Երեմիա 36

• Ինչպե՞ս կարող է ձեր մասին հոգ տանող մարդը արձագանքել հետևյալ իրավիճակներում:

  • Ձեր ընկերը նկատում է, որ ճաշ ուտելուց հետո ձեր ատամներում ուտելիք կա:

  • Ձեզ հրավիրում են մի երեկույթի, որտեղ լինելու են ոչ պատշաճ գործողություններ։ Ձեր ընկերը տեղյակ է այդ գործողությունների մասին, բայց գիտի, որ դուք սպասում եք այնտեղ գնալուն:

• Ի՞նչը կարող է մղել այդ մարդուն բարձրաձայնել խնդիրները այս իրավիճակներում:

• Ի՞նչը կարող է լինել որևէ բան ասելու կամ լռելու արդյունքը:

Երկնային Հայրը և Հիսուս Քրիստոսը գիտեն և տեսնում են այն, ինչ մենք չգիտենք և չենք տեսնում: Նրանք ցանկանում են ամենաբարին մեզ համար և նրանք խոսում են մեզ հետ սուրբ գրությունների միջոցով (տես 2 Նեփի 32․3, Վարդապետություն և Ուխտեր 1․37–38)։ Այսօր սովորելիս խորհեք, թե սուրբ գրությունները ինչպես կարող են օրհնել ձեր կյանքը: Մտածեք, թե ինչպես կարող են այդ գաղափարները ազդել ձեր անձնական ուսումնասիրության վրա։

Կարդացեք Երեմիա 36․1–3 հատվածները՝ փնտրելով, թե ինչու Տերը պատվիրեց Երեմիային գրել Իր խոսքերը Հուդայի ժողովրդի համար:

• Ի՞նչ էր Տերը ցանկանում Հուդայի ժողովրդի համար:

• Այս հատվածներն ի՞նչ են ուսուցանում մեզ սուրբ գրությունների նպատակների մասին։

  Ուսանողները կարող են բացահայտել հետևյալ ճշմարտությունը․ սուրբ գրություններն օգնում են մեզ դառնալ դեպի Տերը և ստանալ Նրա ներումը։

  Կարող եք առաջարկել ուսանողներին նշել հետևյալ արտահայտությունները․ «որ ամեն մարդ հետ դառնա իր չար ճանապարհից» և «որ ես ներեմ նրանց անօրինությունն ու նրանց մեղքը» արտահայտությունները (հատված 3): Իրենց բացահայտած ճշմարտությունը նրանք կարող են գրել այս արտահայտությունների կողքին՝ իրենց սուրբ գրություններում:

• Ինչպե՞ս են սուրբ գրություններն օգնում մեզ դառնալ դեպի Տերը և ստանալ Նրա ներումը։

Կարդացեք սուրբ գրությունների հետևյալ հատվածները՝ փնտրելով լրացուցիչ եղանակներ, որոնցով սուրբ գրություններն օգնում են մեզ դառնալ դեպի Տերը և ներում ստանալ մեր մեղքերի համար:

Բ Տիմոթեոս 3.16

Ալմա 37․8

Հելաման 15․7

Երեմիան արեց այն, ինչ Տերը պատվիրեց, և Բարուք անունով մի մարդու խնդրեց գրել Տիրոջ խոսքերը մագաղաթի վրա: Քանի որ Երեմիան բանտարկված էր, նա խնդրեց Բարուքին կարդալ Տիրոջ խոսքերը Հուդայի ժողովրդի, այդ թվում՝ մի քանի իշխանների համար։ Դա անելուց հետո Բարուքը մագաղաթը տվեց իշխաններին, որպեսզի կարդան այն Հովակիմի՝ Հուդայի թագավորի համար (տես Երեմիա 36․4–10, 14–15, 20–21)։

Կարդացեք Երեմիա 36․20–24 հատվածները՝ փնտրելով, թե Հովակիմ թագավորն ինչպես արձագանքեց մագաղաթին գրված խոսքերը լսելուց հետո: Հատված 23-ում «նա» բառը վերաբերում է Հովակիմ թագավորին։

• Ձեր կարծիքով ինչո՞ւ թագավորն այդպես արձագանքեց։

Կարդացեք Երեմիա 36․25 հատվածը՝ փնտրելով, թե ինչպես էին որոշ իշխաններ փորձում ազդել թագավորի վրա:

• Ո՞ր ժամանակակից իրավիճակում ձեր պատասխանի ուսմունքները կարող են օգնել երիտասարդներին:

Տասներկու Առաքյալների Քվորումից երեց Դ. Թոդ Քրիստոֆերսոնը ուսուցանել է.

Սուրբ գրությունների միջոցով Աստված իսկապես «ցույց է տալիս իր զորությունը» [տես Ալմա 37․14]՝ փրկելու և վեհացնելու Իր զավակներին: Իր խոսքի միջոցով … Նա ընդլայնում է մեր հիշողությունը, լույս է սփռում կեղծիքի և սխալմունքի վրա և մղում է մեզ ապաշխարելու և ցնծալու Հիսուս Քրիստոսով՝ մեր Քավիչով: («Սուրբ գրության օրհնությունը», Ensign կամ Լիահոնա, մայիս 2010, 33)

• Ինչպե՞ս կարող է ձեր անձնական ուսումնասիրության վրա ազդել այն բանի իմացությունը, որ սուրբ գրությունները կարող են օգնել ձեզ դառնալ դեպի Տերը և ստանալ Նրա ներումն ու առաջնորդությունը: