Դանիել 1

Մատեոն Հիսուս Քրիստոսի Վերջին Օրերի Սրբերի Եկեղեցու ակտիվ անդամ է: Նա նոր բաներ փորձելու համբավ ունի, ուստի նրա ընկերները հաճախ նրան նետում են հետևյալ մարտահրավերները.

• Մի անգամ ընկերը նրան մարաթոնում վազելու մարտահրավեր նետեցին: Մատեոն ընդունեց մարտահրավերը:

• Մի անգամ ընկերը նրան սառցե լճի մեջ սուզվելու մարտահրավեր նետեց: Մատեոն ընդունեց մարտահրավերը:

• Մի անգամ ընկերը նրան դպրոցում նոր աղջկա հետ ծանոթանալու մարտահրավեր նետեց: Մատեոն ընդունեց մարտահրավերը:

  Հաջորդ մարտահրավերը կարդալուց հետո դադար առեք և տվեք ստորև ներկայացված հարցը:

• Մի օր Մատեոյի ընկերները նրան խնջույքի ժամանակ ալկոհոլ խմելու մարտահրավեր նետեցին:

• Ըստ ձեզ, ինչպե՞ս կարձագանքեր Մատեոն։ Ինչո՞ւ։

  Կարող եք հարցնել ուսանողներին՝ արդյոք ձեր տարածքում տարածված է Իմաստության խոսքը խախտելու ճնշումը: Նրանք կարող են նաև նկարագրել իրավիճակներ, որտեղ իրենք կարող այն խախտելու ճնշում զգալ: Խրախուսեք ուսանողներին, որոնք կարող են խախտել այս պատվիրանը, հիշել, որ Տերը կօգնի իրենց, եթե դառնան դեպի Իրեն և ապաշխարեն: Վստահեցրեք ուսանողներին, որ Տերը սիրում է իրենց և հրավիրում է իրենց, որ շարունակեն փորձել:

  Իմաստության խոսքին հնազանդվելու իրենց անձնական հանձնառությունը գնահատելու համար ուսանողները կարող են պատասխանել հետևյալ հարցին իրենց օրագրերում:

• Ըստ ձեզ, ինչպե՞ս կարձաքանքեիք նման իրավիճակում։ Ինչո՞ւ։

• Ըստ ձեզ, ինչպե՞ս կարձաքանքեիք, եթե ձեզ առաջարկեին ավելի սովորական մի բան, օրինակ՝ սուրճ կամ թեյ:

Այսօր Դանիել 1 գլուխն ուսումնասիրելիս ականջալուր եղեք այն մտքերին ու զգացմունքներին, որոնք Երկնային Հայրը կարող է տալ ձեզ Սուրբ Հոգու միջոցով: Փնտրեք եղանակներ՝ ամրացնելու Տիրոջ Իմաստության խոսքին հնազանդվելու ձեր պարտավորությունը:

Մ․թ․ա մոտավորապես 606 թվականին Բաբելոնի թագավոր Նաբուգոդոնոսորը հարձակվեց Երուսաղեմի վրա և իսրայելացիներից մի քանիսին գերի տարավ Բաբելոն։ Թագավորը հրամայեց, որ իսրայելացի երիտասարդներից մի քանիսին ուսուցանեն, որպեսզի նրանք ծառայեն իր տանը։ Այդ երիտասարդների թվում էին Դանիելը, Անանիան, Միսայելը և Ազարիան։ Բաբելոնում նրանց անունները համապատասխանաբար փոխեցին՝ Բաղդասար, Սեդրաք, Միսաք և Աբեդնագով (տես Դանիել 1.1–7):

Երբ ուսանողները կարդան հետևյալ հատվածները, կարող եք հատված 10-ից հետո դադար առնել և տալ ստորև ներկայացված հարցերը: Որպես այլընտրանք, կարող եք առաջարկել ուսանողներին «God Gave Them Knowledge» տեսանյութը դիտելիս՝ 0:52-5:15 (հասանելի է ChurchofJesusChrist.org կայքում), հետևել իրենց սուրբ գրություններին և դադար տալ 4:18-ին՝ հարցերը քննարկելու համար։

13:49

Կարդացեք Դանիել 1․5, 8–14 հատվածները՝ փնտրելով, թե թագավորն ինչ հրահանգեց անել Դանիելին և նրա ընկերներին:

• Ինչո՞ւ կարող էր այս խնդրանքը կատարելը դժվար լինել Դանիելի և նրա ընկերների համար։

• Ըստ ձեզ, ինչո՞ւ էր վտանգավոր որոշ ուտելիքից և ըմպելիքից հրաժարվելը, որը կարող էր առաջացնել թագավորի զայրույթը:

Կարդացեք Դանիել 1.15–20 հատվածները՝ ուշադրություն դարձնելով, թե ինչպես Տերը օրհնեց Դանիելին և նրա ընկերներին իրենց հնազանդության համար:

Եվս մեկ անգամ կարդացեք հատվածներ 15–20-ը, սակայն այս անգամ խորհեք այն բանի շուրջ, թե ինչ եք սովորում Երկնային Հոր և Հիսուս Քրիստոսի մասին:

• Այդ հատվածներն ի՞նչ են ուսուցանում ձեզ Աստծո մասին:

• Ինչպե՞ս կարող է այս հասկացողությունն ուժեղացնել Նրան վստահելու և հնազանդվելու ձեր ցանկությունը:

Պատկերացրեք, որ ձեզ խնդրել են ստեղծել մի պաստառ, որը նկարագրում է որևէ յուրահատուկ բան ձեր կրոնի վերաբերյալ: Դուք որոշում եք ստեղծել ձեր պաստառն Իմաստության խոսքի մասին: Օգտագործեք հետևյալ աղբյուրներից մի քանիսը կամ բոլորը՝ որոշելու, թե ինչ պետք է ներառեք այնտեղ.

1. Վարդապետություն և Ուխտեր 89․18–21

2. Դանիել 1․15–20

3. «Իմաստության խոսք»՝ Սուրբ գրքերի ուղեցույցից կամ Թեմաներ և Հարցեր բաժնից (Gospel Library հավելված) կամ «Ի՞նչ կասեք …» բաժինը Երիտասարդներին զորացնելու համար. ուղեցույց ընտրություն կատարելու համար գրքույկից (2022)

4. «The Word of Wisdom: What It Is, What It Isn’t», New Era, օգօստ. 2019, 26–28

Համոզվեք, որ ձեր պաստառի վրա գրել եք Իմաստության խոսքի մասին ճշմարտության հայտարարությունը: Այդ ճշմարտությունը կարող է լինել Դանիելի փորձառությունից կամ այլ աղբյուրներից:

Մարդիկ, որոնք դեռ չեն հասկանում Իմաստության խոսքի նպատակը, կարող են այն դիտարկել որպես Եկեղեցու կողմից սահմանված ավելորդ սահմանափակումներ: Մեկ րոպե տրամադրեք՝ խորհելու այն օրհնությունների շուրջ, որոնք գալիս են Իմաստության խոսքը պահելուց, նաև մարդկանց, ընտանիքների և հասարակության կողմից այն խախտելու հետևանքների շուրջ:

• Ըստ ձեզ, Իմաստության խոսքն ինչպե՞ս է ցույց տալիս Աստծո սերն Իր զավակների հանդեպ։

Ես ցանկանում եմ հնազանդվել Իմաստության խոսքին, քանի որ …

Մի բան, որը ես կարող եմ անել՝ օգնելու ինձ հնազանդվել Իմաստության խոսքին, դա այն է, …