэдгийг та тайлбарлаж болно.
Ирээдүйд ариун сүмд орохоор бэлтгэх үед надад ямар мэдрэмж төрж байна вэ?
Их Эзэний өргөөнд Түүнийг шүтэн бишрэхэд өөрийгөө бэлтгэхийн тулд би юу хийж байна вэ?

Ариун сүмийн үйлчлэл дэх баяр хөөр

МЭӨ 605 оны орчимд вавилончууд Иерусалимыг эзэлж, олзлогдсон иудейчүүдийг Вавилон руу цөлж эхлэв. Тэд МЭӨ 587 онд ариун сүмийг эвдэж сүйтгэснээр албадан гаргах ажиллагаа эрс нэмэгдэв. 50 орчим жилийн дараа Кореш хааны удирдлагаар Перс Вавилоныг эзлэн авчээ.

Хэрэв суралцагчид амьдардаг газарт нь ариун сүм баригдахаар зарласныг санаж байгаа бол та тэднийг дараах шүлгийг унших үед тухайн үеийн туршлагыг нь сануулж болно. Эсвэл та суралцагчдаас хэрвээ тэдний амьдардаг газарт ариун сүм барихыг зарлавал тэдэнд ямар санагдахыг төсөөлөхийг хүсэж болно.

Езра 1:1–3-ыг уншаад, Бурхан Кореш хаанд юу хийхэд нь сүнслэгээр нөлөөлснийг олж мэд.

Иудейчүүдэд ямар бодол, мэдрэмж төрж байсан гэж та бодож байна вэ? Яагаад?

Эцэст нь 50,000 орчим иудей хүн Зеруббабелын удирдлага доор ариун сүмийг сэргээн босгохоор Иерусалим уруу буцжээ (Езра 2:1–2, 64–65-ыг үзнэ үү). Ариун сүмийг эвдэж сүйтгэснээс хойш 70 жилийн дараа бошиглолын биелэлт болгон ариун сүмийг дахин барьсан (Исаиа 44:28; Иеремиа 29:10-ыг үзнэ үү).

Езра 6:15–16, 22-ыг уншаад, олон жилийн шаргуу хөдөлмөр, сүнслэг бэлтгэлийн эцэст ариун сүм онцгойлон адислагдахад иудейчүүдэд ямар санагдсаныг тэмдэглэ.

Суралцагчдыг Езра дахь хүмүүсийн цэдгийг үргэлжлүүлэн судлах үед тэднийг дараах үнэний нотолгоог олж харахад урь. Бид ариун сүмд Их Эзэнийг шүтэн бишрэхэд бэлтгэх үед Тэрээр биднийг баяр баяслаар адислах болно. Та энэхүү үнэнийг самбар дээр бичиж болно.

Өсвөр үеийн хүүхдийн амьдралд энэ үнэн ямархуу харагдаж болохыг ойлгоход суралцагчдад тусал. Үүнийг хийх нэг арга зам бол нэг нь ариун сүмд ордог, нөгөө нь ариун сүмд Их Эзэнийг шүтэн бишрэхэд бэлтгэдэг өсвөр үеийн хоёр хүүхдийн тухай товч тайлбарлахад тэднийг урих явдал юм.

Та дараах асуултыг асуухаасаа өмнө, ариун сүмд бэлтгэж эсвэл оролцож байсан туршлагынх нь талаар тунгаан бодоход суралцагчдыг урьж болно.

Ариун сүмд Их Эзэнийг шүтэн бишрэх нь бидэнд хэрхэн баяр баяслыг авчирдаг вэ?

Их Эзэнийг ариун сүмд шүтэн бишрэх нь хэрхэн баяр баясгалан авчирдаг тухай жишээг суралцагчдад үзүүлэхийн тулд Далын ахлагч Кэвин Р.Данканы туршлага бүхий byui.edu/devotionals дээрх “Hearts, Love, and the Temple” видеог цагийн код 21:46-аас 24:05 хүртэл үзүүлэхийг бодож үз.

Видеог үзүүлсний дараа та суралцагчдыг ариун сүмийг шүтэн биширснээр Тэнгэрлэг Эцэг, Есүс Христ хоёртой харилцах бидний харилцаа хэрхэн хүчирхэгжиж болох талаар хуваалцахад урьж болно.

Ариун сүмд ороход бэлтгэх нь

Дараах мэдэгдэл нь суралцагчдад Иерусалимд сүм барьж буй иудейчүүдийн талаар суралцах явцаас ариун сүмд шүтэн бишрэхэд бэлтгэх өөрсдийн бэлтгэл рүү шилжихэд туслах болно. Суралцагчид энэ мэдэгдлийг судартаа Езра 6:15–16-ийн хажууд бичиж эсвэл холбож болно.

Ерөнхийлөгч Рассэлл М.Нэлсон ийн заасан.

