Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Vajtimeve 1; 3: “Mëshirat e Tij Nuk Janë Mbaruar”

“Vajtimeve 1; 3: ‘Mëshirat e Tij Nuk Janë Mbaruar’”, Manuali i Mësuesit të Seminarit për Dhiatën e Vjetër (2026)

“Vajtimeve 1; 3: ‘Mëshirat e Tij Nuk Janë Mbaruar’”, Manuali i Mësuesit të Seminarit për Dhiatën e Vjetër

Jeremia 31–33; 36–38; Vajtimeve 1; 3: Mësimi 136

Vajtimeve 1; 3

“Mëshirat e Tij Nuk Janë Mbaruar”

A Hispanic man gives the Savior, Jesus Christ, a hug. Christ is wearing a white robe.

Për shkak se Shpëtimtari është i mbushur me dhembshuri, Ai është i gatshëm të na shërojë, të na ngushëllojë dhe të na falë edhe kur mëkatojmë kundër Tij. Pasi Jerusalemi u shkatërrua për shkak të mëkatit dhe rebelimit të tij, Jeremia u përpoq t’i ndihmonte judenjtë të kuptonin dhembshurinë e Shpëtimtarit dhe të gjenin shpresë në të. Ky mësim mund t’i ndihmojë nxënësit ta ndiejnë dhembshurinë e Shpëtimtarit për ta edhe kur mëkatojnë.

Përgatitja e nxënësve: Ftojini nxënësit të kujtojnë një histori nga shkrimet e shenjta që demonstron natyrën e dhembshur të Shpëtimtarit. Nxënësit do të kenë një mundësi për t’iu referuar kësaj historie në mësim.

Veprimtari të Mundshme të të Mësuarit

Pasi mëkatojmë

Imagjino sikur një i ri ka bërë çmos të bëjë zgjedhje të mira në jetën e tij. Një ditë, ndërkohë që merrte pjesë në një festë, ai i dorëzohet presionit dhe pijeve alkoolike për shkak se do që të përshtatet. Të nesërmen në mëngjes, ai zgjohet duke u ndier i vetmuar, fajtor dhe i shqetësuar. Ai fillon me ngadalë të bëjë zgjedhje të tjera jo të mira dhe fillon ta humbë shpresën për të ardhmen e tij.

Shkruajini përgjigjet e nxënësve për pyetjet vijuese në tabelë. Gjatë gjithë mësimit do të bëhen referime ndaj përgjigjeve të shkruara.

Kur njerëzit mëkatojnë, me çfarë syri mund ta shohin veten ose të mendojnë për veten?
Me çfarë syri mund ta shohin Atin Qiellor dhe Jezu Krishtin ose çfarë mund të mendojnë për Ta?

Ftojini nxënësit të përsiatin pyetjet vijuese për të vlerësuar ndjenjat e tyre.
A ke menduar ndonjëherë për ndonjë nga thëniet në tabelë?
Cilat prej këtyre thënieve ti e di se janë të rreme? Për cilat je i pasigurt?

Është e rëndësishme të mbajmë mend se ne të gjithë mëkatojmë dhe “priv[ohemi] nga lavdia e Perëndisë” (Romakëve 3:23). Ndërsa studion librin e Vajtimeve sot, kërko mbresa nga Fryma e Shenjtë që mund të të ndihmojnë të dallosh mënyrën se si Ati Qiellor dhe Jezu Krishti ndihen në lidhje me ty, edhe kur bën gabime.

Trishtimi për mëkatin

Merreni parasysh të paraqitni figurën vijuese. Ftojini nxënësit të tregojnë atë që shohin në këtë figurë ose mënyrën se si ajo i bën të ndihen. Shpjegoni se kjo figurë tregon Jeremian dhe trishtimin e tij të madh. Nxënësit mund ta tregojnë atë që mbajnë mend rreth historisë së Jeremias dhe arsyen përse ai mund të ketë ndier trishtim. Sipas nevojës, jepni hollësi nga paragrafi vijues.

The Cry of Jeremiah. From an engraving done at the Nazareen School.

Për rreth 40 vjet, Zoti i tha Jeremias që t’i profetizonte shtëpisë së Izraelit në lidhje me shkatërrimin dhe robërinë e Jerusalemit nëse zgjidhte të mos pendohej dhe të drejtohej te Perëndia (shih te Jeremia 16:1–13). Gjatë mbretërimit të mbretit Zedekia, babilonasit e shkatërruan Jerusalemin dhe i sollën shumë njerëz në robëri, duke përmbushur profecinë e Zotit (shih te Jeremia 52). Pak kohë pas këtyre ngjarjeve, Jeremia shënoi librin e Vajtimeve.

Mund të doni të shpjegoni se termi vajtim i referohet shprehjeve të vuajtjes ose trishtimit të thellë.

Veprimtaria vijuese mund t’i ndihmojë nxënësit të kuptojnë vuajtjen që përjetoi populli i Zotit. Mund t’i organizoni nxënësit në dyshe ose grupe të vogla për të studiuar fragmentet vijuese të shkrimit të shenjtë. Shpjegoni se Jeremia e shkroi shumicën e këtyre vargjeve nga këndvështrimi i Jerusalemit, sikur të fliste vetë qyteti.

Lexo një ose dy nga fragmentet vijuese, duke kërkuar fjalët ose frazat që shprehin mënyrën se si njerëzit u ndien pasi vuajtën për shkak të mëkateve të tyre.

Vajtimeve 1:1–4

Vajtimeve 1:16–18

Vajtimeve 1:20–22

Cilat fjalë ose fraza zbulove?

Për t’i ndihmuar nxënësit ta shqyrtojnë atë që zbuluan nga një këndvështrim i përjetshëm, ju mund të bëni pyetjen vijuese.
Duke ditur se Ati Qiellor dhe Jezu Krishti na duan, përse mendon se Ata na lejojnë të përjetojmë këtë lloj vuajtje kur mëkatojmë?

Nëse nxënësve u nevojitet ndihmë për t’iu përgjigjur kësaj pyetjeje, mund t’i ftoni ata të lexojnë fragmente të tilla si 2 Korintasve 7:9–10; Alma 42:18, 29; Doktrina e Besëlidhje 95:1, duke kërkuar për përgjigje të mundshme.

Dhembshuria e Shpëtimtarit

Pjesa e mbetur e mësimit mund t’i ndihmojë nxënësit të ndiejnë dhembshurinë që ka Shpëtimtari për ne edhe kur mëkatojmë.

Ju mund t’i organizoni nxënësit në dyshe për të studiuar fragmentet vijuese dhe për t’iu përgjigjur pyetjeve shoqëruese. Për shembull, një nxënës mund të studiojë vargjet 22–26 dhe tjetri vargjet 31–33.

Reflekto mbi thëniet në tabelë nga fillimi i mësimit. Lexo te Vajtimeve 3:22–26, 31–33, duke kërkuar fjalët ose frazat që do t’ia tregoje dikujt që ndihet në këtë mënyrë.

Cilat fjalë ose fraza do t’i tregoje? Përse?
Çfarë të vërtete do të doje që ata të kuptonin nga këto vargje?

Ndërsa nxënësit flasin, ata mund të përcaktojnë të vërtetën vijuese: Zoti ka dhembshuri për ne, edhe kur mëkatojmë.

Nëse nxënësit kanë nevojë për ndihmë për të kuptuar fjalën t’i vijë keq/dhembshuri, mund të jepni përkufizimin vijues: “Në shkrimet e shenjta, dhembshuri do të thotë fjalë për fjalë ‘të vuash me’. Gjithashtu do të thotë të tregosh simpati, keqardhje dhe mëshirë për një tjetër” (Udhëzuesi për Shkrimet e Shenjta, “Dhembshuri”, Gospel Library [Biblioteka e Ungjillit]).

Për ta kuptuar më mirë dhembshurinë e Shpëtimtarit nxënësit mund të bëjnë veprimtarinë vijuese. Në vend që të studiojnë një nga mundësitë vijuese, nxënësit mund të mendojnë dhe të studiojnë një histori të ndryshme nga shkrimet e shenjta që demonstron dhembshurinë e Shpëtimtarit.

Plotësoje një nga mundësitë vijuese të studimit, duke kërkuar atë që të ndihmon ta kuptosh më mirë mënyrën se si mund ta përjetosh dhembshurinë e Shpëtimtarit në jetën tënde.

Studioje një nga historitë vijuese që demonstrojnë dhembshurinë e Shpëtimtarit: Mateu 18:23–35; Gjoni 8:1–11.
Studio një ose dy nga fragmentet vijuese të shkrimit të shenjtë që na mësojnë rreth dhembshurisë së Shpëtimtarit: Mosia 15:7–9; Doktrina e Besëlidhje 64:2–4; Doktrina e Besëlidhje 101:9.

Merreni parasysh t’i ftoni nxënësit t’ia mësojnë njëri-tjetrit atë që mësuan dhe ndien. Mund t’i ftoni nxënësit e gatshëm t’ia tregojnë klasës.

Dëshmia vijuese mund të ndihmojë edhe me këtë diskutim.

Plaku Dejll G. Renland, i Kuorumit të Dymbëdhjetë Apostujve, dëshmoi:

15:46

“Jezu Krishti mund të falë sepse Ai pagoi çmimin për mëkatet tona.

Shëlbuesi ynë zgjedh të falë për shkak të dhembshurisë, mëshirës dhe dashurisë së Tij të pakrahasueshme.

Shpëtimtari dëshiron që të falë sepse kjo është një nga cilësitë e Tij hyjnore.

Dhe, si Bariu i Mirë që Ai është, Ai është i gëzuar kur ne zgjedhim të pendohemi.

Edhe teksa ndiejmë trishtim sipas Perëndisë për veprimet tona, kur zgjedhim të pendohemi, ne menjëherë ftojmë Shpëtimtarin në jetën tonë.” (“Pendimi: Një Zgjedhje e Gëzueshme”, Liahona, nëntor 2016, f. 123)

Të ndierit e dhembshurisë së Shpëtimtarit për mua

Kur e ke përjetuar ti ose dikush që ti njeh dhembshurinë e Shpëtimtarit? (Mbani mend të mos tregoni mëkatet e kaluara ose diçka që është tepër vetjake.)

Kujtojuni nxënësve të riun nga fillimi i mësimit.
Çfarë do t’i thoshe këtij të riu në bazë të asaj që mësove sot?

Burime Shtesë

Po sikur të mendoj se zgjedhjet e mia më kanë çuar shumë larg nga Ati Qiellor dhe Jezu Krishti?

Plaku Diter F. Uhtdorf, i Kuorumit të Dymbëdhjetë Apostujve, dha mësim:

14:32

“Ndoshta disa madje mund ta kenë pyetur veten: ‘A është madje e mundur të kthehesh pas? A do të më etiketojnë përgjithmonë, përjashtojnë dhe shmangin miqtë e mi të mëparshëm? A është më mirë që thjesht të mbetem i humbur? Si do të reagojë Perëndia nëse përpiqem të kthehem?” …

Ati ynë Qiellor do të vrapojë drejt nesh, me zemrën të gufuar me dashuri dhe dhembshuri. …

Qielli do të ngazëllehet kur të kthehemi.” (“Plëngprishësi dhe Rruga që të Çon në Shtëpi”, Liahona, nëntor 2023, f. 88)

Si mund të më ndihmojë dhembshuria e Shpëtimtarit?

Plaku Dejll G. Renland, i Kuorumit të Dymbëdhjetë Apostujve, shpjegoi:

“Dhembshuria e Shpëtimtarit përballë papërsosurive tona na tërheq drejt Tij dhe na nxit në vështirësitë tona të përsëritura që të pendohemi dhe t’i përngjasim Atij.” (“Bariu Ynë i Mirë”, Liahona, maj 2017, f. 29)

Plaku Piter F. Mërs, i Të Shtatëdhjetëve, dëshmoi:

10:2

“Qoftë nëse po mbartni barrën e mëkatit të pazgjidhur, po vuani për shkak të një fyerjeje të kryer kundër jush shumë kohë më parë apo po mundoheni ta falni veten për një gabim aksidental, ju keni të drejtën e fuqisë shëruese dhe shëlbuese të Shpëtimtarit Jezu Krisht.

Unë dëshmoj se Ai jeton. Ai është Shpëtimtari dhe Shëlbuesi ynë. Ai na do. Ai ka dhembshuri për ne, Ai është i mbushur me mëshirë dhe Ai mund t’ju shërojë.” (“Ai Mund të më Shëronte Mua!”, Liahona, maj 2023, f. 41)

Po nëse po përpiqem të pendohem por vazhdoj të mundohem?

Plaku Riçard G. Skot (1928–2015), i Kuorumit të Dymbëdhjetë Apostujve, dëshmoi:

15:25

“Lajmi i gëzuar për këdo që dëshiron të çlirohet nga pasojat e zgjedhjeve të dobëta të së kaluarës është se Zoti i sheh dobësitë ndryshe nga mënyra se si e sheh rebelimin. Ndërsa Zoti paralajmëron se rebelimi pa pendesë do të sjellë ndëshkim, kur Zoti flet për dobësitë, flet gjithmonë me mëshirë.” (“Fuqia Vetjake nëpërmjet Shlyerjes së Jezu Krishtit”, Liahona, nëntor 2013, f. 83)

Plaku Nil L. Andersen, i Kuorumit të Dymbëdhjetë Apostujve, tregoi:

“Nëse e gjeni veten duke bërë të njëjtat gabime, duke luftuar për të qenë të vendosur në dëshirën për të ndryshuar, shprehjani Atit tuaj Qiellor dashurinë tuaj për Të dhe forconi besimin tuaj në Zotin Jezu Krisht. Mësoni prej Tij, studioni rreth Shlyerjes së Tij të shenjtë dhe mendoni thellësisht rreth asaj që Ai vuajti për ju. Zbatojini urdhërimet e Tij me më shumë saktësi. Ndërsa bëni pjesën tuaj për të ndërtuar besimin tuaj te Shpëtimtari, unë ju premtoj se qielli do të mbrujë këtë dhuratë besimi dhe ju do të keni forcën shpirtërore për t’u penduar për mëkatet tuaja dhe për të mos u kthyer tek ata.” (The Divine Gift of Forgiveness [2019], f. 104)

Veprimtari Plotësuese të të Mësuarit

Fillim ndryshe

Për një mënyrë ndryshe për ta filluar mësimin, merreni parasysh të shfaqni materialin filmik “Point of Safe Return” [“Pikë Kthimi të Sigurt”] nga kodi kohor 0:00 deri në 1:58. Në këtë material filmik, Plaku Diter F. Uhtdorf, i Kuorumit të Dymbëdhjetë Apostujve, tregoi një analogji për të dhënë mësim rreth aftësisë së Shpëtimtarit për të shëruar dhe falur.

15:40

Ftojini nxënësit ta diskutojnë pyetjen në vijim:

Cilat janë mënyrat se si Satani përpiqet të na bindë që kemi shkuar përtej “pikës pa kthim” kur ne mëkatojmë?

Ftojini nxënësit të përsiatin nëse kanë menduar se nuk mund ta merrnin faljen për një mëkat ose gabim që kishin bërë. Merreni parasysh të jepni thënien vijuese.

Plaku Uhtdorf vazhdoi:

“Krishti erdhi për të na shpëtuar. Nëse kemi marrë [drejtim] të gabuar, Shlyerja e Jezu Krishtit mund të na japë sigurinë se mëkati nuk është pikë pa kthim. Një kthim i sigurt është i mund[ur] nëse do të ndjekim planin e Perëndisë për shpëtimin tonë.” (“Pikë Kthimi të Sigurt”, Liahona, maj 2007, f. 99)

Ndërsa studiojnë, nxënësit mund të kërkojnë prova të aftësisë së Shpëtimtarit për të na shpëtuar nga mëkatet tona.

Nevoja për trishtimin sipas Perëndisë

Nxënësit mund të kenë pyetje rreth arsyes përse ne ndihemi fajtorë ose vuajmë kur mëkatojmë. Një mënyrë për t’ju përgjigjur këtyre pyetjeve është të studioni rolin e trishtimit sipas Perëndisë.

Ftojini nxënësit të përsiatin ndryshimin ndërmjet trishtimit sipas Perëndisë dhe trishtimit sipas botës. Nxënësit mund të studiojnë atë që Apostulli Pal dha mësim te 2 Korintasve 7:9–10. Ata mund të lexojnë edhe rreth nefitëve që përjetuan keqardhje për shkak të mëkateve të tyre te Mormoni 2:11–14. Nxënësit mund të diskutojnë një pyetje të tillë si vijuesja:

Çfarë mësoni rreth trishtimit sipas Perëndisë dhe trishtimit sipas botës?

Mund të jepni edhe thënien vijuese nga Presidenti Diter F. Uhtdorf, asokohe i Presidencës së Parë:

16:19

“Trishtimi sipas Perëndisë frymëzon ndryshim dhe shpresë nëpërmjet Shlyerjes [së Jezu Krishtit]. Trishtimi i botës na tërheq poshtë, na e shuan shpresën dhe na bind t’i dorëzohemi tundimit të mëtejshëm.

Trishtimi sipas Perëndisë çon në kthim në besim dhe në ndryshim të zemrës. Ai bën që ne ta urrejmë mëkatin dhe ta duam mirësinë. Na nxit që të ngrihemi në këmbë dhe të ecim në dritën e dashurisë së Krishtit. Pendimi i vërtetë ka të bëjë me shndërrimin, jo me torturimin apo mundimin. Po, keqardhja e ndier dhe brejtja e vërtetë e ndërgjegjes për mosbindjen, shpesh, janë hapa të dhembshëm e shumë të rëndësishëm në procesin e shenjtë të pendimit. Por kur faji na çon në neveritje të vetes ose na pengon të çohemi sërish, ai bëhet pengesë në vend që të japë shtysë për pendimin tonë.” (“Ti Mund t’ia Dalësh Tani!”, Liahona, nëntor 2013, f. 56)