Սեմինարիա
Դանիել 6. Գտնել ավետարանական ճշմարտություններ սուրբ գրություններում

«Դանիել 6. Գտնել ավետարանական ճշմարտություններ սուրբ գրություններում», Հին Կտակարան․ Սեմինարիայի ուսուցչի ձեռնարկ (2026)

«Դանիել 6. Գտնել ավետարանական ճշմարտություններ սուրբ գրություններում», Հին Կտակարան․ Սեմինարիայի ուսուցչի ձեռնարկ

Դանիել 1–7․ Դաս 145

Դանիել 6

Գտնել ավետարանական ճշմարտություններ սուրբ գրություններում

The Old Testament prophet Daniel in the lion's den at the decree of King Darius. Daniel is resting his hand on the back of one of the lions. The lions are not harming Daniel. Daniel is looking up at the entrance of the lion's den at men who are astonished that Daniel is unharmed.

Հին Կտակարանից ո՞ր պատմությունն է ձեզ ուսուցանել ավետարանի առավել կարևոր սկզբունքը: Հիսուս Քրիստոսը ինքն է օգտագործել Հին Կտակարանը՝ օգնելու Իր աշակերտներին հասկանալ Իր ուսմունքները (օրինակ՝ տես Ղուկաս 4.24–27): Զորեղ պատմություններից մեկը, որը ցույց է տալիս ավետարանի բազմաթիվ ճշմարտությունները, Դանիելի` առ Տերը հավատքի և Նրան ապավինելու մասին պատմությունն է, նույնիսկ, երբ նա հայտվեց առյուծների գուբում: Այս դասը կօգնի ուսանողներին բացահայտել Դանիել 6 գլխի ավետարանի ճշմարտությունները և կիսվել դրանցով։

Ուսանողի նախապատրաստում. ուսանողներին առաջարկեք խորհել սուրբգրային պատմությունների շուրջ, որոնք սովորել են Հին Կտակարանից այս տարվա իրենց ուսումնասիրության ընթացքում: Նրանք կարող են ընտրել մի պատմություն, որն առավել կարևոր էր իրենց համար և պատրաստվել կիսվել ավետարանի ճշմարտությամբ, որն օգնել է իրենց հասկանալ:

Հնարավոր ուսումնական վարժություններ

Այդ պատմության բարոյախրատական իմաստը

Որպեսզի օգնեք ուսանողներին սովորել բացահայտել պատմության բարոյախրատական իմաստը, ընտրեք ձեր ժողովրդի առակներից կամ հայտնի ժողովրդական հեքիաթներից որևէ մեկը: Օրինակ՝ կարող եք օգտագործել «Անճոռնի ճուտիկը» պատմությունը։ Որպես այլընտրանք, կարող եք ցուցադրել «Things That Matter Most» տեսանյութը՝ 0:00-0:22, որը հասանելի է ChurchofJesusChrist.org կայքում։ Ապա տվեք հետևյալ հարցերը.

0:33

  • Ի՞նչ ուղերձ կարող է ուսուցանել այս պատմությունը:

  • Ինչպե՞ս կարող է այդ ուղերձը ցույց տալ ճշմարտությունը Հիսուս Քրիստոսի կամ Նրա ավետարանի մասին:

Ինչպես որ կարող ենք ճշմարտություններ գտնել սովորական առակներում և պատմություններում, այնպես էլ կարող ենք սովորել գտնել ավետարանի կարևոր ճշմարտությունները ոգեշնչված սուրբգրային պատմություններում, որոնք Երկնային Հայրը և Հիսուս Քրիստոսը պահպանել են մեզ համար:

Որպեսզի օգնի մեզ հասկանալ, թե ինչպես են սուրբգրային պատմություններն ուսուցանում ավետարանի ճշմարտությունները, Յոթանասունից երեց Ջեյ Ի. Ջենսենն ուսուցանել է.

Final official portrait of Elder Jay E. Jensen of the First Quorum of the Seventy, 2008.Called to Presidency of the Seventy effective August 1, 2008. Sustained at the October 2008 general conference.Given emeritus status at the October 2012 general conference.

[Սուրբգրային] պատմությունները կարդալիս և ուսումնասիրելիս ձեզ կարող է հանդիպել որևէ բառ, արտահայտություն կամ սկզբունք, որն այսօր նույնքան կիրառելի է թվում, որքան անցյալում: Երբ շարունակեք ձեր ուսումնասիրությունն աղոթքով, ակնհայտ կդառնան նաև այլ սկզբունքներ: Սկզբունքները միավորելով՝ դուք կսկսեք կամուրջներ կառուցել մարգարեների և մարդկանց միջև, որոնք ապրել են անցյալում՝ նրանք-այնտեղ-այն ժամանակ և մարգարեների և մեր միջև մեր օրերում՝ ես-այստեղ-հիմա։ («Scripture Stories as Patterns for Our Lives», Ensign, հուլիս 2009, 21)

  • Ի՞նչն առավել շատ տպավորեց ձեզ երեց Ջենսենի ուղերձում։

  • Հին Կտակարանի ո՞ր պատմությունն օգնեց ձեզ ավելի լավ հասկանալ Հիսուս Քրիստոսին կամ Նրա ավետարանը:

Հետևյալ ինքնագնահատումը կարող է օգնել ուսանողներին ընտրել սուրբգրային պատմությունների ճշմարտությունները բացահայտելու այն մասը, որը նրանք կարող են կիրառել այսօր:

1-5 միավոր սանդղակով գնահատեք ձեր վստահությունը սուրբ գրությունների ուսումնասիրության հետևյալ հմտություններն օգտագործելիս.

  • Ես կարող եմ բացահայտել ավետարանի ճշմարտությունները սուրբգրային պատմություններում:

  • Ես հեշտությամբ կարող եմ հասկանալ, թե ինչպես է սուրբգրային պատմությունն ուսուցանում Հիսուս Քրիստոսի մասին:

  • Ես կարող եմ սուրբգրային պատմությունները կիրառել իմ կյանքում:

  • Ես կարող եմ արդյունավետորեն կիսվել ուրիշների հետ նրանով, ինչ սովորում եմ սուրբգրային պատմություններից:

Այսօր դուք կուսումնասիրեք մի պատմություն Դանիել գրքից և կբացատրեք, թե ինչ սովորեցիք դրանից: Կարող եք ձեր ջանքերը կենտրոնացնել այն հմտության վրա, որում ամենաքիչն եք վստահ: Հրավիրեք Սուրբ Հոգուն՝ օգնելու մեծացնել սուրբգրային պատմություններում ճշմարտությունները բացահայտելու և ուրիշներին Հիսուս Քրիստոսի, Նրա կյանքի և Նրա ավետարանի մասին սովորածն ուսուցանելու ձեր կարողությունը:

Դանիելին նետել են առյուծների գուբը

Դանիելին և նրա ընկերներին Բաբելոն գերեվարելուց շատ տարիներ անց ազգը գրավվեց մարերի և պարսիկների կողմից։ Դարեհը մար էր, որը դարձավ Բաբելոնի թագավոր (տես Դանիել 5.30–31):

Հետևյալ վարժությունը կարող է օգնել ուսանողներին սովորել բացահայտել ավետարանի ճշմարտությունները սուրբգրային պատմություններում՝ ուսումնասիրելով Դանիելին առյուծների գուբը նետելու պատմությունը (տես Դանիել 6): Ուսանողների համար օգտակար կլինի ծանոթանալ պատմության համառոտ ակնարկին՝ նախքան դրանում ավետարանի ճշմարտությունները որոնելը: Ստորև ներկայացված է մի քանի եղանակ, որոնց միջոցով կարող եք ամփոփ ներկայացնել պատմությունը.

  1. Ուսանողներին առաջարկեք կիսվել պատմությամբ՝ բաժանելով նրանց խմբերի՝ պատմության մի հատված կարդալու համար: Ապա յուրաքանչյուր խումբ կարող է դասարանին ամփոփ ներկայացնել պատմության իր մասը: Ընթերցանությունը բաժանելու եղանակներից մեկը կարող է լինել.

    Դանիել 6․1–5

    Դանիել 6․6–11

    Դանիել 6.12–17

    Դանիել 6․18–23

    Դանիել 6․24–28

  2. Կարող եք դասարանին ամփոփ ներկայացնել ամբողջ պատմությունը: Հնարավորության դեպքում կարող եք օգտագործել «Daniel and the Lions» հոդվածում ներկայացված նկարը (Ընկեր, նոյ. 2018, FJ4–FJ6) կամ «Դանիելը առյուծների գուբի մեջ» տեսանյութը (1:46), որը հասանելի է ChurchofJesusChrist.org կայքում, որպեսզի օգնեք ձեզ ամփոփ ներկայացնել պատմությունը։

1:45

սեմինարիայի պատկերակՈրպեսզի օգնեք ուսանողներին սովորել բացահայտել ավետարանի սկզբունքները սուրբգրային պատմություններում, օգտագործեք «Սուրբգրային պատմություններն ուսուցանում են ավետարանի ճշմարտությունները» վերնագրով աշխատաթերթը։ Քանի որ ուսանողները պետք է ներկայացնեն իրենց սովորածը դասարանին, օգտակար կլինի, որ նրանք աշխատեն զուգընկերոջ հետ կամ փոքր խմբերով: Ուսանողների զույգերը կազմեք այնպես, որ մեկ զույգում լինի և՛ այն ուսանողը, որն ավելի շատ է հուզվում ելույթի ժամանակ, և՛ այն ուսանողը, որն իրեն ավելի վստահ է զգում:

Երբ ուսանողներն օգտագործում են աշխատաթերթը՝ իրենց դասերը պատրաստելու համար, կարող եք շրջել դասասենյակով՝ տեսնելու, թե ավետարանի ինչ ճշմարտություններ են նրանք գտնում: Եթե նրանք դժվարանան, մտածեք, թե ինչպես կարող եք օգնել նրանց սովորել բացահայտել այս պատմության ճշմարտությունները: Ճշմարտությունների օրինակներ, որոնք կարող են բացահայտել.

  • Մենք՝ որպես Քրիստոսի աշակերտներ, հակառակության կբախվենք մեր համոզմունքների պատճառով (Դանիել 6.1–5):

  • Տերը կօրհնի մեր ջանքերը, եթե մենք դիմադրենք աշխարհիկ ճնշմանը: (Դանիել 6․6–16)

  • Երբ մենք գործում ենք շիտակ և ապավինում ենք Տիրոջը, մեր արդար օրինակը կարող է ազդել ուրիշների վրա (Դանիել 6.16–28):

Կիսվեք ձեր սովորածով

Երբ ուսանողները կատարեն աշխատաթերթի առաջադրանքները, առաջարկեք նրանց կիսվել իրենց պատրաստած դասով մեկ այլ խմբի կամ դասարանի հետ: Եթե ուսանողները չկիսվեն պատմության հատվածներով, որոնք հիշեցնում են իրենց Հիսուս Քրիստոսի մասին, կարող եք նշել որոշ համեմատություններ, օրինակ՝

  • Ե՛վ Դանիելը, և Հիսուսը կատարեցին Երկնային Հոր կամքը, նույնիսկ այն ժամանակ, երբ կանգնած էին մահվան վտանգի առաջ (տես Դանիել 6.7, 10, Հովհաննես 6.38):

  • Ե՛վ Դանիելը, և՛ Հիսուսը հրաշքով կենդանի դուրս եկան մի փոսից, որը ծածկված էր քարով (տես Դանիել 6.17, 23, Մարկոս 15.46, 16.4–6):

Կարող եք խրախուսել ուսանողներին իրենց պատրաստած դասերով կիսվել իրենց ընտանիքի անդամի կամ ընկերոջ հետ:

Դասի ավարտին կարող եք կիսվել, թե ինչպես եք օրհնվել սուրբգրային պատմություններում առկա Հիսուս Քրիստոսի ուղերձներով կամ Նրա ավետարանով: Ուսանողներին առաջարկեք շարունակել փնտրել Սուրբ Հոգու տպավորությունները, որոնք կօգնեն իրենց տեսնել ավետարանի ճշմարտությունները՝ սուրբ գրություններն անհատապես ուսումնասիրելիս: