Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Daniel 1: “Hindi Durungisan [ni Daniel] ang Sarili”

“Daniel 1: ‘Hindi Durungisan [ni Daniel] ang Sarili,’” Manwal ng Titser ng Seminary para sa Lumang Tipan (2026)

“Daniel 1: ‘Hindi Durungisan [ni Daniel] ang Sarili,’” Manwal ng Titser ng Seminary para sa Lumang Tipan

Daniel 1–7: Lesson 142

Daniel 1

: “Hindi Durungisan [ni Daniel] ang Sarili”

Daniel Refusing the King’s Meat and Wine, by Del Parson

Kapag nahaharap tayo sa mga sitwasyon na sumusubok sa ating determinasyon na sundin ang mga kautusan ng Panginoon, susuko ba tayo o maninindigan? Bilang mga tagapaglingkod sa palasyo ni Haring Nebukadnezar, si Daniel at ang kanyang mga kaibigan ay inutusan na labagin ang mga inihayag na batas sa kalusugan ng Panginoon, ngunit sila ay nanindigan. Ang lesson na ito ay makatutulong sa mga estudyante na patatagin ang kanilang pangako na sundin ang Word of Wisdom ng Panginoon.

Paghahanda ng estudyante: Anyayahan ang mga estudyante na pag-aralan ang buod para sa “Word of Wisdom“ sa Mga Paksa at Mga Tanong sa Gospel Library. Hikayatin silang talakayin kung paano sila napagpala o ang iba sa pamamagitan ng pagsunod sa Word of Wisdom ng Panginoon.

Mga Posibleng Aktibidad sa Pag-aaral

Ano ang gagawin ninyo?

Maaari mong simulan ang klase sa pamamagitan ng paglalarawan sa isang kabataan na mahilig tumanggap ng mga hamon na sumubok ng mga bagong bagay, tulad ng susunod na halimbawa. Maaari mong baguhin ang pangalan at mga aktibidad para mas makaugnay ang mga ito sa iyong mga estudyante.

Si Mateo ay isang aktibong miyembro ng Ang Simbahan ni Jesucristo ng mga Banal sa mga Huling Araw. Kilala siyang sumusubok ng mga bagong bagay, kaya madalas siyang binibigyan ng mga kaibigan niya ng mga hamon tulad ng sumusunod:

Minsan ay hinamon siya ng isang kaibigan na tumakbo sa isang marathon. Tinanggap ni Mateo ang hamon.
Minsan ay hinamon siya ng isang kaibigan na sumisid sa isang napakalamig na lawa. Tinanggap ni Mateo ang hamon.
Minsan ay hinamon siya ng isang kaibigan na magpakilala sa isang bagong estudyanteng babae sa paaralan. Tinanggap ni Mateo ang hamon.

Pagkatapos basahin ang susunod na hamon, huminto sandali at itanong ang nasa ibaba.
Isang araw, hinamon si Mateo ng kanyang mga kaibigan na uminom ng alak sa isang party.
Sa palagay ninyo, paano tutugon si Mateo? Bakit?

Maaari mong itanong sa mga estudyante kung karaniwan sa inyong lugar ang pamimilit na labagin ang Word of Wisdom. Maaari din nilang ilarawan ang mga sitwasyon kung saan maaaring mapilitan silang labagin ito. Maaari mong hikayatin ang mga estudyante na maaaring lumabag na sa kautusang ito na tandaang tutulungan sila ng Panginoon kapag bumaling sila sa Kanya at nagsisi. Tiyakin sa mga estudyante na mahal sila ng Panginoon at inaanyayahan Niya silang patuloy na magsikap.

Para masuri ang sarili nilang pangako na sundin ang Word of Wisdom, maaaring sagutin ng mga estudyante ang mga sumusunod sa kanilang study journal.
Sa tingin mo, paano ka tutugon sa ganitong sitwasyon? Bakit?
Sa tingin mo, paano ka tutugon kung inaalok ka ng isang bagay na mas karaniwan tulad ng kape o tsaa?

Habang pinag-aaralan ninyo ang Daniel 1 ngayon, pakinggan ang mga ideya at damdaming maaaring ibigay sa inyo ng Ama sa Langit sa pamamagitan ng Espiritu Santo. Maghanap ng mga paraan upang patatagin ang inyong pangako na sundin ang Word of Wisdom ng Panginoon.

Sinunod ni Daniel ang Panginoon

Noong 606 BC, sinalakay ni Nebukadnezar, hari ng Babilonia, ang Jerusalem at binihag ang ilang Israelita sa Babilonia. Iniutos ng hari na sanayin ang ilan sa mga kabataang Israelita para sa paglilingkod sa kanyang sambahayan. Kabilang sa mga kabataang ito ay apat na kabataang lalaki na nagngangalang Daniel, Hananias, Mishael, at Azarias. Sa Babilonia, ang kanilang mga pangalan ay pinalitan ng Belteshasar, Shadrac, Meshac, at Abednego (tingnan sa Daniel 1:1–7).

Basahin ang Daniel 1:5, 8–14, at alamin kung ano ang iniutos ng hari kay Daniel at sa kanyang mga kaibigan na gawin.

Bakit maaaring naging mahirap para kay Daniel at sa kanyang mga kaibigan ang utos na ito?
Sa inyong palagay, bakit mas mabuti pang magalit ang hari kaysa kainin o inumin ang ilang partikular na pagkain o inumin?

Maaari mong ipaalala sa mga estudyante na noong panahon ni Daniel, sinusunod ng mga Israelita ang batas ni Moises, na kinabibilangan ng ilang restriksyon sa pagkain (tingnan sa Deuteronomio 14).

Mga pagpapala sa pagsunod sa Panginoon

Para matulungan ang mga estudyante na matuklasan kung paano pinagpala ng Panginoon si Daniel at ang kanyang mga kaibigan, maaari mong pagpartner-partnerin ang mga estudyante. Habang binabasa nila ang mga sumusunod na talata, anyayahan ang isang kapartner na alamin kung paano pinagpala ng Panginoon si Daniel at ang kanyang mga kaibigan sa pisikal, at anyayahan ang isa pang kapartner na alamin kung paano sila pinagpala ng Panginoon sa espirituwal. Pagkatapos ay anyayahan ang mga magkakapartner na ibahagi ang nalaman nila. Sabihin sa kanila na markahan ang pisikal at espirituwal na mga pagpapala sa dalawang natatanging paraan (tulad ng pag-highlight gamit ang magkakaibang kulay o pagsalungguhit sa isa at pag-highlight sa isa pa).

Basahin ang Daniel 1:15–20, at alamin kung paano pinagpala ng Panginoon si Daniel at ang kanyang mga kaibigan sa kanilang pagsunod.

Basahin ang talata 15–20 nang isa pang beses, ngunit sa pagkakataong ito, pagnilayan ang natutuhan ninyo tungkol sa Ama sa Langit at kay Jesucristo.

Ano ang itinuturo sa inyo ng mga talatang ito tungkol sa Diyos?
Paano mapapalakas ng pang-unawang ito ang inyong hangaring magtiwala at sumunod sa Kanya?

Maaari mong ipaliwanag na tulad noong panahon ni Daniel, ang Panginoon ay nagpahayag ng batas sa kalusugan para sa Kanyang mga anak ngayon. Kilala ito bilang Word of Wisdom (tingnan sa Doktrina at mga Tipan 89).

Ang sumusunod na aktibidad ay maaaring makatulong sa mga estudyante na pag-aralan ang Word of Wisdom. Maaari kang magbigay ng papel at mga art supply pati na rin ng mga kopya ng Para sa Lakas ng mga Kabataan: Isang Gabay sa Paggawa ng mga Pagpili para sa mga estudyanteng walang access sa Gospel Library. Maaari mong limitahan ang oras na gugugulin sa aktibidad na ito upang magkaroon ng oras para sa karanasan sa huling bahagi ng lesson.

Isipin na kunwari ay hiniling sa inyo na gumawa ng poster na naglalarawan ng isang bagay na natatangi sa inyong relihiyon. Nagpasiya kayong gumawa ng inyong poster tungkol sa Word of Wisdom. Gamitin ang ilan o ang lahat ng sumusunod na source upang matukoy kung ano ang isasama:

Doktrina at mga Tipan 89:18–21
Daniel 1:15–20
“Salita ng Karunungan” sa Gabay sa mga Banal na Kasulatan o“Word of Wisdom” sa Mga Paksa at Mga Tanong (Gospel Library) o sa bahaging “Ano naman ang tungkol sa … ?” ng Para sa Lakas ng mga Kabataan: Isang Gabay sa Paggawa ng mga Pagpili (2022)
“Ang Word of Wisdom: Ano Ito, Ano ang Hindi Ito,” Liahona, Ago. 2019, 26–28

Tiyaking magsama ng pahayag ng katotohanan tungkol sa Word of Wisdom sa inyong poster. Ang katotohanang ito ay maaaring mula sa karanasan ni Daniel o mula sa iba pang source.

