Դանիել 3

Յոթանասունից երեց Շայնե Մ. Բոուենը կիսվել է հետևյալ անձնական փորձառությամբ.

11:26

Երբ [որդիս]՝ Թայսոնն ութ ամսական էր, նա կուլ տվեց [կամ ծամեց] մի կտոր կավիճ, որը գտել էր գորգի վրա: Կավիճը խրվել էր Թայսոնի կոկորդում և նա դադարեց շնչել: Նրա ավագ եղբայրը բերեց Թայսոնին աստիճաններով վեր՝ խելահեղորեն բացականչելով. «Երեխան չի շնչում։ Երեխան չի շնչում»: Մենք սկսեցինք սրտաթոքային վերակենդանացում կատարել և կանչեցինք 911:

Շտապ օգնության անձնակազմը եկավ և արագ հիվանդանոց հասցրեց Թայսոնին: Սպասասրահում մենք շարունակում էինք ջերմեռանդորեն աղոթել՝ աղերսելով Աստծուն հրաշք կատարել: («Որովհետև ես կենդանի եմ, և դուք կենդանի կլինեք» Լիահոնա, նոյ. 2012, 16)

• Ինչպե՞ս կարող են այս իրավիճակի այլ հնարավոր արդյունքներն ազդել առ Աստված ընտանիքի հավատքի վրա:

Երեց Բոուենը շարունակում է.

11:26

Կյանքի չափ թվացող որոշ ժամանակ անց, բժիշկը սենյակ մտավ և ասաց. «Շա՜տ ցավում եմ: Այլևս ոչինչ չենք կարող անել։ Կարող եք մնալ այնքան, որքան ձեզ անհրաժեշտ է»: Ապա նա հեռացավ:

Երբ մենք սենյակ մտանք, որտեղ Թայսոնն էր պառկած, մենք տեսանք անկենդան դարձած մեր ուրախության փոքրիկ փաթեթը: …

Այդ պահին այնպիսի զգացում առաջացավ, որ կարծես աշխարհը մեզ համար ավարտվեց: («Որովհետևւ ես կենդանի եմ, և դուք կենդանի կլինեք» Լիահոնա, նոյ. 2012, 16)

Դուք էլ կարող եք Բոուենների նման փորձառություններ ունենալ, երբ Աստված չօրհնի ձեզ այնպես, ինչպես ցանկանում եք: Խորհեք ձեր կամ ձեր ընտանիքի ունեցած փորձառությունների մասին, երբ զգացել եք, որ Տերը օրհնել է, կամ չի օրհնել ձեզ այնպես, ինչպես ցանկանում էիք:

Տվեք ձեզ հետևյալ հարցերը․

• Ինչպե՞ս են ձեր փորձառություններն ազդել ձեր հավատքի վրա առ Երկնային Հայրը և Հիսուս Քրիստոսը:

• Զգո՞ւմ եք արդյոք, որ կարող եք ապավինել Նրանց՝ անկախ այն օրհնություններից, որոնք ստանում եք կամ չեք ստանում: Ինչո՞ւ այո, կամ ինչո՞ւ ոչ։

Այսօր Դանիել 3 գլուխն ուսումնասիրելիս ուշադրություն դարձրեք Սուրբ Հոգու ցանկացած տպավորությանը, որը կարող է օգնել ամրացնել ձեր հավատքն առ Երկնային Հայրը և Հիսուս Քրիստոսը՝ անկախ արդյունքից:

Բաբելոնի թագավոր Նաբուգոդոնոսորը մի մեծ ոսկե արձան պատրաստեց։ Այն ուներ մոտավորապես 90 ֆուտ (27,4 մետր) բարձրություն և 9 ֆուտ (2,74 մետր) լայնություն (տես Դանիել 3.1): Երբ հնչեց հատուկ երաժշտությունը, թագավորը պատվիրեց բոլորին ծնկի իջնել և երկրպագել արձանին (տես Դանիել 3.4–5): Մարդիկ, որոնք չերկրպագեին ոսկյա արձանին, կնետվեին «կրակով բորբոքված հնոցի մեջ» (Դանիել 3.6):

Հաշվի առնելով այդ արձանին չերկրպագելու հետևանքները, մտածեք, թե ըստ ձեզ, ինչ կանեիք, եթե այնտեղ լինեիք:

Սեդրաքը, Միսաքը և Աբեդնագովն ընտրեցին պատվել Աստծուն՝ չերկրպագելով արձանին (տես Դանիել 3.12):

Կարդացեք Դանիել 3.13–18 հատվածները՝ փնտրելով, թե ինչ եք սովորում այդ մարդկանցից առ Հիսուս Քրիստոս հավատքի մասին:

• Ի՞նչ դասեր եք քաղում առ Հիսուս Քրիստոս հավատքի մասին:

