Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Երեմիայի ողբերը 1, 3․ «Նրա գթությունը վերջ չունի»

«Երեմիայի ողբերը 1, 3․ «Նրա գթությունը վերջ չունի»», Հին Կտակարան․ Սեմինարիայի ուսուցչի ձեռնարկ (2026)

«Երեմիայի ողբերը 1, 3․ «Նրա գթությունը վերջ չունի»», Հին Կտակարան․ Սեմինարիայի ուսուցչի ձեռնարկ

Երեմիա 31–33, 36–38, Երեմիայի ողբերը 1, 3․ Դաս 136

Երեմիայի ողբերը 1, 3

«Նրա գթությունը վերջ չունի»

A Hispanic man gives the Savior, Jesus Christ, a hug. Christ is wearing a white robe.

Քանի որ Փրկիչը լցված է գթությամբ, Նա պատրաստ է բժշկել, մխիթարել և ներել, նույնիսկ երբ մենք մեղանչում ենք Նրա դեմ: Երբ Երուսաղեմը կործանվեց մեղքի և ըմբոստության պատճառով, Երեմիան փորձեց օգնել հրեաներին հասկանալ Փրկչի գթությունը և հույս գտնել դրանում: Այս դասը կօգնի ուսանողներին զգալ Փրկչի գթությունն իրենց հանդեպ, նույնիսկ երբ նրանք մեղք են գործում:

Ուսանողի նախապատրաստում․ առաջարկեք ուսանողներին հիշել սուրբ գրություններից մի պատմություն, որը ցույց է տալիս Փրկչի գթացող էությունը: Ուսանողները հնարավորություն կունենան անդրադառնալ այդ պատմությանը դասի ընթացքում:

Հնարավոր ուսումնական վարժություններ

Մեր մեղանչելուց հետո

Պատկերացրեք մի երիտասարդ տղայի, որը ներդրել է լավագույն ջանքերը՝ իր կյանքում ճիշտ ընտրություններ կատարելու համար: Մի օր երեկույթի գնալիս նա հասակակիցների ճնշման տակ ալկոհոլ է խմում, քանի որ ցանկանում է համապատասխանել միջավայրին: Հաջորդ առավոտ նա արթնանում է՝ իրեն զգալով միայնակ, մեղավոր և հուսահատ: Նա հետզհետե սկսում է այլ վատ ընտրություններ կատարել և կորցնել հույսը իր ապագայի հանդեպ:

Գրատախտակին գրեք ուսանողների պատասխանները հետևյալ հարցերի վերաբերյալ։ Այդ գրված պատասխաններին պետք է անդրադառնաք ամբողջ դասի ընթացքում:

Երբ մարդիկ մեղք են գործում, ինչպե՞ս կարող են իրենց զգալ։
Ի՞նչ զգացում կարող են ունենալ Երկնային Հոր և Հիսուս Քրիստոսի նկատմամբ:

Ուսանողներին առաջարկեք խորհել այս հարցերի շուրջ և գնահատել իրենց սեփական զգացումները։
Երբևէ մտածե՞լ եք գրատախտակին գրված որևէ արտահայտության մասին:
Այս արտահայտություններից որո՞նց մասին դուք գիտեք, որ կեղծ են։ Որո՞նց վերաբերյալ համոզված չեք։

Կարևոր է հիշել, որ մենք բոլորս մեղանչում ենք և «զրկվում Աստծո փառքից» (Հռոմեացիներին 3.23): Այսօր Ողբերի գիրքը ուսումնասիրելիս փնտրեք Սուրբ Հոգու տպավորությունները, որոնք կարող են օգնել ձեզ հասկանալ, թե Երկնային Հայրը և Հիսուս Քրիստոսը ինչ են զգում ձեր հանեպ, նույնիսկ երբ դուք սխալներ եք գործում։

Տրտմություն մեղքի համար

Կարող եք ցուցադրել հետևյալ նկարը։ Առաջարկեք ուսանողներին կիսվել, թե ինչ են տեսնում այս նկարում կամ ինչ զգացողություններ է այն առաջացնում իրենց մոտ: Բացատրեք, որ այս պատկերը ցույց է տալիս Երեմիային և նրա մեծ վիշտը: Ուսանողները կարող են կիսվել, թե ինչ են հիշում Երեմիայի պատմության մասին, և ինչու էր նա վիշտ զգում։ Անհրաժեշտության դեպքում կիսվեք հետևյալ պարբերությամբ։

The Cry of Jeremiah. From an engraving done at the Nazareen School.

Մոտ 40 տարի Տերը պատվիրեց Երեմիային մարգարեանալ Իսրայելի տանը Երուսաղեմի կործանման և գերության մասին, եթե նրանք չապաշխարեին և չդառնային դեպի Աստված (տես Երեմիա 16․1–13)։ Սեդեկիա թագավորի օրոք բաբելոնացիները ավերեցին Երուսաղեմը և շատ մարդկանց գերության տարան՝ կատարելով Տիրոջ մարգարեությունը (տես Երեմիա 52): Այս իրադարձություններից որոշ ժամանակ անց Երեմիան գրեց «Ողբերը» գիրքը։

Կարող եք բացատրել, որ ողբ բառը նշանակում է խոր վշտի կամ տրտմության արտահայտություն:

Հետևյալ վարժությունը կարող է օգնել ուսանողներին հասկանալ, թե ինչ տառապանք է կրել Տիրոջ ժողովուրդը: Կարող եք ուսանողներին բաժանել զույգերի կամ փոքր խմբերի, որպեսզի ուսումնասիրեն սուրբ գրությունների հատվածները: Բացատրեք, որ Երեմիան այս հատվածների մեծ մասը գրել է Երուսաղեմի տեսանկյունից, կարծես հենց քաղաքն է խոսում։

Կարդացեք հետևյալ հատվածներից մեկը կամ երկուսը՝ փնտրելով բառեր կամ արտահայտություններ, որոնք նկարագրում են, թե մարդիկ ինչ էին զգում իրենց մեղքերի պատճառով տառապելուց հետո:

Երեմիայի ողբերը 1․1–4

Երեմիայի ողբերը 1․16–18

Երեմիայի ողբերը 1․20–22

Ի՞նչ բառեր կամ արտահայտություններ գտաք:

Որպեսզի օգնեք ուսանողներին քննել իրենց գտածը հավերժության հեռանկարից, կարող եք տալ հետևյալ հարցը.
Իմանալով, որ Երկնային Հայրը և Հիսուս Քրիստոսը սիրում են մեզ, ձեր կարծիքով ինչո՞ւ են Նրանք թույլ տալիս, որ մենք նման տառապանք զգանք, երբ մեղք ենք գործում:

Եթե ուսանողներն օգնության կարիք ունենան այս հարցին պատասխանելու համար, կարող եք առաջարկել նրանց կարդալ հետևյալ հատվածները․ Բ Կորնթացիներին 7․9–10, Ալմա 42․18, 29, Վարդապետություն և Ուխտեր 95․1՝ փնտրելով հնարավոր պատասխանները:

Փրկչի գթությունը

Դասի մնացած մասը կօգնի ուսանողներին զգալ այն գթությունը, որ Փրկիչը տածում է մեր հանդեպ, նույնիսկ երբ մենք մեղք ենք գործում:

Կարող եք ուսանողներին բաժանել զույգերի՝ ուսումնասիրելու հետևյալ հատվածները և պատասխանելու ուղեկցող հարցերին: Օրինակ՝ մի ուսանող կարող է ուսումնասիրել հատվածներ 22–26-ը, իսկ մյուսը՝ հատվածներ 31–33-ը։

Անդրադարձեք այն արտահայտություններին, որոնք գրել էիք գրատախտակին դասի սկզբում: Կարդացեք Երեմիայի ողբերը 3.22–26, 31–33՝ փնտրելով բառեր կամ արտահայտություններ, որոնցով դուք կկիսվեիք այն մարդու հետ, որը նման զգացումներ ունի:

Ո՞ր բառերով կամ արտահայտություններով դուք կկիսվեիք։ Ինչո՞ւ։
Այս հատվածների ո՞ր ճշմարտությունը կուզենայիք, որ նա հասկանա:

Երբ ուսանողները կիսվեն, նրանք կարող են բացահայտել հետևյալ ճշմարտությունը. Տերը գթությամբ է վերաբերվում մեզ, նույնիսկ երբ մենք մեղանչում ենք:

Եթե ուսանողներն օգնության կարիք ունենան գթություն բառը հասկանալու համար, կարող եք կիսվել հետևյալ սահմանումով. «Սուրբ գրություններում գթություն բառացիորեն նշանակում է «կիսել ուրիշի տառապանքը»: Դա նաև նշանակում է կարեկցանք, խղճահարություն և ողորմածություն դրսևորել ուրիշի հանդեպ» (Սուրբ գրքերի ուղեցույց, «Գթություն», Gospel Library):

Փրկչի գթությունն ավելի լավ հասկանալու համար ուսանողները կարող են կատարել հետևյալ վարժությունը. Ստորև բերված տարբերակներից մեկն ուսումնասիրելու փոխարեն ուսանողները կարող են ուսումնասիրել սուրբ գրություններից մեկ այլ պատմություն, որը ցույց է տալիս Փրկչի գթությունը:

Կատարեք ուսումնասիրության հետևյալ տարբերակներից մեկը՝ փնտրելով այն, ինչն է օգնում ձեզ ավելի լավ հասկանալ, թե ինչպես կարող եք զգալ Փրկչի գթությունը ձեր կյանքում:

Ուսումնասիրեք հետևյալ պատմություններից մեկը, որը ցույց է տալիս Փրկչի գթությունը. Մատթեոս 18.23–35, Հովհաննես 8.1–11։
Ուսումնասիրեք սուրբ գրությունների հետևյալ հատվածներից մեկը կամ երկուսը, որոնք ուսուցանում են Փրկչի գթության մասին. Մոսիա 15.7–9, Վարդապետություն և Ուխտեր 64․2–4, Վարդապետություն և Ուխտեր 101․9։

Կարող եք առաջարկել ուսանողներին ուսուցանել միմյանց այն, ինչ իրենք սովորեցին և զգացին: Կարող եք առաջարկել պատրաստակամ ուսանողներին կիսվել դասարանի հետ:

Հետևյալ վկայությունը նույնպես կարող է օգտակար լինել այս քննարկման համար:

Տասներկու Առաքյալների Քվորումից երեց Դեյլ Գ. Ռենլանդը վկայել է.

15:46

Հիսուս Քրիստոսը կարող է ներել, որովհետև Նա է վճարել մեր մեղքերի գինը:

Մեր Քավիչը ընտրում է ներել՝ Իր անզուգական կարեկցանքի, ողորմածության և սիրո շնորհիվ:

Մեր Փրկիչը ուզում է ներել, որովհետև դա Նրա աստվածային հատկանիշներից մեկն է:

Եվ Նա` որպես Բարի Հովիվ, ուրախանում է, երբ մենք ընտրում ենք ապաշխարել:

Նույնիսկ, երբ մենք Աստծո ուզած ձևով ենք տրտմություն զգում մեր գործողությունների համար, երբ որոշում ենք ապաշխարել, մենք անմիջապես հրավիրում ենք Փրկիչին մեր կյանք: («Ապաշխարություն` ուրախալի ընտրություն», Լիահոնա, նոյեմբեր 2016, 123)

Զգալ Փրկչի գթությունն իմ հանդեպ

Ե՞րբ եք դուք կամ ձեր ծանոթը զգացել Փրկչի գթությունը։ (Հիշեք, որ չպետք է կիսվել անցյալ մեղքերով կամ որևէ բանով, որը չափազանց անձնական է:)

Հիշեցրեք ուսանողներին դասի սկզբում ներկայացված՝ երիտասարդ տղայի պատմությունը։
Ինչո՞վ կկիսվեիք այդ երիտասարդի հետ՝ հիմնվելով ձեր այսօրվա սովորածի վրա:

Օժանդակ նյութեր

Ի՞նչ անել, եթե զգում եմ, որ իմ ընտրությունները ինձ շատ հեռու են տարել Երկնային Հորից և Հիսուս Քրիստոսից:

Տասներկու Առաքյալների Քվորումից երեց Դիտեր Ֆ. Ուխդորֆն ուսուցանել է.

14:32

Գուցե ոմանք նույնիսկ մտածել են. «Մի՞թե ընդհանրապես հնարավոր է վերադառնալ: Արդյոք ես ընդմիշտ պիտակավորվա՞ծ կլինեմ, կմերժվե՞մ և ինձնից կխուսափե՞ն իմ նախկին ընկերները: Ավելի լավ չէ՞ պարզապես կորած մնալ: Ինչպե՞ս կարձագանքի Աստված, եթե փորձեմ վերադառնալ»։ …

Մեր Երկնային Հայրը՝ սիրտը սիրով ու կարեկցանքով լի, կվազի մեզ ընդառաջ: …

Երկինքը կցնծա մեր վերադարձի առթիվ: («Անառակը և ճամփան, որ տուն է տանում», Լիահոնա, նոյեմբեր 2023, 88)

Ինչպե՞ս կարող է Փրկչի գթությունն օգնել ինձ։

Տասներկու Առաքյալների Քվորումից երեց Դեյլ Գ. Ռենլանդը բացատրել է.

Փրկիչի գթությունը, անկախ մեր թերություններից, դեպի իրեն է գրավում մեզ և մեր մշտական պայքարի մեջ մեզ մղում է ապաշխարել ու նմանվել Իրեն։ («Մեր բարի հովիվը», Լիահոնա, մայիս 2017, 29)

Յոթանասունից երեց Պիտեր Ֆ. Մըրսը վկայել է.

10:2

Անկախ նրանից՝ դուք կրում եք չլուծված մեղքի բեռը, տառապում եք ձեր դեմ վաղուց կատարված հանցագործության պատճառով, կամ պայքարում եք ներել ինքներդ ձեզ պատահական սխալի համար, Փրկիչ Հիսուս Քրիստոսի բժշկող և փրկագնող զորությունը հասանելի է ձեզ:

Ես վկայում եմ, որ Նա ապրում է։ Նա մեր Փրկիչն ու Քավիչն է: Նա սիրում է մեզ: Նա կարեկցում է մեզ, Նա լցված է ողորմությամբ, և Նա կարող է բժշկել ձեզ: («Նա կարո՛ղ է բժշկել ինձ», Լիահոնա, մայիս 2023, 41)

Իսկ եթե ես փորձեմ ապաշխարել, բայց շարունակ դժվարություններ ունենամ։

Տասներկու Առաքյալների Քվորումից երեց Ռիչարդ Գ. Սքոթը (1928–2015) վկայել է.

15:25

Ուրախ ավետիքը նրանց համար, ովքեր ցանկանում են ազատվել անցյալի սխալ ընտրությունների հետևանքներից, այն է, որ Տերը տարբեր կերպ է նայում թուլություններին և ըմբոստությանը: Տերը զգուշացնում է, որ չապաշխարող ըմբոստությունը կբերի պատիժ, մինչդեռ Նա միշտ ողորմածությամբ է խոսում թուլությունների մասին: («Անձնական զորություն` Հիսուս Քրիստոսի Քավության միջոցով», Լիահոնա, նոյեմբեր 2013, 83)

Տասներկու Առաքյալների Քվորումից երեց Նիլ Լ․ Անդերսենը կիսվել է.

Եթե զգում եք, որ նույն սխալներն եք անում՝ դժվարանալով հաստատակամ լինել փոխվելու ձեր ցանկության մեջ, արտահայտեք ձեր սերը ձեր Երկնային Հոր հանդեպ և ամրացրեք ձեր հավատքն առ Տեր Հիսուս Քրիստոս: Սովորեք Նրա մասին, ուսումնասիրեք Նրա սուրբ Քավության մասին և խորապես մտածեք այն մասին, թե ինչ տառապանք է Նա կրել ձեզ համար: Ավելի ճշգրիտ պահեք Նրա պատվիրանները։ Երբ դուք անեք այն, ինչ ակնկալվում է ձեզնից՝ Փրկչի հանդեպ հավատքն ամրացնելու համար, ես խոստանում եմ ձեզ, որ երկինքը կմեծացնի հավատքի այս պարգևը, և դուք կունենաք հոգևոր զորություն՝ ապաշխարելու ձեր մեղքերից և այլևս չվերադառնալու դրանց: (The Divine Gift of Forgiveness [2019], 104)

Լրացուցիչ ուսումնական վարժություններ

Դասը սկսելու այլընտրանքային տարբերակ

Դասը այլընտրանքային եղանակով սկսելու համար կարող եք ցուցադրել «Point of Safe Return» տեսանյութը 0:00-1:58: Այս տեսանյութում Տասներկու Առաքյալների Քվորումից երեց Դիտեր Ֆ. Ուխդորֆը կիսվել է համաբանությամբ՝ ուսուցանելու Փրկչի՝ բժշկելու և ներելու կարողության մասին:

15:40

Ուսանողներին առաջարկեք քննարկել հետևյալ հարցերը․

Ի՞նչ եղանակներով է սատանան փորձում մեզ համոզել, որ մենք անցել ենք «անդառնալի կետը», երբ մեղք ենք գործել:

Առաջարկեք ուսանողներին խորհել, թե արդյոք նրանք զգացել են, որ չեն կարող ներվել իրենց կատարած մեղքի կամ սխալի համար: Կարող եք ցուցադրել հետևյալ խոսքերը.

Երեց Ուխդորֆը շարունակում է.

Քրիստոսը եկավ մեզ փրկելու: Եթե մենք սխալ ուղի ենք բռնում, Հիսուս Քրիստոսի Քավությունը մեզ հավաստիացում է տալիս, որ մեղքը անդառնալի կետ չէ: Ապահով վերադարձը հնարավոր է, եթե մենք հետևենք մեր փրկության համար տրված Աստծո ծրագրին: («Ապահով վերադարձի կետ», Լիահոնա, մայիս 2007, 99)

Ուսումնասիրության ընթացքում, ուսանողները կարող են ապացույցներ փնտրել Փրկչի՝ մեր մեղքերից մեզ փրկելու ունակության մասին։

Աստծո ուզած կերպով տրտմության կարիքը

Ուսանողները կարող են հարցեր ունենալ այն մասին, թե ինչու ենք մենք մեղավոր զգում կամ տառապում, երբ մեղք ենք գործում: Այս հարցերին պատասխանելու եղանակներից մեկը Աստծո ուզած կերպով տրտմության դերն ուսումնասիրելն է:

Առաջարկեք ուսանողներին խորհել Աստծո ուզած կերպով տրտմության և աշխարհիկ տրտմության միջև եղած տարբերության մասին: Ուսանողները կարող են ուսումնասիրել Պողոս Առաքյալի ուսուցանածը Բ Կորնթացիներին 7․9–10 հատվածներում: Նրանք կարող են նաև կարդալ նեփիացիների մասին, որոնք վիշտ են ապրել իրենց մեղքերի պատճառով Մորմոն 2․11–14 հատվածներում։ Ուսանողները կարող են քննարկել հետևյալ հարցը․

Ի՞նչ եք սովորում Աստծո ուզած ձևով տրտմության և աշխարհիկ տրտմության մասին։

Կարող եք կիսվել նախկինում Առաջին Նախագահությունից նախագահ Դիտեր Ֆ․ Ուխդորֆի հետևյալ խոսքերով․

16:18

Աստծո ուզած կերպով տրտմությունը Հիսուս Քրիստոսի Քավության շնորհիվ փոփոխություն և հույս է ներշնչում: Աշխարհիկ տրտմությունը մեզ ներքև է քաշում, ոչնչացնում հույսը և հորդորում տեղի տալ հետագա գայթակղություններին:

Աստծո ուզած կերպով տրտմությունը մեզ դարձի է բերում և փոխում մեր սրտերը: Այն ստիպում է մեզ ատել մեղքը և սիրել բարությունը: Այն խրախուսում է մեզ կանգնել և քայլել Քրիստոսի սիրո լույսի ներքո: Իսկական ապաշխարությունը վերափոխման մասին է, այլ ոչ՝ տանջանքի կամ տառապանքի: Այո, անհնազանդության համար սրտանց ափսոսանքը և անկեղծ զղջումը հաճախ ցավոտ և շատ կարևոր քայլեր են ապաշխարության սրբազան գործընթացում: Բայց երբ մեղքը մեզ տանում է դեպի ինքնատելություն կամ թույլ չի տալիս մեզ կրկին բարձրանալ, դա ոչ թե նպաստում, այլ խափանում է մեր ապաշխարությունը: («Դուք կարող եք անել դա հիմա», Լիահոնա նոյեմբեր 2013, 56)