Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Амос 8: Сүнслэг өлсгөлөнгөө дарах нь

“Амос 8: Сүнслэг өлсгөлөнгөө дарах нь,” Хуучин Гэрээний семинарын багшийн гарын авлага (2026)

“Амос 8: Сүнслэг өлсгөлөнгөө дарах нь,” Хуучин Гэрээний семинарын багшийн гарын авлага

Амос; Обадиа; Иона: 150-р хичээл

Амос 8

Сүнслэг өлсгөлөнгөө дарах нь

191st Semiannual General Conference: Russell M. Nelson

Бид бүгдээрээ өлсөж үзсэн. Сүнслэгээр өлсөж зовох нь ямар байдгийг төсөөлөөд үз дээ. Их Эзэн Амосоор дамжуулан энэ дүрслэлийг ашиглан Израилчуудад заасан. Амос өөрийнх нь хүмүүс Их Эзэний үгийг хүлээн авахаас татгалзсан учраас дахин тэдэнд өгөгдөхгүй гэж бошиглосон. Их Эзэний үгийг алдах нь сүнслэг өлсгөлөнд хүргэнэ. Энэ хичээл Тэнгэрлэг Эцэг, Есүс Христ хоёр сайн мэдээний сэргээлтээр дамжуулан тэдний сүнслэг өлсгөлөнг дарна гэдэгт итгэх итгэлээ нэмэгдүүлэхэд суралцагчдад тусалж чадна.

Суралцагчийн бэлтгэл: Судрууд эсвэл бошиглогчдын үгс байгаагүй бол амьдрал нь хэрхэн өөр байх байсныг тунгаан бодоход суралцагчдыг урь. Суралцагчид бодол санаагаа хуваалцах бэлтгэлтэйгээр ангид ирж болно.

Боломжит суралцах үйл ажиллагаа

Сүнслэг өлсгөлөн

Хоол хүнсний зураг эсвэл энгийн хүнсний зүйл авчирч, дараах асуултуудыг тавих замаар хичээлийг эхлүүлэх талаар бодож үз.

Та хэзээ онцгой их өлсөж үзсэн бэ?
Өлссөн үедээ бид яадаг вэ?

Хариулт нь бухимдах, тамир тэнхээгүй болох эсвэл ямар нэг юм идэхээр улайрах зэрэг байж болно.

Самбарт Сүнслэг өлсгөлөн гэж бич.
Хүмүүсийн сүнс юугаар өлсөж, юуг олох гэж зүдэрч болох вэ?

Суралцагчийн хариултыг самбарт бичих талаар бодож үз. Суралцагчид Бурханы хайр, амьдралын зорилго, үнэнийг мэдэх, хэцүү шийдвэр гаргахад чиглүүлэх удирдамж заавар гэх мэт зүйлсийг хэлж болно.

Та эсвэл таны таньдаг хэн нэгэн хэрхэн сүнслэгээр өлсөж болох арга замуудыг судлах тэмдэглэлдээ бичихэд цаг гарга.

Есүс Христийн санал болгодог сүнслэг тэжээлийг хүлээн авахын тулд юу хийж болохоо тунгаан бодох үедээ өнөөдөр Ариун Сүнсийг эрэлхийлэхэд суралцагчдыг урамшуулан дэмж.

Их Эзэний үгийг сонсохын төлөөх өлсгөлөн

Бошиглогч Амос сүнслэгээр өлсөх тухай бошиглосон. Тэрээр Их Эзэний үгсийг Израилын хүмүүст илчилсэн боловч тэд сонсохыг хүсээгүй ( Aмос 2:12; 7:11–16-г үзнэ үү).

Хэрэв та энэ нь тустай гэж үзвэл, Израилчууд Амосоор дамжуулан Их Эзэний үгэнд хэрхэн хандсан болохыг ойлгохын тулд Амос 7:12–13-ыг уншихад суралцагчдыг урь.

Aмос 8:11–12-ыг уншаад, хүмүүс Их Эзэний үгийг эсэргүүцсэнээр гарах үр дагавруудыг олж мэд.

Шаардлагатай бол өлсгөлөн гэдэг нь хоол хүнсний туйлын хомсдол гэдгийг тайлбарлаж өг.

Та ямар үр дагавруудыг олж харсан бэ?

Хэрэв суралцагчид тэдгээрийг онцлон дурдахгүй бол дараахтай адил үнэнийг хуваалц: Хүмүүс Их Эзэний бошиглогчдыг эсэргүүцсэнээр Их Эзэний үгийн адислалуудыг алддаг. Бурханы үггүй бол бид сүнслэг байдлын хувьд өлсөнө.
Яагаад өлсгөлөнг Их Эзэний үггүйгээр амьдрахтай харьцуулахад тохиромжтой гэж та нар бодож байна вэ?
Амосын бошиглол ямар арга замаар биелсэн бэ?

Шаардлагатай бол эдгээр шүлэг нь урвалт гэж нэрлэгддэг цаг үеийн тухай өгүүлж байгааг суралцагчидтай хуваалц. Урвалт гэдэг нь хувь хүмүүс эсвэл хэсэг бүлэг хүн сайн мэдээний зарчмуудаас татгалзаж, Их Эзэн тэдэнд бошиглогчдыг илгээхээ болихыг хэлнэ. Христийн төлөөлөгчдийг нас барсны дараа Амосын бошиглол биеллээ олсон бөгөөд үүнийг Их урвалт хэмээн нэрлэдэг. Их Урвалт нь Их Эзэн бошиглогч Иосеф Смитээр дамжуулан сайн мэдээгээ сэргээх хүртэл үргэлжилсэн.

Сүнслэг өлсгөлөнг дарах нь

Их Эзэн энэрэл хайраар Өөрийн хүмүүсийг урвалтын үр нөлөөнөөс аварч, тэднийг адислах болно гэдгийг бошиглогчдоороо дамжуулан тодорхой хэлсэн билээ. Их Эзэн ирээдүйн нэгэн өдөр Өөрийн хүмүүсийг дахин цуглуулж, тэднийг олон арга замаар адислах болно хэмээн Амосоор дамжуулан бошиглосон ( Aмос 9:14–15-ыг үзнэ үү).

Дараах шүлгүүдийг уншаад, Их Эзэн Хоёр дахь ирэлтийнхээ өмнөх эцсийн эрин үед бошиглогчдоороо дамжуулан өөр юу хийхээ илчилснийг олж мэд:

Даниел 2:44–45

Үйлс 3:19–21

Ефес 1:3, 10

Сургаал ба Гэрээнүүд 27:13; 112:30; 128:18

Сурсан зүйлээ хуваалцаж, эдгээр шүлгийн талаар өөрсдөдөө байгаа асуултуудыг тавихад суралцагчдыг урь. Нэмэлт тусламж авахын тулд тэднийг Сэдэв ба Асуулт хэсэг дэх “Сайн мэдээний сэргээлт” хэсэгт чиглүүлж болно.

Тэнгэрлэг Эцэг, Есүс Христ хоёр сүнслэг байдлын хувьд өлсгөлөн дэлхийд Сэргээлтээр дамжуулан ямар адислалуудыг өгсөн бэ?

Суралцагчид санваарын түлхүүрүүд ба эрх мэдэл, бошиглогчид, илчлэлтүүд, судрууд, Сүмийн байгууллагууд, ёслолууд, Ариун Сүнсний бэлэг зэргийг жагсаан бичиж болно.

Эдгээр адислал хэрхэн өөрсдийнх нь болон тэдний санаа тавьдаг хүмүүсийн хэрэгцээ шаардлагыг хангаж болохыг ойлгоход суралцагчдад хэрхэн тусалж болох тухай бод. Дараах үйл ажиллагаа нь үүнийг гүйцэтгэх нэг арга юм.

Суралцагчдыг самбар дээр Сүнслэг өлсгөлөн гэсэн хэсэгт жагсаасан сэдвүүдийн аль нэгээр өлсөж байгаа нэг хүний жишээ зохиоход урь. Үйл явдлыг илүү хамааралтай болгохын тулд та суралцагчдаас нарийн ширийн зүйлсийг нэмж бичихийг хүсэж болно. Та Мартагийн тухай дараах зүйлийг жишээ болгон хуваалцаж болно. Дараа нь суралцагчид тус тусдаа эсвэл жижиг бүлгүүд болон ажиллаж, тухайн нөхцөл байдлын үйл явдалд хариу үйлдэл үзүүлж болно.

Жишээ: Марта 15 настай бөгөөд амьдралынхаа зорилго чиглэлийг олж мэдэхийг чин сэтгэлээсээ хүсдэг. Тэр өөртөө итгэлтэй биш бөгөөд аль зүг рүү явахаа сайн мэдэхгүй байна.

Мартагийн сүнслэг өлсгөлөнг дарахад тусалж болох, сайн мэдээний сэргээлтийн нэг хэсэг болгон Тэнгэрлэг Эцэг, Есүс Христ хоёрын хийсэн ямар зүйлсийг та нар хуваалцаж чадах вэ?

Хариултдаа судруудыг, Сүмийн удирдагчдын эшлэлүүд, боломжтой бол өөрийн хувийн туршлагаа багтаа.

Хэрэв суралцагчид хариулж чадахгүй байвал тэднээр Өсвөр үеийнхний бат бөх байдлын төлөө удирдамжийг эсвэл зарим төгс эзэмших сургаалын хэсгийг уншуулж болно.

Хэрэв суралцагчид Мартагийн жишээнд хариулж байвал та тэднийг Өсвөр үеийнхний бат бөх байдлын төлөө удирдамж-ийн “Сүнслэгээр өдөөгдсөн сонголтуудыг хий” хэсэг эсвэл Мосе 1:39: “Хүмүүний үхэшгүй байдал ба мөнх амьдралыг тохиолгон авчрах нь миний ажил мөн миний сүр жавхлан бөлгөө” гэсэн шүлэг рүү чиглүүлж болно. Их Эзэн өөрсдөд нь анхаарал халамж тавьж, тэднийг Түүний оршихуйд эргэн очихын төлөө идэвхтэй ажиллаж байгаа гэдгийг мэдэх нь тэдний амьдрал дахь Бурханы хайрыг эсвэл зорилгыг мэдрэх сүнслэг өлсгөлөнг хэрхэн дүүргэх талаар суралцагчид тунгаан бодож болно.

Суралцагчдад бичих хангалттай цаг гаргаж өгсний дараа, бичсэн зүйлээ хуваалцахад урь. Тэд энэ үйл туршлагаас олж мэдсэн зүйлээ хуваалцаж болно.

Хувийн эргэцүүлэл

Хичээлээ өндөрлөхийн тулд тэмдэглэлдээ дараах асуултад хариулж бичихэд суралцагчдыг урих талаар бодож үз.

Тэнгэрлэг Эцэг, Есүс Христ хоёр сүнслэг өлсгөлөнг маань дарна гэдэгт итгэх итгэлийг тань нэмэгдүүлдэг юуг та өнөөдөр сурч мэдсэн бэ?
Олж мэдсэн эсвэл мэдэрсэн зүйлийнхээ дагуу үйлдэхийн тулд та юу хийж болох вэ?

Нэмэлт эх сурвалжууд

Судруудаас тогтмол суралцах нь яагаад тийм их чухал байдаг вэ?

Далын ахлагч Майкл Жон Ү.Тэ ийн заасан:

Судруудаас тогтмол судлахгүй байх нь зүрх сэтгэлээ хатууруулж байгаа хэрэг гэж би боддог. Хэрэв бид энэ замаа үргэлжлүүлбэл бидэнд үгийн багахан хэсэг өгөгдөж, эцэстээ Бурханы нууцуудын талаар юу ч мэдэхгүй байх вий гэхээс би эмээдэг. Судраас өдөр бүр уух нь нөгөө талаар сүнслэг хүч, мэдлэгийг бий болгож, чөтгөрийн хууран мэхлэлтийг таньж, биднийг барихын тулд түүний тавьсан урхинуудыг олж илрүүлэхэд тусална. (“Бурханы үгийн хүч,” Лиахона, 2013 оны 3-р сар, 23)

Бидний сүнслэг өлсгөлөнг чухам юу дардаг вэ?

Ерөнхийлөгч Жэффри Р.Холланд ийн заасан:

Би энэ өглөө өлсөж, цангаж, заримдаа хэрэн хэсүүчилж буй бүх хүн Амийн Талх, Амийн Усны Ундарга, бүгдийн Сайн Хоньчин, Бурханы Хүү болох Түүний “Зүдэж зүтгэгсэд хийгээд хүнд ачаа үүрсэн бүгд ээ, Над дээр ир, … Та нар сэтгэлдээ амралтыг олох болно” [Матай 11:28–29] хэмээх урилгыг сонсоосой гэж залбирч байна. Тэрээр үнэхээр Түүний эх Мариагийн гэрчилснээр “өлссөн хүмүүсийг сайнаар” [Лук 1:53] бялхуулдаг. (“He Hath Filled the Hungry with Good Things,” Ensign, 1997 оны 11-р сар, 66)

Надад судраас судлах цаг байхгүй бол яах вэ?

Арван хоёр төлөөлөгчийн чуулгын ахлагч Ричард Г.Скотт (1928–2015) энэхүү зөвлөгөөг өгсөн:

Судруудаас судлах цаг байхгүй гэсэн Сатаны худал үгэнд бүү авт. Тэдгээрийг судлах цаг гаргаж бай. Бурханы үгээс өдөр бүр зооглох нь нойр, хичээл, ажил төрөл, телевизийн цэнгээнт нэвтрүүлэг, видео тоглоом юм уу олон нийтийн мэдээллийн хэрэгслээс илүү чухал. Та нар Бурханы үгийг судлахад цаг гаргахын тулд эн тэргүүний зүйлсээ дахин зохион байгуулах хэрэгтэй болж мэднэ. Хэрэв тийм бол үүнийг хийгээрэй. (“Итгэлээ ашиглахыг эн тэргүүнд тавь,” Ерөнхий чуулган, 2014 оны 10-р сар, 105-109)

Их урвалтын сүнслэг өлсгөлөн хэрхэн төгсгөл болсон бэ?

Ерөнхийлөгч Спэнсэр В.Кимбалл ийн хуваалцсан:

Хэдэн зуун жилийн сүнслэг харанхуйн дараа … сүнслэг өлсгөлөн дуусаж, сүнслэг ган гачиг болоод өнгөрсөн бөгөөд Их Эзэний үг цэвэр ариун, бүрэн бүтэн байдлаараа бүх хүнд боломжтой болсон гэдгийг бүх дэлхийд баяртайгаар зарлаж байна. Хэн нэгэн хүн Амосын зөгнөн хэлснээр үнэн сайн мэдээг хайн тэнгисээс тэнгис уруу, умардаас дорно хүртэл гэлдрэх хэрэггүй. Учир нь үүрдийн үнэн сэргээгдсэн юм.” (Conference Report, 1964 оны 4-р сар, 93–94; мөн Old Testament Student Manual, 3rd ed. [2003],94-ийг үзнэ үү)

Нэмэлт суралцах үйл ажиллагаа

Сүнслэг өлсгөлөнг дарах нь

Та хүсвэл Бурханы үг сүнслэг өлсгөлөнг хэрхэн дардгийг илүү сайн ойлгоход нь суралцагчдад туслахын тулд “Daily Bread: Pattern” видео бичлэгийг үзүүлж, сүнслэг өлсгөлөнгөө хэрхэн хангах тухай нэмэлт үнэнийг олж мэдэхэд суралцагчдыг урьж болно.

2:52

Хуучин Гэрээн дэх урвалт

Амос 8:11–12-оос сурч болох өөр нэг үнэн бол урвалт нь Их Эзэний үгийг эсэргүүцсэнээс үүдэлтэй юм. Та дараах зүйлсийн хоорондох ялгаа, ижил төстэй талууд юу гэж бодож байгаа талаараа ярилцахыг суралцагчдаас хүсэж болно:

Хувь хүний урвалт

Бүлгийн урвалт

Ерөнхий урвалт

Есүс Христийн сайн мэдээний сэргээлт урвалтын төрөл тус бүрийн нөхцөлүүдийг хэрхэн засварлахад тусалж чадах талаар бодож үзэхэд суралцагчдыг урь.

“The Great Apostasy” видео бичлэг хэрхэн Вилфорд Вүдраффын үнэн Сүмийн төлөөх эрэл хайгуул түүнд Урвалт болон Есүс Христийн Сүмийн сэргээлт тохиох нь шаардлагатай байсан талаар ойлгоход тусалсан болохыг харуулдаг.

16:36

Бошиглогчид Христ рүү хандуулдаг

Бошиглогчдын үгсийн ач холбогдлыг илүү сайн ойлгоход нь суралцагчдад туслахын тулд Амос 7:11–16 болон Амос 8:11–12-ыг уншаад, нэг нь нөгөөд нь хэрхэн хөтөлснийг олж мэд. Бошиглогчдоор дамжуулан Их Эзэний үгийг сонсохгүйгээр амьдрах нь хэрхэн өөр байх байсан талаар тунгаан бодоход суралцагчдыг урь. Бошиглогчдоор дамжуулан хэлсэн Их Эзэний үг Түүн рүү ирэхийг бидэнд хэрхэн заадгийг харуулахын тулд та “Why Do We Have Prophets?” видео бичлэгийг үзүүлж болно. Та суралцагчдыг уг бичлэгийг үзэж байх зуур бошиглогчдын үүргийг олж мэдэхэд урьж болно.

1:37

Бошиглогчдын гол үүрэг юу вэ?

Түүнчлэн та Арван хоёр төлөөлөгчийн чуулгын ахлагч Нийл Л.Андэрсэний хэлсэн дараах мэдэгдлийг хуваалцаж болно:

Их Эзэний бошиглогчийн хамгийн чухал үүрэг нь Аврагчийн тухай зааж, биднийг Түүн рүү хөтлөх явдал юм. …

Бошиглогч Аврагч болон бидний хооронд зогсдоггүй. Харин тэр бидний хажууд зогсон, Аврагч руу очих замыг заадаг. (“Бурханы бошиглогч,” Ерөнхий чуулган, 2018 оны 4-р сар, 28-32)

Бошиглогчдыг дагах нь сүнслэг өлсгөлөнг хэрхэн дардаг вэ?

Судрын адислал

Бурханы үгийг сонсохын төлөө өлсгөлөнгөөс ( Амос 8:11–12-ыг үзнэ үү) ялгаатай нь өнөө үед бидэнд Бурханы үг сударт их хэмжээгээр бий. Хэрэв судруудтай байснаар ирдэг адислалыг илүү сайн ойлгох нь суралцагчдад тустай гэж үзвэл та “The Blessing of Scripture” видео бичлэгийг үзүүлж, хүмүүсийн амьдралд Бурханы үг байдаггүй байж болох янз бүрийн шалтгааныг олж мэдэхэд суралцагчдыг урьж болно.

3:4

Амьдралд нь Бурханы үг байхгүйн үр дагаврын талаар эсвэл зарим хүн судруудыг бусдаас илүү үнэлдэг шалтгааны талаар видео бичлэгээс юу сурсныг суралцагчдаас асууж болно.