  Օգնեք ուսանողներին հասկանալ, որ մենք կարող ենք ցույց տալ մեր հավատքն առ Հիսուս Քրիստոս՝ ապավինելով Նրան՝ անկախ արդյունքից։

  Ուսանողներին առաջարկեք նշել «կարող է մեզ ազատել» արտահայտությունը (հատված 17): Նշեք, որ իմացությունն այն մասին, որ Աստված կարող է օրհնել մեզ նրանով, ինչին սպասում ենք, ցույց է տալիս հավատքը Նրա հանդեպ:

  Ապա ուսանողներին առաջարկեք նշել «իսկ եթե ոչ» արտահայտությունը (հատված 18): Հարցրեք ուսանողներին, թե ինչ են իրենք սովորում առ Աստված հավատքի մասին այս մարդկանց պատրաստակամությունից՝ ընդունելու այն, որ Աստված կարող է չցանկանալ օրհնել իրենց այն բաներով, որ իրենք ցանկանում են:

• Ո՞րն է Հիսուս Քրիստոսի հանդեպ և արդյունքի հանդեպ հավատք ունենալու միջև տարբերությունը:

• Որո՞նք են այն ժամանակակից իրավիճակները, երբ մարդուն անհրաժեշտ կլինի արդյունքի հանդեպ հավատքի փոխարեն հավատք դրսևորել առ Հիսուս Քրիստոս:

Կարդացեք Դանիել 3.19–28 հատվածները՝ նշելով այն բառերը կամ արտահայտությունները, որոնք տպավորել են ձեզ Սեդրաքի, Միսաքի և Աբեդնագովի փորձառությունից:

Որպեսզի օգնեք ուսանողներին պատկերացնել այդ հատվածները, կարող եք ցուցադրել «Սեդրաքը, Միսաքը և Աբեդնագովը» (1:39) տեսանյութը, որը հասանելի է ChurchofJesusChrist.org կայքում։

1:39

• Ի՞նչը տպավորեց ձեզ այդ պատմությունից:

• Ի՞նչ սովորեցիք Աստծո մասին այդ պատմությունից:

Հիշեք սուրբ գրությունների պատմությունները, որտեղ մարդիկ հավատք դրսևորեցին առ Հիսուս Քրիստոս, սակայն բախվեցին բացասական հետևանքների:

• Ինչպե՞ս են այդ պատմություններն օգնում ձեզ ապավինել Տիրոջը՝ անկախ արդյունքից:

• Ի՞նչ գիտեք Երկնային Հոր և Հիսուս Քրիստոսի մասին, որն օգնում է ձեզ ապավինել Նրանց՝ անկախ արդյունքից:

Երեց Բոուենը շարունակեց կիսվել իր փորձառությամբ.

Երբ զգացի, որ մեղավորություն զգացումը, բարկությունը և ինքնախղճահարությունը փորձում էին ոչնչացնել ինձ, ես սկսեցի աղոթել, որ սիրտս փոխվի: Ենթարկվելով շատ անձնական, սրբազան փորձությունների, Տերը ինձ տվեց մի նոր սիրտ, և չնայած այն դեռևս միայնակ էր և ցավոտ, իմ ողջ տեսակետը փոխվեց: Ինձ տրված էր իմանալ, որ ես չէի կողոպտվել, այլ ավելի շուտ ինձ սպասում էր մի մեծ օրհնություն, եթե ապացուցեի, որ հավատարիմ եմ:

Կյանքս սկսեց փոխվել, և ես ավելի շուտ կարողացա առաջ նայել հույսով, քան հետ նայել հուսահատությամբ: …

Ես վկայում եմ, որ Նրա շնորհիվ, այսինքն՝ մեր Փրկիչ Հիսուս Քրիստոսի շնորհիվ, վշտի, միայնակության և հուսահատության այդ զգացումները մի օր կուլ կգնան ուրախության լիության մեջ: Ես վկայում եմ, որ մենք կարող ենք վստահել Նրան։ («Որովհետև ես կենդանի եմ, և դուք կենդանի կլինեք» Լիահոնա, նոյ. 2012, 17)

• Ինչպե՞ս կարող է երեց Բոուենի փորձառությունն օգնել ձեզ:

• Ե՞րբ եք դուք կամ ձեր ծանոթը հավատք դրսևորել առ Երկնային Հայրը և Հիսուս Քրիստոսը՝ ապավինելով Նրանց՝ անկախ արդյունքից:

Ձեր օրագրում գրեք, թե ինչն է օգնում ձեզ ապավինել Երկնային Հորը և Հիսուս Քրիստոսին՝ անկախ արդյունքից: Կարող եք գրել, թե Դանիել 3 գլխի ուսումնասիրության ժամանակ ձեր քաղած դասերն ինչպես կարող են օգնել ձեզ այն փորձությունների ժամանակ, որոնց բախվում եք կամ այն, ինչ ցանկանում եք հիշել ապագայում: