Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Jeremias 2–3: “Manumbalik Ka … Sapagkat Ako’y Maawain, Sabi ng Panginoon”

“Jeremias 2–3: ‘Manumbalik Ka … Sapagkat Ako’y Maawain, Sabi ng Panginoon,’” Manwal ng Guro ng Seminary para sa Lumang Tipan (2026)

“Jeremias 2–3: ‘Manumbalik Ka … Sapagkat Ako’y Maawain, Sabi ng Panginoon,’” Manwal ng Guro ng Seminary para sa Lumang Tipan

Jeremias 1–3; 7; 16–18; 20: Lesson 131

Jeremias 2–3

“Manumbalik Ka … Sapagkat Ako’y Maawain, Sabi ng Panginoon”

Katulad ng panahon ngayon, malakas ang makamundong impluwensya noong panahon ni Jeremias. Marami sa mga tao ng Panginoon ang tumalikod sa Kanyang mga turo at kalaunan ay nasakop ng kanilang mga kaaway. Sa kabila ng kanilang kasamaan, ipinadala si Jeremias upang ituro na inaanyayahan pa rin sila ng Diyos na bumaling sa Kanya at gumaling. Ang lesson na ito ay makatutulong sa mga estudyante na mapasidhi ang kanilang hangaring bumaling sa Tagapagligtas para sa awa at pagpapagaling.

Paghahanda ng estudyante: Sabihin sa mga estudyante na maghanap ng isang banal na kasulatan na nagtuturo tungkol sa mga pagpapala ng pagsisisi. Maaari silang maghandang magbahagi kung bakit makabuluhan sa kanila ang mga pagpapalang iyon.

Mga Posibleng Aktibidad sa Pag-aaral

Tipunan ng tubig na hindi malagyan ng tubig

Para matulungan ang mga estudyante na maunawaan ang kalagayan ng mga tao noong panahon ni Jeremias, ipaliwanag na madalas tayong tinutulungan ng Panginoon na makita ang mga espirituwal na katotohanan sa pamamagitan ng paghahambing ng mga ito sa mga bagay na pamilyar sa atin.

Maaari kang magdala sa klase ng isang pitsel ng tubig, isang palanggana o malaking mangkok, at isang basong may ilang maliliit na butas sa ilalim.

Itaas ang pitsel ng tubig habang binabasa ng mga estudyante ang sumusunod na talata.

Basahin ang Jeremias 2:13, at alamin ang titulo ng Tagapagligtas na maaaring kumatawan sa tubig. (Ang “tipunan” ay isang lugar sa ilalim ng lupa na ginawa para mag-imbak ng tubig.)

Ano ang maituturo sa atin ng titulong “bukal ng mga tubig na buhay” tungkol kay Jesucristo?

Maaaring magbahagi ang mga estudyante ng mga bagay tulad ng si Jesus ay palaging source ng pagiging malinis at espirituwal na kasiglahan.

Sabihin sa isang estudyante na hawakan ang baso sa ibabaw ng palanggana (para matiyak na hindi matatapon ang tubig) at magbuhos ng kaunting tubig sa baso mula sa pitsel. Maaaring makatulong sa mga estudyante na muling tingnan ang talata 13 bago itanong ang isa o ang lahat sa mga sumusunod na tanong.
Ano ang maaaring kinakatawan ng pagbuhos ng tubig sa baso mula sa talata?
Ano ang maituturo sa atin ng mga butas sa mga tipunan ng tubig tungkol sa espirituwal na kalagayan ng mga tao noong panahon ni Jeremias?

Ibahagi sa mga estudyante na ang mga tao sa panahon ni Jeremias ay bumaling sa mga bagay ng mundo, tulad ng mga diyus-diyusan sa halip na sa Panginoon, para sa layunin at lakas sa kanilang buhay.

Pagnilayan sandali kung gaano kayo nagkukusang bumaling kay Jesucristo para sa layunin at lakas sa inyong buhay. Habang nag-aaral kayo ngayon, maging bukas sa mga impresyon o damdamin mula sa Espiritu Santo tungkol sa pagbaling sa Tagapagligtas sa halip na sa ibang mga source para sa mga pagpapala at pagpapagaling.

Pakiramdam na malayo sa Ama sa Langit at kay Jesucristo

Upang matulungan ang mga estudyante na makaugnay sa sumusunod na sitwasyon, maaari kang magpakita ng larawan ng isang kabataan tulad ng nakapakita rito. Sabihin sa mga estudyante na mag-isip ng pangalan at ilang detalye tungkol sa kanya.

Isipin kunwari na may isang binatilyo sa inyong klase sa seminary na nadarama na tila isang sirang tipunan ng tubig ang kanyang buhay dahil sa mga maling desisyong nagawa niya noon. Pakiramdam niya ay malayo siya sa Ama sa Langit at kay Jesucristo at hindi siya umaasa na bubuti pa ang kanyang sitwasyon.

Basahin ang Jeremias 3:12–15, 22, at alamin ang mga paglalarawan tungkol kay Jesucristo na makatutulong kapag naunawaan ng kabataang ito. (Maaaring makatulong na malaman na ang ibig sabihin ng “taksil” sa mga talatang ito ay walang pananampalataya o alibugha.)

Maaari mong isulat sa pisara ang sumusunod na hindi kumpletong pahayag. Sabihin sa mga estudyante na magbahagi ng mga paraan para makumpleto ang pahayag gamit ang mga salita o parirala mula sa mga talata.

Para sa mga nagsisisi at bumabaling sa Panginoon, Siya ay …”

Maaaring kabilang sa mga sagot ang magiging “maawain,” “hindi [maga]galit,” (talata 12), “dadalhin kayo sa Sion,” (talata 14), “bibigyan kayo ng mga pastol (mga lider) na magpapakain sa inyo ng kaalaman at unawa,” (talata 15), “pagagalingin ang inyong kataksilan,” (talata 22), at iba pa.

Maaaring makatulong na maglaan ng ilang oras sa pagtalakay ng anumang parirala mula sa mga talatang ito kung saan maaaring may mga tanong ang mga estudyante. Sabihin sa mga estudyante na isulat sa kanilang journal ang isa o dalawang parirala na sa tingin nila ay makatutulong para maunawaan ng binatilyo sa sitwasyon ang tungkol kay Jesucristo. Ang mga estudyante ay magkakaroon ng pagkakataon na ibahagi ang pipiliin nila kalaunan.

Awa ng Ama sa Langit at ni Jesucristo

Para matulungan ang mga estudyante na madagdagan ang kanilang tiwala sa hangarin ng Panginoon na pagpalain at pagalingin ang mga bumabaling sa Kanya, maaari mong ibahagi ang sumusunod na pahayag.

Itinuro ni Elder Dieter F. Uchtdorf ng Korum ng Labindalawang Apostol ang sumusunod tungkol sa hangarin ng Ama sa Langit at ni Jesucristo na pagalingin ang mga nagsisisi:

Sino sa atin ang hindi lumisan sa landas ng kabanalan, na hangal na nag-aakalang mas liligaya tayo sa sarili nating makasariling paraan?

Sino sa atin ang hindi nakadama ng pagpapakumbaba, nabagbag ang puso, at naging desperado na mapatawad at kaawaan?

Marahil ay iisipin pa ng ilan, “Posible pa kayang bumalik? Habang panahon ba akong babansagan, tatanggihan, at iiwasan ng mga dati kong kaibigan? Mas mabuti pa kaya na manatili na lamang na nawawala? Paano tutugon ang Diyos kung susubukan kong bumalik?”…

Patakbo tayong sasalubungin ng ating Ama sa Langit, na puspos ng pagmamahal at habag ang Kanyang puso. …

Pinatototohanan ko na sa sandaling magpasiya kayong bumalik at lumakad sa landas ng ating Tagapagligtas at Manunubos, ang Kanyang kapangyarihan ay papasok sa inyong buhay at magbabago ito. (“Ang Alibugha at ang Daan Pauwi,” Liahona, Nob. 2023, 88)

Isulat sa inyong journal ang mga natutuhan ninyo mula sa pahayag na ito na magpapala sa binatilyo sa sitwasyon. Magkakaroon kayo ng pagkakataong ibahagi ang mga ito kalaunan.

Pangwakas

Ang sumusunod na aktibidad ay maaaring maging magandang pagkakataon para sa mga estudyante na madamang nagpapatotoo ang Espiritu Santo sa sinasabi nila at sa naririnig nila mula sa ibang estudyante.

Maaari mong ipakita ang mga sumusunod na tagubilin. (Ang unang punto sa ibaba ay nagbibigay ng pagkakataon sa mga estudyante na ibahagi ang ginawa nila para sa kanilang paghahanda bago magklase.)

Maghandang ibahagi ang sasabihin mo sa binatilyo sa sitwasyon sa pamamagitan ng pagrerebyu sa isinulat mo sa iyong journal. Maaari mo ring isama ang mga sumusunod:

Isang bagay mula sa isa pang banal na kasulatan o kuwento sa banal na kasulatan na nagpapakita ng mga pagpapala ng pagsisisi (Maaari mong hanapin ang magsisi, pagsisisi sa Gabay sa mga Banal na Kasulatan.)

Ang iyong nadarama tungkol sa pagmamahal at hangarin ng Tagapagligtas na tulungan ang lahat ng babaling sa Kanya

Matapos ang sapat na oras na makapaghanda ang mga estudyante, sabihin sa kanila na ibahagi sa kapartner o sa maliliit na grupo ang mga naisip nila.

Kapag nagkaroon na ang mga estudyante ng pagkakataong magbahagi, maaari mong tapusin ang lesson sa pamamagitan ng pag-anyaya sa ilang boluntaryo na ibahagi ang kanilang mga sagot sa sumusunod na tanong.

Ano ang natutuhan o nadama mo ngayon na maaaring makaimpluwensya sa iyong hangaring bumaling sa Tagapagligtas para sa Kanyang awa at pagpapagaling?

Karagdagang Resources

Anong mga pagpapala ang maaaring dumating sa pagbaling kay Jesucristo?

Itinuro ni Elder Neil L. Andersen ng Korum ng Labindalawang Apostol:

13:26

Sa pagpokus ng ating pansin kay Jesucristo, lahat ng nakapaligid sa atin—bagaman narito ngayon—ay nakikita natin na taglay ang ating pagmamahal sa Kanya. Ang mga hindi gaanong importanteng panggagambala ay naglalaho, at inaalis natin ang mga bagay na hindi ayon sa Kanyang liwanag at pagkatao. Habang patuloy ninyong pinagtutuunan ng pansin ang pag-apuhap sa kaisipang ito tungkol kay Jesucristo, ang pagtitiwala sa Kanya, at ang pagsunod sa Kanyang mga kautusan, ipinapangako ko sa inyo hindi lamang ang patnubay ng langit kundi maging ang kapangyarihang mula sa langit—kapangyarihan na naghahatid ng kalakasan sa inyong mga tipan, kapayapaan sa inyong mga paghihirap, at kagalakan sa inyong mga pagpapala. (“Naapuhap ng Aking Isipan ang Kaisipang Ito Tungkol kay Jesucristo,” Liahona, Mayo 2023, 93)

Paano kung pakiramdam mo ay masyado ka nang napalayo?

Ibinahagi ni Elder Dieter F. Uchtdorf ng Korum ng Labindalawang Apostol:

14:32

Anuman ang nangyari sa buhay ninyo, inuulit ko at ipinapahayag ang mga salita ng mahal kong kaibigan at kapwa Apostol na si Elder Jeffrey R. Holland: “Hindi posibleng lumubog kayo nang mas malalim kaysa kayang abutin ng walang hanggang liwanag ng [nagbabayad-salang sakripisyo] ni Cristo.”