Зарим талаараа ариун сүм барих нь ариун сүмд орох хүмүүсийг бэлтгэхээс илүү амархан байдаг. (“Хаалтын үг,” 2019 оны 10-р сарын Ерөнхий чуулган, 139)

Ариун сүмд Их Эзэнийг шүтэн бишрэхэд бэлтгэснээс ариун сүм барих нь яагаад илүү амархан байж болох талаарх шалтгаануудыг хуваалцахад суралцагчдыг урь.

Бид Иерусалимд ариун сүмийг дахин барьж буй иудейчүүдийн туршлагыг судалснаар ариун сүмд Их Эзэнийг шүтэн бишрэхэд бэлтгэх талаар суралцаж чадна.

Суралцагчдыг тараах материалыг бөглөсний дараа өөрсдөд нь төрсөн санаа бодлын талаар ярилцах цаг гаргаж өгөхөд анхаар.

Дараах асуултуудыг үзүүлж болно. Самбар дээр “1,” “2,” “3” гэсэн гурван багана гарга. Суралцагчдыг хариулмаар байгаа асуултын дугаартай багана доор өөрсдийн нэрийг бичихэд урь. Багана бүрээс ангийнхантайгаа хариултаа хуваалцахад бэлэн байгаа суралцагчдыг хариултаа хуваалцахад урь.

Их Эзэний өргөөнд ороход бэлтгэх нь ариун сүмд орохдоо баяр баясгаланг мэдрэхэд бидэнд хэрхэн тусалж чадна гэж та бодож байна вэ?
Их Эзэн таныг ариун сүмд ороход хэрхэн баяр баяслаар адисалсан бэ?
Тэнгэрлэг Эцэг, Есүс Христ хоёр танд ариун өргөөнд нь ороход бэлтгэхэд түлхэц болох талаар та юу мэдэх вэ?

Ариун сүмд Их Эзэнийг шүтэн бишрэхэд өөрсдийгөө бэлтгэх үедээ Түүнээс хүлээж авдаг баяр баясгалангийн талаар гэрчлэлээ хуваалцах талаар бодож үз.

Нэмэлт эх сурвалж

Би яагаад ариун сүмд орохын тулд өөрийгөө бэлтгэх хэрэгтэй вэ?

Ерөнхийлөгч Рассэлл М.Нэлсон ийн тайлбарласан.

Ариун сүм бүрд “Их Эзэнд ариуныг” гэсэн үгсийг сийлбэрлэсэн байдаг. Энэ мэдэгдэл нь ариун сүм ба үүний зорилго аль аль нь ариун болохыг харуулдаг. Ариун сүмд ордог хүмүүс ч ариун зан чанартай байх ёстой. Ариун сүмүүд хүмүүсийн төлөө бэлтгэгдсэн болохоор хүмүүс өөрсдийгөө ариун сүмд бэлтгэх хэрэгтэй. (“Prepare for the Blessings of the Temple,” Liahona, Oct. 2010, 41)

Ариун сүмд орохын тулд золиосол гаргах нь яагаад үнэ цэнтэй байдаг вэ?

Ерөнхийлөгч Томас С.Монсон (1927–2018) ийн тайлбарласан.

21:24

Ариун сүмийн барилга, ариун сүмд орох зэрэг нь үргэлж тодорхой хэмжээний золиос шаардаж ирсэн. Асар олон гишүүн Бурханы ариун сүмд өөрсдийн болон гэр бүлийнхээ төлөөх адислалуудыг олж авахын тулд хөдөлмөрлөн, тэмцсэн.

Яагаад ийм олон хүн ариун сүмийн адислалуудыг хүлээн авахын тулд бүхнээ золиослохыг хүсдэг вэ? Ариун сүмээс ирэх мөнхийн адислалуудыг ойлгодог хүмүүс эдгээр адислалыг хүлээн авахад зориулсан ямар ч золиос үүнээс агуу бус, ямар ч төлбөр их бус, ямар ч тэмцэл хэцүү биш гэдгийг мэднэ. Аялахад хол газар, давахад хэтэрхий хүнд зовлон, тэвчээд баршгүй шаналал гэж байдаггүй. Ариун сүмд хүлээн авдаг авралын ёслолууд нь бидэнд хэзээ нэгэн цагт Тэнгэрлэг Эцэгтээ эргэн очиж мөнхийн гэр бүл болох боломжийг олгодог бөгөөд дээрээс ирэх адислал, хүч чадлыг хүлээн авахын тулд гаргадаг бүх золиослол, чармайлт нь үнэ цэнтэй гэдгийг тэд ухаарч ойлгодог. (“Ариун сүм—Дэлхийн гэрэлт цамхаг,” 2011 оны 4-р сарын Ерөнхий чуулган, 95)

Нэмэлт суралцах үйл ажиллагаа

Орчин үед ариун сүм барихад тулгарах саад бэрхшээл

Ариун сүм барихад гэгээнтнүүдэд тулгарч байсан саад бэрхшээлийн орчин үеийн зарим жишээг харах нь суралцагчдын хувьд сонирхолтой байж болох юм. Эхлээд та Далын ахлагч Кэвин Р.Данканд тохиолдсон явдлыг “Баяр баясгалангийн дуу хоолой!”) видеоны цагийн код 5:42-оос 6:39 хүртэл үзэж болно. Сатан яагаад ариун сүм барих ажлыг зогсоохыг эрэлхийлдэг талаар олж мэдэхэд суралцагчдыг урь.

