Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Иона: “Та бол нигүүлсэнгүй мөн өрөвч Бурхан”

“Иона: ‘Та бол нигүүлсэнгүй мөн өрөвч Бурхан,’” Хуучин Гэрээний семинарын багшийн гарын авлага (2026)

“Иона: ‘Та бол нигүүлсэнгүй мөн өрөвч Бурхан,’” Хуучин Гэрээний семинарын багшийн гарын авлага

Амос; Обадиа; Иона: 151-р хичээл

Иона

“Та бол нигүүлсэнгүй мөн өрөвч Бурхан”

The Old Testament prophet Jonah depicted lying on the beach at Nineveh after having survived being swallowed by a whale. The ocean and a whale are depicted in the background. The image depicts Jonah being returned to preach at Nineveh.

Иона болон Ниневегийн хүмүүс асар том алдаа гаргасан ч Их Эзэн тэдэнд нигүүлслийн мутраа сунгасан юм. Бидэнд ч мөн адил хайр, нигүүлсэл үзүүлснийг бид мэдсэнээр Их Эзэнийг “нигүүлсэнгүй Бурхан мөн өрөвч, уурлахдаа удаан, хайр энэрлээр бялхам” (Иона 4:2) хэмээн дуу алдаж болно. Энэ хичээл тэдэнд болон бусдад зориулсан Их Эзэний хайр, нигүүлслийг мэдрэхэд нь суралцагчдад тусалж чадна.

Боломжит суралцах үйл ажиллагаа

Бидний ойлголт

Самбар дээр дараах жинлүүрийг зураад, хажууд нь дагалдах үгсийг бичиж хичээлээ эхлэх талаар бодож үз. Та бусад хүн Тэнгэрлэг Эцэг, Есүс Христ хоёрын талаар ямархуу бодолтой байдгийг суралцагчдаас асуухдаа тэдний хариултыг илэрхийлэхийн тулд жинлүүрийн өөр хэсгүүдэд хэдэн өөр зураас байрлуулж болно.

Энэ жинлүүр нь хэн нэгэн Тэнгэрлэг Эцэг, Есүс Христ хоёрын талаар ямархуу бодолтой байдгийг илтгэж байгаа хэмээн төсөөлөн бод.

Зарим хүн яагаад Тэднийг хайр энэрлээр дүүрэн, өрөвч, нинжин сэтгэлтэй гэж үздэг байхад зарим нь тэгдэггүй вэ?

Тэнгэрлэг Эцэг, Есүс Христ хоёрыг хэрхэн таньж мэдэрч байгаагаа дүгнэхэд нь суралцагчдад туслахын тулд тэднийг дараах зүйлийг тунгаахад урих талаар бодож үз.

Та Тэнгэрлэг Эцэг, Есүс Христ хоёрын талаарх үзэл бодлоо зураасны аль хэсэгт байрлуулахаа тунгаан бод. Та яагаад зураас дээрх энэ газрыг сонгосноо бодож үзээрэй.

Одоо энэ жинлүүр таны бусдын талаар юу бодож, тэдэнд хэрхэн ханддагийг харуулж байна гэж төсөөлөөд үз дээ.

Бид зарим хүнд нэг өөрөөр хандаж, бусдад огт өөр байдлаар хандаж болох ямар шалтгаан байдаг вэ?

Ионагийн түүхийг судлахдаа Тэнгэрлэг Эцэг, Есүс Христ хоёрын жинхэнэ мөн чанарыг олж харахад туслах Ариун Сүнсийг эрэлхийл. Тэдний тухай сурч мэдсэн зүйл тань бусдыг харах, бодох эсвэл бусдад хандах таны хандлагад яаж нөлөөлж болох талаар бодож үз.

Ионагийн түүх

Иона 1:1–3-ыг уншаад, Их Эзэн Ионад ямар заавар өгснийг болон Иона хэрхэн хариулсныг олж мэд.

Ниневегийн хүмүүст номло гэсэн Их Эзэний зааварт Ионагийн үзүүлсэн хариу үйлдлээс тэр уг зааврын талаар юу гэж бодож байсан тухай та юу мэдэж болох вэ?

Суралцагчдад энэ дасгалыг хийж дуусгах цаг өгсний дараа тэднийг байгаа асуултуудаа асуухад эсвэл энэ түүхийг судалснаар олж мэдсэн зүйлээ хуваалцахад урь.

Хэрэв шаардлагатай бол Иона 4-р бүлэгт Иона Их Эзэн өөрт нь нигүүлсэнгүй, өршөөнгүй хандсанд талархсан ч Ниневегийн хүмүүст ийн хандахад дургүйцсэн тухай өгүүлдэг гэдгийг тайлбарла. Их Эзэн Ионад Ниневегийн хүмүүс Өөрийнх нь хувьд эрэндийн бутнаас ч илүү үнэ цэнтэй гэж заасан.

Дараах гүйцэд бус үнэнийг самбарт бичих талаар бодож үз. Ионагийн түүхээс сурсан зүйлсээ ашиглан үнэнийг гүйцээж бичихэд суралцагчдыг урь.

Их Эзэн бол …

Бид Их Эзэнтэй адилхан болохын тулд … ёстой

Самбар дээрх мэдэгдлүүдийг суралцагчдын хуваалцсан үг, хэллэгээр гүйцээж бичих талаар бодож үз:

Их Эзэн нигүүлсэнгүй, нинжин сэтгэлтэй бөгөөд өршөөнгүй.

Бид Их Эзэнтэй адилхан болохын тулд Түүний адил нигүүлсэнгүй, нинжин сэтгэлтэй, өршөөнгүй байх ёстой.

Та Ионагийн түүхээс эдгээр үнэнийг харуулсан тодорхой жишээнүүдийг хуваалцахад суралцагчдыг урьж болно. Тэд мөн сонгосон үг эсвэл хэллэгээ ойлгож мэдэх нь өөрсдөд нь яагаад чухал гэж бодож байгаагаа хуваалцаж болно.

Бусдыг хайрлах эсвэл өршөөнгүй хандах нь яагаад амаргүй байдаг вэ?
Их Эзэний нигүүлсэл, хайрын тухай олж мэдэх нь бусдыг харах, бодох эсвэл бусдад хандах бидний хандлагад хэрхэн нөлөөлж болох вэ?

Их Эзэнтэй адил болох нь

Суралцагчид дээр жагсааснаас өөр үнэнүүдийг олж тогтоосон байж болно. Хэрэв тэгсэн бол олж мэдсэн үнэнүүдийнх нь талаарх суралцагчдын ойлголтыг гүнзгийрүүлэх арга замуудыг бодож үз. Дараах үйл ажиллагаанууд суралцагчдад дээрх үнэнүүдийг илүү сайн ойлгож, тэднийг болон бусдыг хайрлах Их Эзэний хайрыг мэдрэхэд тусална.

Та суралцагчдыг хоёр хоёроор нь хуваарилж, суралцагч бүрээр нэг үйл ажиллагааг бие даан гүйцэтгүүлж болно. Дараа нь тэд олж мэдсэн зүйлээ бие биедээ зааж өгч болно. Эсвэл хамтрагчид нэг үйл ажиллагааг хамт хийж, сурсан зүйлээ бие биетэйгээ хуваалцаж болно.

Дараах жишээнүүдийн нэгийг сонго:

Жишээ А. Танд Тэнгэрлэг Эцэг, Есүс Христ хоёрыг харгис хэрцгий, энэрэлгүй, өршөөлгүй гэж боддог нэг найз байна гэж төсөөл.

Жишээ Б. Өөр хэн нэгэнд энэрэнгүй, сайхан сэтгэлээр хандаж, уучлахад бэрхшээлтэй байгаа найз танд байна гэж төсөөл.

Дараах зүйлийг хий:

Ионагийн түүхээс найзтайгаа хуваалцаж болох нэг шүлгийг ол. (Та тус болох өөр судрын хэсгүүдийг олж болно.)
Тус болж болох нэг туршлагын талаар бодож үз. A жишээний хувьд: Их Эзэн танд эсвэл таны мэддэг хэн нэгэнд хайр, нигүүлслийг үзүүлсэн үеийн талаар бод. Б жишээний хувьд: Их Эзэн танд эсвэл таны мэддэг хэн нэгэнд бусдад хайр, нигүүлсэл үзүүлэхэд нь тусалсан үеийн тухай бод.

Та юу олж мэдсэн бэ?

Өөрсдийг нь болон бусдыг гэсэн Их Эзэний хайр, нигүүлслийг харж, мэдрэхэд нь суралцагчдад туслахын тулд тэднийг халим, том ургамал гэх мэт Ионагийн түүхийг сануулж болох ямар нэгэн зүйлийг судлах тэмдэглэлдээ зурахад урь. Дараа нь тэд зурсан зургийнхаа дотор эсвэл хажууд нь асуултуудын аль нэгэнд өгсөн хариултаа бичиж болно.

Судлах тэмдэглэл дээрээ дараах асуултуудын аль нэгэнд хариулж бичих талаар бодож үз:

Та өнөөдөр Тэнгэрлэг Эцэг, Есүс Христ хоёр энэрэнгүй, нинжин сэтгэлтэй, өршөөнгүй гэдгийг мэдрэхэд тань тусалсан юуг олж мэдсэн бэ?
Хайрлаж эсвэл өршөөхөд хэцүү байгаа хүмүүсийг хайрлах Тэдний хайрыг мэдрэхэд тань туслах ямар зүйл өнөөдөр та нарт тохиолдсон бэ?

Нэмэлт эх сурвалжууд

Тэнгэрлэг Эцэг, Есүс Христийн жинхэнэ мөн чанарыг ойлгоход надад юу тусалж чадах вэ?

Далын ахлагч Робэрт М.Дэйнс ийн гэрчилсэн:

10:23

Ерөнхийлөгч Нэлсоны заасанчлан “Аврагчийн талаар илүү ихийг сурах тусам Түүний нигүүлсэл, хэмжээлшгүй хайранд … итгэж найдахад хялбар болно.” Та мөн Тэнгэрлэг Эцэгтээ илүү ихээр итгэж, Түүнийг илүү ихээр хайрладаг болно.

Есүс бидэнд “Бурхан бидний Мөнхийн Эцэг хэн болох мөн ямар болохыг, түүнчлэн … бүх насны, өөр өөр улс үндэстний хүүхдүүддээ хэрхэн Өөрийгөө бүрэн зориулдгийг харуулахаар” ирсэн гэж ахлагч Жэффри Р.Холланд заасан.

Паул Бурхан бол “[бүх] өршөөлийн Эцэг бөгөөд бүх тайвшралын Бурхан мөн” хэмээн хэлсэн.

Хэрэв та Түүнийг өөрөөр харж байвал үргэлжлүүлэн хичээ. (“Эзэн, бид Есүсийг хармаар байна,” Лиахона, 2023 оны 11-р сар, 12-15)

Бурхан хүмүүсийг адисалж байгааг харах үед, тэр дундаа тэд үүнийг хүртэх эрхгүй гэж бодож байгаа үед бид яах ёстой вэ?

Далын ахлагч бага Лигранд Р.Көртис ийн тайлбарлажээ:

Бүх хүүхдээ гэсэн Тэнгэрлэг Эцэгийн хайр хэмжээлшгүй бөгөөд энэ нь бусдын амьдралд илэрч байгаа үед дургүйцэх хэрэггүй юм. Биднийг хангалттай их хайраар хайрладаг бөгөөд үрэлгэн хүүг эргэж ирснийг тэмдэглээд зогсохгүй аль болох олон хүнийг сүрэгтээ “эсэн мэнд” (Лук 15:27) эргэн ирэхэд нь туслахын тулд энэхүү хайрыг илүү бүрэн дүүрэн хуваалцдаг. (“He Ran, and Fell on His Neck, and Kissed Him,” Ensign, 2015 оны 1-р сар, 47)

Арван хоёр төлөөлөгчийн чуулгын ерөнхийлөгч Жэффри Р.Холланд ийн заасан:

15:23

Өөр хэн нэгэн хүн гэнэтийн адислал хүлээн авч эсвэл онцгой сайшаал хүртэх цаг үеүд бидний амьдралд тохиолдох болно. Бусад хүнд сайн сайхан ивээлүүд ирэх үед уурлахгүй бас атаархаж жөтөөрхөхгүй байгаарай гэж би гуйж болох уу? Бусдад илүү их зүйл өгөгдлөө гээд бидэнд байгаа нь багасаж, байхгүй болно гэсэн үг биш шүү дээ. Бид хоорондоо хэн нь хамгийн баян, хамгийн авьяастай, хамгийн царайлаг эсвэл бүр хамгийн ихээр адислагдсаныг үзэхээр уралдан тэмцэлдэж байгаа биш. Харин бидний үнэхээр тэмцэлдэж байдаг зүйл бол нүгэл хилэнц бөгөөд тэдгээрээс хамгийн нийтлэг нүгэл нь атаа жөтөө гэдэг нь гарцаагүй юм. (“Талбайд хөдөлмөрлөгсөд,” Ерөнхий чуулган, 2012 оны 4-р сар, 32-34)

Бурхан үнэхээр нигүүлсэнгүй, хайр энэрлээр дүүрэн учраас би үнэхээр наманчлах хэрэгтэй гэж үү?

Арван хоёр төлөөлөгчийн чуулгын ахлагч Д.Тодд Кристоффэрсон ийн заасан.

13:12

Бурханы хайр бүхнийг багтаадаг учраас зарим хүн үүнийг “болзолгүй” гэж ярьж, тунгааж, түүнчлэн Бурханы адислалууд хийгээд аврал нь “болзолгүй” гэсэн утгатай хэмээн тодорхойлж магадгүй юм. Гэвч тийм биш. Зарим хүн “Аврагч намайг байгаагаар минь хайрладаг” гэж байнга хэлдэг. Энэ нь ч гарцаагүй үнэн. Гэхдээ Тэр бидний хэнийг нь ч Өөрийн хаант улсад одоо байгаагаар маань оруулж чадахгүй бөгөөд “учир нь цэвэр ариун бус зүйл тэнд оршиж чадах нь үгүй, эсвээс түүний дэргэд орших нь үгүй” (Мосе 6:57-г үзнэ үү). Эхлээд бидний гэм нүглийн асуудал шийдвэрлэгдсэн байх ёстой. (“Бурханы хайр,” Лиахона, 2021 оны 11-р сар, 16–18)

Нэмэлт суралцах үйл ажиллагаа

Ионагийн түүхийг төсөөлөх нь

Хэрэв суралцагчдад тустай гэж үзвэл “Jonah the Prophet” (2:30) видеог үзүүлэх талаар бодож үз. Энэ видео бичлэг нь тараах материалыг гүйцэтгэж дуусгахын өмнө эсвэл дараа нь Ионагийн түүхийг төсөөлөхөд суралцагчдад тусална.

2:30

Ионагийн орчин үеийн жишээ

“Их Эзэнтэй адил болох нь” хэсэг дэх видео бичлэгийн оронд та “Ахин хийхэд оройтоогүй” нийтлэлийн түүхийг хуваалцаж болно. Энэ нийтлэлд сургуульд амжилттай сурах итгэл найдвараа алдсан ч ааваараа дамжуулан тайтгарал, итгэл найдварыг хүлээн авсан нэгэн залуу эмэгтэйн түүхийг өгүүлдэг. Та энэ түүхийг хуваалцсаны дараа тус түүхэнд гарч буй эцэг бидний Тэнгэрлэг Эцэгтэй юугаараа адилхан болохыг хуваалцахыг суралцагчдаас хүсэж болно. Дараа нь тэд Тэнгэрлэг Эцэг өөрсдийнх нь амьдралд хэзээ нигүүлсэл, хайрыг үзүүлж байгааг мэдэрсэн туршлагаасаа хуваалцаж болно.

Бусдад хайр, нигүүлслээ харуулах нь

“Их Эзэнтэй адил болох нь” хэсэг дэх видео бичлэгийн оронд “President Uchtdorf: Forgiveness” (3:40) видео бичлэгийг үзүүлэх талаар бодож үз. Энэ видео бичлэгийг Их Эзэн бидэнд ханддаг шиг нигүүлсэнгүй, өршөөнгүй байхын ач холбогдлыг ойлгоход нь суралцагчдад туслахын тулд ашиглаж болно. Суралцагчид өөрсдөд нь таатай биш эсвэл уучлахад хэцүү байж болох хэн нэгний талаар бодох зуураа энэ видео бичлэгийг үзэж болно.

3:40

Иона 2. Наманчлалаар дамжуулан Их Эзэний нигүүлслийг мэдрэх нь

Хэрэв наманчлалын ач холбогдлын талаар ярилцахад илүү цаг зарцуулах нь суралцагчдад тустай гэж бодож байвал тэднийг Иона 2:1–10-ыг хоёр хоёроороо судлахад урь. Тэд Ионагийн залбирлаас түүний чин сэтгэлээсээ наманчлах хүсэлтэй байгааг илэрхийлж буй үг хэллэгийг хайж олж болно.

Та Ионагийн түүхээс Их Эзэн түүнийг наманчилсан учраас өршөөсөн гэдгийг харуулсан ямар нотолгоо олсныг суралцагчдаас асууж болно. Дараа нь та хүмүүс чин сэтгэлийн наманчлалаар дамжуулан Их Эзэний нигүүлслийг мэдэрсэн өөр жишээг олж тогтооход суралцагчдад тусалж болно.