Anyayahan ang mga estudyante na ibahagi sa klase ang kanilang mga poster at pahayag ng katotohanan. Sa mga katotohanang maaari nilang ibahagi, bigyang-diin ang sumusunod: Kapag sinunod natin ang utos ng Panginoon na sundin ang Word of Wisdom, pagpapalain Niya tayo sa pisikal at espirituwal.

(Tandaan: Sa Lesson 160: “I-assess ang Iyong Pagkatuto 10,” babalikan ng mga estudyante ang mga poster na ginawa nila. Maaaring makatulong na kolektahin ang mga poster o idispley ang mga ito hanggang sa ituro mo ang lesson na iyon upang magkaroon ng access ang mga estudyante sa mga ito.)

Maaaring isipin ng mga taong hindi pa nauunawaan ang layunin ng Word of Wisdom na ito ay mga hindi kinakailangang restriksyon na ipinapatupad ng Simbahan. Maglaan ng ilang minuto upang pagnilayan ang mga pagpapalang nagmumula sa pagsunod sa Word of Wisdom at ang mga resulta ng hindi pagsunod dito para sa mga indibiduwal, pamilya, at lipunan.

Sa palagay ninyo, paano ipinapakita ng Word of Wisdom ang pagmamahal ng Diyos sa Kanyang mga anak?

Mangako ngayon na sundin ang Panginoon

Para matulungan ang mga estudyante na patibayin ang kanilang pangako na sundin ang Word of Wisdom ng Panginoon, maaari mo silang anyayahang kumpletuhin ang mga sumusunod na pangungusap sa kanilang study journal. Habang naghahanda silang magsulat, hilingin sa kanila na isipin kung paano mapapatibay ng kanilang pangako na sundin ang Word of Wisdom ang kanilang ugnayan sa Ama sa Langit at kay Jesucristo.

Gusto kong sundin ang Word of Wisdom dahil …

Ang isang bagay na magagawa ko na makatutulong sa akin na sundin ang Word of Wisdom ay …

Maaari mong tapusin ang lesson sa pamamagitan ng pagbabahagi ng iyong patotoo tungkol kay Jesucristo at sa mga pagpapalang nakita mo mula sa pagsunod sa Kanyang Word of Wisdom.

Karagdagang Resources

Bakit mahalagang pangalagaan ang aking pisikal na katawan?

Ibinahagi ni Pangulong Russell M. Nelson:

Bagama’t kagila-gilalas ang inyong katawan, ang pangunahing layunin nito ay higit pang napakahalaga—ang magsilbing tabernakulo ng inyong walang hanggang espiritu.

Ang inyong espiritu ay nagkaroon ng katawan at naging isang buhay na tao upang maranasan ang mortalidad at mga kalakip na pagsubok. Bahagi ng bawat pagsubok na iyan ay ang pagtiyak kung ang mga ninanasa ng inyong katawan ay masusupil ng espiritu na nananahan sa loob nito.

Kapag nauunawaan natin ang ating likas na katangian at mga layunin sa mundo at na ang ating mga katawan ay pisikal na templo ng Diyos, matatanto natin na kalapastanganan na hayaang pumasok sa katawan ang anumang makapagpapasama dito. (“Ang Inyong Katawan: Isang Kagila-gilalas na Kaloob na Dapat Pahalagahan,” Liahona, Ago. 2019, 5–6)

Paano ako mapagpapala dahil sa pangangakong sundin ang Word of Wisdom?

Ibinahagi ni Elder Ronald A. Rasband ng Korum ng Labindalawang Apostol:

14:39

Isang araw noong aking kabataan, umupo ang aking nanay kasama ko sa paanan ng kanyang higaan at nagsalita nang taimtim hinggil sa kahalagahan ng pagsunod sa Word of Wisdom. “Nalalaman ko mula sa mga karanasan ng iba, mula sa nakalipas na mga taon” sabi niya, “ang pagkawala ng espirituwalidad at kakayahang makadama na nagmumula sa hindi pagsunod sa Word of Wisdom.” Siya ay tumingin sa aking mga mata at nadama ko na tumimo ang kanyang mga salita sa aking puso: “Ipangako mo sa akin, Ronnie, ngayon [Ronnie ang tawag niya sa akin], na palagi mong susundin ang Word of Wisdom.” Taimtim akong nangako sa kanya, at pinanghahawakan ko ito sa paglipas ng mga taon.

Ang pangakong iyan ay nakatulong sa akin noong kabataan ko at sa mga sumunod na taon kapag may mga okasyong nakakasama ko ang mga kakilala sa negosyo kung saan umaapaw ang mga nakalalasing na inumin. Maaga akong nagdesisyong sundin ang mga batas ng Diyos, at hindi ko na kinailangang ipangako itong muli. Sinabi ng Panginoon, “Ako, ang Panginoon, ay nakatali kapag ginawa ninyo ang aking sinabi; subalit kapag hindi ninyo ginawa ang aking sinabi, kayo ay walang pangako” [Doktrina at mga Tipan 82:10]. Ano ang sinasabi Niya sa kanila na sumusunod sa Word of Wisdom? Na tayo ay may pangako ng kalusugan, kalakasan, karunungan, kaalaman, at mga anghel na mangangalaga sa atin. (“Pagtupad sa Ating mga Pangako at Tipan,” Liahona, Nob. 2019, 54–55)

Saan ko malalaman ang iba pa tungkol sa Word of Wisdom?

Para malaman pa ang tungkol sa Word of Wisdom, tingnan sa Agosto 2019 na edisyon ng Liahona.

Mga Karagdagang Aktibidad sa Pag-aaral

Daniel 1:8. “Ipinasiya ni Daniel [sa kanyang puso]”

Habang pinag-aaralan ng mga estudyante ang kuwento ni Daniel, maaaring makatulong sa kanila na isipin ang kanyang pangako na sundin ang Panginoon. Maaari mong anyayahan ang mga estudyante na markahan ang pariralang “Ipinasiya ni Daniel [sa kanyang puso]” sa Daniel 1:8. Pagkatapos ay itanong ang mga sumusunod:

Sa palagay ninyo, kailan nagpasiya si Daniel na sundin ang Panginoon?
Paano maaaring naimpluwensiyahan ng desisyong iyon ang tugon ni Daniel sa isang mahirap na sitwasyon?

Talakayin ang halimbawa ni Daniel ng pagpapasiya noon pa man na sundin ang Panginoon at kung paano makatutulong sa atin ang pagtulad sa halimbawang iyon na sundin ang Word of Wisdom sa mahihirap na sitwasyon.

Mga pisikal at espirituwal na pagpapala

Para matulungan ang mga estudyante na maunawaan kung paano tayo pagpapalain ng Panginoon sa pisikal at espirituwal, maaari mong ipanood ang “A Brand New Year: Physical Health“ mula sa time code na 0:53 hanggang 4:19.

7:29

Pagkatapos ay maaari mong ibahagi ang mga sumusunod na turo ni Pangulong Boyd K. Packer (1924–2015) ng Korum ng Labindalawang Apostol:

Nalaman ko … na ang pangunahing layunin ng Word of Wisdom ay may kinalaman sa paghahayag. …

Kung halos ayaw makinig ng isang taong “lasing” sa simpleng salita, paano siya makatutugon sa espirituwal na mga paramdam na aantig sa pinakasensitibo niyang damdamin?

Singhalaga man ng Word of Wisdom ang batas ng kalusugan, mas mahalaga ito sa inyong espirituwalidad kaysa sa inyong katawan. (“Prayers and Answers,” Ensign, Nob. 1979, 20)

Ang Word of Wisdom ay hindi nangangako sa inyo ng perpektong kalusugan, ngunit itinuturo nito sa inyo kung paano panatilihing nasa pinakamaayos na kundisyon ang katawang ipinagkaloob sa inyo mula pagsilang at panatilihing alerto ang inyong isipan sa banayad na pahiwatig ng Espiritu. (“The Word of Wisdom: The Principle and the Promises,” Ensign, Mayo 1996, 18)

Anong mga pisikal o espirituwal na pagpapala ang natanggap ninyo o ng isang kakilala ninyo sa pamamagitan ng pagsunod sa Word of Wisdom?

Maaari mong ipaalala sa mga estudyante na ang mga pagpapala ng Panginoon ay dumarating ayon sa Kanyang kalooban at itinakdang panahon.