Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Jeremia 31: Ai do ta Shkruajë Ligjin e Tij mbi Zemrën Tonë

“Jeremia 31: Ai do ta Shkruajë Ligjin e Tij mbi Zemrën Tonë”, Manuali i Mësuesit të Seminarit për Dhiatën e Vjetër (2026)

“Jeremia 31: Ai do ta Shkruajë Ligjin e Tij mbi Zemrën Tonë”, Manuali i Mësuesit të Seminarit për Dhiatën e Vjetër

Jeremia 31–33; 36–38; Vajtimeve 1; 3: Mësimi 134

Jeremia 31

Ai do ta Shkruajë Ligjin e Tij mbi Zemrën Tonë

Si mund të vepronte dikush po ta dinte ungjillin e Jezu Krishtit në mendjen e tij, por të mos e ndiente në zemrën e tij? A është e mundur që ai të veprojë pa e ndier fuqinë e dashurisë së Shpëtimtarit? Si ndryshojnë veprimet tona kur e ndiejmë dashurinë e Atit Qiellor dhe të Jezu Krishtit në zemrën tonë? Jeremia 31 na premton se kur drejtohemi te Zoti, Ai do ta shkruajë ligjin e Tij në zemrën tonë (shih te Jeremia 31:18, 33). Ky mësim mund t’i ndihmojë nxënësit të kuptojnë se çfarë do të thotë ta kenë ungjillin e Shpëtimtarit të shkruar në zemrën e tyre.

Përgatitja e nxënësve: Ftojini nxënësit t’u bëjnë pjesëtarëve të familjes dhe shokëve këtë pyetje: “Cili është ndryshimi ndërmjet njohjes së një të vërtete të ungjillit në mendjen tënde dhe të ndierit të saj në zemrën tënde?” Ata mund të përgatiten për ta treguar atë që diskutuan.

Veprimtari të Mundshme të të Mësuarit

Dijenia për diçka në mendjen tonë dhe të ndierit e saj në zemrën tonë

Për të filluar orën mësimore, ftojini nxënësit t’i përgjigjen pyetjes vijuese.

Cilat janë disa situata ku mund ta dimë se duhet të bëjmë diçka, por e kemi në fakt të vështirë ta bëjmë atë?

Nxënësit mund të japin shembuj si rënia për të fjetur në kohë, bërja e zgjedhjeve të shëndetshme të të ngrënit ose përfundimi i detyrave të shtëpisë para afatit. Ndihmojini nxënësit të kuptojnë se është normale ta kemi të vështirë t’i përputhim veprimet tona me atë që e dimë se është e drejtë. E njëjta gjë mund të jetë e vërtetë kur bëhet fjalë për të ditur dhe më pas për të vepruar sipas asaj që dimë rreth ungjillit të Jezu Krishtit. Ne mund ta dimë se çfarë kërkon ungjilli i Shpëtimtarit, por nuk e jetojmë gjithmonë atë. Megjithatë, ne mund të përpiqemi fort ta kemi ndikimin e Shpëtimtarit dhe të ungjillit të Tij në gjithçka që bëjmë.

Ajo që dimë në lidhje me ndjekjen e Shpëtimtarit nuk reflektohet gjithmonë në veprimet tona. Plaku D. Tod Kristoferson, i Kuorumit të Dymbëdhjetë Apostujve, bëri një pyetje që mund të na lindë ndonjëherë në këto situata:

“Si mund ta bëni ungjillin e Jezu Krishtit jo vetëm një ndikim në jetën tuaj, por ndikimin kontrollues dhe, ne fakt, vetë thelbin e asaj që jeni?” (“When Thou Art Converted”, Liahona, maj 2004, f. 11)

Ndërsa studion te Jeremia 31, ftoje Frymën e Shenjtë të të ndihmojë të kërkosh mënyrat se si mund ta bësh ungjillin e Shpëtimtarit “vetë thelbin e asaj që je”.

Jeremia parashikon bekimet e Shpëtimtarit për Izraelin

Për këtë veprimtari të studimit, ju mund t’i organizoni nxënësit në grupe me nga tre veta. Ftojeni secilin anëtar grupi të lexojë një nga fragmentet vijuese dhe t’ua tregojë përgjigjet për pyetjet të tjerëve në grup.

Pasi paralajmëroi për pasojat që do të vuanin të ligjtë në ditët e fundit (shih te Jeremia 30:23–24), Jeremia profetizoi se Zoti do ta mblidhte sërish popullin e Tij të besëlidhjes te Vetja.

Lexoji fragmentet vijuese, duke kërkuar atë që do të bëjë Zoti për popullin e Tij:

Jeremia 31:1–3

Jeremia 31:6–10

Jeremia 31:17–20

Cilat janë disa nga premtimet që gjete?
Çfarë na mësojnë këto ftesa rreth Zotit?

Lexo te Jeremia 31:31–33, duke kërkuar mënyrën se si Zoti do ta tregojë dashamirësinë e Tij për popullin e Tij të besëlidhjes.

Si do ta përmblidhje këtë mësim si një pohim të vërtete?

Ndihmojini nxënësit të përcaktojnë se Zoti premton të na mbledhë te Vetja si populli i Tij i besëlidhjes dhe ta shkruajë ligjin e Tij në zemrat tona.
Çfarë mendon se do të thotë ta kemi ligjin e Zotit të shkruar në zemrën tonë?

Nxënësit mund të japin një shumëllojshmëri idesh. Ndihmojini nxënësit të kuptojnë se fraza shkruar mbi zemrën tonë (shihni vargun 33) mund t’i referohet të qenit i kthyer në besim, përjetimit të një ndryshimi dhe dëshirimit për ta përmbushur vullnetin e Atit Qiellor dhe të Jezu Krishtit me gjithë zemrën tonë. Mund të doni të vini në dukje se Pali përdori një metaforë të ngjashme kur i përshkroi shenjtorët në Korint si një “letër e Krishtit … e shkruar jo me bojë … dhe jo mbi rrasa guri, por mbi rrasa të një zemre mishi” (2 Korintasve 3:3).

A është i shkruar ungjilli i Shpëtimtarit në zemrën tënde?

Demonstro kuptueshmëri

Merreni parasysh t’u jepni nxënësve një mundësi për të ushtruar dhënien e përgjigjes për pyetjen që përzgjodhën. Ju mund t’i organizoni nxënësit me ata që studiuan pyetjen tjetër.

Mund t’i ftoni nxënësit të tregojnë mënyrën se si ajo që ata mësuan mund ta ndihmojë dikë të bëjë në mënyrë më të qëndrueshme atë që e di se është e drejtë. Për t’i ndihmuar nxënësit ta demonstrojnë atë që kanë mësuar ose ndier, merreni parasysh të paraqitni udhëzimet vijuese.

Në ditarin tënd të studimit, përgjigjju njërës ose më shumë pyetjeve vijuese:

Çfarë prove do të kërkosh që Zoti po e shkruan ligjin e Tij në zemrën tënde?
Cila është një gjë që ndihesh i nxitur ta bësh për ta ftuar Shpëtimtarin ta shkruajë ungjillin e Tij në zemrën tënde?

Mund t’u kërkoni gjithashtu nxënësve të gatshëm të tregojnë përvojat që kanë pasur kur kanë dalluar që Shpëtimtari e ka shkruar ligjin e Tij në zemrën e tyre. Ju mund të tregoni mënyrën se si e keni parë Zotin ta shkruajë ligjin e Tij në zemrën tuaj. Inkurajojini nxënësit t’i kërkojnë Zotit ndihmë dhe të veprojnë sipas mbresave që marrin.

Burime Shtesë

Cilat veprime tregojnë se Zoti e ka shkruar ligjin e Tij në zemrën time?

Plaku Dejll G. Renland, i Kuorumit të Dymbëdhjetë Apostujve, tregoi:

“Të qenit i kthyer në besim te Zoti fillon me një zotim të patundur ndaj Perëndisë, i pasuar me bërjen e atij zotimi pjesë të asaj që jemi. Përvetësimi i një zotimi të tillë është një proces për gjithë jetën që kërkon durim dhe pendim të vazhdueshëm. Si përfundim, ky zotim bëhet pjesë e asaj që jemi, i ngulitur në qenien tonë dhe gjithmonë i pranishëm në jetën tonë. Ashtu siç nuk e harrojmë kurrë emrin tonë pavarësisht se çfarë kemi tjetër në mendje, ashtu nuk e harrojmë kurrë një zotim që është i gdhendur në zemrën tonë. …

Besëlidhjet na ankorojnë te Shpëtimtari dhe na shtyjnë drejt shtegut që të çon drejt shtëpisë sonë qiellore. Fuqia e besëlidhjeve na ndihmon që ta ruajmë ndryshimin e fuqishëm të zemrës, ta thellojmë kthimin tonë në besim te Zoti dhe të marrim më plotësisht shëmbëlltyrën e Krishtit në pamjen tonë. Por një zotim ndaj besëlidhjeve tona i [bërë] me gjysmë zemre nuk do të na garantojë asgjë.” (“Zotim i Patundur ndaj Jezu Krishtit”, Liahona, nëntor 2019, f. 22, 23)

Plaku Kelli R. Xhonson, i Të Shtatëdhjetëve, dha mësim:

“Ata që e kanë besimin dhe fjalën e Perëndisë thellë në zemrën e tyre do të jenë në gjendje t’i përthithin dhe t’i mposhtin shigjetat e flakta, që kundërshtari me siguri do t’i dërgojë për të na shkatërruar. Ndryshe, besimi, shpresa dhe bindja jonë mund të mos zgjatin dhe … ne mund të bëhemi viktimë.

Kam mësuar se pasja e fjalës së Perëndisë thellë në shpirtin tim, e bashkuar me besimin në Zotin Jezu Krisht dhe Shlyerjen e Tij, më lejon të mbështetem te fuqia e Perëndisë për të mposhtur kundërshtarin dhe gjithçka që ai mund të hedhë mbi mua. Ndërsa përballemi me sfida, ne mund të mbështetemi te premtimi i Zotit. …

Nëpërmjet përgatitjes, Shpëtimtari u rrit në fuqi dhe ishte në gjendje t’u rezistonte të gjitha tundimeve të Satanit. Ndërsa ndjekim shembullin e Shpëtimtarit dhe përgatitemi duke e studiuar fjalën e Perëndisë dhe duke e thelluar besimin tonë, ne gjithashtu mund të mbështetemi te fuqia e Perëndisë për t’u rezistuar tundimeve.” (“Fuqia e Qëndrueshme”, Liahona, nëntor 2020, f. 113)

Veprimtari Plotësuese të të Mësuarit

Fillim ndryshe i mësimit

Mundësia 1

Për ta filluar orën mësimore, merreni parasysh të paraqitni fotografitë e Presidentit Henri B. Ajring dhe Presidentit Gordon B. Hinkli. Jepni historinë vijuese që Presidenti Ajring e tregoi në funeralin e Presidentit Hinkli.

“Kur isha përgjegjës për mësimdhënien e ungjillit për të rinjtë në programet tona të seminarit anembanë botës, ai pati thënë, duke prekur kraharorin tim me gishtin e tij tregues: ‘Hal, përse nuk përpiqesh më shumë për ta zbritur ungjillin te zemra e tyre?’” (“Things Will Work Out”, Liahona [Në kujtim: President Gordon B. Hinckley, mars 2008], Gospel Library [Biblioteka e Ungjillit])

Ftojini nxënësit të diskutojnë pyetje si vijueset:

Çfarë mendoni se do të thotë ta zbresësh ungjillin e Shpëtimtarit te zemra juaj?
Përse do të ishte e rëndësishme që adoleshentët ta marrin ungjillin në zemrën e tyre?

Inkurajojini nxënësit të kërkojnë premtimet e Shpëtimtarit nëpërmjet profetit të Tij, Jeremias, dhe ta ftojnë Shpirtin që t’i ndihmojë ata të dallojnë të vërtetat e ungjillit që mund t’i ndiejnë në zemrën e tyre.

Mundësia 2

Përndryshe, mund të filloni duke i ftuar nxënësit të vizatojnë një zemër të ngurtë dhe një zemër të butë në tabelë. Ju mund të thoni se, në shkrimet e shenjta, zemra shpesh simbolizon “mendje[n] dhe vullneti[n]” (Udhëzuesi për Shkrimet e Shenjta, “Zemër”, Gospel Library [Biblioteka e Ungjillit]). Për t’i përgatitur nxënësit për të studiuar mënyrën se si Zoti e shkruan ligjin e Tij në zemrën tonë, mund të bëni pyetje si vijueset:

Përse ka rëndësi gjendja e zemrës sonë?
Nëse zemra jonë është e ngurtë, çfarë mund të bëjmë për të kërkuar ndihmën e Zotit për ta zbutur atë?

Të ndierit e premtimeve të Zotit në zemrën tonë

Veprimtaria vijuese mund t’i ndihmojë nxënësit të studiojnë disa nga bekimet e mëdha që Zoti ia ka premtuar popullit të Tij të besëlidhjes. Përzgjidhni disa ose të gjitha fragmentet vijuese të shkrimit të shenjtë dhe shkruajini ato në shirita letre. Organizojini nxënësit në dyshe ose grupe të vogla. Ftojeni secilin grup të përzgjedhë një shirit letre dhe të studiojë fragmentin. Grupet mund të përgatiten për të treguar bekimet që përcaktojnë.

Jeremia 31:13–14

Jeremia 31:16–17

Jeremia 31:34

Jeremia 32:17–19

Jeremia 32:26–27

Jeremia 33:6–8

Pasi t’i studioni vargjet, një zëdhënës nga secili grup mund t’i shkruajë referencën e shkrimit të shenjtë dhe bekimet e Zotit në tabelë.

Muzika e ungjillit në zemrën tonë

Për t’i ndihmuar nxënësit ta kuptojnë ndryshimin ndërmjet njohjes të së vërtetave në mendjen tonë dhe të ndierit të tyre në zemrën tonë, mund të shfaqni materialin filmik “The Music of the Gospel” [“Muzika e Ungjillit”] (5:42).

5:42

Pas materialit filmik, mund t’i pyesni nxënësit se si mund të jetë t’i dimë të vërtetat e ungjillit në mendjen tonë krahasuar me të ndierit të këtyre të vërtetave në zemrën tonë. Nxënësit mund të japin shembuj nga jeta e tyre.

Fuqia e qëndrueshme e ligjit të Zotit të shkruar në zemra

Nxënësit mund të kenë dobi nga studimi i disa shembujve të njerëzve që e kishin ligjin e Zotit të shkruar në zemrën e tyre. Mund t’i ftoni nxënësit të tregojnë një histori të shkrimit të shenjtë për një person ose grup njerëzish që e lejuan Shpëtimtarin ta shkruante ligjin e Tij mbi zemrën e tyre. Nëse nxënësit kanë nevojë për udhërrëfim shtesë, mund të jepni shembuj si:

Dishepujt në Jerusalem pas ringjalljes së Shpëtimtarit (shihni te Veprat e Apostujve 2:37–42).
Lamanitët në kohën e mbretit Lamoni (shihni tek Alma 23:5–8).
Nefitët pas shfaqjes së Shpëtimtarit (shihni te 4 Nefi 1:2, 15–18).

Pasi nxënësit t’i kenë dhënë shembujt e tyre, mund t’i pyesni ata se çfarë mësimesh mund të mësojmë nga ajo që ndien njerëzit dhe ajo që bënë që çoi në ndryshimin e zemrës së tyre.