Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Երեմիա 31. Նա պիտի գրի Իր օրենքը մեր սրտի վրա

«Երեմիա 31. Նա պիտի գրի Իր օրենքը մեր սրտի վրա», Հին Կտակարան․ Սեմինարիայի ուսուցչի ձեռնարկ (2026)

«Երեմիա 31. Նա պիտի գրի Իր օրենքը մեր սրտի վրա», Հին Կտակարան․ Սեմինարիայի ուսուցչի ձեռնարկ

Երեմիա 31–33, 36–38, Երեմիայի ողբերը 1, 3․ Դաս 134

Երեմիա 31

Նա պիտի գրի Իր օրենքը մեր սրտի վրա

Ինչպե՞ս կարող է մարդը վարվել, եթե գիտի Հիսուս Քրիստոսի ավետարանը իր մտքում, բայց չի զգում այն իր սրտում: Հնարավո՞ր է, որ նա գործի առանց Փրկչի սիրո զորությունը զգալու: Ինչպե՞ս են փոխվում մեր գործողությունները, երբ մենք զգում ենք Երկնային Հոր և Հիսուս Քրիստոսի սերը մեր սրտում: Երեմիա 31 հատվածը մեզ խոստանում է, որ եթե մենք դառնանք դեպի Տերը, Նա կգրի Իր օրենքը մեր սրտում (տես Երեմիա 31.18, 33): Այս դասը կօգնի ուսանողներին հասկանալ, թե ինչ է նշանակում Փրկչի ավետարանը գրված ունենալ իրենց սրտերում։

Ուսանողի նախապատրաստում․ առաջարկեք ուսանողներին իրենց ընտանիքի անդամներին և ընկերներին տալ հետևյալ հարցը. «Ո՞րն է տարբերությունը ձեր մտքում ավետարանի ճշմարտությունն իմանալու և այն ձեր սրտում զգալու միջև»: Նրանք կարող են պատրաստվել՝ կիսվելու իրենց քննարկածով։

Հնարավոր ուսումնական վարժություններ

Որևէ բան իմանալ մեր մտքում և այն զգալ մեր սրտում

Դասը սկսելով՝ առաջարկեք ուսանողներին պատասխանել հետևյալ հարցին․

Ո՞ր իրավիճակներում մենք կարող ենք իմանալ, որ պետք է ինչ-որ բան անենք, բայց պայքարենք իրականում դա անելու համար։

Ուսանողները կարող են կիսվել հետևյալ օրինակներով․ ժամանակին քնելը, առողջ սնվելը կամ տնային աշխատանքը կատարելը անհրաժեշտ ժամկետում: Օգնեք ուսանողներին հասկանալ, որ նորմալ է դժվարություններ ունենալ այն դեպքում, երբ մեր գործողությունները պետք է համապատասխանեցնենք այն բանի հետ, ինչը մենք գիտենք, որ ճիշտ է: Նույնը կարող է լինել, երբ խոսքը վերաբերում է Հիսուս Քրիստոսի ավետարանի մասին մեր իմացությանը, այնուհետև դրա հիման վրա կատարվելիք մեր գործողություններին: Մենք կարող ենք իմանալ, թե ինչ է պահանջում Փրկչի ավետարանը, բայց միշտ չէ, որ մենք գործում ենք դրան համապատասխան: Այնուամենայնիվ, մենք կարող ենք ձգտել այն բանին, որ Փրկիչը և Նրա ավետարանը ազդեն այն ամենի վրա, ինչ մենք անում ենք:

Այն, ինչ մենք գիտենք Փրկչին հետևելու վերաբերյալ, միշտ չէ, որ արտացոլվում է մեր գործողություններում: Տասներկու Առաքյալների Քվորումից երեց Դ. Թոդ Քրիստոֆերսոնը մի հարց է տվել, որը մենք երբեմն կարող ենք ունենալ այդ իրավիճակներում.

Ինչպե՞ս կարող եք այնպես անել, որ Հիսուս Քրիստոսի ավետարանը ոչ միայն ազդի ձեր կյանքի վրա, այլև վերահսկի այն և իրականում դառնա ձեր ով լինելու բուն էությունը։ («When Thou Art Converted», Լիահոնա, մայիս 2004, 11)

Երեմիա 31 գլուխն ուսումնասիրելիս հրավիրեք Սուրբ Հոգուն, որպեսզի օգնի ձեզ ուղիներ փնտրել, թե ինչպես կարող եք Փրկչի ավետարանը դարձնել «ձեր ով լինելու բուն էությունը»:

Երեմիան կանխատեսում է Փրկչի օրհնությունները Իսրայելին

Հետևյալ ուսումնական վարժության համար կարող եք ուսանողներին բաժանել երեք հոգանոց խմբերի: Խմբի յուրաքանչյուր անդամի առաջարկեք կարդալ հետևյալ հատվածներից մեկը և կիսվել հարցերի իրենց պատասխաններով խմբի մյուս անդամների հետ:

Երբ Երեմիան նախազգուշացրեց այն մասին, թե ինչ հետևանքներ են ամբարիշտները կրելու վերջին օրերում (տես Երեմիա 30.23–24), նա մարգարեացավ, որ Տերը նորից Իր մոտ կհավաքի Իր ուխտի ժողովրդին:

Կարդացեք հետևյալ հատվածները՝ փնտրելով, թե Տերը ինչ կանի Իր ժողովրդի համար․

Երեմիա 31․1–3

Երեմիա 31․6–10

Երեմիա 31․17–20

Ի՞նչ խոստումներ գտաք:
Այս հրավերներն ի՞նչ են ուսուցանում մեզ Տիրոջ մասին:

Կարդացեք Երեմիա 31․31–33 հատվածները՝ փնտրելով, թե Տերն ինչպես կցուցադրի Իր սիրառատ բարությունը Իր ուխտի ժողովրդի հանդեպ։

Ինչպե՞ս կամփոփեիք այս ուսմունքը՝ որպես ճշմարտության դրույթ:

Օգնեք ուսանողներին բացահայտել, որ Տերը խոստանում է հավաքել մեզ Իր մոտ՝ որպես Իր ուխտի ժողովուրդ, և գրել Իր օրենքը մեր սրտերում:
Ըստ ձեզ՝ ի՞նչ է նշանակում Տիրոջ օրենքը գրված ունենալ մեր սրտերում:

Ուսանողները կարող են կիսվել տարբեր գաղափարներով: Օգնեք ուսանողներին հասկանալ, որ մեր սրտերում գրված արտահայտությունը (տես հատված 33) կարող է նշանակել դարձի գալ, փոխվել և իրենց ամբողջ սրտով ցանկանալ իրականացնել Երկնային Հոր և Հիսուս Քրիստոսի կամքը։ Կարող եք նշել, որ Պողոսը նմանատիպ փոխաբերություն է օգտագործել, երբ նկարագրել է Կորնթոսի սրբերին՝ որպես «Քրիստոսի նամակ … գրված ոչ թե թանաքով … կամ քարե տախտակների վրա, այլ սրտի մարմնեղեն տախտակների վրա» (Բ Կորնթացիներին 3.3)։

Արդյո՞ք Փրկչի ավետարանը գրված է քո սրտում

Ցուցադրեք հասկացողություն

Կարող եք ուսանողներին հնարավորություն տալ՝ վարժվելու պատասխանել իրենց ընտրած հարցին: Կարող եք ուսանողներին խմբերի մեջ ներառել նրանց հետ, ովքեր ուսումնասիրել են մյուս հարցը:

Կարող եք առաջարկել ուսանողներին կիսվել, թե ինչպես կարող է իրենց սովորածն օգնել մարդուն ավելի հետևողականորեն անել այն, ինչ իրենք գիտեն, որ ճիշտ է: Որպեսզի օգնեք ուսանողներին ցույց տալ, թե ինչ են սովորել և զգացել, կարող եք ցուցադրել հետևյալ հրահանգները:

Սուրբ գրությունների ուսումնասիրության ձեր օրագրում պատասխանեք հետևյալ հարցերից մեկին կամ մի քանիսին.

Ի՞նչ ապացույց կարող եք փնտրել, որ Տերը գրում է Իր օրենքը ձեր սրտում:
Ի՞նչ անելու հուշում եք զգում, որպեսզի հրավիրեք Փրկչին գրել Իր ավետարանը ձեր սրտում:

Կարող եք նաև խնդրել պատրաստակամ ուսանողներին կիսվել փորձառություններով, որ նրանք ունեցել են, երբ գիտակցել են որ Փրկիչը գրել է Իր օրենքը իրենց սրտերում: Կարող եք կիսվել, թե ինչպես եք հասկացել, որ Տերը գրում է Իր օրենքը ձեր սրտում: Խրախուսեք ուսանողներին օգնություն խնդրել Տիրոջից և գործել ըստ իրենց ստացած տպավորությունների։

Օժանդակ նյութեր

Ո՞ր գործողություններն են ցույց տալիս, որ Տերը գրել է Իր օրենքը իմ սրտում:

Տասներկու Առաքյալների Քվորումից երեց Դեյլ Գ. Ռենլանդը կիսվել է.

Առ Տերը դարձի գալը սկսվում է Աստծո հանդեպ անսասան նվիրվածությամբ, որից հետո այդ նվիրվածությունը դառնում է մեր կյանքի հիմնական մասը: Նման նվիրվածության ամուր հաստատումը մեր կյանքում ցմահ գործընթաց է, որը պահանջում է համբերություն և շարունակական ապաշխարություն: Ի վերջո, այդ նվիրվածությունը դառնում է մեր կյանքի հիմնական մասը՝ ներդրված մեր ինքնագիտակցության մեջ, և ընդմիշտ ներկա մեր կյանքում: Ճիշտ այնպես, ինչպես մենք երբեք չենք մոռանում մեր անունը՝ անկախ նրանից, թե ինչի մասին ենք մտածում, մենք երբեք չենք մոռանում այն նվիրվածությունը, որն ամրագրված է մեր սրտերում: …

Ուխտերը մեզ խարսխում են Փրկիչին և առաջ մղում այն ուղիով, որը տանում է մեր երկնային տուն: Ուխտերի ուժը օգնում է մեզ պահպանել սրտի հզոր փոփոխությունը, խորացնել մեր դարձը առ Տերը և լիովին ստանալ Քրիստոսի պատկերը մեր դեմքին: Բայց անվճռական նվիրվածությունը մեր ուխտերի հանդեպ մեզ ոչինչ չեն երաշխավորում: («Անսասան նվիրվածություն առ Հիսուս Քրիստոս», Լիահոնա, նոյ․ 2019, 22, 23)

Յոթանասունից երեց Քելլի Ռ․ Ջոնսոնը ուսուցանել է.

Նմանապես, այն մարդիկ, ովքեր իրենց սրտի խորքում ունեն հավատք և Աստծո խոսքը, կկարողանան կլանել ու հաղթահարել կրակոտ նետերը, որոնք հակառակորդը հաստատ կուղարկի՝ մեզ ոչնչացնելու համար: Հակառակ դեպքում, մեր հավատը, հույսը և համոզմունքը կարող են չդիմանալ, և … մենք կարող ենք զոհ դառնալ։

Ես հասկացել եմ, որ Աստծո խոսքն իմ հոգու խորքում ունենալը, զուգորդված Տեր Հիսուս Քրիստոսի և Նրա Քավության հանդեպ հավատքով, թույլ է տալիս ինձ ապավինել Աստծո զորությանը` հաղթահարելու հակառակորդին և այն ամենը, ինչ նա կարող է նետել ինձ վրա։ Երբ մենք բախվում ենք դժվարությունների, մենք կարող ենք ապավինել Տիրոջ խոստմանը: …

Պատրաստվելու միջոցով Փրկիչը աճեց զորությամբ և կարողացավ դիմակայել սատանայի բոլոր գայթակղություններին: Երբ հետևում ենք Փրկիչի օրինակին և պատրաստվում՝ ուսումնասիրելով Աստծո խոսքը և խորացնելով մեր հավատքը, մենք նույնպես կարող ենք ապավինել Աստծո զորությանը՝ գայթակղություններին դիմակայելու համար: («Համբերության զորությունը», Լիահոնա, նոյ․ 2020, 113)

Լրացուցիչ ուսումնական վարժություններ

Դասը սկսելու այլընտրանքային եղանակ

Տարբերակ 1

Դասը սկսելու համար կարող եք ցուցադրել նախագահ Հենրի Բ. Այրինգի և նախագահ Գորդոն Բ. Հինքլիի նկարները։ Կիսվեք հետևյալ պատմությունով, որը նախագահ Այրինգը պատմել է նախագահ Հինքլիի հուղարկավորության ժամանակ։

Երբ ես մեր սեմինարիայի ծրագրերով մեր երիտասարդներին ողջ աշխարհում ավետարանն ուսուցանելու պատասխանատուն էի, նա ասաց՝ ցուցամատը հարվածելով իմ կրծքին. «Հալ, գուցե կարողանաս ավելի շատ բան անել՝ ավետարանը նրանց սրտերը մտցնելու համար»: («Things Will Work Out», Լիահոնա [In Memoriam: President Gordon B. Hinckley, մարտ 2008], Gospel Library)

Առաջարկեք ուսանողներին քննարկել հետևյալ հարցերը.

Ձեր կարծիքով, ի՞նչ է նշանակում Փրկչի ավետարանն ունենալ ձեր սրտերում:
Ինչո՞ւ է դեռահասների համար կարևոր ավետարանը «մտցնել» իրենց սրտերը:

Խրախուսեք ուսանողներին փնտրել Փրկչի խոստումները՝ տրված Իր մարգարեի՝ Երեմիայի միջոցով, և հրավիրել Հոգուն՝ օգնելու իրենց ճանաչել ավետարանի ճշմարտությունները, որոնք կարող են զգալ իրենց սրտերում:

Տարբերակ 2

Որպես այլընտրանք, կարող եք սկսել՝ առաջարկելով ուսանողներին գրատախտակին նկարել կարծր և փափուկ սիրտ։ Կարող եք կիսվել, որ սուրբ գրություններում սիրտը հաճախ խորհրդանշում է մարդու «միտքն ու կամքը» (Սուրբ գրքերի ուղեցույց, «Սիրտ», Gospel Library)։ Որպեսզի նախապատրաստեք ուսանողներին ուսումնասիրելու, թե ինչպես է Տերը գրում Իր օրենքը մեր սրտերում, կարող եք տալ հետևյալ հարցերը.

Մեր սրտերի վիճակն ինչո՞ւ է կարևոր։
Եթե մեր սրտերը կարծր են, ի՞նչ կարող ենք անել՝ խնդրելու Տիրոջ օգնությունը՝ դրանք փափկացնելու համար:

Տիրոջ խոստումները զգալ մեր սրտում

Հետևյալ վարժությունը կօգնի ուսանողներին ուսումնասիրել այն մեծ օրհնությունները, որոնք Տերը խոստացել է Իր ուխտի ժողովրդին: Ընտրեք սուրբգրային հետևյալ հատվածներից մի քանիսը կամ բոլորը և գրեք դրանք թերթիկների վրա: Ուսանողներին բաժանեք զույգերի կամ փոքր խմբերի։ Յուրաքանչյուր խմբի առաջարկեք ընտրել մի թերթիկ և ուսումնասիրել գրված հատվածը: Խմբերը կարող են պատրաստվել՝ կիսվելու իրենց գտած օրհնություններով:

Երեմիա 31․13–14

Երեմիա 31․16–17

Երեմիա 31․34

Երեմիա 32․17–19

Երեմիա 32․26–27

Երեմիա 33․6–8

Հատվածներն ուսումնասիրելուց հետո յուրաքանչյուր խմբի խոսնակ կարող է գրատախտակին գրել սուրբ գրությունների հղումը և Տիրոջ օրհնությունները:

Ավետարանի երաժշտությունը մեր սրտում

Որպեսզի օգնեք ուսանողներին հասկանալ մեր մտքում ճշմարտություններն իմանալու և դրանք մեր սրտում զգալու միջև տարբերությունը, կարող եք ցուցադրել «Ավետարանի երաժշտությունը» տեսանյութը (5:42):

5:42

Տեսանյութից հետո կարող եք հարցնել ուսանողներին, թե ինչով է տարբերվում ավետարանի ճշմարտությունները մեր մտքում իմանալը՝ այդ ճշմարտությունները մեր սրտում զգալուց: Ուսանողները կարող են կիսվել օրինակներով իրենց կյանքից:

Սրտերում գրված Տիրոջ օրենքի հարատև զորությունը

Ուսանողների համար օգտակար կլինի ուսումնասիրել այն մարդկանց օրինակները, որոնց սրտում գրված է եղել Տիրոջ օրենքը: Կարող եք առաջարկել ուսանողներին կիսվել սուրբգրային պատմությունով մի մարդու կամ մարդկանց խմբի մասին, որոնք հնարավորություն են տվել Փրկչին գրել Իր օրենքը իրենց սրտերում: Եթե ուսանողները լրացուցիչ ուղղորդման կարիք ունենան, կարող եք կիսվել հետևյալ օրինակներով.

Աշակերտները Երուսաղեմում՝ Փրկչի հարությունից հետո (տես Գործք Առաքելոց 2․37–42)։
Լամանացիները Լամոնի թագավորի ժամանակներում (տես Ալմա 23․5–8)։
Նեփիացիները՝ Փրկչի հայտնվելուց հետո (տես 4 Նեփի 1․2, 15–18)։

Երբ ուսանողները կիսվեն իրենց օրինակներով, կարող եք հարցնել նրանց, թե ինչ դասեր կարող ենք քաղել այն ամենից, ինչ մարդիկ զգացին, և ինչ արեցին, որը հանգեցրեց նրանց սրտի փոփոխությանը: