Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Taniela 6: Ko Hono Kumi ʻa e Ngaahi Moʻoni ʻo e Ongoongoleleí ʻi he Folofolá

“Taniela 6: Ko Hono Kumi ʻa e Ngaahi Moʻoni ʻo e Ongoongoleleí ʻi he Folofolá,” Fuakava Motuʻá – Tohi Lēsoni ʻa e Faiako Seminelí (2026)

“Taniela 6: Ko Hono Kumi ʻa e Ngaahi Moʻoni ʻo e Ongoongoleleí ʻi he Folofolá,” Fuakava Motuʻá – Tohi Lēsoni ʻa e Faiako Seminelí

Taniela 1–7: Lēsoni 145

Taniela 6

Ko Hono Kumi ʻa e Ngaahi Moʻoni ʻo e Ongoongoleleí ʻi he Folofolá

The Old Testament prophet Daniel in the lion's den at the decree of King Darius. Daniel is resting his hand on the back of one of the lions. The lions are not harming Daniel. Daniel is looking up at the entrance of the lion's den at men who are astonished that Daniel is unharmed.

Ko e hā ha talanoa mei he Fuakava Motuʻá kuó ne akoʻi atu ha tefitoʻi moʻoni mahuʻingamālie ʻo e ongoongoleleí? Naʻe fakaʻaongaʻi tonu ʻe Sīsū Kalaisi ʻa e Fuakava Motuʻá ke tokoni ke mahino ki Heʻene kau ākongá ʻEne ngaahi akonakí (hangē ko ʻení, vakai, Luke 4:24–27). Ko e talanoa mālohi ʻe taha ʻokú ne fakatātaaʻi ha ngaahi moʻoni lahi ʻo e ongoongoleleí ko e talanoa ki he tui mo e falala ʻa Taniela ki he ʻEikí, naʻa mo e taimi naʻe fehangahangai ai mo e ʻana ʻo e fanga laioné. ʻE lava ke tokoni ʻa e lēsoni ko ʻení ki he kau akó ke nau ʻiloʻi mo vahevahe ʻa e ngaahi moʻoni ʻo e ongoongoleleí mei he Taniela 6.

Teuteu ʻa e tokotaha akó: Fakaafeʻi e kau akó ke nau fakakaukau ki he ngaahi talanoa fakafolofola kuo nau ako mei he Fuakava Motuʻá ʻi heʻenau ako he taʻu ní. Te nau lava ʻo fili ha talanoa naʻe mahuʻingamālie kiate kinautolu pea teuteu ke vahevahe ha foʻi moʻoni ʻo e ongoongoleleí naʻe tokoni ʻa e talanoá ke mahino kiate kinautolu.

Ngaahi ʻEkitivitī Ako ʻOku Ala Fakahokó

Ko e taumuʻa ʻo e talanoá

Ko e hā ha pōpoaki ʻe lava ke akoʻi ʻe he talanoa ko ʻení?
ʻE fakatātaaʻi fēfē ʻe he pōpoaki ko iá ha moʻoni fekauʻaki mo Sīsū Kalaisi pe ko ʻEne ongoongoleleí?

Te tau lava ʻo ako ke maʻu ha ngaahi moʻoni mahuʻinga ʻo e ongoongoleleí ʻi he ngaahi fakamatala fakalaumālie kuo fakatolonga mai ʻe he Tamai Hēvaní mo Sīsū Kalaisi maʻatautolú, ʻo hangē pē ko ʻetau lava ʻo maʻu ha ngaahi moʻoni ʻi he ngaahi talanoa fakatātā angamahení.

Ke tokoni ke mahino kiate kitautolu ʻa e founga ʻoku akoʻi ai ʻe he ngaahi talanoa mei he folofolá ʻa e ngaahi moʻoni ʻo e ongoongoleleí, naʻe akonaki ʻa ʻEletā Sei E. Seniseni ʻo e Kau Fitungofulú ʻo pehē:

ʻI hoʻo lau mo ako e ngaahi talanoa [fakafolofola] ko ʻení, te ke sio ai ki ha foʻi lea, ha kupuʻi lea, pe ha tefitoʻi moʻoni ʻoku hangē ʻoku kaungatonu he ʻahó ni ʻo hangē pē ko ia ʻi he kuohilí. ʻI he hokohoko atu hoʻo ako ʻi he faʻa lotú, ʻe mahino mo ha ngaahi tefitoʻi moʻoni kehe. ʻI hoʻo fakatahaʻi e ngaahi tefitoʻi moʻoní, ʻe kamata leva ke ke fakafehokotaki e ongo tafaʻakí ʻi he vahaʻa ʻo e kau palōfita mo e kakai naʻa nau moʻui ʻi he kuohilí—ʻa kinautolu-ʻi ai-he taimi ko iá—mo kitautolu ʻi hotau kuongá ni—ko au-ʻi heni-he taimí ni. (“Ko e Hoko e Ngaahi Talanoa mei he Folofolá Ko ha Sīpinga Ki Heʻetau Moʻuí,” Liahona, Siulai 2009, 21)

Ko e hā e meʻa ʻoku makehe kiate koe mei he pōpoaki ʻa ʻEletā Senisení?
Ko e hā ha talanoa mei he Fuakava Motuʻá naʻe tokoni ke mahino lelei ange kiate koe ʻa Sīsū Kalaisi pe ko ʻEne ongoongoleleí?

ʻE lava ke tokoni ʻa e siviʻi fakaekita ko ʻení ke fili ʻe he kau akó ʻa e konga ʻo hono ʻiloʻi ʻo e ngaahi moʻoni ʻi he taukei ʻi he ngaahi talanoa fakafolofolá te nau lava ʻo akoako fakahoko he ʻaho ní.

Fakafuofuaʻi hoʻo falala ki hono fakaʻaongaʻi ʻo e ngaahi taukei ako folofola ko ʻení ʻi ha meʻafua mei he 1 ki he 5:

Te u lava ʻo ʻiloʻi e ngaahi moʻoni ʻo e ongoongoleleí ʻi ha talanoa fakafolofola.
ʻOku faingofua pē ʻeku sio ki he founga ʻoku akoʻi ai ʻe ha talanoa fakafolofola fekauʻaki mo Sīsū Kalaisí.
Te u lava ʻo fakaʻaongaʻi e ngaahi talanoa ʻi he folofolá ki heʻeku moʻuí.
Te u lava ʻo vahevahe lelei ʻa e meʻa ʻoku ou ako mei he ngaahi talanoa mei he folofolá mo e niʻihi kehé.

Te ke ako he ʻahó ni ha talanoa ʻi he tohi ʻa Tanielá pea fakamatalaʻi ʻa e meʻa ʻokú ke ako mei aí. Mahalo ʻe nofotaha hoʻo fakamamafá ʻi he taukei ʻokú ke ongoʻi ʻoku siʻi taha ai hoʻo loto-falalá. Fakaafeʻi ʻa e Laumālie Māʻoniʻoní ke tokoni ke fakatupulaki hoʻo malava ke ʻiloʻi ʻa e ngaahi moʻoni ʻi he ngaahi talanoa mei he folofolá pea akoʻi ki he niʻihi kehé ʻa e meʻa ʻokú ke ako fekauʻaki mo Sīsū Kalaisi, ko ʻEne moʻuí, mo ʻEne ongoongoleleí.

Ko hono lī ʻo Taniela ki he ʻana ʻo e fanga laioné

Hili ha ngaahi taʻu lahi mei hono ʻave pōpula ʻo Taniela mo hono ngaahi kaungāmeʻá ki Pāpiloné, naʻe ikunaʻi e puleʻangá ʻe he kau Mitiá mo e kau Peasiá. Naʻe fokotuʻu ʻa Talaiasi, ko ha Mitia, ko e tuʻi ki Pāpilone (vakai, Taniela 5:30–31).

ʻI hono fakaʻaongaʻi ʻe he kau akó ʻa e laʻipepa tufá ke teuteu ʻenau lēsoní, te ke lava ʻo lue takai ʻi he lokí ke ʻiloʻi ʻa e ngaahi moʻoni ʻo e ongoongoleleí ʻoku nau maʻú. Kapau ʻoku nau faingataʻaʻia, fakakaukau ki he founga te ke lava ai ʻo tokoniʻi kinautolu ke nau ako ke ʻiloʻi ʻa e ngaahi moʻoni ʻi he talanoá. Ko e sīpinga ʻeni ʻo e ngaahi moʻoni te nau ala ʻiloʻí:

ʻI heʻetau hoko ko e kau ākonga ʻa Kalaisí, te tau fehangahangai mo e fakafepakí koeʻuhí ko ʻetau tuí (Taniela 6:1–5).
ʻE tāpuekina ʻe he ʻEikí ʻetau ngaahi feingá ʻi he taimi ʻoku tau tuʻu maʻu ai ʻo matuʻuaki e ngaahi teke fakamāmaní. (Taniela 6:6–16).
ʻI heʻetau fai ʻa e meʻa ʻoku totonú mo falala ki he ʻEikí, ʻe lava ke tākiekina ʻe heʻetau sīpinga māʻoniʻoní ʻa e niʻihi kehé (Taniela 6:16–28).

Vahevahe ʻa e meʻa kuó ke akó

Hili hono fakakakato ʻe he kau akó ʻa e laʻipepa tufá, fakaafeʻi kinautolu ke vahevahe ʻa e lēsoni ne nau teuteú mo ha kulupu ʻe taha pe mo e kalasí. Kapau he ʻikai vahevahe ʻe he kau akó ha konga ʻo e talanoá ʻokú ne fakamanatu kiate kinautolu ʻa Sīsū Kalaisí, te ke lava ʻo fakamahinoʻi ange ha ngaahi fakafehoanaki hangē ko ʻení:

Naʻe fakatou fakahoko ʻe Taniela mo Sīsū ʻa e finangalo ʻo e Tamai Hēvaní, ʻo aʻu ki he taimi naʻá na fehangahangai ai mo e maté (vakai, Taniela 6:7, 10; Sione 6:38).
Naʻe toe moʻui ʻa Taniela mo Sīsū ʻi he mana, mei ha luo naʻe tāpuni ʻaki ha fuʻu maka (vakai, Taniela 6:17, 23; Maʻake 15:46; 16:4–6).

Te ke lava ʻo poupouʻi e kau akó ke nau ō mo e ngaahi lēsoni naʻa nau teuteú ki ʻapi pea vahevahe ia mo ha mēmipa ʻo e fāmilí pe kaungāmeʻa.

Ke fakaʻosí, fakakaukau ke vahevahe e founga kuo tāpuekina ai koe ʻe he ngaahi pōpoaki ʻa Sīsū Kalaisí pe ko ʻEne ongoongoleleí mei he ngaahi talanoa mei he folofolá. Fakaafeʻi e kau akó ke hokohoko atu ʻenau fekumi ki he ngaahi ueʻi mei he Laumālie Māʻoniʻoní ke tokoni ke nau vakai ki he ngaahi moʻoni ʻo e ongoongoleleí ʻi heʻenau ako folofola fakatāutahá.

Ngaahi Maʻuʻanga Tokoni Kehé

Te tau lava fēfē ʻo fakahaaʻi e loto-toʻa ʻa Tanielá ʻi he ʻahó ni?

Naʻe vahevahe ʻe Palesiteni Tōmasi S. Monisoni (1927–2018):

16:18

ʻOku hoko mai e loto-toʻá ʻi ha ngaahi fōtunga kehekehe. Naʻe tohi ʻe he taha faʻu tohi Kalisitiane ko Sālesi Suinitolo ʻo pehē: “ʻOku ʻikai fakangatangata pē e loto-toʻá ki he malaʻe taú … pe ko hano puke loto-toʻa ha taha kaihaʻa ʻi homou falé. Ko e ngaahi sivi moʻoni ʻo e loto-toʻá ʻoku fakalongolongo ange. Ko ha ngaahi sivi kinautolu ʻo e lotó, hangē ko e kei faitotonu ʻi he taimi ʻoku ʻikai sio mai ai ha tahá, … ko e tuʻu toko taha ʻi he taimi ʻoku ʻikai ke nau maʻu ai ha mahino kiate koé” [Hal Urban, Choices That Change Lives (2006), 122]. Te u fie tānaki atu ʻoku toe kau ʻi he lotop-toʻa ko ʻení ʻa e fai ʻo e meʻa totonú neongo te tau manavasiʻi ke taukaveʻi ʻetau tuí, neongo ʻe manukí, pea mo hono pukepuke ʻa e tui ko iá neongo ʻe mole ai ha kaungāmeʻa pe tuʻunga he sōsaietí. Ko ia ʻoku tuʻu maʻu ʻi he meʻa ʻoku totonú kuo pau ke ne kātakiʻi hano taʻe-tali pe fehiʻanekiná he taimi ʻe niʻihi.

Naʻá ku ʻilo ha ngaahi ngāue loto lahi, ngaahi tōʻonga taʻe-ilifia, mo ha ngaahi sīpinga ʻo e loto-toʻá lolotonga ʻeku ngāue he Tautahi ʻa e ʻIunaiteti Siteití ʻi he Tau Lahi ʻa Māmani Hono II. Ko e taha he ʻikai toe ngalo ʻiate aú ko e loto-toʻa fakalongolongo ʻa ha kauvaka kei taʻu 18—naʻe ʻikai ke tau siasi—naʻe ʻikai fuʻu loto-hikisia ke lotu. ʻI he kau tangata ʻe toko 250 ʻi he konga kaú, ko ia toko taha pē naʻe tūʻulutui ʻi hono veʻe mohengá he pō kotoa pē, ko e ngaahi taimi ʻe niʻihi naʻe fai ia ʻi he fakamatalili ʻa e kau houtamakí mo e kau taʻetuí. Naʻe punou hono ʻulú ʻo lotu ki he ʻOtuá. Naʻe ʻikai teitei tuka. Naʻe ʻikai teitei momou. Naʻe loto-toʻa. (“Ke ke Mālohi Peá ke Lototoʻa,” Liahona, Mē 2014, 67)

Naʻe pehē ʻe Palesiteni Sefilī R. Hōlani ʻo e Kōlomu ʻo e Kau ʻAposetolo ʻe Toko Hongofulu Mā Uá:

[ʻE] ʻi ai e ʻaho ʻe fiemaʻu ai ke ke taukaveʻi hoʻo tuí pe mahalo ʻe aʻu ki haʻo kātekina ha ngaohikovia fakataautaha koeʻuhí pē ko ha mēmipa koe ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. ʻE fiemaʻu ʻi he taimi peheé ʻa e loto-toʻá mo e fakaʻapaʻapá fakatouʻosi. …

… Mahalo te mou fifili pe ʻoku ʻi ai hano ʻaonga ke taukaveʻi loto-toʻa e tuʻunga fakaeangamaʻa ʻi he ako māʻolungá pe ko e ō ʻo ngāue fakafaifekau kae iku manukiʻi ai ʻa e tui ʻokú ke fakamahuʻingaʻi tahá pe fakafepakiʻi ha meʻa lahi ʻi ha sōsaieti ʻokú ne faʻa manukiʻi ʻi he taimi ʻe niʻihi ha moʻui līʻoa fakalotu. ʻIo, ʻoku ʻaonga. …

… ʻAi ke mou toʻa. Moʻui faivelenga ʻaki ʻa e ongoongoleleí neongo ʻoku ʻikai pehē ʻa e niʻihi ʻoku mou feohí. Taukaveʻi hoʻomou tuí ʻaki ʻa e fakaʻapaʻapa mo e angaʻofa, ka ke mou taukaveʻi kinautolu. (“Ko e Mahuʻinga—mo e Tāpuaki—ʻo e Tuʻunga Fakaākongá,” Liahona, Mē 2014, 6, 7, 9)

Ngaahi ʻEkitivitī Fakalahi ki he Akó

Naʻe akonaki ʻa Sīsū ʻaki ha ngaahi talanoa fakafolofola mei he Fuakava Motuʻá

Kimuʻa pea teuteu ʻenau ngaahi lēsoní mei he Taniela 6, ʻe ala ʻaonga ki he kau akó ke nau sio naʻe faʻa fakaʻaongaʻi ʻe Sīsū Kalaisi ha ngaahi talanoa mei he Fuakava Motuʻá ke akoʻi ʻa e ngaahi moʻoni ʻo e ongoongoleleí ki Heʻene kau fanongó. Fakaafeʻi e kau akó ke nau ako ha taha ʻo e ngaahi potufolofola ko ʻení, ʻo kumi e founga naʻe fakaʻaongaʻi ai ʻe Sīsū e ngaahi talanoa mei he Fuakava Motuʻá ke akoʻi e ngaahi moʻoni mahuʻingá:

Mātiu 12:38–40 (Siona; vakai, Siona 1:17)
Mātiu 24:36–39 (Noa, vakai, Sēnesi 6:13–22)
Luke 4:24–27 (ko ha fefine ʻi Salifati; vakai, 1 Ngaahi Tuʻi 17:1, 8–16; mo Neamani; vakai, 2 Ngaahi Tuʻi 5:1–14)
Luke 17:28–33 (uaifi ʻo Loté; vakai, Sēnesi 19:24–26)
Tokāteline mo e Ngaahi Fuakava 121:7–10 (Siope; vakai ki he tangilaulau ʻa Siope fekauʻaki mo e fakafōtunga hono ngaahi kaungāmeʻá kiate iá ʻi he Siope 6:14–15)

Hili hono toe vakaiʻi ʻe he kau akó ʻa e potufolofola ne nau filí, te ke lava ʻo kamataʻi ha fealēleaʻaki ʻo fakaʻaongaʻi ha ngaahi fehuʻi hangē ko ʻení:

Ko e hā ha pōpoaki naʻe mei lava ke akoʻi ʻe Sīsū ʻaki ʻa e talanoa ko ʻení?
ʻE lava fēfē ke tākiekina ʻe he talanoa ko ʻeni ʻo e Fuakava Motuʻá ʻa e tokotaha fanongó ki he Fakamoʻuí mo ʻEne ongoongoleleí?

Ko ha “ʻana ʻo e fanga laione” fakataautaha

Fakakaukau ke vahevahe e kau akó ki ha fanga kiʻi kulupu iiki pea tā ha laione ʻe taha ʻi he palakipoé maʻá e kulupu takitaha. Fakaafeʻi e kulupu takitaha ke aleaʻi ha ngaahi “ʻana ʻo e fanga laioné” (ngaahi faingataʻa) kehekehe ʻe ala fehangahangai mo ha taha ʻi heʻene fili ke faivelenga he ʻaho ní. Hili ha taimi feʻunga, fakaafeʻi ha tokotaha ako mei he kulupu takitaha ke haʻu ki he palakipoé pea fakahingoa ha laione ʻe taha ʻaki e ngaahi faingataʻa naʻe aleaʻi ʻe heʻenau kulupú. Kole ki he kau akó ke vahevahe ha ngāue faivelenga ʻe lava ke fai ʻe ha taha ke tali ʻaki e ngaahi faingataʻá. ʻE lava ke aleaʻi ʻe he kau akó ha ngaahi fehuʻi hangē ko ʻení:

Ko e hā e ʻuhinga ka ke ka fili ai ke tauhi faivelenga ki he ʻEikí kapau naʻá ke ʻiloʻi ko hono olá te ke ala aʻusia ha niʻihi ʻo e ngaahi faingataʻa ko ʻení?
Ko e fē ha taimi kuo tokoniʻi ai ʻe he ʻEikí koe pe ko ha taha ʻokú ke ʻiloʻi ke kātekina pe ikunaʻi ha faingataʻa naʻe hoko koeʻuhí ko hoʻo tui faivelenga kiate Iá?

Fakaafeʻi e kau akó ke nau fakalaulauloto ki ha ngaahi tūkunga ʻi heʻenau moʻuí ʻe lava ke nau aʻusia ai ha ngaahi faingataʻa ʻi heʻenau tui faivelenga ki he ʻEikí. Poupouʻi kinautolu ke nau tui faivelenga ki he ʻEikí ʻi he ngaahi tūkunga ko iá, pea fakamoʻoni ʻe tokoniʻi kinautolu ʻe he ʻEikí ʻi heʻenau faivelengá.

Ngaahi sīpinga ʻo e angatonu loto-toʻá

Ke tokoni ke ʻilo ʻe he kau akó ʻa e founga ʻoku maluʻi ai ʻe he ʻEikí ʻEne kau tamaioʻeikí ʻi hotau kuongá, te ke lava ʻo vahevahe ha taha ʻo e ngaahi sīpinga ʻoku hiki atu ʻi laló. Kapau te ke fai ia, fakapapauʻi ke fakamahinoʻi neongo ʻoku ʻi ai ha ngaahi taimi ʻoku maluʻi ai ʻe he ʻOtuá ʻa e kau māʻoniʻoní, ka ʻoku fakamanatu mai ʻe he ʻAlamā 60:13 ʻoku ʻi ai ha ngaahi taimi ʻoku tuku ai ʻe he ʻEikí ke faingataʻaʻia ʻa e kau māʻoniʻoní.

Naʻe maluʻi fakaofo ha ongo sisitā mei ha fakatuʻutāmaki. Naʻe vahevahe ʻe ʻEletā Kulisitofasoni ʻo e Kōlomu ʻo e Kau ʻAposetolo ʻe Toko Hongofulu Mā Uá ʻa e talanoa ko ʻení ʻi he “When Thou Art Converted” (taimi 8:44 ki he 10:02).

11:21

Naʻe fehangahangai ʻa Siosefa F. Sāmita ʻi hono taʻu hongofulu mā hivá mo ha kau fakatanga fakamamahi naʻa nau ʻeke ange pe ko ha mēmipa ia ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní: “Preparation of Joseph F. Smith: True Blue, Through and Through” (1:31).

1:31

Naʻe fehuʻi ʻe ha faiako fakakautau leʻo fefeka kia ʻEletā Leli ʻEko Hooki ʻo e Kau Fitungofulú pe ʻokú ne tui ki he Tohi ʻa Molomoná: “Haʻu Kiate Au, ʻa Kimoutolu ʻo e Fale ʻo ʻIsilelí,” (taimi 0:00 ki he 3:05).

10:33