« អេសាយ ៥៨–៦៦ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« អេសាយ ៥៨–៦៦ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
អេសាយ ៥៨–៦៦
អេសាយ ៥៨–៦៦
ទិដ្ឋភាពទូទៅ
តាមរយៈអេសាយ ព្រះអម្ចាស់បានសន្យាចំពោះអស់អ្នកដែលតមអាហារ ហើយរក្សាថ្ងៃឈប់សម្រាកឲ្យបរិសុទ្ធ ។ អេសាយក៏បានព្យាករអំពីបេសកកម្មរបស់ព្រះអង្គសង្គ្រោះ ការយាងមកជាលើកទីពីរ និងសហស្សវត្សរ៍ផងដែរ ។
ជួយសិស្សឲ្យស្គាល់សេចក្តីស្រឡាញ់ ព្រះចេស្តា និងសេចក្តីមេត្តាករុណារបស់ព្រះអម្ចាស់នៅក្នុងជីវិតរបស់ពួកគេ ។ វាជាការល្អដើម្បីស្គាល់ពីសេចក្តីស្រឡាញ់ ព្រះចេស្តា និងសេចក្តីមេត្តាករុណារបស់ព្រះអង្គសង្គ្រោះ ប៉ុន្តែយើងក៏ត្រូវដឹងពីរបៀបដកពិសោធ នូវរឿងទាំងនោះផងដែរ ។ សូមអញ្ជើញសិស្សឲ្យគិតពិចារណាពីបទពិសោធន៍ផ្ទាល់ខ្លួនទាំងឡាយ នៅពេលពួកគេបានឃើញសេចក្ដីស្រឡាញ់ ព្រះចេស្ដា និងសេចក្ដីមេត្តាករុណារបស់ព្រះអម្ចាស់ អាចជួយពួកគេឲ្យមានអារម្មណ៍កាន់តែខិតជិតទ្រង់ ។ ឧទាហរណ៍មួយនៃរបៀបធ្វើបែបនេះ អាចរកបាននៅក្នុងមេរៀនទី ១២៨ ៖ « អេសាយ ៦១ » ។ ដើម្បីស្វែងយល់បន្ថែម សូមមើល « ជួយសិស្សឲ្យទទួលស្គាល់សេចក្តីស្រឡាញ់ ព្រះចេស្តា និងសេចក្តីមេត្តាករុណារបស់ព្រះអម្ចាស់នៅក្នុងជីវិតរបស់ពួកគេ » ( ការបង្រៀនតាមរបៀបរបស់ព្រះអង្គសង្គ្រោះ [ ឆ្នាំ២០២២ ] ទំព័រ ៨ ) ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
អេសាយ ៥៨:១–១២
គោលបំណងមេរៀន ៖ ដើម្បីជួយសិស្សឲ្យមានបំណងប្រាថ្នាចង់តមអាហារតាមរបៀបរបស់ព្រះអម្ចាស់ ។
-
ការរៀបចំសិស្ស ៖ សូមអញ្ជើញសិស្សឲ្យជញ្ជឹងគិតពីអារម្មណ៍របស់ពួកគេអំពីការតមអាហារ និងមូលហេតុនៃការតមអាហារ ។ ពួកគេក៏អាចស្នើសុំឪពុកម្តាយ ឬមិត្តភក្តិដែលទុកចិត្តឲ្យចែកចាយគំនិត និងអារម្មណ៍របស់ពួកគេផងដែរ ។
-
វីដេអូ ៖ « Fast Offerings: A Simple Commandment with a Marvelous Promise » ( ៣:០១ )
អេសាយ ៥៨:១៣–១៤
គោលបំណងមេរៀន ៖ ដើម្បីជួយសិស្សឲ្យគោរពព្រះអម្ចាស់នៅថ្ងៃឈប់សម្រាក ។
-
ការរៀបចំសិស្ស ៖ សូមអញ្ជើញសិស្សឲ្យគិតពិចារណាអំពីអ្វីដែលពួកគេបានដឹងរួចហើយអំពីការថ្វាយបង្គំព្រះវរបិតាសួគ៌ និងព្រះយេស៊ូវគ្រីស្ទនៅថ្ងៃឈប់សម្រាក ។ ពួកគេអាចធ្វើបញ្ជីនៃអ្វីដែលពួកគេមានអារម្មណ៍ថា ពួកគេធ្វើបានល្អដើម្បីធ្វើឲ្យថ្ងៃឈប់សម្រាកបានបរិសុទ្ធ ។
-
វីដេអូ ៖ « ថ្ងៃឈប់សម្រាកជាថ្ងៃមួយដ៏សប្បាយ » ( ១៤:៤៦ ) ចាប់ពីនាទីទី ៣:២៧ ដល់ ៤:៤១
អេសាយ ៦១
គោលបំណងមេរៀន ៖ ដើម្បីជួយសិស្សបង្កើនទំនុកចិត្តរបស់ពួកគេលើព្រះសមត្ថភាពរបស់ព្រះអង្គសង្គ្រោះក្នុងការព្យាបាល រំដោះ និងលួងលោមយើង ។
-
ការរៀបចំសិស្ស ៖ សូមអញ្ជើញសិស្សឲ្យជញ្ជឹងគិតអំពីភស្តុតាងដែលពួកគេបានឃើញនៅក្នុងជីវិតរបស់ពួកគេ ឬជីវិតរបស់អ្នកដទៃ ដែលព្រះយេស៊ូវគ្រីស្ទប្រោសឲ្យជា លួងលោម និងលើករាស្រ្តទ្រង់ឡើងនៅថ្ងៃនេះ ។ សូមស្នើពួកគេឲ្យមករៀនដោយរៀបចំខ្លួនដើម្បីចែកចាយគំនិតរបស់ពួកគេ ។
-
មាតិកាដែលត្រូវបង្ហាញ ៖ ការអញ្ជើញឲ្យស្វែងរកវិវរណៈផ្ទាល់ខ្លួន ពេលកំពុងសិក្សា អេសាយ ៦១ ។
-
រូបភាព ៖ រូបភាពស្ត្រីម្នាក់ដែលមានជំងឺធ្លាក់ឈាម
-
វីដេអូ ៖ « Feeling the Lord’s Love and Goodness in Trials » ( ៤:១៨ )
អេសាយ ៦០–៦៦
គោលបំណងមេរៀន ៖ ដើម្បីជួយឲ្យមានអារម្មណ៍រំភើបសម្រាប់ការយាងមកជាលើកទីពីរ និងការសោយរាជ្យក្នុងសហស្សវត្សរ៍របស់ព្រះអង្គសង្គ្រោះ ។
-
ការរៀបចំសិស្ស ៖ សូមអញ្ជើញសិស្សឲ្យជញ្ជឹងគិតអំពីអ្វីដែលពួកគេដឹងអំពីការយាងមកជាលើកទីពីរ និងការសោយរាជ្យក្នុងសហស្សវត្សរ៍របស់ព្រះអង្គសង្គ្រោះ ។ សូមអញ្ជើញពួកគេឲ្យជញ្ជឹងគិត ប្រសិនបើពួកគេទន្ទឹងរង់ចាំថ្ងៃនោះ ហើយហេតុអ្វី ។ ពួកគេអាចសួរឪពុក ឬម្តាយ ឬមជ្ឈិមវ័យដែលទុកចិត្តថាតើពួកគេមានអារម្មណ៍យ៉ាងណាចំពោះការយាងមកវិញរបស់ព្រះអង្គសង្គ្រោះ ។