Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Mika: “[Inona no] ilain’i Jehovah aminao”

“Mika: -[Inona no] ilain’i Jehovah aminao-”, Testamenta Taloha: Boky torolalana ho an’ny mpampianatra seminera (2026)

“Mika: -[Inona no] ilain’i Jehovah aminao”, Testamenta Taloha: Boky torolalana ho an’ny mpampianatra seminera

Mika; Nahoma; Habakoka; Zefania: Lesona 152

Mika

“[Inona no] ilain’i Jehovah aminao”

Jesus Christ hugging a child in the Americas.

Maro amintsika no manontany tena raha toa ka tena sitraky ny Ray any An-danitra sy i Jesoa Kristy ny ezaka ataontsika amin-kitsim-po. Ny mpaminany Mika dia nanontany tena hoe inona no azony atao mba hahafaly ny Tompo. Nampianarina i Mika ny mba “hanao ny marina sy ny ho tia famindram-po ary ny hanaraka an’ Andriamanitrao amin’ny fanetrentena” (Mika 6:8). Ity lesona ity dia afaka manampy ny mpianatra hanao drafitra mba hanao ny marina sy hitia famindram-po ary hanaraka ny Ray any An-danitra sy i Jesoa Kristy amin’ny fanetrentena.

Fanomanana ny mpianatra: Asao ny mpianatra hieritreritra olona vitsivitsy ao amin’ny fianakaviana na namana, ary avy eo dia hieritreritra zavatra manokana izay hataon’izy ireo mba hahafaly ny tsirairay avy amin’ireo olona ireo. Azon’izy ireo soratana ny fomba mety hanaovan’izy ireo zavatra samihafa ho an’ny tsirairay avy amin’izy ireo.

Sahanasa fianarana azo atao

Mampifaly olona samy hafa.

Mialoha ny fotoam-pianarana dia azonao soratana eny amin’ny solaitrabe ity fanontaniana tsy feno manaraka ity.

Hevero ny hanomboka ny fotoam-pianarana amin’ny fanasana ny mpianatra hamaly ilay fanontaniana imbetsaka, ka hameno ny banga amin’ny olona samihafa isaky ny mandeha (neny, dada, mpampianatra, eveka, namana). Afaka mizara izany ao anatina vondron’olon-droa na ao anatina vondrona kely ny mpianatra. Avy eo dia afaka manasa olona nanolo-tena vitsivitsy ianao mba hizara izany amin’ny iray kilasy.

Raha ilaina atao ohatra dia azonao atao ny mizara ny valinteninao manokana amin’ny alalan’ny fampiasana olona samihafa eo amin’ny fiainanao.

Raha te hampifaly ny ______________ -nao ianao dia inona no hataonao?
Nahoana isika no mety hanao zavatra amin’ny fomba samy hafa arakaraka ny olona ezahintsika hampifaliana?

Rehefa avy mizara valinteny vitsivitsy amin’ireo fanontaniana teo aloha ny mpianatra dia soraty eo amin’ilay faritra banga eo amin’ny solaitrabe ny hoe Ray any An-danitra sy i Jesoa Kristy.

Saintsaino ny zavatra tsapanao fa mahafaly ny Ray any An-danitra sy i Jesoa Kristy. Eritrereto ireo zavatra ataonao amin’izao fotoana izao izay mety mahafaly Azy Ireo sy ireo zavatra azonao ovaina amin’ny ataonao. Any amin’ny fiafaran’ny lesona ianao dia hasaina hanao drafitra mba hanarahana ireo fahatsapana voarainao.

Inona no azontsika atao mba hampifaly ny Tompo?

Raha niresaka tamin’ny vahoakan’i Isiraely sy i Joda i Mika dia naminany ny fitsarana izay hianjady amin’izy ireo noho ny faharatsian’izy ireo. Nitalaho tamin’i Isiraely i Mika mba hahatsiaro ireo fitahiana lehibe noraisin’izy ireo avy tamin’ny Tompo ary nanasa azy ireo hibebaka sy hangonina ao Aminy (jereo ny Mika 2–5).

Vakio ny Mika 6:4, dia tadiavo ny sasany amin’ireo fomba nanehoan’ny Tompo ny fitiavany an’i Isiraely.

Avy eo dia vakio ny Mika 7:7–8, 18–20, ary tadiavo ny zavatra nolazain’i Mika fa hataon’ny Tompo ho an’ny vahoakan’ny fanekempihavanany.

Inona no hitanao?
Tamin’ny fomba ahoana no nanaovan’ny Ray any An-danitra sy i Jesoa Kristy an’ireo zavatra ireo ho anao?

Indraindray ny olona dia manana hevitra tsy marina momba ny zavatra azon’izy ireo atao mba hahafaly ny Tompo. Manampy antsika hahatakatra bebe kokoa ny fitiavan’ny Tompo ny mpaminany Mika.

Ao amin’ny Mika 6:6–7, ny mpaminany dia mampiasa ohatra lehibe mba hanehoana fa tsy misy harem-be eo amin’izao tontolo izao afaka hanao izay hahafaly ny Tompo.

Vakio ny Mika 6:8 dia tadiavo ny zavatra azontsika atao mba hahafaly ny Tompo.

Ahoana no mety hamintinanao ny zavatra nianaranao momba fanaovana izay hahafaly ny Tompo?

Mety hampiasa ny teniny manokana ny mpianatra mba hampitana ilay fahamarinana hoe faly ny Tompo rehefa miezaka manao ny marina sy tia famindram-po ary manaraka Azy amin’ny fanetrentena isika.

Inona no takin’ny Tompo?

Fanehoana fankasitrahana ny Tompo

Rehefa avy nandinika ny sosokevitr’ireo mpiara-mianatra aminy ny mpianatra dia ampisehoy ireto torolalana sy famporisihana hisaintsaina manaraka ireto.

Androany ny Fanahy Masina dia mety nanome hevitra tao an-tsainao na fahatsapana tao am-ponao momba ny zavatra iray izay afaka manampy anao hanao ny marina, na hitia famindram-po, na hanaraka ny Tompo amin’ny fanetrentena. Manaova drafitra mba hampiharana ny zavatra nianaranao sy tsapanao amin’ny alalan’ny famenoana ireto famporisihana hisaintsaina manaraka ireto ao amin’ny diary fandalinanao.

Mba hampifaly bebe kokoa ny Ray any An-danitra sy i Jesoa Kristy dia te hifantoka amin’ilay andian-teny hoe “” avy ao amin’ny Mika 6:8 aho.
Ny zavatra iray na roa manokana izay tiako hatao dia: .

Azonao omena toky ireo mpianatra fa tia ny ezaka ataontsika amin-kitsim-po mba hahafaly Azy ny Ray any An-danitra. Ireo ezaka ireo dia manampy antsika hitovy kokoa amin’i Jesoa Kristy isan’andro. Azonao atao ny mizara ny fijoroana ho vavolombelona anananao fa rehefa miezaka hatrany ny hanao tsaratsara kokoa sy ho lasa tsaratsara kokoa isika dia hampitombo ny ezaka amin-kitsim-po ataontsika ny Mpamonjy.

Loharanom-pitaovana fanampiny

Inona avy ireo fomba ahafahantsika maneho ny fitiavantsika an’ Andriamanitra?

Nampianatra ny Loholona Ronald A. Rasband ao amin’ny Kôlejin’ny Apôstôly Roambinifolo hoe:

Ianao koa dia afaka manao fanoloran-tena ankehitriny mba hitia ny Tompo Andriamanitrao. Izany no didy lehibe voalohany, ary tsy niova izany nandritra ireo fotoampitantanana rehetra. …

Diniho miaraka amiko ireto fomba efatra ireto izay ahafahanao maneho fitiavana an’ Andriamanitra. …

Voalohany, mandeha amin’ny lalany rehetra rehefa mampihatra fanetrentena, fatokiana, finoana, faharetana ary herim-po ianao. …

Faharoa, maneho fitiavana an’ Andriamanitra amin’ny alalan’ny fitandremana ny didiny. …

Fahatelo, mifikitra Aminy. Ny hoe mifikitra dia teny ao amin’ny baiboly. Tsy mampiasa izany matetika isika, saingy misy dikany lehibe izany. Ny mifikitra dia ny mijanona akaiky be [“Cleave,” Merriam-Webster Dictionary]. Koa rehefa mifikitra amin’ Andriamanitra ianao dia mijanona eo akaikiny, maheno Azy ianao, ary maheno fanambarana ho anao ianao. Rehefa mihaino ny teniny ianao dia vonona ny hiatrika izay rehetra mitranga. …

Ny teboka fahefatra sady farany … dia ny “hanompoanareo Azy amin’ny fonareo rehetra sy ny fanahinareo rehetra” [Josoa 22:5]. (“What’s Not to Love” [Brigham Young University–Idaho devotional, Feb. 13, 2022] byui.edu)

Mika 5:2 Nahoana no zava-dehibe ny nahaterahan’i Jesoa Kristy tao Betlehema?

Nampianatra ny Filoha Russell M. Nelson hoe:

Amin’ny anjara asany amin’ny maha Andriamanitra Azy dia afaka nisafidy ampahany amin’ity planeta manan-karena ity ny Tompo mba hanatanterahana ny iraka nampanaovina Azy. Afaka nisafidy ireo nosin-dranomasina tsara tarehy izay ahitana zava-maniry maitso mavana sy kanto ery Izy. Afaka nisafidy ireo toerana mahafinaritra any Suisse na Scandinavie Izy, na mety ho naleony nandeha teo amin’ny tanin’i Afrika na Aostralia.

Saingy nisafidy tany be toerana maina sy karankaina Izy, tany izay itoeran’ireo mpirenireny, mipetraka ao anaty lay ary mirenireny foana toy ny ondry sy osy izay andrasan’izy ireo. Nararaotiny ilay sehatra mba hampianarana amin’ny alalan’ny zavatra hita maso ara-toe-tany sy mba hanatanterahana ny soratra masina.

Nisafidy ny ho teraka tao Betlehema izay nifanila tamin’i Jerosalema Izy. Nahoana no Betlehema? Misy dikany ara-tandindona ve ny hevitr’ilay anarana hoe Betlehema, izay midika hoe “tranon’ny mofo“ amin’ny fiteny Hebreo? Ilay Mpanome Lehibe dia nanambara ny tenany ho ilay “mofon’aina”. (Jereo ny Jaona 6:48.) Tena sahaza tsara mihitsy ny hoe Izy, ilay “mofon’aina” dia avy tao amin’ilay “tranon’ny mofo”. (“In This Holy Land,” Liahona, Feb. 1991, 11)

Sahanasa fianarana fanampiny

Mika 5:2 Betlehema, manatanteraka faminanian’i Mika

Raha toa ka mahazo tombontsoa avy amin’ny fifanakalozan-kevitra momba ny faminanian’i Mika momba an’i Betlehema ho toerana hahaterahan’ny Mesia ny mpianatra, dia hevero ny hampiseho ny sarin’ireo Magy. Azonao atao ho solon’izany ny maneho ilay horonan-tsary “The Christ Child” manomboka eo amin’ny mari-potoana 11:30 ka hatramin’ny 17:15.

17:57

Asao ny mpianatra hamaky ny Mika 5:2, ka hitady ny zavatra mety ho fantatr’ireo Magy sy mpisorona ary mpanora-dalàna momba ny fahaterahan’ny Mpamonjy noho io faminaniana io. Azonao atao ny manazava fa andraikitry ny mpisorona sy ny mpanora-dalàna ny fahafantarana ny faminaniana fahiny. Asao ny mpianatra hampifandray ny Mika 5:2 amin’ny Matio 2:4–6.

Azonao atao ny manampy ny mpianatra hanao ny tantaran’ireo Magy ho manan-danja amin’ny alalan’ny fifanakalozan-kevitra momba ireo fanontaniana toy ireto manaraka ireto:

Inona avy ireo “famantarana” sasantsasany izay mampitodika antsika amin’ny Mpamonjy ankehitriny?
Inona no azon’ny zatovo iray atao mba hanarahana ny fahazavana mitarika ananan’ny Mpamonjy amin’izao fotoana izao?

Mety hanampy ny mizara ilay teny nambaran’ny Filoha Nelson ao amin’ny Loharanom-pitaovana fanampiny.

Nampianatra avy ao amin’ny bokin’i Mika i Jesoa

Mety hanampy ireo mpianatra ny mijery ny sasany amin’ireo andinin-tsoratra masina avy ao amin’ny Mika izay nolazain’i Jesoa nandritra ny asa fanompoany sy tamin’ny Nefita. Azonao atao ny mampiseho ireto soratra masina mandeha tsiroaroa manaraka ireto ary manasa ny mpianatra hisafidy iray hohalalinina. Azon’ny mpianatra atao ny mifanakalo hevitra momba ny zavatra azontsika ianarana avy amin’ny Mpamonjy izay manantitrantitra ireo andinin-tsoratra masina ireo.

Mika 4:11–13 sy 3 Nefia 20:18–20. Nampitahain’ny Tompo tamin’ny fijinjam-bary ny fanangonana amin’ny andro farany (jereo ihany koa ny Almà 26:5–7; Fotopampianarana sy Fanekempihavanana 11:3–4).

Mika 5: 8–15 sy 3 Nefia 21:12–21.

Ahoana no mety hampanan-danja ny hafatr’i Mika ao amin’ireo andininy ireo amin’izao fotoana izao?