Bagama’t maaaring inilayo kayo ng mga pagpiling ginawa mula sa Tagapagligtas at sa Kanyang Simbahan, ang Dalubhasang Manggagamot ay nakatayo sa daan pauwi, at malugod kayong tinatanggap. At tayo na mga miyembro ng Simbahan ni Jesucristo ay nagsisikap na tularan ang Kanyang halimbawa at yayakapin kayo bilang aming mga kapatid, at aming mga kaibigan. Magkasama tayong magsasaya at magdiriwang. (“Ang Alibugha at ang Daan Pauwi,” Liahona, Nob. 2023, 88)

Ipinahayag ni Pangulong Jeffrey R. Holland ng Korum ng Labindalawang Apostol:

Itinuturo sa atin ng lahat ng bagay sa ebanghelyo na maaari tayong magbago kung kinakailangan natin, na matutulungan tayo kung talagang gusto natin ito, na mapapagaling tayo, anuman ang mga problema ng nakaraan. (“He Hath Filled the Hungry with Good Things,” Ensign Nob. 1997, 66)

Mga Karagdagang Aktibidad sa Pag-aaral

“Mga bagay na walang pakinabang” (Jeremias 2:8, 11)

Kaugnay ng pag-aaral ng Jeremias 2:13, maaari naipatukoy at napamarkahan mo sa mga estudyante ang mga katagang “mga bagay na walang pakinabang” at “sa hindi pinakikinabangan” sa Jeremias 2:8, 11. Maaari mong sabihin sa mga estudyante na basahin ang sumusunod na pahayag mula kay Pangulong Nelson, at alamin kung paano ito nauugnay sa mga turo ni Jeremiah:

18:44

[N]arito ang dakilang katotohanan: habang iginigiit ng mundo na ang kapangyarihan, kayamanan, katanyagan, at mga kasiyahan ng laman ay naghahatid ng kaligayahan, hindi tama iyon! Hindi nila kaya iyon! Ang talagang idinudulot nila ay walang iba kundi isang hungkag na pamalit sa “pinagpala at maligayang kalagayan” ng mga [taong] “sumusunod sa mga kautusan ng Diyos.”

Ang katotohanan ay mas nakapapagod maghanap ng kaligayahan kung saan hindi ninyo ito matatagpuan kailanman! Gayunpaman, kapag inilalapit ninyo ang sarili kay Jesucristo at ginagawa ninyo ang espirituwal na gawaing kailangan upang madaig ang mundo, Siya, at Siya lamang, ang may kapangyarihang hilahin kayo palayo sa impluwensya ng mundong ito. (“Daigin ang Mundo at Makasumpong ng Kapahingahan,” Liahona, Nob. 2022, 96–97)

Ano ang mga halimbawa ng mga bagay na hinahanapan ng mga tao ng kaligayahan kung saan hindi ito kailanman matatagpuan? Paano iyon maihahalintulad sa isang sirang tipunan o lalagyan?
Paano kayo nakahanap o ang iba pang kakilala ninyo ng kagalakan sa pagsunod sa Tagapagligtas?

Bumaling sa Panginoon

Kung minsan, gumagamit ang mga banal na kasulatan ng mga parirala na inaakala nating naiintindihan ng mga estudyante, ngunit hindi pala nila naiintindihan. Maaaring makatulong na tiyaking nauunawaan ng mga estudyante kung paano nila magagawang “manumbalik” kay Jesucristo (tingnan sa Jeremias 3:12, 22). Ang isang paraan na maaari mong magawa ito ay ang pag-anyaya sa kanila na maghanap ng banal na kasulatan na nagtuturo tungkol sa pagbaling sa Panginoon. Kabilang sa mga halimbawa ang 2 Nephi 31:20; Enos 1:2–4; Moroni 7:16; at Doktrina at mga Tipan 11:12.

Pagkatapos ay maaari mong anyayahan ang mga estudyante na ibahagi ang nalaman nila at kung paano ito makatutulong sa isang tao na bumaling o bumalik sa Panginoon.

Isang halimbawa ng awa at pagmamahal ng Panginoon

Bilang alternatibo sa mga halimbawang video sa lesson, maaari mong ipanood ang “Wheelz: Overcoming is Possible.” Sabihin sa mga estudyante na alamin kung paano ipinapakita ng kuwentong ito ang itinuro ng Panginoon sa Jeremias 3:12–15, 22.

7:13