Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Jeremia 36: Fjala e Perëndisë

“Jeremia 36: Fjala e Perëndisë”, Manuali i Mësuesit të Seminarit për Dhiatën e Vjetër (2026)

“Jeremia 36: Fjala e Perëndisë”, Manuali i Mësuesit të Seminarit për Dhiatën e Vjetër

Jeremia 31–33; 36–38; Vajtimeve 1; 3: Mësimi 135

Jeremia 36

Fjala e Perëndisë

Old Testament Prophet writing on a scroll

Shkrimet e shenjta janë një pjesë thelbësore e lidhjes sonë me Jezu Krishtin. Të mësuarit nga shkrimet e shenjta i drejton mendimet dhe zemrën tonë drejt Tij, gjë që fton fuqinë e Tij në jetën tonë. Gjatë një kohe braktisjeje, Zoti e udhëzoi profetin Jeremia që t’i shkruante dhe t’i dërgonte fjalët e Zotit te populli i Judës që ata të mund të drejtoheshin drejt Tij dhe të merrnin faljen. Ky mësim mund t’i ndihmojë nxënësit të kuptojnë mënyrën se si shkrimet e shenjta i ndihmojnë ata të drejtohen te Jezu Krishti për të marrë faljen e mëkatit.

Përgatitja e nxënësve: Merreni parasysh t’i ftoni nxënësit t’i shqyrtojnë synimet e tyre të studimit të shkrimeve të shenjta dhe përparimin vetjak në pjesët e kërkuara të leximit për këtë vit. Ju mund t’i ftoni gjithashtu nxënësit të reflektojnë mbi mënyrën se si studimi i tyre i shkrimeve të shenjta po i ndihmon ata të drejtohen te Zoti.

Veprimtari të Mundshme të të Mësuarit

Të flasësh hapur

Mendoni një mënyrë se si t’i ndihmoni nxënësit të përgatiten për të mësuar rreth mënyrës se si Zoti i përdor shkrimet e shenjta për të na korrigjuar me dashuri dhe për të na sjellë tek Vetja. Një mënyrë për ta bërë këtë është t’i vini nxënësit të mendojnë për situatat ku mund të jetë e sikletshme të flasësh hapur. Sipas nevojës, mund të përdorni situatat vijuese.

Si mund të reagojë dikush që interesohet për ty në situatat vijuese?
- Pasi hani drekë, shoku yt vë re që të ka mbetur pak ushqim te dhëmbët.
- Të kanë ftuar në një festë ku do të ketë veprimtari të papërshtatshme. Shoku yt është në dijeni të veprimtarive, por e di që ti mezi po pret të shkosh.
Çfarë mund ta shtyjë dikë të flasë hapur në këto situata?
Cili mund të jetë rezultati i të thënit të diçkaje ose i të qëndruarit në heshtje?

Ati Qiellor dhe Jezu Krishti dinë dhe shohin gjëra që ne nuk i dimë dhe nuk i shohim. Ata dëshirojnë më të mirën për ne dhe na flasin nëpërmjet shkrimeve të shenjta (shih te 2 Nefi 32:3; Doktrina e Besëlidhje 1:37–38). Ndërsa mëson sot, përsiat mënyrat se si shkrimet e shenjta mund ta bekojnë jetën tënde. Merre parasysh se si këto ide mund të ndikojnë në studimin tënd vetjak.

Një qëllim i shkrimit të shenjtë

Lexo te Jeremia 36:1–3, duke kërkuar arsyen përse Zoti e urdhëroi Jeremian t’i shënonte fjalët e Tij për popullin e Judës.

Çfarë dëshironte Zoti për popullin e Judës?
Çfarë na mësojnë këto vargje rreth disa qëllimeve të shkrimit të shenjtë?

Nxënësit mund të përcaktojnë një të vërtetë si shkrimet e shenjta na ndihmojnë të drejtohemi te Zoti dhe të marrim faljen e Tij.

Mund të doni t’i ftoni nxënësit t’i shenjojnë frazat “secili do të tërhiqet nga rruga e tij e keqe” dhe “kështu unë do të fal paudhësinë e tyre dhe mëkatin e tyre” (vargu 3). Ata mund ta shkruajnë të vërtetën që zbuluan krahas këtyre frazave në shkrimet e tyre të shenjta.
Si na ndihmojnë shkrimet e shenjta të drejtohemi te Zoti dhe të marrim faljen e Tij?

Merreni parasysh t’i renditni përgjigjet e nxënësve në tabelë. Ndërsa nxënësit flasin, ata mund t’u referohen ideve që gjenden në shkrimet e shenjta vijuese. Nëse dëshironi, mund të njiheni me këto shkrime të shenjta në mënyrë që të mund ta hapni librin tek ato ndërsa nxënësit flasin. Përndryshe, pasi nxënësit të japin disa përgjigje për pyetjen e mëparshme, mund të jepni udhëzimet vijuese dhe t’u kërkoni t’i shtojnë tek idetë në tabelë.

Lexoji fragmentet vijuese të shkrimit të shenjtë, duke kërkuar mënyra të tjera se si shkrimet e shenjta na ndihmojnë të drejtohemi te Zoti dhe të marrim faljen për mëkatet tona.

2 Timoteut 3:16

Alma 37:8

Helamani 15:7

Mbreti dhe rrotulla

Ju mund ta përmblidhni ose ta lexoni paragrafin vijues.

Jeremia bëri atë që i urdhëroi Zoti dhe i kërkoi një njeriu me emrin Baruk që t’i shkruante fjalët e Zotit në një rrotull. Për shkak se Jeremia ishte i burgosur, ai i kërkoi Barukut t’ia lexonte fjalët e Zotit popullit të Judës, duke përfshirë disa princave. Pasi e bëri këtë, Baruku ia dha rrotullën princave për t’ia lexuar Jehojakimit, mbretit të Judës (shih te Jeremia 36:4–10, 14–15, 20–21).

Lexo te Jeremia 36:20–24, duke kërkuar mënyrën se si reagoi mbreti Jehojakim kur dëgjoi fjalët në rrotull, siç gjendet në vargun 23.

Përse mendon se mbreti reagoi në këtë mënyrë?

Lexo te Jeremia 36:25, duke kërkuar mënyrën se si disa princa u përpoqën të ndikonin te mbreti.

Ftojini nxënësit të imagjinojnë sikur të ishin princat në vargun 25. Duke përdorur atë që kanë mësuar në orën mësimore sot, kërkojuni nxënësve të përgatitin një përgjigje për mbretin që do ta ndihmonte atë të kuptojë mënyrën se si shkrimet e shenjta mund ta bekojnë jetën e tij.

Një mënyrë për ta bërë këtë veprimtari është ta organizoni klasën në grupe me nga tre veta. Çdo nxënës mund të përfaqësojë një nga princat, me grupet që i përgatitin përgjigjet e tyre së bashku. Më pas mund të ftoni një grup të dalë përpara klasës dhe të interpretojë me role ndërveprimin e tij me mbretin. Ju mund të ftoni një nxënës tjetër të luajë rolin e mbretit ose ju si mësues mund ta luani atë rol. Mund të sugjeroni që nxënësit të interpretojnë me role një fund ndryshe për historinë ku mbreti bindet të mos e djegë rrotullën.

Cila është një situatë e ditëve të sotme ku mësimet nga përgjigjja jote mund ta ndihmojnë një të ri?

Reflekto mbi atë që ke mësuar

Ju mund të jepni thënien vijuese për t’i ndihmuar nxënësit të reflektojnë mbi atë që mësuan nga studimi i tyre i kapitullit te Jeremia 36.

Plaku D. Tod Kristoferson, i Kuorumit të Dymbëdhjetë Apostujve, dha mësim:

“Nëpërmjet shkrimeve të shenjta Perëndia vërtet ‘[tregon] … fuqinë e tij’ [shihni tek Alma 37:14] për të shpëtuar dhe ekzaltuar fëmijët e Tij. Me anë të fjalës së Tij … Ai zgjeron kujtesën tonë, hedh dritë mbi pavërtetësinë dhe gabimin e na shtyn të pendohemi dhe të gëzojmë për Jezu Krishtin, Shëlbuesin tonë.” (“Bekimi prej Shkrimeve të Shenjta”, Ensign ose Liahona, maj 2010, f. 33)

Mund të ndihmojë t’u jepni nxënësve kohë për të përsiatur ose shënuar përgjigjen e tyre për pyetjen vijuese para se t’ia thonë klasës.

Si mund të ndikohet studimi yt vetjak kur e di se shkrimet e shenjta mund të të ndihmojnë të drejtohesh te Zoti dhe të marrësh faljen dhe udhërrëfimin e Tij?

Kjo mund të jetë një mundësi e mirë për nxënësit që të reflektojnë mbi synimet e tyre për studimin vetjak dhe leximin e detyruar për kreditet e seminarit. Merreni parasysh t’i ftoni nxënësit t’i rishikojnë synimet e tyre dhe të mendojnë rreth mënyrës se si mund të përqendrohen më shumë tek të drejtuarit te Jezu Krishti si pjesë e studimit të tyre vetjak të shkrimit të shenjtë.

Burime Shtesë

Çfarë bekimesh mund të vijnë nga studimi i shkrimeve të shenjta?

Presidenti Rasëll M. Nelson dha mësim:

15:2

“Unë ju premtoj se, kur e studioni me lutje Librin e Mormonit çdo ditë, ju do të merrni vendime më të mira – çdo ditë. Ju premtoj se, teksa e përsiatni atë që studioni, dritaret e qiellit do të hapen dhe ju do të merrni përgjigje për vetë pyetjet tuaja dhe drejtim për vetë jetën tuaj. Ju premtoj se, ndërsa e zhytni veten përditë në Librin e Mormonit, ju mund të fitoni imunitet kundër të ligave të ditës.” (“Libri i Mormonit: Si do të Ishte Jeta Juaj pa Të?”, Liahona, nëntor 2017, f. 62)

Presidenti Ezra Taft Benson shpjegoi:

“Fjala e Perëndisë, siç gjendet në shkrimet e shenjta, … ka fuqinë që t’i përforcojë shenjtorët e t’i armatosë me Shpirtin, në mënyrë që të mund t’i bëjnë ballë së ligës, të kapen fort pas së mirës dhe të gjejnë gëzim në këtë jetë.” (Mësime të Presidentëve të Kishës: Ezra Taft Benson [2014], f. 125)

Plaku D. Tod Kristoferson, i Kuorumit të Dymbëdhjetë Apostujve, tregoi:

“Në fund, qëllimi kryesor i gjithë shkrimit të shenjtë është që të mbushë shpirtin tonë me besim tek Perëndia Atë dhe tek Biri i Tij, Jezu Krishti – besim që Ata ekzistojnë; besim tek plani i Atit për pavdekësinë dhe jetën tonë të përjetshme; besim tek Shlyerja dhe Ringjallja e Jezu Krishtit, që i jep jetë këtij plani të lumturisë; besim që ta bëjmë ungjillin e Jezu Krishtit mënyrë jetese; dhe besimin që të arrijmë të njohim ‘të vetmin Perëndi të vërtetë, dhe Jezu Krishtin që [Ai ka] dërguar’ (Gjoni 17:3). …

[F]jalët e profetëve … rrjedhin drejt nesh pothuaj vazhdimisht nëpërmjet televizionit, radios, internetit, satelitit, … dhe shtypshkrimeve. Mendoj se kurrë gjatë historisë nuk ka qenë bekuar një popull me një sasi të tillë shkrimi të shenjtë. Dhe jo vetëm kjo, por çdo burrë, grua e fëmijë mund të ketë e të studiojë librin vetjak të këtyre teksteve të shenjta, shumicën në gjuhën e vet. … Me siguri, me këtë bekim Zoti po na thotë se nevoja që kemi për përdorimin e vazhdueshëm të shkrimeve të shenjta, është më e madhe se në çdo kohë të mëparshme.” (“Bekimi prej Shkrimeve të Shenjta”, Liahona, maj 2010, f. 34, 35)

Veprimtari Plotësuese të të Mësuarit

Shkrimet e shenjta mund të na ndihmojnë të mposhtim tundimin

Ju mund të bëni sa vijon në fund të pjesës së titulluar “Një qëllim i shkrimit të shenjtë”.

Tregoni historinë vijuese të treguar nga Plaku Nil L. Andersen, i Kuorumit të Dymbëdhjetë Apostujve. Një mënyrë për ta treguar këtë histori është t’i organizoni nxënësit në grupe me nga tre veta dhe t’i shpërndani një kopje të citatit secilit grup. Çdo nxënës mund të lexojë një paragraf. Ju mund të shkruani në tabelë pyetjet shoqëruese rreth të cilave nxënësit të mendojnë ndërkohë që i lexojnë dhe t’i diskutojnë më pas.

“Kur frekuentoja seminarin në shkollë të mesme, kisha një shoqe që ulej përballë meje në anën tjetër të rreshtit. Ajo ishte inteligjente dhe e mirë dhe kishte një personalitet dashamirës. Rallëherë e shihnim njëri-tjetrin jashtë seminarit. Gjatë gjithë vitit tim të fundit të shkollës së mesme, ne arritëm ta njihnim njëri-tjetrin në orën e seminarit dhe diskutonim shumë gjëra që ishin kuptimplota për ne.

Shoqja ime dukej se kishte një dëshirë për të bërë të drejtën dhe për t’i zbatuar urdhërimet, por në të njëjtën kohë ajo e kishte të vështirë të ishte vazhdimisht e bindur ndaj urdhërimeve. Në seminar, ajo fliste për dashurinë e saj për Perëndinë dhe për ungjillin, por më pas, shpesh të hënën në mëngjes, mësoja për veprimtaritë e saj në fundjavë dhe vështirësitë e saj për ta ndjekur Fjalën e Urtësisë dhe për të mbajtur standardet e tjera të Kishës. Ndonjëherë ajo më fliste për fundjavat e saj. Dukej se asaj i vinte keq për atë që kishte bërë dhe dëshironte të përmirësohej. Unë e inkurajoja duke i folur rreth forcës së vullnetit, zgjedhjes së shokëve të duhur, mospërfshirjes në situata të caktuara dhe aftësisë për të thënë jo. Ajo dukej se e vlerësonte inkurajimin, por vazhdonte të bënte të njëjtat gjëra muaj pas muaji. Ajo thoshte se dëshironte të ndryshonte dhe të pendohej, por kjo nuk dukej të ndodhte asnjëherë.

Po të bisedoja me të sot, do t’i flisja më pak rreth hapave që do të kërkoheshin për pendimin dhe shumë më tepër rreth burimit dhe fuqisë së aftësisë së saj për të ndryshuar, për t’u penduar dhe për të marrë faljen. Unë do të flisja rreth besimit të saj te Jezu Krishti. Do të përpiqesha ta ndihmoja të kuptonte se, nëse ajo do ta ndërtonte njohurinë dhe besimin e saj te Krishti dhe do ta forconte besimin e saj tek Ai, atëherë vetëbesimi dhe siguria e saj tek Ai do t’i sillte fuqi – fuqinë e Tij për ta ndihmuar atë të forcohej për ta ndryshuar sjelljen e saj.” (The Divine Gift of Forgiveness [2019], f. 98–99)

Çfarë do të kishte bërë ndryshe Plaku Andersen? Përse?
Si mund ta kishin ndihmuar shkrimet e shenjta këtë të re? (Merreni parasysh ta përdorni thënien nga Plaku Kristoferson te Burime Shtesë për të ndihmuar në përgjigjen e kësaj pyetjeje.)

Vlera e shkrimeve të shenjta

Për t’i ndihmuar nxënësit ta ndiejnë rëndësinë e shkrimeve të shenjta, mund të shfaqni këtë material filmik “President Nelson – The Scriptures Teach Us About Jesus Christ (for Youth)” [“Presidenti Nelson – Shkrimet e Shenjta na Mësojnë rreth Jezu Krishtit (për Të Rinjtë)”]. Mund ta bëni këtë para pjesës së fundit të mësimit.

0:60

Çfarë ju bën përshtypje rreth thënies së Presidentit Nelson?
Si ju kanë ndihmuar shkrimet e shenjta të drejtoheni te Jezu Krishti?

Baruku kundrejt mbretit Jehojakim

Për t’i ndihmuar nxënësit të ushtrojnë zotësinë e ballafaqimit të studimit të shkrimeve të shenjta, mund t’i ftoni ata ta krahasojnë reagimin e mbretit Jehojakim ndaj rrotullës (shihni te Jeremia 36:20–23) me reagimin e shkruesit të Jeremias, Barukut (shihni te Jeremia 36:27–28, 32).

Mund të doni të përmendni se mbreti Jehojakim vuajti pasojat për refuzimin e fjalëve të Zotit të thëna nëpërmjet Jeremias. Jehojakimin e lidhën dhe e çuan rob në Babiloni (shihni te Jeremia 22:18–19). Megjithatë, Baruku u bekua për besnikërinë e tij ndaj fjalëve të Zotit të thëna nëpërmjet Jeremias (shihni te Jeremia 45:5).