Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Դանիել 2. «Թագավորություն, որը հավիտյան չի ավերվելու»

«Դանիել 2. «Թագավորություն, որը հավիտյան չի ավերվելու»», Հին Կտակարան․ Սեմինարիայի ուսուցչի ձեռնարկ (2026)

«Դանիել 2. «Թագավորություն, որը հավիտյան չի ավերվելու»», Հին Կտակարան․ Սեմինարիայի ուսուցչի ձեռնարկ

Դանիել 1–7․ Դաս 143

Դանիել 2

«Թագավորություն, որը հավիտյան չի ավերվելու»

The Old Testament King Nebuchadnezzar is depicted sitting on his throne in front of the prophet Daniel. Daniel stands as he interprets the king's dream. In the background, depictions from the king's dream can be seen such as the great image and a stone cut from the mountain without hands getting ready to destroy the image. (The stone represents the latter-day kingdom of God.)

Տերը Դանիելին ցույց տվեց վերջին օրերի տեսիլքը, որում Տերը հաստատել էր Իր արքայությունը երկրի վրա: Տիրոջ արքայությունը՝ Հիսուս Քրիստոսի Վերջին Օրերի Սրբերի Եկեղեցին, կլցնի ողջ երկիրը և հավերժ կգոյատևի: Այս դասը կօգնի ուսանողներին ամրացնել Հիսուս Քրիստոսի Վերջին Օրերի Սրբերի Եկեղեցու աստվածային Վերականգնման մասին իրենց վկայությունը:

Ուսանողի նախապատրաստում. այս դասին պատրաստվելու համար ուսանողներին առաջարկեք ընտրել հետևյալ գաղափարներից մեկը.

Հնարավոր ուսումնական վարժություններ

Վկայություն Վերականգնման մասին

Ուսանողներին առաջարկեք կիսվել տաճարային երաշխավորագիր ստանալու համար հարցազրույցի ժամանակ իրենց տրված ցանկացած հարցով, որը հիշում են: Եթե օգտակար կլինի, կարող եք նշել տաճարային երաշխավորագրի հարցազրույցի հարցերը Երիտասարդներին զորացնելու համար. ուղեցույց ընտրություն կատարելու համար գրքույկից։ Երբ ուսանողները կիսվեն իրենց հիշած մի քանի հարցով, կարող եք գրատախտակին գրել հետևյալ հարցը:

Մտածեք, թե ինչպես կպատասխանեիք տաճարային երաշխավորագրի հարցազրույցի հետևյալ հարցին.

Դուք ունե՞ք վկայություն Հիսուս Քրիստոսի ավետարանի Վերականգնման մասին:

Անհրաժեշտության դեպքում բացատրեք, որ Վերականգնումը «Աստծո կողմից երկրի վրա Իր ավետարանի ճշմարտությունների և արարողությունների վերահաստատումն է մարդկանց մեջ» (Սուրբ գրքերի ուղեցույց, «Ավետարանի վերականգնում», Gospel Library հավելված)։

Կարող եք գրատախտակին գրված հարցից հետո գրել Ինչո՞ւ այո կամ ինչո՞ւ ոչ հարցերը։ Ուսանողներին առաջարկեք խորհել երկու հարցերի վերաբերյալ իրենց պատասխանների շուրջ:

Այսօր Դանիել 2 գլուխն ուսումնասիրելիս հրավիրեք Սուրբ Հոգուն՝ օգնելու ձեզ ճանաչել ճշմարտությունները, որոնք կարող են ամրացնել ձեր վկայությունն այն մասին, որ Երկնային Հայրը և Հիսուս Քրիստոսը վերականգնել են Հիսուս Քրիստոսի Վերջին Օրերի Սրբերի Եկեղեցին երկրի վրա:

Նաբուգոդոնոսոր թագավորի երազը

Բաբելոնի Նաբուգոդոնոսոր թագավորը երազ տեսավ, որն անհանգստացրեց նրան։ Նրա իմաստուններից ոչ մեկը չկարողացավ ասել նրան, թե ինչ երազ էր դա, կամ ինչպես մեկնաբանել այն: Արդյունքում, թագավորը հրամայեց սպանել իր բոլոր իմաստուններին, այդ թվում՝ Դանիելին։ Նախքան դա տեղի կունենար՝ Աստված Դանիելին հայտնեց երազը և դրա մեկնաբանությունը (տես Դանիել 2.1–26):

Թագավորին երազի վերաբերյալ Աստծո հայտնության մասին պատմելուց առաջ, Դանիելը նրան ուսուցանեց, որ Աստված է երազի մեկնաբանության աղբյուրը։ Դանիելը նաև բացահայտեց, որ երազն այն մասին էր, «ինչ որ պիտի լինի հետագա օրերում» (Դանիել 2.28):

Կարդացեք Դանիել 2.31–43 հատվածները և աշխատաթերթի վրա նշեք Նաբուգոդոնոսոր թագավորի երազի տարրերը՝ ձեր գտած մեկնաբանություններով: Ներառեք այն հատվածները, որտեղ գտել եք մեկնաբանությունները:

Ուսանողներին օգնեք նշել, որ Նաբուգոդոնոսոր թագավորի բաբելոնյան թագավորությունը ոսկե գլուխն էր (հատված 38)։ Պատկերի (կամ արձանի) մյուս մասերը ներկայացնում են այլ թագավորություններ, որոնք գալու էին Բաբելոնից հետո։

Դանիել 2․44–45 հատվածները վարդապետության սերտման հատվածներ են: Առաջարկեք ուսանողներին նշել վարդապետության սերտման հատվածները տարբերակիչ ձևով, որպեսզի կարողանան հեշտությամբ գտնել դրանք:

Կարդացեք Դանիել 2.44–45 հատվածները՝ փնտրելով քարը նկարագրող բառեր և արտահայտություններ: Գրեք այս խոսքերը ձեր աշխատաթերթում պատկերված քարի նկարի շուրջը:

Երբ ուսանողները կարդան հետևյալ արտահայտությունը, առաջարկեք նրանց իրենց աշխատաթերթում գրել, թե ինչ է խորհրդանշում քարը՝ քարի ներսում:

Տասներկու Առաքյալների Քվորումից երեց Դ. Թոդ Քրիստոֆերսոնը բացատրել է, թե ինչ է խորհրդանշում քարը.

[Հիսուս Քրիստոսի Վերջին Օրերի Սրբերի] Եկեղեցին այդ մարգարեացած վերջին օրերի թագավորությունն է, բայց ոչ թե մարդու կողմից ստեղծված, այլ հիմնված երկնային Աստծո կողմից․ այն գլորվում է առաջ՝ որպես քար, որն «առանց ձեռք դիպչելու պոկվել է սարից», որպեսզի լցնի երկիրը [Դանիել 2․45, տես նաև հատված 35]։ («Ինչո՞ւ Եկեղեցին», Լիահոնա, նոյ․ 2015, 111)

Ի՞նչ կարող ենք սովորել Աստծո վերականգնված Եկեղեցու մասին այս ուղերձից և Դանիելին տրված Տիրոջ հայտնությունից:

Օգտագործելով ուսանողների բառերը՝ օգնեք նրանց նշել, որ Աստված հիմնել է Հիսուս Քրիստոսի Վերջին Օրերի Սրբերի Եկեղեցին, որը կլցնի ամբողջ երկիրը և հավերժ կգոյատևի։

Կարող եք կիսվել, որ Տերը Ինքն է հայտարարել, որ Իր ավետարանը կլցնի ողջ երկիրը (տես Վարդապետություն և Ուխտեր 65.2): Ուսանողները կարող են խաչաձև հղում կատարել կամ կապել Վարդապետություն և Ուխտեր 65.2 հատվածը Դանիել 2.35 հատվածի հետ։ Կարող եք բացատրել, որ «լցրեց ամբողջ երկիրը» արտահայտությունը (Դանիել 2.35) չի նշանակում, որ բոլորը կմիանան Տիրոջ Եկեղեցուն, այլ նշանակում է, որ այն կտարածվի աշխարհով մեկ (տես 1 Նեփի 14.12–14):
Ինչպե՞ս են Դանիել 2.44–45 հատվածների արտահայտություններն օգնում մեզ հասկանալ այդ ճշմարտությունը:

Քարը գլորվում է առաջ

Նաբուգոդոնոսոր թագավորի երազը մեկնաբանելուց հետո Դանիելը կիսվեց իր վկայությամբ այն մասին, որ երազը «հաստատ է, իսկ մեկնությունը՝ ստույգ» (Դանիել 2.45): Երբ մենք զարգացնենք մեր անձնական վկայությունները, Փրկչի վերականգնված Եկեղեցու ճշմարտությունները Սուրբ Հոգու զորությամբ կարող են մեզ համար հաստատ և ստույգ դառնալ:

Նախագահ Ռասսել Մ. Նելսոնը կիսվել է, թե ինչ պետք է անենք, որպեսզի ինքներս ստույգ վկայություններ զարգացնենք.

Հիմա, որպես Նրա Եկեղեցու նախագահ, ես աղաչում եմ ձեզ: … Հոգևոր աշխատանք կատարեք, որպեսզի պարզեք ձեզ համար, [որ Փրկչի Եկեղեցին վերականգնվել է], և խնդրում եմ, արեք դա հիմա: Քիչ ժամանակ է մնացել: («Եկ, հետևիր ինձ», Լիահոնա, մայիս 2019, 91)

Կարդացեք «Հիսուս Քրիստոսի ավետարանի լրիվության վերականգնումը. Երկուհարյուրամյա հռչակագիր աշխարհին» հռչակագիրը։ Փնտրեք ճշմարտություններ, որոնք Փրկիչը հայտնել է և իրադարձություններ, որոնք Նա կատարել է Իր Եկեղեցին վերականգնելիս:
Քննարկեք, թե ինչու են այդ ճշմարտությունները և իրադարձությունները կարևոր Փրկչի Եկեղեցու Վերականգնման համար:
Քննարկեք այն հոգևոր աշխատանքը, որը մարդ կարող է անել՝ ամրացնելու իր վկայությունն առ այն, որ Հիսուս Քրիստոսը վերականգնեց Իր Եկեղեցին:

Բավարար ժամանակ տրամադրելուց հետո յուրաքանչյուր խմբի հնարավորություն տվեք կիսվելու մեկ ճշմարտությամբ կամ իրադարձությունով, որն առանձնահատուկ է իրենց համար: Առաջարկեք նրանց կիսվել, թե ինչու է կարևոր վկայություն ունենալ այդ ճշմարտության կամ իրադարձության վերաբերյալ, ինչպես նաև այն հոգևոր աշխատանքի մասին, որը մարդ կարող է անել, որպեսզի ստանա կամ ամրացնի դրա վերաբերյալ իր վկայությունը:

Երբ յուրաքանչյուր խումբ կիսվելու հնարավորություն ունենա, ուսանողներին առաջարկեք իրենց օրագրերում պատասխանել հետևյալ հարցերին:

Փրկչի վերականգնված Եկեղեցու ո՞ր ճշմարտության կամ իրադարձության մասին կցանկանայիք ամրացնել ձեր վկայությունը:
Ի՞նչ հոգևոր աշխատանք կարող եք անել՝ ամրացնելու ձեր վկայությունը Փրկչի կողմից Իր Եկեղեցու աստվածային Վերականգնման մասին:

Մտապահել

Օգնեք ուսանողներին այս դասի ընթացքում մտապահել վարդապետության սերտման հղումը և սուրբգրային հիմնական արտահայտությունը, ապա կրկնել դրանք հետագա դասերի ժամանակ: Դանիել 2․44–45 հատվածների սուրբգրային հիմնական արտահայտությունն է՝ «Աստվածը «մի թագավորություն է բարձրացնելու, որը հավիտյան չի ավերվելու»»: Մտապահելու համար նախատեսված վարժությունների վերաբերյալ գաղափարները ներկայացված են հավելվածի նյութերում՝ «Վարդապետության սերտման կրկնության վարժություններ» բաժնում:

Օժանդակ նյութեր

Դանիել 2․45 Ի՞նչ է նշանակում, որ «սարից մի քար պոկվեց՝ առանց ձեռք դիպչելու»։

Տասներկու Առաքյալների Քվորումից երեց Ռոնալդ Ա․ Ռասբանդն ուսուցանել է.

15:4

Մեկնաբանելով Բաբելոնի թագավոր Նաբուգոդոնոսորի երազը՝ Դանիելը մարգարեացավ, որ Տիրոջ եկեղեցին վերջին օրերին փոքր քարի նման «սարից պոկվեց՝ առանց ձեռք դիպչելու» [Դանիել 2․45]։ «Առանց ձեռք դիպչելու» նշանակում է, որ աստվածային միջամտությամբ Տիրոջ Եկեղեցին կմեծանա այնքան, մինչև կլցնի ամբողջ աշխարհը, «հավիտյան չի ավերվելու, և նրա տերությունն ուրիշ ժողովրդի չի տրվելու … [այլ] կմնա հավիտյան» [Դանիել 2․44]։ («Մարգարեության իրականացում» Լիահոնա, մայիս 2020, 75)

Ի՞նչ է նշանակում, որ քարը կլցնի ամբողջ աշխարհը:

Մարգարե Ջոզեֆ Սմիթը (1805–44) կիսվել է.

Ճշմարտության Դրոշը վեր է խոյացած. ոչ մի անսուրբ ձեռք չի կարող կանգնեցնել աշխատանքի առաջընթացը, հալածանքները կարող են մոլեգնել, խուժանը կարող է միավորվել, զորքեր կարող են հավաքվել, զրպարտությունները կարող են արատավորել, բայց Աստծո ճշմարտությունն առաջ կգնա համարձակ, ազնիվ, անկախ, մինչև այն ներթափանցի յուրաքանչյուր մայրցամաք, այցելի ամեն երկիր, անցնի ամեն պետություն և հնչի յուրաքանչյուրի ականջում, մինչև Աստծո նպատակներն իրականացվեն, և Մեծ Եհովան ասի` աշխատանքը կատարված է: (Եկեղեցու նախագահների Ուսմունքները. Ջոզեֆ Սմիթ [2007], 142)

Ինչո՞ւ է կարևոր Հիսուս Քրիստոսի Վերջին Օրերի Սրբերի Եկեղեցու Վերականգնումը:

Տասներկու Առաքյալների Քվորումից նախագահ Ջեֆրի Ռ. Հոլլանդն ուսուցանել է.

Այո, մեր ուղերձն, անկասկած, Հիսուս Քրիստոսի Քավությունն է և այն ամենն, ինչ այն խորհրդանշում է, բայց մենք չենք ունենա այդ անասելի պարգևը հասանելի կամ փրկագնող կամ արդյունավետ դարձնելու եղանակ մարդկանց կյանքում, եթե չհռչակենք աստվածային ճշմարտության և երկնային քահանայության վերջին օրերի Վերականգնումը։ Այնտեղից հեռացրեք Ջոզեֆ Սմիթին և Առաջին Տեսիլքը, հեռացրեք իրադարձությունները, որոնք հաջորդեցին դրան, հեռացրեք ուղիղ վերականգնումը երկնքից, և ի՞նչ կունենանք մենք: Մենք շատ բան չենք ունենա, համենայնդեպս, բավարար չի լինի, որպեսզի մենք տարբերվենք լավ մարդկանց հազարավոր այլ խմբերից: («Testify of the Restoration», New Era, ապրիլ 2017, 3–4)

Ի՞նչ այլ թագավորություններ կարող է խորհրդանշել Նաբուգոդոնոսոր թագավորի տեսած պատկերը։

Եթե ուսանողները ցանկանան ավելին իմանալ Դանիել 2.39–43 հատվածներում նշված այլ թագավորությունների մասին, որոնք կարող են խորհրդանշել պատկերը, նրանք կարող են կարդալ այն, ինչ նախագահ Սպենսեր Վ. Քիմբալն է (1895–1985) ուսուցանել իր «The Stone Cut Without Hands» ելույթում (Ensign, ապրիլ 1976, 8)։

Լրացուցիչ ուսումնական վարժություններ

Դասը սկսելու այլընտրանքային տարբերակ

Երիտասարդներից ոմանք կարող են մտահոգություններ ունենալ աշխարհում տարածվող ամբարշտության և չարի վերաբերյալ: Որպեսզի օգնեք նրանց՝ իրենց մտահոգությունների մասին անհանգստանալու փոխարեն դիմել Տիրոջը, կարող եք դասը սկսել նախագահ Գորդոն Բ. Հինքլիի (1910–2008) հետևյալ խոսքերով.

Եթե երբևէ ձեր հավատքը թուլանալու հակվածություն ունենա, երբ տեսնեք չարի և անարդարության առաջընթացը, նորից կարդացեք Դանիելի պատմությունը, ով իր հույսը դնելով «գաղտնիքներ հայտնող մի Աստծո» վրա [Դանիել 2.28], մեկնաբանեց Նաբուգոդոնոսորի երազը։ («Մի վախեցիր, միայն հավատա», Ensign, փետրվ. 1996, 4)

Ապա կարող եք առաջարկել ուսանողներին ուսումնասիրել Դանիել 2 գլուխը՝ օգտագործելով այս հավերժության հեռանկարը, երբ փնտրեն ճշմարտություններ, որոնք կարող են սովորել պատմությունից: Առաջարկեք նրանց մտածել, թե ինչպես կարող է իրենց սովորածն ամրապնդել իրենց հավատքը՝ չնայած այն չարին, որը տեսնում են իրենց շուրջը:

