Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Habakoka: Miandry ny valin’ireo fanontaniana amin-kitsim-po ananantsika

“Habakoka: Miandry ny valin’ireo fanontaniana amin-kitsim-po ananantsika”, Testamenta Taloha: Boky torolalana ho an’ny mpampianatra seminera (2026)

“Habakoka: Miandry ny valin’ireo fanontaniantsika amin-kitsim-po ananantsika” Testamenta Taloha: Boky torolalana ho an’ny mpampianatra seminera

Mika; Nahoma; Habakoka; Zefania: Lesona 153

Habakoka

Miandry ny valin’ireo fanontaniana amin-kitsim-po ananantsika

Rehefa nanana fanontaniana momba ny faharatsiana nanodidina azy ny mpaminany Habakoka dia nikatsaka sy niandry valiny avy tamin’ny Tompo izy. Tahaka an’i Habakoka dia afaka mitodika amin’ny Tompo isika amin’ireo fanontaniana ananantsika. Ity lesona ity dia afaka manampy ny mpianatra hahatakatra ny fomba hihazonana ny finoany an’i Jesoa Kristy rehefa manana fanontaniana izay toa tsy voavaly izy ireo.

Fanomanana ny mpianatra: Asao ny mpianatra hanontany namana na olona iray ao amin’ny fianakaviana raha toa ka efa nanana olana tamina fanontaniana izay toa tsy voavaly izy ireo. Raha izany no izy, dia afaka manontany ny zavatra nataon’io olona io ny mpianatra mba hijanonana ho mahatoky tamin’ny Tompo teo am-piandrasany valiny.

Sahanasa fianarana azo atao

Zavatra voajanahary ny manana fanontaniana

Atsangano ambony amin’ny tanana iray ny tavoara iray misy baraingo ary tavoara iray misy sarin’i Kristy amin’ny tanana ilany. Hazavao fa ny tavoara iray dia maneho ireo fanontaniana na ahiahy mety hananantsika ary ilay tavoara iray hafa dia maneho ny finoantsika ny Tompo sy ny filazantsarany.

Asao ny mpianatra hieritreritra ity fanontaniana manaraka ity mialoha ny hamakiana ny teny nambaran’ny Filoha Uchtdorf.

Line are of a Person having questions and concerns

Mitombina ve izany hoe sady sahirana amin’ny fanontaniana sarotra no manana finoana an’i Jesoa Kristy sy ny Fiangonany naverina tamin’ny laoniny?

Nampianatra ny Filoha Dieter F. Uchtdorf, fony izy tao amin’ny Fiadidiana Voalohany hoe:

44:24

Ny fametrahana fanontaniana no hiavian’ny fijoroana ho vavolombelona. Mety hahatsiaro ho menamenatra na ho tsy mendrika ny sasany satria manana fanontaniana lalina mikasika ny filazantsara, kanefa dia tsy tokony hahatsiaro ho toy izany izy ireny. Ny fametrahana fanontaniana dia tsy mariky ny fahalemena; fa fiantombohan’ny fitomboana.

Mandidy antsika hikatsaka ny valin’ireo fanontaniantsika Andriamanitra ary mangataka ny hikatsahantsika “amin-kitsimpo, omban’ny tena finiavana, sady manam-pinoana an’i Kristy” fotsiny [Môrônia 10:4]. Rehefa manao izany isika dia azo ampahafantarina antsika “amin’ny herin’ny Fanahy Masina” ny fahamarinan’ny zava-drehetra [Môrônia 10:5].

Aza matahotra; mametraha fanontaniana. Meteza ho tia karokaroka, saingy aza misalasala! Tano mafy hatrany ny finoana sy ny hazavana efa noraisinao. (“The Reflection in the Water” [Church Educational System fireside for young adults, Nov. 1, 2009], broadcasts.ChurchofJesusChrist.org)

Nahoana araka ny eritreritrao no mila mahatakatra ny zavatra nampianarin’ny Filoha Uchtdorf ny zatovo?

Fanontaniana sarotra

Niantso an’i Habakoka ny Tompo mba ho mpaminany ho an’ny fanjakan’i Joda talohan’ny fahirano babyloniana tao Jerosalema. Tahaka ireo mpaminany hafa dia nanana fanontaniana i Habakoka ary nikatsaka fahatakarana avy tamin’ny Tompo (jereo ny Jeremia 12:1; Fotopampianarana sy Fanekempihavanana 121:1–6).

Vakio ny Habakoka 1:2–4, ka tadiavo ireo fanontaniana nanahirana an’i Habakoka. Farito ao amin’ny diary fandalinanao ny fomba mety hanehoan’ny olona iray amin’izao fotoana izao fanontaniana na olana mitovitovy amin’izany.

Asao ny mpianatra hizara ny zavatra nosoratany. Mety hizara zavatra toy izao manaraka izao izy ireo:

Tompo ô, mahare ahy ve ianao? (andininy 2)
Nahoana no feno herisetra sy fahotana manodidina ahy? (andininy 3)
Nahoana ny olon-dratsy no afa-maina nefa be ny ratsy vitany? (andininy 4)

Omeo taratasy kely ny mpianatra tsirairay hanoratana ny valinteniny amin’ity fanentanana manaraka ity.

Tahaka an’i Habakoka dia mety hanana fanontaniana ihany koa isika. Manorata fanontaniana sarotra iray izay mety hanananao izay tsapanao fa tsy mbola voavaly.

Azon’ny mpianatra atao ny mametraka ny zavatra nosoratany ao amin’ilay tavoara maneho ny fanontaniantsika.

Atsangano ambony ilay tavoara misy fanontaniana ary apetraho ilay tavoara maneho ny finoantsika an’i Jesoa Kristy. Hazavao fa rehefa manana fanontaniana isika dia mety halaim-panahy hanao ankilabao ny finoantsika an’i Jesoa Kristy satria tsy manana valiny.

Inona no loza ateraky ny fanaovana ankilabao ny finoantsika sy ny fifandraisantsika amin’ny Tompo rehefa manana fanontaniana isika?

Hazony eo an-tananao ireo tavoara roa ary hazavao fa tsy voatery hanao ankilabao ny finoantsika an’i Jesoa Kristy isika noho ireo fanontaniana ananantsika. Afaka mandroso amim-pitokiana ny Tompo isika eo am-pitadiavana valiny.

Rehefa mandalina ny Habakoka ianao dia henoy tsara ireo fahatsapana avy amin’ny Fanahy Masina izay mety hanampy anao handroso amim-pinoana ny Tompo eo am-piandrasana valiny.

Manantena an’ Andriamanitra

Mandritra ny ambin’ny lesona dia azonao atao ny manasa ny mpianatra hanampy zavatra tsikelikely ao amin’ilay tavoaran’ny finoana. Raha manao izany ianareo dia omeo taratasy kely maromaro ny mpianatra mba hanoratany ny zavatra nianarany avy ao amin’i Habakoka na avy amin’ireo mpiara-mianatra aminy momba ny antony na ny fomba hatokisana ny Tompo.

Ho valin’ireo fanontanian’i Habakoka momba ny faharatsiana teo amin’ny fiaraha-monina nisy azy dia nilaza ny Tompo fa “[hanangana] ny Kaldeana” (Babyloniana) Izy mba hanasaziana ny zanak’Isiraely (jereo ny Habakoka 1:6). Nanontany tena i Habakoka hoe nahoana ny Tompo no hamela ny Babyloniana ratsy fanahy handresy ny olony (jereo ny Habakoka 1:12–17).

Vakio ny Habakoka 2:1–4, ka tadiavo ny zavatra nosafidian’i Habakoka hatao rehefa sahirana tamin’ny fanontaniany sy ny fomba namalian’ny Tompo azy izy.

Inona no hitanao?

Azonao atao ny mametraka fanontaniana fanombanana fahatakarana toy ny hoe “Manao ahoana araka ny eritreritrao izany hoe -hahitako izay holazain’[Andriamanitra]- izany? (jereo ny Habakoka 2:1)” na “Manao ahoana izany hoe -ho velon’ny finoan[tsika]- izany? (jereo ny Habakoka 2:4).”

Azonao atao ny manasa ny mpianatra hanampy zavatra izay ianarany ao amin’ilay tavoaran’ny finoana.

Hazavao fa nilaza tamin’i Habakoka ny Tompo fa hofaizina amin’ny farany ny Babyloniana noho ny faharatsian’izy ireo (jereo ny Habakoka 2:5–20).

Vakio ny Habakoka 3:17–19, ka tadiavo ny fomba nisafidianan’i Habakoka ny hiaina tamin’ny alalan’ny finoany ny Tompo.

Raha mila fanampiana ny mpianatra amin’ny fahatakarana ny Habakoka 3:17–18, dia azonao atao ny manazava fa ao amin’ny andininy 17, i Habakoka dia namariparitra vokatra maro tsy araka ny nanampoizana azy (zavamaniry tsy manome voa, saha tsy manome voly sy ny sisa). Ao amin’ny andininy 18, dia nilaza izy fa “hifaly amin’i Jehovah” na inona na inona ho vokany.

Azonao atao ihany koa ny manazava fa ny tongotry ny “dieravavy” ao amin’ny Habakoka 3:19 dia ny tongotry ny ombimanga, izay manampy ny ombimanga mihanika tany sarotra. Io kisary io dia milaza fa hanome antsika fahafahana hihanika ireo tendrombohitsika an’ohatra ny Tompo.

Amin’ny fomba ahoana no anehoan’ny fihetsika sy ny zavatra nataon’i Habakoka ny finoany an’ Andriamanitra?

Ampio ny mpianatra hahita avy amin’ny ohatra nasehon’i Habakoka fa afaka misafidy ny hijanona ho mahatoky amin’ny Tompo isika eo am-piandrasana ny valin’ireo fanontaniana amin-kitsim-po ananantsika.
Inona no fantatrao momba ny Ray any An-danitra sy i Jesoa Kristy izay manampy anao hatoky Azy Ireo eo am-piandrasana valiny?

Rehefa mizara ny zavatra fantany ny mpianatra dia azonao atao ny mametraka fanontaniana fanombanana fahatakarana toy ny hoe “Ahoana no nahafantaranao izany zavatra momba ny Ray any An-danitra sy i Jesoa Kristy izany?”

Azonao atao ny manasa ny mpianatra hanampy ny zavatra izay ianarany avy amin’i Habakoka na avy amin’ny mpiara-mianatra aminy ao amin’ilay tavoaran’ny finoana.

Ny fomba handrosoana

Inona no zavatra ianaranao ka afaka manampy ny zatovo iray hisafidy ny hijanona ho mahatoky amin’ Andriamanitra eo am-piandrasan’izy ireo valiny?

Azon’ny mpianatra atao ny mizara zavatra niainana izay nisafidianan’izy ireo na ny olona iray fantany ny hatoky an’ Andriamanitra tamim-pahatokiana teo am-piandrasana valiny. Azonao atao ihany koa ny mizara ny zavatra niainanao manokana na mijoro ho vavolombelona ny amin’ny antony hatokianao ny Ray any An-danitra sy i Jesoa Kristy.

Amporisiho ny mpianatra hanoratra ny zavatra nianarany androany izay hanampy azy ireo hatoky ny Tompo eo am-piandrasan’izy ireo valiny. Azon’ny mpianatra atao ny mampiditra ireo hevitra ireo ao amin’ilay tavoaran’ny finoana.

Raha ampy ny fotoana dia azonao atao ny mamaky ny sasany amin’ireo taratasy avy ao amin’ilay tavoaran’ny finoana. Rehefa mamaky ianao dia azonao atao ny mangataka ny mpianatra hizara eritreritra na fahatsapana fanampiny izay tonga ao an-tsain’izy ireo.

Hevero ny hitazona ireo tavoara mba hiresahana izany amin’ireo lesona manaraka. Ohatra, azonao atao ny mampiasa ny zavatra nampian’ireo mpianatra tao amin’ny tavoaran’ny finoana mba hanatsarana ny lesona momba ny fifehezana fotopampianarana.

Loharanom-pitaovana fanampiny

Inona no tokony hataoko raha manana fisalasalana na fanontaniana aho?

Ny Filoha Russell M. Nelson dia namporisika hoe:

16:23

Misafidiana ny hino an’i Jesoa Kristy. Raha manana fisalasalana momba an’ Andriamanitra Ray sy i Jesoa Kristy Zanaka Malalany ianao, na ny maha-azo antoka ny Famerenana amin’ny laoniny na ny fahamarinan’ny maha-avy amin’ Andriamanitra ny fiantsoana an’i Joseph Smith ho mpaminany, dia safidio ny hino ary mitoera ho mahatoky. Ento any amin’ny Tompo sy ireo loharano azo antoka ireo fanontanianao. Manaova fandalinana omban’ny faniriana ny hino toy izay amin’ny fanantenana mba hahazoanao mahita tsy fahalavorariana eo amin’ny ambaindain’ny fiainan’ny mpaminany na ireo boky mirakitra soratra masina. Atsaharo ny fampitomboana ireo fisalasalanao amin’ny alalan’ny firesahanao izany amin’ireo mpisalasala hafa. Avelao ny Tompo hitarika anao eo amin’ny dianao mankamin’ny fahatakarana ara-panahy. (“Nitsangana i Kristy; hamindra tendrombohitra ny finoana Azy”, Liahona, mey 2021, 103)

Ahoana ary rahoviana no mety hahatongavan’ny valintenin’ny Tompo?

Nampianatra ny Loholona Robert D. Hales (1932–2017) tao amin’ny Kôlejin’ny Apôstôly Roambinifolo hoe:

16:12

Nianatra aho teo amin’ny fiainako fa indraindray dia tsy mahazo ny valin’ny vavaka iray aho satria fantatry ny Tompo fa mbola tsy vonona amin’izany aho. Rehefa mamaly anefa Izy dia matetika mamaly “etsy kely ary eroa kely” [2 Nefia 28:30] satria izay ihany aloha no zakako na izay ihany aloha no nivononako mba hatao.

Matetika mihitsy isika no mivavaka mba hanana faharetana nefa tiantsika ho azo izao dia izao izany! Fony mbola zatovolahy ny Filoha David O. McKay dia nivavaka izy mba hahazo fijoroana ho vavolombelona momba ny fahamarinan’ny filazantsara. Taona maro taty aoriana, nandritra ny nanaovany asa fitoriana tamin’ny fotoana feno tany Ecosse, dia tonga ihany nony farany izany tenivavolombelona izany. Taty aoriana dia nanoratra izy hoe: “Izany dia fanomezan-toky ho ahy fa ny vavaka natao tamin-pahitsim-po dia voavaly -amin’ny fotoana tsy ampoizina ary any amin’ny toerana iray any ho any-” [Enseignements des Presidents de l’Eglise: David O. McKay (2003), xviii].

Mety tsy fantatsika hoe rahoviana na ahoana no hahatongavan’ ny valintenin’ ny Tompo, saingy mijoro ho vavolombelona aho fa ho tonga amin’ ny fotoanany sy ny fombany izany. Mety mila miandry hatrany amin’ ny fiainana ho avy isika ho an’ ny valinteny sasany. Mety ho marina izany ho an’ ireo fampanantenana sasany ao amin’ ny tsodranon’ ny patriarika azontsika ary ho an’ ireo tsodrano sasany nomena ireo olona ao amin’ ny fianakaviantsika. Aoka isika mba tsy hiala amin’ ny Tompo. Ny fitahiany dia mandrakizay fa tsy mandalo fotsiny ihany. (“Miandry an’i Jehovah: Aoka ny sitraponao no hatao”, Liahona, nôv. 2011, 73)

Sahanasa fianarana fanampiny

Malakia 3:15. “Voaorina tsara izay nanao ratsy”

Ho solon’ny fanombohana ny fotoam-pianarana amin’ny fampiasana ireo fitoeran-javatra dia hevero ny hanomboka amin’ilay fizarana izay ahitana ny hoe “Fanontaniana sarotra”. Rehefa avy mamerina manoratra ny fanontanian’i Habakoka ao amin’ny Habakoka 1:1–4 ny mpianatra dia azonao asaina izy ireo hampifandray ireo andininy ireo amin’ny Malakia 3:13–18. Asao izy ireo hamaky ny Malakia 3:13–15, ka hitady ny fitoviana eo amin’ny fanontanian’i Habakoka sy ireo fanontanian’ny vahoakan’i Malakia. Azonao atao ny mametraka fanontaniana toy ity manaraka ity:

Amin’ny fomba ahoana indraindray no ahitana fa toa faly sy mahomby ireo olona izay tsy misafidy ny hanompo an’ Andriamanitra?
Rehefa mahita fahombiazana ara-nofo eo amin’ny olona izay tsy misafidy ny hanompo an’ Andriamanitra isika, dia nahoana ny olona sasany no mety hihevitra fa “zava-poana ny manompo an’ Andriamanitra” ary manontany tena hoe: “Inona moa no soa efa azo tamin’ny fitandremantsika izay nasainy notandremana … ?” (andininy 14).

Asao ny mpianatra hamaky ny Malakia 3:16–18, ka hitady ny fomba niresahan’ny Tompo momba ireo olana ireo.

Inona ao amin’ny andininy 16–18 no miresaka momba ny ahiahin’ny vahoakan’i Habakoka sy i Malakia?
Ahoana no nanampian’ny Tompo anao tamin’ireo fanontaniana na ahiahy nanananao?

Mihaino an’ Andriamanitra

Azonao atao ny manazava fa ho valin’ny fanahian’i Habakoka dia niresaka momba ny androntsika ny Tompo. Asao ny mpianatra hamaky ny Habakoka 2:14, 20, ka hitady ny zavatra nomen’ny Ray any An-danitra sy i Jesoa Kristy mba hanampiana antsika amin’izao andro farany izao. Asao ny mpianatra hizara ny zavatra hitany.

Tamin’ny fomba ahoana no namenoan’ny Tompo ny tany tamin’ny fahalalana bebe kokoa momba Azy?
Ahoana no nahitanao sy nandrenesanao ny Tompo tamin’ny alalan’ny fikatsahana Azy tao anatin’ny fahanginana nanehoana fanajana fatratra tao amin’ny tempoly?