9:46

Дараа нь та Езра 4:4–5, 24-өөс суралцагчдын сурч мэдсэн зүйл дээр нэмээд дараах жишээнүүдээс нэгийг эсвэл хэд хэдийг хуваалцаж болно.

Америкийн Самоа дахь гэгээнтнүүд 1977 онд Паго Паго хотод ариун сүм барихаар төлөвлөж байгааг зарласнаас хойш тэр ариун сүмийг үзэх гэж 40 гаруй жил хэрхэн хүлээж байсныг олж мэдэхийн тулд “A Mountain of a Challenge”-ийг унш.

“God Will Use You, God Will Bless You” видеог цагийн код 5:14-өөс 12:41 хүртэл үзнэ үү. Тэргүүлэх бишопын зөвлөлийн гишүүн асан бишоп Дийн М.Дэйвийс Пэннсилвэниагийн Филадэлфиа ариун сүмийг барихад тохиолдсон саад бэрхшээлүүдийг хэрхэн даван туулсан талаар хуваалцжээ.

Дараа нь та Их Эзэний өргөөн дэх баяр баясгалан нь гэгээнтнүүдийг ариун сүм барихад хэрхэн түлхэц болж болох байсныг ярилцаж болно.

Өөрийгөө ариун сүмд байгаагаар харах нь

Ариун сүмд орохын тулд өөрсдийгөө бэлтгэх нэг арга зам бол өөрсдийгөө ариун сүмд байгаагаар харах явдал юм. Энэ нь юу гэсэн утгатай болохыг ойлгоход суралцагчдад туслахын тулд та Арван хоёр төлөөлөгчийн чуулгын ахлагч Квинтин Л.Күкийн “Өөрийгөө ариун сүмд байгаагаар хар” видеог цагийн код 3:04-өөс 3:48 хүртэл үзүүлж болно.

16:23

Дараа нь та өөрсдийгөө ариун сүмд байгаагаар харах гэдэг нь юу гэсэн утгатай байж болох талаар ярилцлага удирдан явуулж болно. Суралцагчид үүнийг хийж болох арга замуудыг тодорхойлж болно. Дараа нь тэд өөрсдийгөө ариун сүмд байгаагаар харахын тулд илүү сайн хийхийг хүсэж буй нэг зүйлээ сонгож болно.

Езра 8: Мацаг барилт, залбирлын хүч

Езрагийн номоос мацаг барьж, залбирснаар ирэх адислалуудын талаар суралцах нь суралцагчдад тустай байж болно. Тэдэнд үүнийг хийхэд нь туслахын тулд дараахыг тайлбарлахыг бодож үз.

Иерусалим дахь ариун сүм баригдаж дууссанаас 60 гаруй жилийн дараа Персийн хаан Артаксеркс засаг захиргааны удирдагчдыг томилуулж(Езра 7:25-ыг үзнэ үү), ариун сүмийн үзэмжийг нэмэх өргөлийг өгүүлэхээр Езра гэгч иудей бичээчийг Иерусалим руу илгээсэн талаар мэдэж авсан. Езра Их Эзэний удирдамж, хамгаалалтыг эрэлхийлэн өөрийн хүмүүсийн хамт мацаг барьж, залбирах ёстой гэж шийджээ.

Дараа нь суралцагчид Езра 8:21, 23, 31-ийг уншаад, мацаг барьж, залбирснаар ирэх адислалуудын талаар юу сурч мэдэж болохыг олж мэдэж болно.

Мацаг барьж, залбирах үед Их Эзэн биднийг ямар арга замаар адислах вэ?

Мацаг барих адислалыг мэдэж авахын тулд суралцагчдыг Исаиа 58:6–7 дээрх төгс эзэмших сургаалын судрын хэсгийг уншихыг хүс. Мөн та суралцагчдад мацаг барьж, залбирахын тулд юу хийж болохыг ойлгоход тусалж болно. Gospel Library дээрх Сэдэв ба асуултын “Fasting and Fast Offerings” хэсгийг ашиглахыг бод.

Та мацаг барьж, залбирах талаар ямар туршлага хуримтлуулсан бэ? Та Их Эзэнээс ямар ямар адислал хүлээн авсан бэ?