Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Isaias 61: Ang Misyon ni Jesus, ang Mesiyas

“Isaias 61: Ang Misyon ni Jesus, ang Mesiyas,” Manwal ng Guro ng Seminary para sa Lumang Tipan (2026)

“Isaias 61: Ang Misyon ni Jesus, ang Mesiyas,” Manwal ng Guro ng Seminary para sa Lumang Tipan

Isaias 58–66: Lesson 128

Isaias 61

Ang Misyon ni Jesus, ang Mesiyas

Jesus healing a lame man. Outtakes include some of the other cast members, Jesus and disciples, and Jesus helping the lame man up by the hand.

Sa Isaias 61, itinuro ni Isaias ang misyon ni Jesucristo sa plano ng Ama sa Langit na pagalingin, palayain, panatagin, at iligtas tayo. Maaaring kung minsan ay hindi sigurado ang ilang tao kung ibinibigay ni Jesucristo ang tulong at kapanatagan na iyon sa ating buhay. Ang lesson na ito ay makatutulong sa mga estudyante na madagdagan ang kanilang kumpiyansa sa kakayahan ng Tagapagligtas na pagalingin, palayain, at panatagin tayo.

Paghahanda ng estudyante: Anyayahan ang mga estudyante na isipin ang mga katibayan na nakita nila sa kanilang buhay o sa buhay ng iba na pinagagaling, pinapanatag, at pinasisigla ni Jesucristo ang mga tao ngayon. Hilingin sa kanila na dumating sa klase na handang ibahagi ang kanilang mga naisip.

Mga Posibleng Aktibidad sa Pag-aaral

Ang pangangailangan natin sa Mesiyas

Upang matulungan ang mga estudyante na maunawaan ang ating pangangailangan kay Jesucristo, maaari mong simulan ang klase sa pamamagitan ng pagpapakita ng larawan ng babaeng dinudugo mula sa Bagong Tipan (tingnan sa Marcos 5:24–34).

Sabihin sa mga estudyante na ibahagi ang nalalaman nila tungkol sa kanyang sitwasyon. Kung kinakailangan, ipaliwanag na may problema siya sa kalusugan, at siya ay “labindalawang taon nang dinudugo“ (Marcos 5:25). “Nagugol na niya ang lahat ng nasa kanya” sa paghahanap ng lunas mula sa mga manggagamot, pero lumubha lang ang kanyang sakit (Marcos 5:26). Sa ilalim ng batas ni Moises, ang isang taong dinudugo ay itinuturing na marumi (tingnan sa Levitico 15:19–33), kaya malamang na hindi ibinilang sa lipunan ang babaeng ito sa loob ng 12 taon na iyon.

Itanong ang mga sumusunod habang ipinapakita ang larawan.

Sa palagay ninyo, ano ang maaaring naisip o nadama niya?
Paano maaaring gayon din ang maisip o madama ng isang tinedyer sa panahon ngayon?

Maaaring anyayahan ng mga estudyante ang personal na paghahayag sa kanilang pag-aaral sa pamamagitan ng pag-iisip tungkol sa kanilang buhay at mga kalagayan. Ang isang paraan kung paano sila matutulungan na gawin ito ay sa pamamagitan ng pagpapakita ng mga tagubilin tulad ng sumusunod:

Isipin ang mga hamon na kinakaharap mo o ng isang taong kilala mo ngayon at paano ninyo kakailanganin ang tulong ng Tagapagligtas. Ipinropesiya ni Isaias kung paano tayo matutulungan ng Tagapagligtas at ang babaeng ito. Habang pinag-aaralan mo ang Isaias 61 ngayon, humingi ng patnubay sa Espiritu upang matulungan kang makita kung paano kumikilos ang Ama sa Langit at si Jesucristo sa iyong buhay.

Ang misyon ng Mesiyas

Upang maihanda ang mga estudyante na pag-aralan ang Isaias 61, isulat sa itaas ng pisara ang sumusunod na parirala: Isinugo ng Ama sa Langit si Jesucristo upang …

Sa Isaias 61, ipinropesiya ni Isaias ang tungkol sa Tagapagligtas at sa Kanyang misyon. Sa mga talatang ito, si Isaias ay nangusap nang mala-mesiyas o na tila ang Tagapagligtas ang bumibigkas sa mga salita.

Basahin ang Isaias 61:1–3, at tapusin ang pahayag sa pisara: Isinugo ng Ama sa Langit si Jesucristo upang …

Maaari mong ipaliwanag na ang ibig sabihin ng hinirang sa talata 1 ay si Jesucristo ay itinalaga o isinugo na may partikular na layunin. “Cristo (isang salitang Griyego) at Mesiyas (isang salitang Hebreo) ay nangangahulugang ‘ang pinahiran‘” (“Jesucristo,” Gabay sa mga Banal na Kasulatan).

Maaari mo ring ipaliwanag na ang inaapi sa konteksto ng talata 1 ay maaaring mangahulugang dukha, naghihirap, o mapagpakumbaba.

Ano ang nalaman ninyo na nakatutulong sa inyo na maunawaan kung paano matutulungan ng Tagapagligtas ang isang tao ngayon?

Maaari mong isulat sa pisara ang ibabahagi ng mga estudyante o anyayahan silang gawin ito. Habang nagbabahagi ang mga estudyante, maaari nilang tapusin ang sumusunod na pahayag: Isinugo ng Ama sa Langit si Jesucristo upang …

Ipangaral ang ebanghelyo sa mga dukha, naghihirap, at mapagpakumbaba (tingnan sa talata 1).
Pagalingin ang mga bagbag na puso (tingnan sa talata 1).
Palayain ang bihag (tingnan sa talata 1).
Aliwin ang lahat ng tumatangis (tingnan sa talata 2).
Bigyan ng kagandahan at kagalakan ang mga lupaypay ang diwa (tingnan sa talata 3).

Ang pagtatanong ng mga follow-up na tanong ay isang mabisang kasanayan para matulungan ang mga estudyante na suriin ang napag-aralan nila sa mga banal na kasulatan o ang narinig nilang ibinahagi ng isang tao. Maaari mong pag-isipang magbigay ng mga follow-up na tanong tulad ng mga sumusunod upang matulungan ang mga estudyante na isipin ang kahulugan ng tekstong: “Sa anong mga paraan maaaring mabihag ang isang tao?“ o “Ano sa palagay mo ang ibig sabihin ng bibigyan niya tayo ng ’putong na bulaklak sa halip na mga abo’?“

Pag-alam kung paano isinasakatuparan ng Tagapagligtas ang Kanyang misyon

Maaari mong ibahagi sa mga estudyante ang sumusunod na buod ng Lucas 4:16–21.

Sa Kanyang buhay sa lupa, binasa ni Jesucristo ang Isaias 61 sa sinagoga sa Kanyang bayan ng Nazaret. Sa pamamagitan ng mga salita ni Isaias, nagpatotoo si Jesucristo na Siya ang ipinangakong Mesiyas na isinugo ng Ama sa Langit na may misyon na magpagaling, magpalaya, magpanatag, at magligtas (tingnan sa Lucas 4:16–21).

Upang matulungan ang mga estudyante na makita kung paano maisasakatuparan ng Tagapagligtas ang Kanyang misyon sa kanilang buhay, maaari mong anyayahan ang mga estudyante na pag-aralan sa mga grupo ang mga halimbawa mula sa mga banal na kasulatan.

Pumili ng isa sa mga pahayag sa pisara. Pag-aralan ang isang halimbawa sa mga banal na kasulatan kung saan isinasakatuparan ng Tagapagligtas ang Kanyang misyon sa pamamagitan ng pagtulong sa isang tao sa kanyang naiibang hamon. Maaari mong gamitin ang ibinigay na halimbawa sa banal na kasulatan o maghanap ng sarili mo. Maaari ka ring mag-isip ng isang makabagong halimbawa.

Naghihirap: Lalaking lumpo (Marcos 2:1–12)
Bagbag na puso o namimighati: Ang babaeng dinudugo (Marcos 5:24–34)
Bihag: Ang Nakababatang Alma (Alma 36:16–21)
Tumatangis: Sina Maria at Marta (Juan 11:20–36)
Lupaypay na diwa: Si Alma at ang kanyang mga tao (Mosias 24:8–21)

Habang pinag-aaralan mo ito, maghanap ng mga sagot para sa mga sumusunod na tanong:

Ano ang itinuturo sa iyo ng salaysay na ito tungkol sa kung paano maisasakatuparan ni Jesucristo ang Kanyang misyon para sa iyo sa buhay mo?
Ano ang itinuturo sa iyo ng salaysay na ito tungkol sa kung paano mo maaanyayahan ang Kanyang kapangyarihan sa buhay mo?

Habang nag-aaral ang mga estudyante, maging handang tumulong sa pagsagot sa anumang tanong na maaaring mayroon sila.

Pagkatapos nilang mag-aral, maaari mong anyayahan ang mga estudyante na ibahagi ang natutuhan nila na maaaring makatulong sa isang tao na nahaharap sa isang mahirap na hamon.

Ang pagtatanong na nag-aanyaya sa mga estudyante na pagnilayan ang mga personal na karanasan, tulad ng sumusunod, ay makatutulong sa kanila na madama ang pagmamahal, kapangyarihan, at awa ni Jesucristo sa kanilang buhay. (Para sa karagdagang training sa pagbibigay ng mga paanyaya na makatutulong sa mga estudyante na madama ang pagmamahal, kapangyarihan, at awa ng Panginoon, tingnan ang “Tulungan ang mga mag-aaral na madama ang pagmamahal, kapangyarihan, at awa ng Panginoon sa kanilang buhay” sa Mga Kasanayan para sa Pag-unlad ng Guro.)

Kung makikinabang ang mga estudyante na makakita ng isang makabagong halimbawa bago ibahagi ang kanilang mga karanasan, maaari mong ipanood ang karanasan ni Darlyn sa “Feeling the Lord’s Love and Goodness in Trials“ (4:18).

4:17
Sa anong mga paraan mo nakita na isinasakatuparan ni Jesucristo ang Kanyang misyon sa buhay mo o sa buhay ng isang taong kilala mo?

Pagbabahagi ng pinaniniwalaan mo tungkol sa Kanya

Bigyan ng oras ang mga estudyante na iproseso kung paano makakaapekto ang mga bagay na kanilang natutuhan sa kanilang buhay sa labas ng klase. Ang sumusunod na aktibidad ay nauugnay sa hamon na naisip nila sa unang bahagi ng klase.

Sumulat ng mensahe sa taong iniisip mo ngayon na kasalukuyang nakakaranas ng paghihirap sa kanilang buhay (maaaring ang taong ito ay ikaw mismo). Hingin ang tulong ng Espiritu na gabayan ka habang nagsusulat ka. Sa liham, magbahagi ng mga katotohanan o karanasan na narinig at natutuhan mo ngayon tungkol sa Tagapagligtas na sa palagay mo ay makapaghihikayat o makapagbibigay ng pag-asa sa tao na ito.

Maaari mo itong tapusin sa pagpapatotoo mo tungkol kay Jesucristo at sa Kanyang kapangyarihan.

Karagdagang Resources

Isaias 61:3. Ano ang maaaring ibig sabihin ng ”bigyan sila ng putong na bulaklak sa halip na mga abo”?

Ang mga Israelita ay may kaugaliang magbuhos ng mga abo sa kanilang mga ulo kapag matindi ang kanilang kalungkutan sa mga panahon ng pagbagsak, kamatayan, o kawalan ng pag-asa. Ang paggamit ng mga abo sa talatang ito ay malamang na batay sa simbolismong iyon.

Itinuro ni Elder Bruce C. Hafen ng Korum ng Pitumpu:

Mararanasan ng bawat isa sa atin ang mapait na abo ng buhay, mula sa kasalanan at pagpapabaya hanggang sa kalungkutan at kabiguan. Ngunit maiaangat tayo ng pagbabayad-sala ni Cristo sa kagandahan mula sa mga abo sa pamamagitan ng tiyak na pangako ng kawalang-kamatayan at buhay na walang hanggan. Sa gayon ay itataas Niya tayo, hindi lamang sa katapusan ng buhay, kundi sa bawat araw ng ating buhay. (“Beauty for Ashes: The Atonement of Jesus Christ,” Liahona, Abril 1990, 48)

Nagpatotoo si Sister Kristin M. Yee, Pangalawang Tagapayo sa Relief Society General Presidency:

10:7

Personal kong nasaksihan ang pagpapagaling ni Cristo sa aking puso na puno ng pagkapoot. Nang may pahintulot ng aking ama, ikukuwento ko na lumaki ako sa isang tahanan kung saan nadama ko na hindi ako laging ligtas dahil sa pang-aabusong emosyonal at masasakit na pananalita. Noong kabataan ko hanggang magdalaga ako, kinamuhian ko ang aking ama at nagkaroon ng galit sa puso ko.

Sa paglipas ng mga taon at sa pagsisikap na makahanap ng kapayapaan at paggaling sa landas ng pagpapatawad, natanto ko na ang Anak ng Diyos na nagbayad-sala para sa aking mga kasalanan ay ang siya ring Manunubos na magliligtas sa mga taong labis na nakasakit sa akin. Kung talagang naniniwala ako na nagbayad-sala ang Tagapagligtas para sa akin, kailangan ko ring maniwala na nagbayad-sala Siya para sa mga taong nakasakit sa akin.

Habang nag-iibayo ang pagmamamahal ko sa Tagapagligtas, gayon din ang hangarin ko na mapagaling ng Kanyang balsamo ang sakit at poot na nadarama ko. Mahabang proseso iyon, at nangailangan ng tapang, katapatan, pagtitiyaga, at pagkatutong magtiwala sa banal na kapangyarihan ng Tagapagligtas na magligtas at magpagaling. May mga kailangan pa akong gawin, ngunit wala na ang poot at paghihiganti sa puso ko. Pinagkalooban ako ng “bagong puso” [Ezekiel 36:26]—pusong nakadarama ng matindi at walang hanggang pagmamahal ng Tagapagligtas, na laging nariyan, na mahinahon at matiyagang umakay sa akin patungo sa mas mainam na lugar, na nanangis kasama ko, at alam ang kalungkutang nadarama ko. (“Putong na Bulaklak sa Halip na mga Abo: Ang Nagpapagaling na Landas ng Pagpapatawad,” Liahona, Nob. 2022, 37)

Isaias 61:3, 10. Ano ang maaaring ibig sabihin ni Isaias nang sabihin niya ang tungkol sa pagiging “binihisan … ng mga damit ng kaligtasan“ o “tinakpan … ng balabal ng katuwiran“?

Itinuro ni Pangulong Russell M. Nelson, “Sa Hebreo, ang pangunahing salita sa pagbabayad-sala ay kaphar, isang pandiwa na ang ibig sabihin ay ‘takpan’ o ‘patawarin’” (“The Atonement,” Ensign, Nob. 1996, 34). Kaya nga, ang mga imahe ng pagiging binihisan ng mga damit ng kaligtasan at pagiging tinakpan ng balabal ng katuwiran ay may direktang kaugnayan sa mga pagpapalang dumarating sa atin sa pamamagitan ni Jesucristo at ng Kanyang Pagbabayad-sala.

Itnuro ni Elder Kent F. Richards ng Korum ng Pitumpu:

Ang Tagapagligtas ay hindi tahimik na nagmamasid. Alam na alam Niya mismo ang lahat ng pasakit na ating dinaranas ….

Minsan sa gitna ng sakit na dinaranas natin, natutukso tayong magtanong, “Wala bagang balsamo sa Galaad; wala bagang manggagamot doon?” [Jeremias 8:22] Pinatototohanan ko na mayroon, may manggagamot. Sakop ng pagbabayad-sala ni Jesucristo ang lahat ng kundisyon at layuning ito ng buhay sa mundo. (“Sakop ng Pagbabayad-sala ang Lahat ng Nararamdaman nating Sakit,” Liahona, Mayo 2011, 15–16)

Mga Karagdagang Aktibidad sa Pag-aaral

Alternatibong simula

Upang simulan ang klase, maaari kang magdrowing sa pisara ng isang larawan ng isang wasak na puso at hilingin sa mga estudyante na ilista ang mga sitwasyon kung saan maaaring mamighati ang isang tinedyer. Maaari ding ilista ng mga estudyante ang iba pang saloobin o emosyon na maaaring madama ng isang tinedyer sa mga sitwasyong iyon. Pagkatapos, maaaring kumpletuhin ng mga estudyante ang aktibidad sa journal ayon sa nakasulat sa lesson.

Paano isinasakatuparan ni Jesucristo ang Kanyang misyon sa kasalukuyang panahon

Kapag inaanyayahan ang mga estudyante na magbasa ng mga halimbawa sa mga banal na kasulatan kung saan naisakatuparan ni Jesucristo ang ilan sa mga propesiya sa Isaias 61, maaari mo ring anyayahan ang mga estudyanteng may mga electronic device at headphone na pumili ng isa sa mga video mula sa “His Grace“ video collection na makikita sa Gospel Library. Maaari nilang panoorin ang video at pag-isipan ang parehong mga tanong sa mga taong piniling basahin ang mga kuwento sa banal na kasulatan. Ang mga video na ito ay naglalaman ng mga kuwento at patotoo ng mga kapwa banal na nakaranas ng biyaya ng Tagapagligtas sa mahihirap na sitwasyon.