Հին Կտակարանի Վերականգնման վերաբերյալ սուրբ գրություններ

Հետևյալ սուրբ գրությունները կարող են օգնել ուսանողներին նշել Հին Կտակարանի մարգարեությունները Վերականգնման վերաբերյալ: Կարող եք դրանք օգտագործել Վերականգնման հռչակագրի հետ միասին՝ դասի «Քարը գլորվում է առաջ» վերնագրով բաժնում: Ուսանողները կարող են ընտրել հղումներից մեկը՝ ուսումնասիրելու և նշելու Վերականգնման ճշմարտությունը կամ իրադարձությունը, որը կգտնեն այդտեղ:

Երեմիա 16.14–16 (Իսրայելի հավաքումը միսիոներական աշխատանքի միջոցով)
Եզեկիել 37.15–19 (Աստվածաշունչը և Մորմոնի Գիրքը միավորվում են որպես Հիսուս Քրիստոսի վկաներ)
Ամովս 3․7 (մարգարեներ)

Բացի այդ, կարող եք ուսանողների ուսումնասիրության համար տարբերակներին ավելացնել Ջոզեֆ Սմիթ—Պատմություն 1.16–17 (Առաջին Տեսիլք):

Հիսուս Քրիստոսի ավետարանը լցնում է աշխարհը

Երբ ուսանողներն իմանան, որ Դանիել 2 գլխում նկարագրված քարը խորհրդանշում է Հիսուս Քրիստոսի Վերջին Օրերի Սրբերի Եկեղեցին, կարող եք օգնել նրանց տեսնել դրա աճն ամբողջ աշխարհում: Դա անելու համար կարող եք գրատախտակին ցուցադրել հետևյալ աղյուսակը․

	Եկեղեցու անդամներ	Ցցեր	Նվիրագործված տաճարներ
6 ապրիլի, 1830 թվական	Եկեղեցու անդամներ 6	Ցցեր 0	Նվիրագործված տաճարներ 0
1880	Եկեղեցու անդամներ 133,628	Ցցեր 23	Նվիրագործված տաճարներ 1
1930	Եկեղեցու անդամներ 670,017	Ցցեր 104	Նվիրագործված տաճարներ 7
1980	Եկեղեցու անդամներ 4,639,822	Ցցեր 1,218	Նվիրագործված տաճարներ 19
Այսօր	Եկեղեցու անդամներ	Ցցեր	Նվիրագործված տաճարներ

Ամեն տարի Լիահոնա ամսագրի մայիսյան հրատարակությունը պարունակում է նախորդ տարվա վիճակագրական հաշվետվությունը: Ուսանողները կարող են այն օգտագործել՝ վերջին տողի «Եկեղեցու անդամներ» և «Ցցեր» սյունակները լրացնելու համար: Ուսանողները կարող են տաճարների ցանկ բաժնում գտնել նվիրագործված տաճարների թիվը ChurchofJesusChrist.org կայքում՝ սեղմելով «Կարգավիճակ» բաժնի ներքևի սլաքի վրա: Ապա կարող եք ուսանողներին առաջարկել կիսվել տեղեկություններով, որոնք գտել են «Այսօր» տողի համար:

Որպես այլընտրանք, կարող եք ուսանողներին ցուցադրել Հիսուս Քրիստոսի Եկեղեցու աճը 2017 թվականի ընթացքում՝ ցուցադրելով «The Gospel Shall Roll Forth» (2:47) տեսանյութը։

2:48

Ստանալ Աստծո օգնությունը

Նախքան Նաբուգոդոնոսոր թագավորի երազի մեկնաբանությունը կարդալը, ուսանողները կարող են կարդալ այն մասին, թե ինչպես Դանիելն այն մեկնաբանելու իմաստություն ստացավ: Ուսանողներին առաջարկեք կարդալ Դանիել 2.17–23 հատվածները՝ ուշադրություն դարձնելով, թե ինչ արեց Դանիելը՝ Երկնային Հորից հայտնություն ստանալու համար: Ուսանողներին առաջարկեք մտածել, թե իրենք ինչ կարող են անել՝ Դանիելի օրինակին հետևելու համար։ Նրանք կարող են նաև մտածել, թե ինչ հանգամանքներում իրենք կարող են Երկնային Հոր կողմից հայտնության կարիք ունենալ: